လံာ်ယၡါယၤ 26:15 - Sgaw Karen Common Bible

¹⁵ ယွၤဧၢ, နမၤဒိၣ်ထီၣ်ထီထီၣ်ပပှၤကလုာ်, ဒီးမၤလဲၢ်ထီၣ်ထံကီၢ်ကိးကပၤဒဲး, ဒီးအဝဲအံၤဟဲစိာ်န့ၢ်နၤတၢ်လၤကပီၤလီၤ.

လံာ်ယၡါယၤ 26:15 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 13:16

ယကဟ့ၣ်လီၤနၤလၢနစၢၤနသွဲၣ်အါအါကလဲာ်တုၤပှၤဂံၢ်ထီၣ်အီၤ တန့ၢ်တသ့နီတဂၤဘၣ်န့ၣ်လီၤ. တၢ်မ့ၢ်ဘၣ်ဂံၢ်ကယဲၢ်ဟီၣ်ခိၣ်အကမူၣ်ခဲလၢာ်န့ၣ်ကညီဒိၣ်တက့ၢ်န့ၣ် လီၤ.

လံာ်စီၤပၤအခီၣ်ထံးတဘ့ၣ် 8:46

တုၤနပှၤဂီၢ်မုၢ်မၤတၢ်ဒဲးဘးထီဒါနၤ, ဒီးပှၤလၢအတမၤဒဲးဘး တၢ်တအိၣ်ဘၣ်နီတဂၤအခါန့ၣ်, လၢနတၢ်သးထီၣ်အပူၤနမ့ၢ်ပျဲအဒုၣ်အဒါတဖၣ်မၤနၢၤအဝဲသ့ၣ်ဒီး စိာ်ကွံာ်အဝဲသ့ၣ်ဒ်ပှၤဘၣ်တၢ်စၢဃာ်တဖၣ်အသိးဆူထံကီၢ်အဂၤ တနီၤနီၤ, ဒီးထံကီၢ်န့ၣ်မ့ၢ်ယံၤကဲာ်ဆိးဒၣ်လဲာ်,

လံာ်စီၤပၤခံဘ့ၣ်တဘ့ၣ် 17:23

တုၤလၢ, လၢခံကတၢၢ်ယွၤနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ် ညါ, ဒ်အဝဲဟ့ၣ်ပလီၢ်တ့ၢ်ဝဲခီဖျိအခ့အပှၤဝံတဖၣ်လၢကမၤဝဲဒၣ်န့ၣ် လီၤ. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ဘၣ်တၢ်စိာ်မၢကဲကုၢ် ကွံာ်အီၤဆူကီၢ်အၤၡူၢ်အပူၤဖဲအဝဲသ့ၣ်အိၣ်ဆိးဒံးဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:27

ယွၤစံးဝဲဒၣ်, “တၢ်လၢယမၤတ့ၢ်ကီၢ်အံၣ်စရ့လးန့ၣ်ယကမၤကီၢ် ယူဒၤစ့ၢ်ကီးန့ၣ်လီၤ. ယကနီၣ်ထီၣ်ဟီထီၣ်ကွံာ်ယူဒၤအပှၤဂီၢ်မုၢ်လၢယမဲာ်ညါ, ဒီးယကညိကွံာ်ယရူၤရှလ့ၣ်ဝ့ၢ်လၢယဃုထၢတ့ၢ်အီၤဒီးယွၤအတၢ် လုၢ်ဟံၣ်, တၢ်လီၢ်လၢယစံးတ့ၢ်ယဲလၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.”

လံာ်စီၤနဃ့မယၤ 9:23

နဟ့ၣ်အီၤအဖိတဖၣ်အါအါဂီၢ်ဂီၢ်ဒ်ဆၣ်လၢမူကပိာ်လိၤအသိး ဒီးပျဲအမၤနၢၤကွံာ်ဒီးအိၣ်ဝဲဆိးဝဲလၢထံဧိၤကီၢ်ဧိၤ လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်လၢနကဟ့ၣ် အဝဲသ့ၣ်အပူၤန့ၣ်လီၤ.

