လံာ်ယၡါယၤ 26:20 - Sgaw Karen Common Bible

²⁰ လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

လံာ်ယၡါယၤ 26:20 Iomraidhean Croise

လံာ်တၢ်ကဲထီၣ်အခီၣ်ထံး 7:1

ဒီးယွၤစံးဘၣ်စီၤနိအၤ, “လဲၤနုာ်ဆူကဘီပူၤဃုာ်ဒီးနပှၤ ဟံၣ်ဖိဃီဖိခဲလၢာ်န့ၣ်တက့ၢ်. ယထံၣ်တ့ၢ်လံလၢနမ့ၢ်ပှၤထဲတဂၤဧိၤလၢအမ့ၢ်ပှၤတီပှၤလိၤလၢ ကယဲၢ်ဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 7:16

ဒ်ကစၢ်ယွၤမၤလိာ်တ့ၢ်အသိးန့ၣ်လီၤ. ဒီးယွၤကးတံာ်ဃးတြဲၤ လၢစီၤနိအၤအလီၢ်ခံန့ၣ်လီၤ.

လံာ်စီၤယိၤဘး 14:13

ယဆၢလၢနကပာ်ခူသူၣ်ယၤလၢတၢ်သံအကီၢ်ပူၤန့ၣ်လီၤ. ပျဲယဘၣ်တၢ်ပာ်ခူသူၣ်ယၤတုၤလီၤလၢနတၢ်သးထီၣ်ယၤပူၤ ကွံာ်ဒီးပာ်လီၤတၢ်ဆၢကတီၢ်လၢနကသ့ၣ်နီၣ်ထီၣ်က့ၤယၤန့ၣ် တက့ၢ်.

စံးထီၣ်ပတြၢၤ 143:9

ယွၤဧၢ, မၤပူၤဖျဲးယၤလၢယဒုၣ်ယဒါတက့ၢ်. ယဃ့ၢ်ဆူနအိၣ်လၢတၢ်ပူၤဖျဲးအဂီၢ်လီၤ.

စံးထီၣ်ပတြၢၤ 17:8

ကဟုကယာ်ယၤဒ်နမဲာ်ပှၤဖိအသိးန့ၣ်တက့ၢ်. ပာ်ခူသူၣ်ယၤလၢနဒံးဆ့အကဒုဖီလာ်,

စံးထီၣ်ပတြၢၤ 27:5

အဂ့ၢ်ဒ်အံၤ, လၢတၢ်ကိၢ်တၢ်ဂီၤအမုၢ်နံၤန့ၣ်, အဝဲကပာ်ခူသူၣ်ယၤ, ကမၤပူၤဖျဲးယၤလၢအတၢ်လုၢ်ဟံၣ်အပူၤ ဒီးပာ်ယၤလၢလၢၢ်ထီၣ်ထီအဖီခိၣ်န့ၣ်လီၤ.

စံးထီၣ်ပတြၢၤ 30:5

အဂ့ၢ်ဒ်အံၤ, အတၢ်သးထီၣ်အိၣ်တစိၢ်ဖိ ဒီးအဘျုးအဖှိၣ်န့ၣ်အိၣ်တစိၤသးလီၤ. မဲာ်ထံမဲာ်နိမ့ၢ်ယွၤလီၤဝဲလၢမုၢ်နၤ, ဘၣ်ဆၣ်, လၢမုၢ်ဂီၤန့ၣ်တၢ်သူၣ်ခုသးခုဟဲဝဲလီၤ.

စံးထီၣ်ပတြၢၤ 31:20

နပာ်တဒၢအဝဲသ့ၣ်လၢတၢ်ပူၤဖျဲးအလီၢ်လၢနမဲာ်ညါ, လၢပှၤကညီအတၢ်ကူၣ်တဖၣ်, နပၢၤဃာ်အဝဲသ့ၣ်လၢနဒဲအပူၤ, လၢအဒုၣ်အဒါသ့ၣ်တဖၣ် အတၢ်ကတိၤဒုၣ်ဒွဲၣ်န့ၣ်လီၤ.

စံးထီၣ်ပတြၢၤ 32:7

နမ့ၢ်ယတၢ်အိၣ်ခူသူၣ်အလီၢ်, နကမၤပူၤဖျဲးယၤလၢတၢ်ဘၣ်ယိၣ်ဘၣ်ဘီလီၤ. ယသးဝံၣ်ထီၣ်ဒိၣ်ဒိၣ်လၢနတၢ်မၤပူၤဖျဲးယၤ, မ့ၢ်လၢနအိၣ်ပှိၤယၤအဃိန့ၣ်လီၤ. စ့လၤ

စံးထီၣ်ပတြၢၤ 57:1

သူၣ်ကညီၤသးကညီၤယၤ, ကစၢ်ယွၤဧၢ, သူၣ်ကညီၤသးကညီၤယၤတ က့ၢ်. အဂ့ၢ်ဒ်အံၤ, ယသးသန့ၤအသးလၢနၤလီၤ. ယကဟံးန့ၢ်တၢ်အိၣ်ဘံၣ်အိၣ်ဘၢလၢနဒံးဆ့အဖီလာ် တုၤတၢ်ကိၢ်တၢ်ဂီၤအကလံၤမုၢ် လဲၤပူၤကွံာ်ယၤန့ၣ်လီၤ.

