လံာ်ယၡါယၤ 26:1 - Sgaw Karen Common Bible

¹ မုၢ်တနံၤဖဲပှၤဂီၢ်မုၢ်ကသးဝံၣ်တၢ်သးဝံၣ်အံၤလၢကီၢ်ယူဒၤ အပူၤန့ၣ်ဘူးထီၣ်လံ. ပဝ့ၢ်အံၤအဂံၢ်ဆူၣ်လီၤ. ကစၢ်ယွၤအနီၢ်ကစၢ်ဒၣ်ဝဲကဟုကယာ် အခိၣ်ဒူတဖၣ်လီၤ.

လံာ်ယၡါယၤ 26:1 Iomraidhean Croise

လံာ်စီၤဧ့စြၤ 3:11

အဝဲသ့ၣ်သးဝံၣ်စံးထီၣ်ပတြၢၤယွၤဒီးသးဝံၣ်ကဒါက့ၤတၢ်သး ဝံၣ်အကူာ်လၢအမ့ၢ်ဝဲ, “ယွၤန့ၣ်ဂ့ၤဝဲ, ဒီးအတၢ်အဲၣ်လၢအံၣ်စရ့လးအဂီၢ်မ့ၢ်တၢ်လီၤ ထူလီၤယိာ်လီၤ.” ပှၤကိးဂၤဒဲးကိးသတြီထီၣ်လၢအဂံၢ်အဘါခဲလၢာ်, စံးထီၣ်ပတြၢၤယွၤ, မ့ၢ်လၢတၢ်ပာ်လီၤတၢ်လုၢ်ဟံၣ်ခီၣ်ထံးအတၢ် မၤဘၣ်တၢ်စးထီၣ်လံအီၤအဃိန့ၣ်လီၤ.

စံးထီၣ်ပတြၢၤ 31:21

မ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဂ့ၢ်ဒ်အံၤ, ဖဲယဘၣ်တၢ်ကဝီၤဃာ်ယၤလၢ ဝ့ၢ်ပူၤဒီးဘၣ်တၢ်ထီဒါယၤအခါန့ၣ်, အတၢ်အဲၣ်လၢအဒုးနဲၣ်ယၤအံၤ လီၤလးဆံးဒိၣ်လဲၣ်.

စံးထီၣ်ပတြၢၤ 48:12

ကစၢ်ယွၤအပှၤဂီၢ်မုၢ်တဖၣ်ဟးတရံးစံယိၣ် ဒီးဂံၢ်တၢးထီခၢၣ်သနၢၣ်တဖၣ်,

စံးထီၣ်ပတြၢၤ 48:4

စီၤပၤသ့ၣ်တဖၣ်ပာ်ဖှိၣ်ထီၣ်အသးတပူၤဃီ ဒီးဟဲဝဲလၢကဒုးကစၢၢ်စံယိၣ်အဂီၢ်န့ၣ်လီၤ.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 14:31

သုဝဲပှၤဖလ့ၡသးဖိအဝ့ၢ်တဖၣ်ဧၢ, ဟီၣ်အိၣ်ယူၤဒီးကိးထီၣ်လၢ တၢ်မၤစၢၤအဂီၢ်တက့ၢ်. သုဝဲခဲလၢာ်သ့ၣ်ဧၢ, ပျံၤတၢ်ဖုးတၢ်တက့ၢ်. ဖၣ်ကမူၣ်အတၢ်အၢၣ်တကိၢ်လိၣ်ဟဲထီၣ်လၢကလံၤစိးတခီလီၤ. မ့ၢ်သုးမုၢ်တဖုလၢပှၤပျံၤတၢ်တအိၣ်ဘၣ်လၢအသုးမုၢ်အကျါနီ တဂၤဘၣ်န့ၣ်လီၤ.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 31:5

ဒ်ထိၣ်တဘ့ၣ်ယူၤဝ့ၤဝီၤလၢအသွံအဖီခိၣ်လၢတၢ်ဒီဒၣ်အိၣ်ပှိၤ အဖိတဖၣ်အဂီၢ်အသိး, ယၤ, ယွၤသ့တၢ်လၢာ်ကဒီဒၣ်အိၣ်ပှိၤ ဝ့ၢ်ယရူၤၡလ့ၣ်ဒီးခီၣ်ဆၢတၢ်လၢအဂီၢ်လီၤ.”

လံာ်ယၡါယၤ 31:9

အဝဲသ့ၣ်အစီၤပၤကဃ့ၢ်ကွံာ်လၢတၢ်ပျံၤတၢ်ဖုးအပူၤ, ဒီးအမူဒါလီၢ်လၤခိၣ်တဖၣ်ကပျံၤတၢ်တုၤဒၣ်လဲာ်ကပာ်လီၤတဲာ် ကွံာ်အတၢ်ဒုးအနီၣ်တယၢ်တဖၣ်လီၤ. ယွၤကတိၤလံတၢ်လံ. မ့ၢ်ယွၤလၢအဘၣ်တၢ်ဘူၣ်ထီၣ်ဘါ ထီၣ်အီၤလၢဝ့ၢ်ယရူၤၡလ့ၣ်အပူၤဒီးယွၤလၢအမ့ၣ်အူ အီၣ်တၢ်ဖဲန့ၣ်လၢတၢ်လုၢ်ထီၣ်ပာ်ထီၣ်အဂီၢ်န့ၣ်လီၤ.”

