လံာ်ယၡါယၤ 25:5 - Sgaw Karen Common Bible

⁵ မ့မ့ၢ်နဲဒၣ်, ယွၤဧၢ, နဒုးအိၣ် ဘှီၣ်ပဒုၣ်ပဒါတဖၣ်လီၤ. နဒုးအိၣ်ဘှီၣ်ပှၤအၢပှၤသီ တဖၣ်အတၢ်ကိးပသူထီၣ်ဒ်တၢ်အၢၣ် တလိၣ်မၤခုၣ်လီၤနံၤအကိၢ်တနံၤအသိးန့ၣ်လီၤ.

လံာ်ယၡါယၤ 25:5 Iomraidhean Croise

စံးထီၣ်ပတြၢၤ 105:39

ကစၢ်ယွၤသလၣ်ထီၣ်တၢ်အၢၣ်လၢ အပှၤဂီၢ်မုၢ်အဖီခိၣ်ဒီး ဟ့ၣ်လီၤအီၤ မ့ၣ်အူလၢ မုၢ်နၤဒ်သိးကဟ့ၣ်အဝဲသ့ၣ်လၢတၢ်ကပီၤန့ၣ်လီၤ.

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 14:19

မ့မ့ၢ်နဲ, နတၢ်သွၣ်ခိၣ်ပူၤတအိၣ်ဘၣ်. ဒီးနစိၣ်ဘၣ်တၢ်ကွံာ်လီၤ အီၤဆူတၢ်အုၣ်တၢ်ကျၣ်အပူၤလီၤ. ဘၣ်တၢ်ကးဘၢအီၤလၢ သုးဖိတဖၣ်အနီၢ်ခိလၢအသံလၢတၢ်ဒုးတၢ်ယၤအပူၤဒီးဘၣ်တၢ် စူးကွံာ်ဃုာ်အီၤဒီးအဝဲသ့ၣ်ဆူလၢၢ်လ့အပူၤတပူၤဒီးဘၣ်တၢ်ယီၢ်တံၢ် အီၤန့ၣ်လီၤ.

လံာ်ယၡါယၤ 18:4

ယွၤစံးဘၣ်ယၤ, “ယကကွၢ်လီၤတၢ်ကစုဒုလၢမူခိၣ်ဒ်ပစီၤထံ လၢအအိၣ်ထီၣ်ဖဲကူးဘုအကတီၢ်လၢ မုၢ်နၤအကိၢ်တဖၣ်အပူၤအသိး, ဒီးဒ်မုၢ်အတၢ်ကပီၤဆှံကပီၤ ထီၣ်ဝဲလၢမုၢ်ဆါခီတၢ်ကိၢ်ခါအသိးန့ၣ်လီၤ.

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယဃ့းစက့လး 38:9

အဝဲဒီးအသုးမုၢ်ဒီးပှၤအါကလုာ်လၢအအိၣ်ဒီးအီၤ, ကလဲၤထီၣ် ဒုးတၢ်ဒ်ကလံၤမုၢ်အသိးဒီးကျၢၢ်ဘၢထံကီၢ်ဒ်တၢ်အၢၣ်အသိး န့ၣ်လီၤ.”