လံာ်စီၤယိၤဘး 12:23

အဝဲဒုးဆူၣ်ထီၣ်ဒီးဒုးဒိၣ်ထီၣ်ပှၤကလုာ်တဖၣ်န့ၣ်လီၤ. ဘၣ်ဆၣ်အဝဲမၤနၢၤကွံာ်ဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ယၡါယၤ 10:22

ခဲအံၤ, ပှၤအံၣ်စရ့လးဖိမ့ၢ်အါဝဲဒ်မဲးဧိၤဟီၣ်ဧိၤလၢပီၣ်လဲၣ် အနံၤသနာ်က့, ကဟဲက့ၤကဒါက့ၤဒၣ်ထဲစှၤဂၤလီၤ. တၢ်မၤဟးဂီၤန့ၣ်အိၣ်ပာ်ပာ်စၢၤ လၢပှၤဂီၢ်မုၢ်အဂီၢ်ဒီးမ့ၢ်တၢ်လၢ အကြၢးအဘၣ်လၢအဝဲသ့ၣ်အ ဂီၢ်လၢလၢပှဲၤပှဲၤလီၤ.

လံာ်ယၡါယၤ 33:17

မၤကဒီးတစုသုကထံၣ်ဘၣ်စီၤပၤတဂၤပၢတၢ်လၢတၢ်လီၤ ဘီလီၤမုၢ်အပူၤလၢထံကီၢ်လၢအသလၣ်ထီၣ်အသးကတၢၢ် မဲာ်ကတၢၢ်နါကိးကပၤဒဲးတဘ့ၣ်အဖီခိၣ်လီၤ.

လံာ်ယၡါယၤ 40:5

အန့ၣ်ဒီး, ယွၤအလၤကပီၤကဘၣ်တၢ်လီၣ်ဖျါထီၣ်အီၤ, ဒီးကယဲၢ်ပှၤဟီၣ်ခိၣ်ဖိခဲလၢာ်ကထံၣ်ဘၣ်အီၤလီၤ. ယွၤအနီၢ်ကစၢ်ဒၣ်ဝဲအၢၣ်လီၤတ့ၢ်တၢ်အံၤလီၤ.”

လံာ်ယၡါယၤ 44:23

ကိးထီၣ်လၢတၢ်သးခုတက့ၢ်, သုဝဲမူခိၣ်မူကပိာ်လိၤသ့ၣ်တဖၣ်ဧၢ, ကိးထီၣ်, ဟီၣ်ခိၣ်အလီၢ်လၢအယိာ်တဖၣ်ဧၢ, ကိးထီၣ်လၢတၢ်သးခုတက့ၢ်, ကစၢၢ်သ့ၣ်တဖၣ်ဒီးသ့ၣ်ထူၣ်ကိးထူၣ်ဒဲးလၢသ့ၣ်ဒိၣ်ပှၢ်တီၣ်ပူၤသ့ၣ်ဧၢ, ယွၤဒုးနဲၣ်အတၢ်ဒိၣ်တၢ်မုၢ်ခီဖျိတၢ်အုၣ်က့ၤခီၣ်က့ၤ အပှၤဂီၢ်မုၢ်အံၣ်စရ့လးလီၤ.

လံာ်ယၡါယၤ 6:12

ယကဆှၢကွံာ်ပှၤဂီၢ်မုၢ်ဆူတၢ်လီၢ်ဖးယံၤဒီးဒုးကဲထီၣ်ထံကီၢ် ဒီဘ့ၣ်လၢတၢ်အိၣ်သယုၢ်သညိအလီၢ်န့ၣ်လီၤ.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 9:3

ယွၤဧၢ, နဟ့ၣ်တ့ၢ်အဝဲသ့ၣ်လၢတၢ်သးခုဖးဒိၣ်, ဒီးနမၤသူၣ်ဖှံသးညီတ့ၢ်အဝဲသ့ၣ်န့ၣ်လီၤ. အဝဲသ့ၣ်သးမုာ်သးခုဝဲလၢတၢ်လၢနမၤတ့ၢ်, ဒ်ပှၤသးမုာ်သးခုဝဲဖဲအဝဲသ့ၣ်ကူးက့ၤဘုခ့အကတီၢ်, မ့တမ့ၢ်, ဖဲအဝဲသ့ၣ်နီၤဟ့ၣ်လိာ်အသးလၢတၢ် ထူးတၢ်တီၤလၢအဂုာ်န့ၢ်ဝဲအကတီၢ်, အသိးန့ၣ်လီၤ.

