လံာ်ယၡါယၤ 26:14 - Sgaw Karen Common Bible

¹⁴ ခဲအံၤအဝဲသ့ၣ်သံလံဒီးတမူကဒီးလၢၤဘၣ်. အတဃၣ်တဖၣ်တဂဲၤဆၢထၢၣ်လၢၤဘၣ်. မ့ၢ်လၢနစံၣ်ညီၣ်ဒီးမၤဟးဂီၤအဝဲသ့ၣ်အဃိလီၤ. ပှၤတသ့ၣ်နီၣ်လၢၤအဝဲသ့ၣ်နီတဂၤနီတစုဘၣ်.

လံာ်ယၡါယၤ 26:14 Iomraidhean Croise

လံာ်စီၤယိၤဘး 18:17

တၢ်သ့ၣ်နီၣ်ထီၣ်က့ၤအီၤန့ၣ်ကလီၤမၢ်ကွံာ်လၢဟီၣ်ခိၣ်ချၢ, ဒီးလၢထံကီၢ်ပူၤန့ၣ်အမံၤတအိၣ်နီတတီၤလၢၤဘၣ်.

လံာ်စီၤယိၤဘး 24:20

အမိၢ်ဒၣ်လဲာ်ခဲအံၤတသ့ၣ်နီၣ်ထီၣ်က့ၤလၢၤအီၤဘၣ်. အဝဲကဘၣ်တၢ်အီၣ်ကွံာ်အီၤလၢထိးကလဲာ်ဒီးဘၣ်တၢ်မၤဟးဂီၤ ကွံာ်အီၤဒ်သ့ၣ်လၢအလီၤဃံၤအသိးန့ၣ်လီၤ.

လံာ်စီၤယိၤဘး 7:9

ဒ်တၢ်အၢၣ်လၢအဒံကွံာ်ဒီးဟါမၢ်ကွံာ်အသိးန့ၣ်, ပှၤတဂၤသံဝဲဒီးတဟဲက့ၤကဒါက့ၤနီတစုလၢၤဘၣ်.

စံးထီၣ်ပတြၢၤ 106:28

မၤကဒီးဖဲပဧိၢ်န့ၣ်, ကစၢ်ယွၤအပှၤဂီၢ် မုၢ်လဲၤသကိးတၢ်လၢ တၢ်ဘူၣ်ထီၣ်ဘါထီၣ်ဘဧၤလးအပူၤ, ဒီးအီၣ်တၢ်လုၢ်တၢ်ပာ်တဖၣ်လၢ တၢ်လုၢ်ထီၣ်အီၤဆူ ကစၢ်လၢအသံတဖၣ်န့ၣ်လီၤ.

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

စံးထီၣ်ပတြၢၤ 135:17

အဝဲသ့ၣ်အိၣ်ဒီးအနၢ်, ဘၣ်ဆၣ် နၢ်ဟူတၢ်တသ့ဘၣ် သါထီၣ်သါလီၤဒၣ်လဲာ်တသ့ဘၣ်.

စံးထီၣ်ပတြၢၤ 36:12

ကွၢ်, ပှၤမၤတၢ်အၢတဖၣ်လီၤဃံၤန့ၣ်တက့ၢ်. အဝဲသ့ၣ်မံလီၤဖဲန့ၣ်, ဂဲၤဆၢထၢၣ်က့ၤဝဲတန့ၢ်လၢၤဘၣ်န့ၣ် လီၤ.

စံးထီၣ်ပတြၢၤ 59:5

ဂဲၤဆၢထၢၣ်, ယွၤ, သ့တၢ်လၢာ်အကစၢ်ယွၤဧၢ, ဟဲလၢတၢ်မၤစၢၤယၤအဂီၢ်တက့ၢ်. အံၣ်စရ့လးအကစၢ်ယွၤဧၢ, ဟဲကွၢ်လၢနကစၢ်ဒၣ်နဲတက့ၢ်. ဖုသံနီၣ်ထီၣ်ဒီးစံၣ်ညီၣ်ပှၤလၢ တဘူၣ်ထီၣ်ဘါထီၣ်နၤတဖၣ်, ဒုးနဲၣ်နတၢ်သးကညီၤဆူပှၤကူၣ်လီတၢ်တဖၣ် နီတစဲးတဂ့ၤ. စ့လၤ

စံးထီၣ်ပတြၢၤ 9:6

ပဒုၣ်ပဒါတဖၣ်ဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့, ဒီးနမၤဟးဂီၤကွံာ်အဝ့ၢ်တဖၣ် ဒီးအဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလံ.

