လံာ်ယၡါယၤ 26:5 - Sgaw Karen Common Bible

⁵ အဝဲဒၣ်ဆီၣ်လီၤကွံာ်ပှၤလၢအပာ်ထီၣ်ထီအသးတဖၣ်လီၤ. အဝဲဒၣ်မၤဟးဂီၤကွံာ်ဝ့ၢ်အဂံၢ်ဆူၣ်အဘါဆူၣ်လၢအဝဲသ့ၣ် အိၣ်တ့ၢ်ဆိးတ့ၢ်ဝဲ, ဒီးမၤလီၤပှီၢ်လီၤကလဲကွံာ်အခိၣ်ဒူတဖၣ် ဆူဖၣ်ကမူၣ်ဖၣ်ဆါအပူၤန့ၣ်လီၤ.

လံာ်ယၡါယၤ 26:5 Iomraidhean Croise

စံးထီၣ်ပတြၢၤ 79:8

သိၣ်ဃီၣ်ပှၤလၢ, ပမိၢ်ပၢ်ဖံဖုလၢပျၢၤသ့ၣ်တဖၣ်အတၢ်ဒဲးဘး အဃိန့ၣ်တဂ့ၤ. သူၣ်ကညီၤသးကညီၤလၢ်ပှၤခဲအံၤတက့ၢ်. ကယဲၢ်ပတၢ်မုၢ်လၢ်ခဲလၢာ်, လၢာ်ကွံာ်တ့ၢ်လံ.

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 14:13

နပာ်လီၤတ့ၢ်နသးလၢနကလဲၤထီၣ်ဆူမူခိၣ်ဒီးပာ်လီၤနလီၢ်ပစိာ် လၢဆၣ်အထီကတၢၢ်တဖၣ်အဖီခိၣ်လီၤ. နဆိကမိၣ်တ့ၢ်လၢန ကဆ့ၣ်နီၤဘၣ်ဒ်စီၤပၤတဂၤအသိးလၢကစၢၢ်ဒီခိၣ်လၢကလံၤ စိးတကပၤဖဲကစၢ်တဖၣ်ပာ်ဖှိၣ်အသးန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 24:10

လၢဝ့ၢ်ပူၤန့ၣ်, တၢ်ခဲလၢာ်အိၣ်လၢတၢ်သဘံၣ်ဘုၣ်အပူၤဒီး ပှၤဂီၢ်မုၢ်ကးတံာ်ဃးအခံလၢအဟံၣ်တဖၣ်အပူၤလၢတၢ်ဘံၣ် တၢ်ဘၢအဂီၢ်လီၤ.

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယၡါယၤ 32:19

(ဘၣ်ဆၣ်သူၣ်ကလီၤဝဲလၢသ့ၣ်ဒိၣ်ပှၢ်တီၣ်တဖၣ်အလိၤ, ဒီးဝ့ၢ်န့ၣ်ကဘၣ်တၢ်မၤလီၤပှီၢ်ကွံာ်အီၤန့ၣ်လီၤ.)

လံာ်ယၡါယၤ 47:1

ယွၤစံးဝဲ, “ဝ့ၢ်ဘၤဘူၤလိၣ်ဧၢ, ဟဲလီၤလၢနလီၢ်ပစိာ် ဒီးဆ့ၣ်နီၤလၢဖၣ်ကမူၣ်အကျါလၢဟီၣ်ခိၣ်လိၤ န့ၣ်တက့ၢ်. တဘျီနမ့ၢ်တ့ၢ်နဲဒ်ပှၤမုၣ်ကနီၤဖိတဂၤအသိး, ဝ့ၢ်တဝ့ၢ်လၢတဘၣ်တၢ်မၤန့ၢ်မၤနၢၤအီၤဘၣ်. ဘၣ်ဆၣ်ဒီးခဲအံၤန့ၣ်နတစၢ်တဒွဲဒီးကပုာ်လုးဒ်လၢညါ အသိးလၢၤဘၣ်. ခဲအံၤနမ့ၢ်နဲကုၢ်တဂၤလီၤ.

