လံာ်ယၡါယၤ 26:16 - Sgaw Karen Common Bible

¹⁶ နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယၡါယၤ 26:16 Iomraidhean Croise

စံးထီၣ်ပတြၢၤ 142:2

ယလူလီၤယတၢ်ကအုကစွါလၢအမဲာ်ညါ, ယတဲအီၤလၢယတၢ်ကီတၢ်ခဲ ခဲလၢာ်လီၤ.

စံးထီၣ်ပတြၢၤ 27:8

တုၤနစံး, “ဃုယမဲာ်တက့ၢ်.” န့ၣ်ဒီး, ယစံးဆၢယဲ, “ယွၤဧၢ, နမဲာ်န့ၣ်ယဃုယဲလီၤ.”

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 77:3

တုၤယဆိကမိၣ်ထီၣ်ကစၢ်ယွၤန့ၣ်ဒီး, ယဟီၣ်ယယၢၤယဲ, ဒီးယသးလီၤဘှါယဲလီၤ. စ့လၤ

စံးထီၣ်ပတြၢၤ 78:34

တုၤယွၤမၤသံအဝဲသ့ၣ်တနီၤဒီးအဝဲသ့ၣ်ဃုအီၤ, ဒီးပီၢ်ယၢ်လီၤက့ၤအသးဒီးဃုယွၤလၢ တၢ်သူၣ်ဆူၣ်သးဆူၣ်အပူၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်ယၡါယၤ 37:3

အအံၤမ့ၢ်တၢ်ကစီၣ်လၢအဝဲစံးဘၣ်တ့ၢ်အဝဲသ့ၣ်လၢကလဲၤဟ့ၣ်ဝံ ယၡါယၤအဂီၢ်လီၤ. “မုၢ်တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤလီၤ. ပဘၣ်တၢ်စံၣ်ညီၣ်တ့ၢ်ပှၤဒီးပဘၣ်တၢ်မၤမဲာ်ဆှးပှၤလီၤ. ပလီၤဂာ်ဒီးပိာ်မုၣ်တဂၤလၢအိၣ်ကတဲာ်ကတီၤအသးလၢကဆံးစၢ် အဖိ, ဘၣ်ဆၣ်အဂံၢ်အဘါစၢ်ကဲၣ်ဆိးလၢကမၤဝဲအဂီၢ်န့ၣ်လီၤ.

လံာ်ယံးရမံယၤ 2:27

သုဝဲခဲလၢာ်သုဝဲလၢအစံးသ့ၣ်တထူၣ်မ့ၢ်သုပၢ်ဒီးလၢၢ်တထူၣ်မ့ၢ် သုမိၢ်န့ၣ်ကဘၣ်တၢ်မၤမဲာ်ဆှးအီၤန့ၣ်လီၤ. တၢ်အံၤကမၤအသးမ့ၢ်လၢသုဃၣ်ကွံာ် သုသးလၢယၤဒီးသုတဃၣ်ဃီၤဘၣ်သုသးဆူ ယအိၣ်ဘၣ်အဃိလီၤ. ဘၣ်ဆၣ်ဒီးဖဲသုဘၣ်တၢ်ကီတၢ်ခဲန့ၣ်, သုဃ့ကညးလၢယကဟဲဒီးအုၣ်က့ၤခီၣ်က့ၤသုအဂီၢ်န့ၣ်လီၤ.

လံာ်ယံးရမံယၤ 22:23

နအိၣ်ဂၢၢ်ဆိးကျၢၤလၢသ့ၣ်ဆှိအ့ရ့းတဖၣ်လၢအဘၣ်တၢ်ဟဲက့ၤ စိာ်လၢကီၢ်လဘၤနိၣ်အကျါန့ၣ်လီၤ. ဘၣ်ဆၣ်ဒီး, တၢ်မၤဆူးမၤဆါလၢ အလီၤဂာ်ဒ်ပိာ်မုၣ်တဂၤအဟုးဆါထီၣ်အသိး, မ့ၢ်ဟဲ မၤဘၣ်ဒိဘၣ်ထံးနၤဒီး, နကလီၤသးကညီၤဆံးအါလဲၣ်.

လံာ်ယံးရမံယၤ 29:12

အန့ၣ်ဒီး သုကကိးထီၣ်တၢ်ဆူ ယအိၣ်လီၤ. သုကဟဲဒီးဃ့ထုကဖၣ်တၢ်ဆူ ယအိၣ်ဒီးယကစံးဆၢသုန့ၣ်လီၤ.

လံာ်သးသယုၢ်တၢ် 2:19

လၢမုၢ်နၤခီသီတနၤကျၢၤန့ၣ်ဂဲၤထၢၣ်ဝံၤ, ဂဲၤထၢၣ်ကဒီးခဲအံၤခဲအံၤလၢနကကိးပသူထီၣ်ဆူယွၤအအိၣ် တက့ၢ်. ဂၢ်လီၤနသး, ဒီးဃ့ကညးအီၤလၢကသူၣ်ကညီၤသးကညီၤနဖိတဖၣ်လၢ အသၣ်ဝံၤလီၤဒိတုၤကသံလၢကျဲကိးဘိဒဲးအသနၢၣ်တဖၣ်အဂီၢ်တက့ၢ်.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်တၢ်ဂံၢ် 21:7

ပှၤဂီၢ်မုၢ်ဟဲဆူစီၤမိၤၡ့အအိၣ်ဒီးစံးဝဲဒၣ်, “ပမၤဒဲးဘးလံတၢ်ဖဲပကတိၤတၢ်ထီဒါယွၤဒီးထီဒါနၤန့ၣ် လီၤ. ခဲအံၤဘါထုကဖၣ်ဆူယွၤအအိၣ် ဒ်သိးကဟံးထီၣ်ကွံာ်ဂုၢ်သ့ၣ်တဖၣ်အံၤတက့ၢ်.” မၤသးဒ်န့ၣ်ဒီး, စီၤမိၤၡ့ဘါထုကဖၣ်တၢ်လၢပှၤဂီၢ်မုၢ်အဂီၢ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 10:15

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ယွၤ, “ပမၤတ့ၢ်တၢ်ဒဲးဘးလံ. မၤပှၤဒ်ကယဲၢ်တၢ်လၢအဂ့ၤလၢနမဲာ်အသိးန့ၣ်တက့ၢ်. ဘၣ်ဆၣ်, ဝံသးစူၤအုၣ်က့ၤခီၣ်က့ၤပှၤတနံၤအံၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 1:15

ပိာ်မုၣ်စံးဆၢအီၤ, “တမ့ၢ်ဘၣ်. ယတမူၤလၢသံးဘၣ်. ယတအီစ့ၢ်ကီးယဲဘၣ်. ယသူၣ်ဟးဂီၤသးဟးဂီၤဒီးယဃ့ဘါထုကဖၣ် တၢ်ဒီးဂၢ်လီၤယတၢ်ကိၢ်တၢ်ဂီၤဆူယွၤအအိၣ်လီၤ.