စံးထီၣ်ပတြၢၤ 57:2

ယကိးထီၣ်ဆူတၢ်ထီကတၢၢ်ကစၢ်ယွၤတဂၤ, ကစၢ်ယွၤလၢအမၤလၢပှဲၤအတၢ်တိာ်လၢယဂီၢ်န့ၣ်လီၤ.

စံးထီၣ်ပတြၢၤ 91:1

ပှၤလၢအအိၣ်ဝဲဆိးဝဲလၢ တၢ်ထီကတၢၢ်တဂၤအလီၢ်တဒၢ, ဒီးအိၣ်ဝဲလၢတၢ်သ့တၢ်လၢာ်အကဒုပူၤန့ၣ်,

စံးထီၣ်ပတြၢၤ 91:4

အဝဲကကျၢၢ်ဘၢနၤလၢအဒံးဆ့တဖၣ်, နကဘၣ်တၢ်မၤပူၤဖျဲးနၤလၢ အတၢ်အံးထွဲကွၢ်ထွဲနၤအပူၤ, ဒီးအတၢ်သူၣ်တီသးလိၤ ကကဟုဘံၣ်ကယာ်ဘၢနၤဒီးကဒီသဒၢနၤလီၤ.

စံးထီၣ်ပတြၢၤ 94:13

နဟ့ၣ်အီၤတၢ်အိၣ်ဘှံး လၢတၢ်ကိၢ်တၢ်ဂီၤအမုၢ်နံၤတဖၣ်အပူၤန့ၣ် နဒုးအိၣ်ဘှံးအီၤ, တုၤလီၤလၢတၢ်ပူၤတပူၤဘၣ်တၢ်ခူၣ်အီၤလၢ တၢ်ကဖီၣ်န့ၢ်ပှၤတတီတလိၤအဂီၢ်န့ၣ်လီၤ.

တၢ်ကတိၤဒိ. 18:10

ယွၤလီၤဂာ်ဒီးတၢးထီခၢၣ်သနၢၣ်တဖျၢၣ်ဖဲပှၤအတီအလိၤလဲၤနုာ် ဒီးအိၣ်ပူၤဖျဲးဝဲသ့န့ၣ်လီၤ.

တၢ်ကတိၤဒိ. 22:3

ပှၤသူၣ်ထံသးဆးတဖၣ်န့ၣ်ကထံၣ်တၢ်ကီတၢ်ခဲဟဲဝဲဒီးကပဒ့ၣ်အသး လီၤ. ဘၣ်ဆၣ်ဒီး, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်လိၤလိၤ ဆူတၢ်ကီတၢ်ခဲအပူၤဒီးသးအုးက့ၤလၢခံလီၤ.

လံာ်ယၡါယၤ 10:25

လၢတစိၢ်ဖိအတီၢ်ပူၤန့ၣ်, ယကမၤဝံၤယတၢ်စံၣ်ညီၣ်သု, ဝံၤဒီးယကမၤဟးဂီၤအဝဲသ့ၣ်လီၤ.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 13:5

အဝဲသ့ၣ်ဟဲဝဲလၢထံကီၢ်အယံၤတဖၣ်လၢဟီၣ်ခိၣ်အကတၢၢ်လီၤ. လၢအတၢ်သးကဲၤထီၣ်အပူၤ, ယွၤဟဲလၢကမၤဟးဂီၤဝဲ ထံကီၢ်ဒီဘ့ၣ်လီၤ.

လံာ်ယၡါယၤ 34:2

ယွၤသးထီၣ်ဘၣ်ပှၤကလုာ်ခဲလၢာ်ဒီးအဝဲသ့ၣ်အသုး မုၢ်သံၣ်ဘိခဲလၢာ်လီၤ. အဝဲစံၣ်ညီၣ်ဃၣ်တ့ၢ်အဝဲသ့ၣ် ဆူတၢ်ဟးဂီၤအပူၤလံ.

လံာ်ယၡါယၤ 51:16

ယသလၣ်ထီၣ်မူခိၣ်မူကပိာ်လိၤ ဒီးပာ်လီၤဟီၣ်ခိၣ်အခီၣ်ထံးတဖၣ်လီၤ. ယစံးဘၣ်ဝ့ၢ်ယရူၤၡလ့ၣ်, နမ့ၢ်ယပှၤဂီၢ်မုၢ်လီၤ. ယဟ့ၣ်နၤယတၢ်သိၣ်လိတဖၣ်, ဒီးယဒီဒၣ်အိၣ်ပှိၤနၤလၢယစုဒၣ်ယဲလံ.”

