လံာ်ယၡါယၤ 26:17 - Sgaw Karen Common Bible

¹⁷ နဲဒၣ်, ယွၤဧၢ, နဒုးကိးပသူထီၣ်ပှၤ, ဒ်ပိာ်မုၣ်ဟုးဆါတဂၤကိးပသူထီၣ်ဝဲလၢတၢ်ဆူးတၢ် ဆါပူၤအသိးန့ၣ်လီၤ.

လံာ်ယၡါယၤ 26:17 Iomraidhean Croise

လံာ်တၢ်ကဲထီၣ်အခီၣ်ထံး 3:16

ဒီးအဝဲစံးဘၣ်ပိာ်မုၣ်, “ယကမၤအါထီၣ်နတၢ်ကိၢ်တၢ်ဂီၤလၢနတၢ် ဒံၣ်ထီၣ်ဒၢထီၣ်အပူၤဒီးနတၢ်ဆိးကဲးလၢတၢ်ဆံးစၢ်ထီၣ်နဖိ အပူၤန့ၣ်လီၤ. တၢ်အံၤဒၣ်လဲာ်န့ၣ်နသးကအိၣ်ဒံးနဝၤဒီးအဝဲဒၣ်ကပၢနၤလီၤ.”

စံးထီၣ်ပတြၢၤ 48:6

ဖဲန့ၣ်တၢ်ပျံၤတၢ်ဖုးဒီးတၢ်သူၣ်ကိၢ်သးဂီၤ လီၤဘၣ်အဝဲသ့ၣ်ဒ်ပိာ်မုၣ်လၢ အကဆံးစၢ်ထီၣ်အဖိတဂၤအသိး,

လံာ်ယၡါယၤ 13:8

အဝဲသ့ၣ်ခဲလၢာ်ကပျံၤတၢ်ဖုးတၢ်ဒီးတၢ်ဆိးကဲးကလုၣ်ဘၢအီၤ, ဒ်တၢ်ဆိးကဲးအိၣ်ဒီးပိာ်မုၣ်အဟုးဆါတဂၤအသိးန့ၣ်လီၤ. ကကွၢ်လိာ်အသးတဂၤဒီးတဂၤလၢတၢ်ပျံၤတၢ်ဖုးအပူၤ, ဒီးအမဲာ်သၣ်တဖၣ်ကကိၢ်ဝဲဒီးတၢ်မဲာ်ဆှးလီၤ.

လံာ်ယၡါယၤ 21:3

တၢ်လၢယထံၣ်ဒီးနၢ်ဟူတ့ၢ်လၢတၢ်ထံၣ်လၢညါခီအပူၤတဖၣ် မၤပှဲၤယသးဒီးတၢ်ပျံၤတၢ်ဖုးဒီးတၢ်ဆူးတၢ်ဆါ, တၢ်ဆူးတၢ်ဆါလၢအလီၤဂာ်ဒီးပိာ်မုၣ်အဟုးဆါထီၣ်န့ၣ်လီၤ.

လံာ်ယၡါယၤ 37:3

အအံၤမ့ၢ်တၢ်ကစီၣ်လၢအဝဲစံးဘၣ်တ့ၢ်အဝဲသ့ၣ်လၢကလဲၤဟ့ၣ်ဝံ ယၡါယၤအဂီၢ်လီၤ. “မုၢ်တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤလီၤ. ပဘၣ်တၢ်စံၣ်ညီၣ်တ့ၢ်ပှၤဒီးပဘၣ်တၢ်မၤမဲာ်ဆှးပှၤလီၤ. ပလီၤဂာ်ဒီးပိာ်မုၣ်တဂၤလၢအိၣ်ကတဲာ်ကတီၤအသးလၢကဆံးစၢ် အဖိ, ဘၣ်ဆၣ်အဂံၢ်အဘါစၢ်ကဲၣ်ဆိးလၢကမၤဝဲအဂီၢ်န့ၣ်လီၤ.

လံာ်ယံးရမံယၤ 30:6

ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 6:24

ပှၤဂီၢ်မုၢ်လၢဝ့ၢ်ယရူၤရှလ့ၣ်အပူၤစံးဝဲ, “ပနၢ်ဟူတ့ၢ်တၢ်ကစီၣ်န့ၣ်လံ, ဒီးပစုတဖၣ်လီၤစၢ်လီၤစဲၤဝဲလီၤ. ဒ်ပိာ်မုၣ်လၢအဟုးဆါတဂၤအသိးန့ၣ်, တၢ်ကိၢ်တၢ်ဂီၤဒီးတၢ် ဆူးတၢ်ဆါလီၤဘၣ်ပှၤလီၤ.

လံာ်ယိၤဟၣ် 16:21

ဖဲပိာ်မုၣ်တဂၤကဆံးစၢ်အဖိန့ၣ်, အဝဲသူၣ်အုးသးအုးဝဲမ့ၢ်လၢ အနၣ်ရံၣ်လၢကဘၣ်တူၢ်တၢ်ဆူးတၢ်ဆါတုၤဃီၤဝဲလံအဃိ လီၤ. ဘၣ်ဆၣ်ဒီးတုၤဖိသၣ်အိၣ်ဖျဲၣ်ထီၣ်ဝဲဒီး, အဝဲသးပ့ၤနီၣ်ကွံာ်အတၢ်ဆူးတၢ်ဆါခဲလၢာ်မ့ၢ်လၢအဝဲသးခုဝဲလၢ ဖိသၣ်တဂၤအိၣ်ဖျဲၣ်ထီၣ်လံဝဲလၢဟီၣ်ခိၣ်ချၢအံၤအဃိန့ၣ်လီၤ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

လံာ်လီၣ်ဖျါ 12:2

အဝဲဒၣ်အိၣ်ဒီးအဟုးအသး, ဒီးကိးပသူထီၣ်ဝဲလၢတၢ်ဟုးဆါဒီးဘၣ်နးဘၣ်ဖှီၣ် လၢကဆံးစၢ်အဖိအဃိန့ၣ်လီၤ.