လံာ်ယၡါယၤ 33:5

ယွၤန့ၣ်ဒိၣ်ဝဲဆံးဒိၣ်လဲၣ်. အဝဲပၢတၢ်လၢတၢ်ခဲလၢာ်အဖီခိၣ်လီၤ. အဝဲကမၤပှဲၤဝ့ၢ်ယရူၤရှလ့ၣ်ဒီးတၢ်စံၣ်ညီၣ်တီဒီးတၢ်မၤတီ အကလုၢ်,

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 5:1

ဖဲယသးဝံၣ်န့ၢ်နၤတၢ်သးဝံၣ်အံၤ, ယတံၤသကိးဒီးအစပံးလီၢ် အတၢ်သးဝံၣ်တယုၢ်အံၤန့ၣ်, ဒိကနၣ်တက့ၢ်. ယတံၤသကိးအိၣ်ဒီးအစပံးလီၢ်တလီၢ်လၢအအိၣ်လၢကစၢၢ်ဖိ လၢဟီၣ်ခိၣ်ညၣ်ထ့ၣ်ဂ့ၤဒိၣ်မးအဒီခိၣ်လီၤ.

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်ယၡါယၤ 60:18

တၢ်စုဆူၣ်ခီၣ်တကးအသီၣ်တဖၣ် နတနၢ်ဟူဘၣ်လၢၤအီၤဘၣ်, တၢ်မၤဟးဂီၤတမၤလီၤကလဲကဒီး နထံနကီၢ်တဘျီလၢၤဘၣ်. ယကဒီဒၣ်အိၣ်ပှိၤဒီးကဟုကယာ်နၤဒ် တၢ်ဒူၣ်တခါအသိး, နကစံးထီၣ်ပတြၢၤယၤ မ့ၢ်လၢယအုၣ်က့ၤခီၣ်က့ၤတ့ၢ်နၤအဃိလီၤ.

လံာ်ယၡါယၤ 62:10

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဟးထီၣ်လၢဝ့ၢ်အချၢ ဒီးဘှီထီၣ်ကျဲမုၢ်တဘိလၢသုပှၤဂီၢ်မုၢ်လၢကဟဲက့ၤက ဒါက့ၤတဖၣ်အဂီၢ်တက့ၢ်. ကတဲာ်ကတီၤကျဲမုၢ်ဖးဒိၣ်တဘိ, မၤပျီကွံာ်လၢၢ်တဖၣ်တက့ၢ်. ပာ်လီၤတၢ်ပနီၣ်တမံၤဒ်သိးပှၤကလုာ်တဖၣ် ကသ့ၣ်ညါဝဲလၢ,

လံာ်ယၡါယၤ 62:11

ယွၤဘိးဘၣ်သ့ၣ်ညါလီၤတၢ်လၢဟီၣ်ခိၣ်ဒီဘ့ၣ် ဒ်သိးတၢ်ကတဲဘၣ်ဝ့ၢ်ယရူၤရှလ့ၣ်အပှၤဂီၢ်မုၢ် လၢယွၤဟဲဝဲလၢကအုၣ်က့ၤခီၣ်က့ၤဝ့ၢ် ယရူၤရှလ့ၣ်ဒီးဟဲစိာ်ဃုာ်ပှၤဂီၢ်မုၢ်လၢအဝဲမၤပူၤဖျဲးတ့ၢ်တဖၣ် ဃုာ်ဒီးအီၤန့ၣ်လီၤ.

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 40:5

တၢ်လၢယထံၣ်ဘၣ်အီၤန့ၣ်, မ့ၢ်ယွၤအတၢ်လုၢ်ဟံၣ်ဒီးတၢ်ခိၣ်ဒူ တခါလၢအအိၣ်ဝးတရံးအီၤန့ၣ်လီၤ. ပှၤကညီတဂၤန့ၣ်ဟံးထီၣ် အနီၣ်ထိၣ်ဘိလၢအထီဃုပျၢ်ဒီးထိၣ်ဝဲတၢ်ခိၣ်ဒူန့ၣ်လီၤ. အထီအိၣ်ဝဲဒၣ်ဃုပျၢ်ဒီးအအီၣ်ဃီၤမ့ၢ်ဝဲဃုပျၢ်န့ၣ်လီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်စကၤရယၤ 2:9

“ယွၤအနီၢ်ကစၢ်ဒၣ်ဝဲကဒုးတၢ်ထီဒါသု, ဒီးသုကဘၣ်တၢ်ဂုာ်ဆူၣ်ပျီဆူၣ်သုလၢပှၤဂီၢ်မုၢ်, လၢတဘျီအမ့ၢ်တ့ၢ်သုခ့သုပှၤတဖၣ်န့ၣ်လီၤ.” ဖဲတၢ်အံၤမၤအသးန့ၣ်, ပှၤကိးဂၤဒဲးကသ့ၣ်ညါဝဲဒၣ်လၢယွၤသ့ တၢ်လၢာ်ဆှၢလီၤယၤန့ၣ်လီၤ.

လံာ်တၢ်ဂံၢ် 21:17

အကတီၢ်ဖဲန့ၣ်ကီၢ်အံၣ်စရ့လးအပှၤဂီၢ်မုၢ်သးဝံၣ်တၢ်သးဝံၣ်အံၤ လီၤ. “ထံပူၤတဖၣ်ဧၢ, ဟ့ၣ်ထီၣ်သုထံဒီးပကသဂၢၢ်အီၤလၢတၢ်သးဝံၣ် တယုၢ်,

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.