လံာ်ယၡါယၤ 51:4

ဒိကနၣ်ယၤ, ယပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ်သုတက့ၢ်. ယဟ့ၣ်ယတၢ်သိၣ်လိဆူပှၤကလုာ်တဖၣ်ဒီး ယတၢ်သိၣ်တၢ်သီတဖၣ်ကဟဲစိာ်န့ၢ်အဝဲသ့ၣ် လၢတၢ်ကပီၤလီၤ.

လံာ်ယၡါယၤ 66:14

ဖဲသုထံၣ်ဘၣ်တၢ်အံၤမၤအသးဒီး, သုကသူၣ်ဖှံသးညီဝဲလီၤ. တၢ်အံၤကဒုးဆူၣ်ထီၣ်သုဂံၢ် သုဘါဒီးဒုးအိၣ်ဆူၣ်အိၣ်ချ့သုလီၤ. အန့ၣ်ဒီးသုကသ့ၣ်ညါလၢယၤ, ယွၤအံၤ, မၤစၢၤပှၤတဖၣ်လၢအစူၢ်ယၤ, ဒီးယဒုးနဲၣ်ယတၢ်သးဒိၣ် ထီၣ်ထီဒါယဒုၣ်ယဒါတဖၣ်န့ၣ်လီၤ.”

လံာ်ယံးရမံယၤ 31:14

ယကဒုးအီၣ်ကုးအီၤပှဲၤပှၤလုၢ်တၢ် အခိၣ်တဖၣ်လၢတၢ်အီၣ်ဝံၣ်အီဆၢ, ဒီးမၤသးမံယပှၤဂီၢ်မုၢ် အတၢ်လိၣ်ခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 7:23

မ့မ့ၢ်, ယမၤလိာ်တ့ၢ်အဝဲသ့ၣ်လၢကစူၢ်ယၤ, ဒ်သိးယကမ့ၢ်အဝဲသ့ၣ်အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်အဂီၢ်န့ၣ်လီၤ. ဒီးယစံးဘၣ်တ့ၢ်အဝဲသ့ၣ်လၢကအိၣ်မူဒ် ကျဲလၢယမၤလိာ်တ့ၢ်အဝဲသ့ၣ်အသိး, ဒ်သိးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ် လၢအဝဲသ့ၣ်အဂီၢ်န့ၣ်လီၤ.

လံာ်ယဃ့းစက့လး 11:16

ခဲကနံၣ်အံၤ, တၢ်လၢယစံးယဲန့ၣ်, စံးဘၣ်တဲဘၣ်ပှၤတဖၣ်လၢအဘၣ် တၢ်စိာ်မၢကဲကုၢ်သကိးဒီးနၤတက့ၢ်. ယမ့ၢ်ပှၤတဂၤလၢအဆှၢလီၤအဝဲသ့ၣ်လၢကလဲၤအိၣ်လဲၤဆိးလၢပှၤ ကလုာ်လၢအယံၤတဖၣ်အကျါ, ဒီးမၤလီၤပြံလီၤပြါအဝဲသ့ၣ်လၢထံဂုၤကီၢ်ဂၤတဖၣ်အပူၤန့ၣ်လီၤ. သနာ်က့, လၢတၢ်ဆၢကတီၢ်ဒ်အံၤအပူၤန့ၣ်, ယကအိၣ်လၢအဝဲသ့ၣ် အသိးအကျါလၢထံကီၢ်တဖၣ်လၢအဝဲသ့ၣ်လဲၤတ့ၢ်လံဝဲအပူၤန့ၣ်လီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်မးသဲ 23:37

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်ဒီးနကွံာ်သံပှၤစိာ်တၢ်သးခုကစီၣ် လၢကစၢ်ယွၤဆှၢလီၤဆူနအိၣ်တဖၣ်လၢလၢၢ်လီၤ. ဒ်ဆီမိၢ်ပှၢ်တဘ့ၣ်ဟုဃာ်အဖိလၢအဒံးဆ့အဖီလာ်အသိးန့ၣ်, ယအဲၣ်ဒိးဖိးဟုဃာ်နပှၤဝ့ၢ်ဖိခဲလၢာ်တဖှိၣ်ဃီအဘျီတဖၣ် အဘျီ, ဘၣ်ဆၣ်ဒီး နတပျဲယၤဘၣ်.

လံာ်မးသဲ 6:6

ဘၣ်ဆၣ်တုၤသုဘါထုကဖၣ်ယွၤဒီး က့ၤနုာ်လၢသုဒၢးပူၤ, ကးတံာ်ဃာ်သုတြဲၤဒီးဘါထုကဖၣ်တၢ်ဆူသုပၢ်လၢပှၤတထံၣ်အီၤ တဂၤအအိၣ်ဒီးသုပၢ်လၢအထံၣ်တၢ်လၢတၢ်ကစုဒုအပူၤတဂၤန့ၣ်, ကဟ့ၣ်သုတၢ်အဘူးအလဲလီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.