လံာ်ယံးရမံယၤ 51:37

ထံကီၢ်န့ၣ် ကကဲထီၣ်တၢ်ဟးဂီၤတဖၣ်အတၢ်ပူၣ် ထီၣ်အသးတပူၣ်ဖဲဆၣ်ဖိကီၢ်ဖိအမံၤတဖၣ်အိၣ်ဆိး ဝဲန့ၣ်လီၤ. ကမ့ၢ်တၢ်ထံၣ်အလီၢ်လၢ အလီၤပျံၤလီၤဖုးဝဲ တတီၤလီၤ. ပှၤကအိၣ်ကဆိးဖဲန့ၣ် တအိၣ်နီတဂၤဘၣ်. ဒီးပှၤလၢ အထံၣ်ဘၣ်အီၤခဲလၢာ်န့ၣ်, ကပျံၤတၢ်ဖုးတၢ်လီၤ.

လံာ်ယံးရမံယၤ 51:64

ဒီးစံး, ‘တၢ်အံၤမ့ၢ် တၢ်လၢအကမၤအသးဒီး ကီၢ်ဘၤဘူၤလိၣ်န့ၣ် လီၤ. ကလီၤဒးဝဲဒီၤ တထီၣ်ဖီကဒီးလၢၤ နီတစုဘၣ်, မ့ၢ်လၢတၢ်ဟးဂီၤလၢ ယွၤကဒုးလီၤဘၣ်အီၤလၢအလိၤအဃိန့ၣ်လီၤ.’ ” စီၤယံးရမံယၤ အတၢ်ကတိၤတဖၣ် ကတၢၢ်ကဝဲဖဲအံၤလီၤ.

လံာ်သးသယုၢ်တၢ် 2:2

ယွၤမၤဟးဂီၤကွံာ်ကယဲၢ်ဒူသဝီလၢကီၢ်ယူဒၤအပူၤလၢတၢ်သး ကညီၤတအိၣ်ဘၣ်အပူၤလီၤ. ဒီးမၤလီၤပှီၢ်ကွံာ်တ့ၢ်တိာ်တဖၣ်လၢအဒီသဒၢတ့ၢ်ထံကီၢ်လီၤ. ဟဲစိာ်ဝဲတၢ်မဲာ်ဆှးဆူဘီမုၢ်န့ၣ်ဒီးအပဒိၣ်ပပှၢ်တဖၣ်အလိၤ လီၤ.

လံာ်ယဃ့းစက့လး 26:11

အဝဲသ့ၣ်အပှၤဒိးကသ့ၣ်သုးဖိတဖၣ် ကလဲၤခီ ဂာ်နကျဲဘိတဖၣ်ဆူၣ်ဆူၣ်ချ့ချ့ဒီး မၤသံကွံာ်နပှၤဂီၢ်မုၢ် တဖၣ်လၢအဝဲသ့ၣ်အနးတဖၣ်န့ၣ်လီၤ. နတၢၣ်ထူၣ်တဖၣ်လၢအဂံၢ်ဆူၣ်ဘါဆူၣ်န့ၣ် ကဘၣ်တၢ်မၤလီၤဃံၤကွံာ်အီၤဆူ ဟီၣ်ခိၣ်လိၤန့ၣ်လီၤ.

လံာ်ယဃ့းစက့လး 28:17

နပာ်ထီၣ်ထီတ့ၢ်နသးလၢနက့ၢ်ဘၣ်ဂီၤဂ့ၤအဃိဒီး နတၢ်မံၤဟူသၣ်ဖျါဒုးကဲထီၣ်နၤလီၤဂာ်ဒ်ပှၤဟးဂီၤဖိ တဂၤအသိးန့ၣ်လီၤ. မ့ၢ်လၢတၢ်အံၤအဃိယတ့ၢ်လီၤကွံာ် နၤလၢဟီၣ်ခိၣ်လိၤ, ပာ်တ့ၢ်နၤဒ်တၢ်ဟ့ၣ်ပလီၢ်တမံၤအသိးလၢ စီၤပၤအဂၤတဖၣ်အဂီၢ်လီၤ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.