လံာ်ယၡါယၤ 26:18 - Sgaw Karen Common Bible

¹⁸ ပအိၣ်တ့ၢ်လၢတၢ်ဆူးတၢ်ဆါဒီးတၢ်သူၣ်အူ သးကဲၤအပူၤ နာ်က့, ပတဆံးစၢ်ထီၣ်တၢ်နီတမံၤဘၣ်. ပတမၤန့ၢ်တၢ်မၤနၢၤလၢပထံပကီၢ်အဂီၢ်နီတမံၤဘၣ်. ပတမၤကဲထီၣ်လိၣ်ထီၣ်တၢ်နီတမံၤဘၣ်.

လံာ်ယၡါယၤ 26:18 Iomraidhean Croise

လံာ်စီၤပၤခံဘ့ၣ်တဘ့ၣ် 19:3

အအံၤမ့ၢ်တၢ်ကစီၣ်လၢအဝဲသ့ၣ်ကဘၣ်တဲဘၣ်ဝံယၡါယၤန့ၣ်လီၤ. “တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤန့ၣ်လီၤ. ပဘၣ်တၢ်စံၣ်ညီၣ်ပှၤဒီးပအိၣ်လၢတၢ်မဲာ်ဆှးအပူၤလီၤ. ပလီၤဂာ်ဒ်ပိာ်မုၣ်တဂၤလၢဆံးစၢ်ထီၣ်အဖိအကတီၢ်ဘၣ်လံ ဘၣ်ဆၣ်ဒီး, အဂံၢ်အဘါစၢ်ကဲာ်ဆိးလၢကဆံးစၢ်ဝဲအဂီၢ်အသိးန့ၣ် လီၤ.

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

လံာ်ယၡါယၤ 33:11

သုမၤတၢ်ကူၣ်ကျဲၤလၢအလုၢ်အပှ့ၤတအိၣ်တဖၣ်, ဒီးတၢ်လၢသုမၤခဲလၢာ်န့ၣ်မ့ၢ်တၢ်လၢအဘျုးတအိၣ်ဘၣ်လီၤ. ယသးလီၤဂာ်ဒီးမ့ၣ်အူတခါလၢအကမၤဟးဂီၤသုန့ၣ်လီၤ.

လံာ်ယၡါယၤ 37:3

အအံၤမ့ၢ်တၢ်ကစီၣ်လၢအဝဲစံးဘၣ်တ့ၢ်အဝဲသ့ၣ်လၢကလဲၤဟ့ၣ်ဝံ ယၡါယၤအဂီၢ်လီၤ. “မုၢ်တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤလီၤ. ပဘၣ်တၢ်စံၣ်ညီၣ်တ့ၢ်ပှၤဒီးပဘၣ်တၢ်မၤမဲာ်ဆှးပှၤလီၤ. ပလီၤဂာ်ဒီးပိာ်မုၣ်တဂၤလၢအိၣ်ကတဲာ်ကတီၤအသးလၢကဆံးစၢ် အဖိ, ဘၣ်ဆၣ်အဂံၢ်အဘါစၢ်ကဲၣ်ဆိးလၢကမၤဝဲအဂီၢ်န့ၣ်လီၤ.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်ဟိၤၡ့ 13:13

ကီၢ်အံၣ်စရ့လးအိၣ်ဒီးတၢ်အခွဲးအယာ်တမံၤလၢ ကအိၣ်မူဝဲဘၣ်ဆၣ်အသးတဆးမးလၢကဟံးဃာ်အီၤအဂီၢ်, လီၤဂာ်ဒ်ဖိသၣ်တဂၤအသိးလၢကအိၣ်ဖျဲၣ်ထီၣ်, ဒီးဂ့ၢ်လိာ်လၢကဟးထီၣ်လၢအမိၢ်အဒၢလီၢ်ပူၤန့ၣ်လီၤ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:13

ဘၣ်ဆၣ်ဒီးစီၤစီလူးစံးဝဲ, “တနံၤအံၤတၢ်တဘၣ်မၤသံကွံာ် ကွံာ်ပှၤနီတဂၤဘၣ်. အဂ့ၢ်ဒ်အံၤ, အဝဲအံၤမ့ၢ်မုၢ်တနံၤလၢယွၤအုၣ်က့ၤခီၣ်က့ၤကီၢ် အံၣ်စရ့လးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:45

ဘၣ်ဆၣ်ဒီးပှၤဂီၢ်မုၢ်စံးဘၣ်စီၤစီလူး, “မ့ၢ်စီၤယိနၤသၣ် လၢအမၤန့ၢ်တၢ်မၤနၢၤလၢကီၢ်အံၣ်စရ့လးအဂီၢ်ကဘၣ်တၢ်မၤသံ အီၤဧါ. တသ့ဘၣ်. ပအၢၣ်လီၤတၢ်လၢယွၤလၢအမူဝဲတဂၤအ မံၤအပူၤ, လၢအဝဲအခိၣ်သူဖိတဘိဒၣ်လဲာ်တဘၣ်လီၤမၢ်ကွံာ်ဘၣ်. တၢ်လၢအမၤတ့ၢ်ဝဲတနံၤအံၤန့ၣ်, မ့ၢ်တၢ်မၤတ့ၢ်အသးဃုာ်ဒီးကစၢ် ယွၤအတၢ်မၤစၢၤန့ၣ်လီၤ.” မၤသးဒ်န့ၣ်ဒီး, ပှၤဂီၢ်မုၢ်အုၣ်က့ၤခီၣ်က့ၤစီၤယိနၤသၣ်လၢ ကဘၣ်တၢ်မၤသံကွံာ်အီၤန့ၣ်လီၤ.