လံာ်ယၡါယၤ 25:7 - Sgaw Karen Common Bible

⁷ ဖဲအံၤယွၤကသုးကွံာ်တၢ်သးအုးအတၢ်အၢၣ်လၢအအိၣ်လၢ ကယဲၢ်ပှၤကလုာ်ခဲလၢာ်အဖီခိၣ်သတူၢ်ကလာ်လီၤ.

လံာ်ယၡါယၤ 25:7 Iomraidhean Croise

လံာ်စကၤရယၤ 8:22

ပှၤဂီၢ်မုၢ်ဖးဒိၣ်တဖၣ်, ဒီးပှၤကလုာ်လၢအဂံၢ်ဆူၣ်ဘါဆူၣ်တဖၣ်, ကဟဲဆူဝ့ၢ်ယရူၤရှလ့ၣ်လၢကဘူၣ်ထီၣ်ဘါထီၣ်သ့တၢ်လၢာ်ယွၤ, ဒီးဃ့ဘါထုကဖၣ်လၢအတၢ်ဆိၣ်ဂ့ၤအဂီၢ်လီၤ.

လံာ်မးသဲ 27:51

တုၤနုၤတစု, ယၣ်ဘျးသဒၢလၢအအိၣ်စဲၤလီၤအသးလၢတၢ်လုၢ်ဟံၣ်ပူၤတဘ့ၣ်န့ၣ်, ယာ်ကွံာ်ခံခီစးထီၣ်လၢအခိၣ်ပၢၢ်လၢအခီၣ်ထံးလီၤ. ဟီၣ်ခိၣ်ဟူးဝဲ, လၢၢ်ဧိၤလ့ဧိၤတဖၣ်သ့ၣ်မုၢ်သ့ၣ်ဖးကွံာ်,

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

မၤတၢ် 17:30

ဖဲပှၤကညီတသ့ၣ်ညါဒံးကစၢ်ယွၤအဆၢကတီၢ်န့ၣ်, ယွၤကွၢ်ကပာ်အတၢ်ကမၣ်ဒ်န့ၣ်အသိးတမံၤလီၤ. မ့မ့ၢ်ခဲကနံၣ်အံၤအဝဲဒၣ်ဟ့ၣ်လီၤအကလုၢ်ဆူပှၤကိးဂၤဒဲးလၢ တၢ်လီၢ်ကိးပူၤဒဲးဒ်သိးအကဃၣ်ကွံာ်လၢအကျဲအၢကျဲသီ တဖၣ်န့ၣ်လီၤ.

အ့းဖ့းစူး 4:18

အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.

ဧ့ၤဘြံၤ 9:8

ခီဖျိတၢ်အံၤသးစီဆှံဒုးနဲၣ်ပှၤလၢဖဲဒဲလၢတၢ်ချၢတတီၤ အိၣ်ဒံးဝဲအဖၢမုၢ်န့ၣ်, ကျဲလၢတၢ်စီဆှံကတၢၢ်အလီၢ်န့ၣ်တဘၣ်တၢ်အိးထီၣ်ဒံး အီၤဘၣ်န့ၣ်လီၤ.