လံာ်ယၡါယၤ 26:8 - Sgaw Karen Common Bible

⁸ ပမၤထွဲတၢ်ဘၣ်နသးဒီးပာ်ပတၢ်မုၢ်လၢ်လၢနပူၤလီၤ. ကယဲၢ်ပတၢ်သးအိၣ်န့ၣ်မ့ၢ်ထဲနၤတဂၤလီၤ.

လံာ်ယၡါယၤ 26:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

စံးထီၣ်ပတြၢၤ 106:3

ပှၤလၢအတိၢ်န့ၢ်အဝဲအတၢ်မၤလိာ်တဖၣ်, ဒီးပှၤလၢအမၤတၢ်တီတၢ်လိၤ ကိးဆၢကိးကတီၢ်ဒဲးန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 130:5

ယခိးကွၢ်လၢ်ယွၤအတၢ်မၤစၢၤလၢ တၢ်သူၣ်ဆူၣ်သးဂဲၤ ဒီးယနာ်တၢ်လၢအကလုၢ်ကထါအပူၤန့ၣ်လီၤ.

စံးထီၣ်ပတြၢၤ 18:23

အဝဲသ့ၣ်ညါဝဲလၢယတၢ်ကမၣ်တအိၣ်ဘၣ် ဒီးယဟးဆှဲးတ့ၢ်တၢ်မၤကမၣ်တၢ်န့ၣ်လီၤ.

စံးထီၣ်ပတြၢၤ 42:2

ကစၢ်ယွၤလၢအမူဝဲတဂၤဧၢ, တၢ်သူယသးလၢနၤလီၤ. ယကလဲၤဒီးဘူၣ်ထီၣ်ဘါထီၣ်ဘၣ်နၤအခါဖဲလဲၣ်.

စံးထီၣ်ပတြၢၤ 65:6

နပာ်လီၤကစၢၢ်ကလိသ့ၣ်တဖၣ်လၢအလီၢ်ဒၣ်ဝဲ ခီဖျိနဂံၢ်နဘါ, ပာ်ဖျါထီၣ်နတၢ်စိတၢ်ကမီၤဖးဒိၣ်န့ၣ်လီၤ.

စံးထီၣ်ပတြၢၤ 73:25

နမ့ၢ်ဒၣ်ပှၤထဲတဂၤဧိၤလၢ ယဒိးန့ၢ်ဘၣ်လၢမူခိၣ်န့ၣ်လီၤ. မ့ၢ်လၢယဒိးန့ၢ်ဘၣ်လံနၤအဃိ ယလိၣ်ဘၣ်ဒံး တၢ်မနုၤတမံၤလၢဟီၣ်ခိၣ်ချၢန့ၣ်လဲၣ်.

စံးထီၣ်ပတြၢၤ 84:2

ယသးဆၢလဲၤဘၣ်ဆူယွၤအဂၢၤတဖၣ်အပူၤ, တုၤယလီၤဘှါဝဲဒၣ်န့ၣ်လီၤ. ယသးဒီးယညၣ်သးဝံၣ်တၢ်လၢတၢ်သူၣ်ခုသးခု ဆူကစၢ်ယွၤလၢအမူဝဲတဂၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 3:15

တဲဘၣ်ပှၤအံၣ်စရ့လးဖိတဖၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲး, ဒီးစီၤယၤကိာ်အကစၢ်ယွၤန့ၣ်ဆှၢလီၤနၤဆူ အဝဲသ့ၣ်အအိၣ်တက့ၢ်. အအံၤမ့ၢ်ယမံၤအထူအယိာ် လၢပှၤတစိၤဘၣ်တစိၤကဘၣ်ကိးယၤန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 5:8

ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤတၢ်ဒီးယၤလၢ သုမ့ၢ်ထံၣ်ဘၣ်ယတၢ်အဲၣ်န့ၣ်, သုကဘၣ်တဲဘၣ်အီၤလၢယဂံၢ်ယဘါလီၤစၢ်လၢတၢ်အဲၣ်အဃိတက့ၢ်.