လံာ်ယံးရမံယၤ 30:19

ပှၤဂီၢ်မုၢ်လၢ အအိၣ်ဆိးဝဲဖဲန့ၣ်, ကသးဝံၣ်စံးထီၣ်ပတြၢၤတၢ်, အဝဲသ့ၣ်ကကိးထီၣ်တၢ်လၢ တၢ်သးခုအပူၤန့ၣ်လီၤ. လၢယတၢ်ဆိၣ်ဂ့ၤအဃိန့ၣ်, အဝဲသ့ၣ်ကအါထီၣ်ဝဲလၢ အနီၣ်ဂံၢ်, ယတၢ်ဆိၣ်ဂ့ၤ ကဟဲစိာ်န့ၢ်အဝဲသ့ၣ်လၢ တၢ်လၤကပီၤ န့ၣ်လီၤ.

လံာ်ယံးရမံယၤ 32:37

ယကထၢဖှိၣ်က့ၤ ပှၤဂီၢ်မုၢ်တပူၤဃီလၢ ထံကီၢ်ခဲလၢာ်ဖဲ ယမၤလီၤပြံလီၤပြါတ့ၢ်အဝဲသ့ၣ်လၢ ယတၢ်သးဒိၣ်ဒီး သးကဲၤထီၣ် အပူၤ, ဒီးယကဟဲက့ၤစိာ်ကဒါက့ၤ အဝဲသ့ၣ်ဆူတၢ်လီၢ်အံၤဒီး ပျဲအအိၣ်ဆိးဖဲအံၤလၢ တၢ်ပူၤဖျဲးအပူၤန့ၣ်လီၤ.

လံာ်ယဃ့းစက့လး 36:24

ယကဟံးန့ၢ်က့ၤသုလၢပှၤကိးကလုာ်ဒဲးအအိၣ်ဒီးထံကီၢ်ကိးဘ့ၣ်ဒဲး အပူၤဒီးဟဲက့ၤစိာ်က့ၤသုဆူသုကီၢ်ဒၣ်သုဝဲန့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်တၢ်ဂံၢ် 23:10

ကီၢ်အံၣ်စရ့လးအစၢၤအသွဲၣ်တဖၣ်လီၤဂာ်ဒ်ဖၣ်ကမူၣ်အသိး, အဝဲသ့ၣ်အါဝဲဂီၢ်ဝဲလၢတၢ်ကဂံၢ်အီၤအဂီၢ်န့ၣ်လီၤ. မ်ယမုၢ်နံၤမုၢ်သီတဖၣ်ကတၢၢ်ဝဲဒ်ပှၤတဂၤလၢကစၢ်ယွၤအပှၤဂီၢ် မုၢ်အကျါအသိး, မ်ယသံယဲလၢတၢ်ဃူတၢ်မုာ်အပူၤဒ်ပှၤအတီအလိၤတဂၤအသိးန့ၣ် တက့ၢ်.”

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်ယိၤဟၣ် 15:8

ယပၢ်အလၤကပီၤဘၣ်တၢ်ဒုးနဲၣ်ဖျါထီၣ်အီၤခီဖျိလၢ သုသၣ်ထီၣ်အါမး, ဒီးလၢတၢ်အံၤအဃိ, သုကဲထီၣ် ယပျဲၢ်ယဘီၣ်တဖၣ်လီၤ.

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 10:22

ဖဲသုမိၢ်ပၢ်ဖံဖုလၢပျၢၤတဖၣ်လဲၤဆူကီၢ်အဲၤကူပတူးန့ၣ်, အဝဲသ့ၣ်အိၣ်ဒၣ်ထဲပှၤအဂၤနွံဆံဧိၤလီၤ. မ့မ့ၢ်ခဲကနံၣ်အံၤ ယွၤ, သုကစၢ်ယွၤမၤအါထီၣ်တ့ၢ်သုအါအါကလဲာ်ဒ်ဆၣ်ဧိၤဖီဧိၤလၢ မူကပိာ်လိၤအသိးန့ၣ်လီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 28:64

ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.