လံာ်တၢ်ဟးထီၣ်ကွံာ် 14:30

ဒီးလၢမုၢ်တနံၤန့ၣ်ယွၤအုၣ်က့ၤခီၣ်က့ၤကီၢ်အံၣ်စရ့လးအပှၤ ဂီၢ်မုၢ်လၢပှၤအဲၤကူပတူးဖိတဖၣ်အစုပူၤဒီးပှၤအံၣ်စရ့လး ဖိတဖၣ်ထံၣ်ဘၣ်အဝဲသ့ၣ်လီၤအုးသံလၢပီၣ်လဲၣ်ကၢၢ်နံၤန့ၣ်လီၤ.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

လံာ်ပှၤစံၣ်တဲၤတဲလီၤတၢ် 9:5

ပှၤအမူတဖၣ်သ့ၣ်ညါဝဲလၢကဘၣ်သံဝဲ, ဘၣ်ဆၣ်ပှၤသံတဖၣ်တသ့ၣ်ညါ တၢ်နီတမံၤဘၣ်. ခိၣ်ဖးဆူညါလၢအဂီၢ်တအိၣ်ဘၣ်. အဝဲသ့ၣ်ဘၣ်တၢ်သးပ့ၤနီၣ်ကွံာ်အီၤလၢာ်လၢာ်ဆ့ဆ့လီၤ.

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယၡါယၤ 29:6

အဝဲကဆှၢလီၤကလံၤမုၢ်တွၤတဖၣ်ဒီးမ့ၣ်အူလၣ်လၢအကအီၣ် ကွံာ်တၢ်လီၤ.

လံာ်ယၡါယၤ 37:19

ဒီးဒွဲၣ်အူထီၣ်ကွံာ်အကစၢ်တဖၣ်, လၢတမ့ၢ်ကစၢ်တဖၣ်လ့ၤတက့ၤဘၣ်. မ့ၢ်ဒၣ်တၢ်အက့ၢ်အဂီၤတဖၣ်လၢသ့ၣ်ဒီးလၢၢ်ဧိၤလ့ဧိၤလၢပှၤကညီ မၤအီၤလၢအစုဒၣ်ဝဲန့ၣ်လီၤ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်မးသဲ 2:20

“ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်ဒီးက့ၤက့ၤဆူအံၣ်စရ့လး အထံအကီၢ်တက့ၢ်. အဂ့ၢ်ဒ်အံၤ ပှၤတဖၣ်လၢအဃုမၤသံဖိသၣ်န့ၣ်သံဝဲလံ.”

လံာ်သိၣ်လီၤသီလီၤတၢ် 4:28

ဖဲန့ၣ်သုကမၤကစၢ်တဖၣ်, လၢအဘၣ်တၢ်တ့အီၤလၢပှၤကညီအစုတဖၣ်အတၢ်, ကစၢ်တဖၣ်လၢအဘၣ်တၢ်မၤအီၤလၢသ့ၣ်ဒီးလၢၢ်, ကစၢ်တဖၣ်လၢအထံၣ်တၢ် မ့ၢ်ဂ့ၤ, နၢ်ဟူတၢ်မ့ၢ်ဂ့ၤ, အီၣ်တၢ်အီတၢ်မ့ၢ်ဂ့ၤတသ့ဘၣ်. အီၣ်တၢ်မ့ၢ်ဂ့ၤ, နၢတၢ်မ့ၢ်ဂ့ၤ, တသ့ဘၣ်န့ၣ်လီၤ.

လံာ်လီၣ်ဖျါ 20:5

(ပှၤသံအဂၤတဖၣ်, တချုးအနံၣ်တကထိပှဲၤထီၣ်ဒံးဘၣ်န့ၣ်, တဂဲၤဆၢထၢၣ်သမူထီၣ်က့ၤဘၣ်) အဝဲအံၤမ့ၢ်တၢ်ဒုးဂဲၤဆၢထၢၣ်သမူထီၣ်က့ၤပှၤအဆိ ကတၢၢ်တဘျီလီၤ.