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်ယၡါယၤ 24:15

ဒီးပှၤလၢမုၢ်ထီၣ်တဖၣ်ကစံးထီၣ်ပတြၢၤအီၤလီၤ. ပှၤဂီၢ်မုၢ်လၢအအိၣ်လၢပီၣ်လဲၣ်နံၤတဖၣ်ကစံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်လီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 26:13

ယွၤ, ပကစၢ်ယွၤဧၢ, ပဘၣ်တၢ်ပၢတ့ၢ်ပှၤလၢပှၤအဂၤတဖၣ်, ဘၣ်ဆၣ်ထဲနၤတဂၤဧိၤနမ့ၢ်ပယွၤလီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 33:2

ယွၤဧၢ, သူၣ်ကညီၤသးကညီၤလၢ်ပှၤတက့ၢ်. ပပာ်ပတၢ်မုၢ်လၢ်လၢနပူၤလီၤ. ကဟုကယာ်ပှၤတနံၤဘၣ် တနံၤဒီးအုၣ်က့ၤခီၣ်က့ၤပှၤလၢတၢ်ကိၢ်တၢ်ဂီၤအဆၢကတီၢ် တဖၣ်န့ၣ်တက့ၢ်.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 51:4

ဒိကနၣ်ယၤ, ယပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ်သုတက့ၢ်. ယဟ့ၣ်ယတၢ်သိၣ်လိဆူပှၤကလုာ်တဖၣ်ဒီး ယတၢ်သိၣ်တၢ်သီတဖၣ်ကဟဲစိာ်န့ၢ်အဝဲသ့ၣ် လၢတၢ်ကပီၤလီၤ.

လံာ်ယၡါယၤ 56:1

ယွၤစံးဘၣ်အပှၤဂီၢ်မုၢ်, “မၤတၢ်လၢအတီဒီးအဘၣ်တက့ၢ်. အဂ့ၢ်ဒ်အံၤ, တယံာ်လၢၤဘၣ်ဒီးယကအုၣ်က့ၤခီၣ်က့ၤသုလီၤ.

လံာ်မံကၤ 4:5

ပှၤတကလုာ်ဒီးတကလုာ်ဘူၣ်ထီၣ်ဘါထီၣ်ဒီးစူၢ်အယွၤဒၣ်ဝဲလီၤ. မ့မ့ၢ်ပဝဲဒၣ်အံၤပကဘူၣ်ထီၣ်ဘါထီၣ်ဒီးစူၢ်ယွၤ ပကစၢ်ယွၤလီၤထူလီၤယိာ်လီၤ.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်တၢ်ဂံၢ် 36:13

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢတဖၣ်လၢ ယွၤဟ့ၣ်လီၤပှၤအံၣ်စရ့လးဖိတဖၣ်ခီဖျိစီၤမိၤၡ့လၢကီၢ်မိၤအး အတၢ်ပျီပူၤတဖၣ်လၢအအိၣ်သဃီၤဒီးဝ့ၢ်ယရံၤဃိလၢထံ ကျိယၢ်ဒ့ၣ်အဘးခီန့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

မၤတၢ် 1:4

ဖဲအဝဲဒၣ်အိၣ်သကိးဒံးဒီးအဝဲသ့ၣ်အဖၢမုၢ်န့ၣ်, မၤလိာ်အဝဲသ့ၣ်ဒ်အံၤ, “ဟးထီၣ်ကွံာ်လၢဝ့ၢ်ယရူၤရှလ့ၣ်တဂ့ၤ. မ့မ့ၢ်အိၣ်ခိးသုဝဲတုၤသုန့ၢ်ဘၣ်တၢ်ဟ့ၣ်တမံၤလၢ ယစံးဘၣ်တ့ၢ်သုလၢယပၢ်အၢၣ်လီၤအီလီၤလၢအကဟ့ၣ်ဝဲန့ၣ် တက့ၢ်.

ရိမ့ၤ 8:25

ဘၣ်ဆၣ်ဒီးတၢ်လၢပတထံၣ်ဘၣ်အီၤန့ၣ်ပမ့ၢ်မုၢ်လၢ်အီၤဒီး, ပအိၣ်ခိးကွၢ်လၢ်အီၤလၢတၢ်ဝံသးစူၤအပူၤန့ၣ်လီၤ.

၂ သ့းစၤလနံ 3:5

မ်ကစၢ်ဆှၢသုဆူတၢ်သ့ၣ်ညါနၢ်ပၢၢ်အါထီၣ်ကစၢ်ယွၤ အတၢ်အဲၣ်တၢ်ကွံဒီးတၢ်သ့တူၢ်တၢ်လၢအဟဲလၢခရံာ် အအိၣ်န့ၣ်တက့ၢ်.