လံာ်ယၡါယၤ 25:2 - Sgaw Karen Common Bible

² နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယၡါယၤ 25:2 Iomraidhean Croise

လံာ်စီၤယိၤဘး 12:14

တုၤကစၢ်ယွၤမၤလီၤပှီၢ်တၢ်ဒီးမ့ၢ်မတၤဘှီထီၣ်က့ၤကသ့ဝဲဒၣ်န့ၣ်လဲၣ်. ဒီးမ့ၢ်မတၤမၤထူၣ်ဖျဲးပှၤလၢကစၢ်ယွၤစၢဃာ်အီၤ သ့တဂၤန့ၣ်လဲၣ်.

လံာ်ယၡါယၤ 13:20

ပှၤတအိၣ်တဆိးဘၣ်လၢအပူၤနီတဂၤနီတစုလၢၤဘၣ်. ပှၤဧ့ရ့းဖိလၢအဟးဝ့ၤဝီၤတဖၣ်တသူၣ်ထီၣ်ဘၣ်အဒဲဖဲန့ၣ်နီတစု ဘၣ်ဒီးပှၤကွၢ်သိတဒုးကိာ်လီၤအသိတဖၣ်ဖဲန့ၣ်နီတဂၤနီတစု လၢၤဘၣ်.

လံာ်ယၡါယၤ 13:21

ကကဲထီၣ်တၢ်လီၢ်လၢမဲးမုၢ်ခိၣ်အဆၣ်ဖိကီၢ်ဖိတဖၣ်အိၣ်ဝဲဆိး ဝဲဒီးဖဲဒိကအိတဖၣ်မၤအသွံတဖၣ်န့ၣ်လီၤ. ထိၣ်ကီၤလၤအုးတဖၣ် ကအိၣ်ကဆိးဖဲန့ၣ်, ဒီးမဲာ်တဲးလဲးအမံၤတဖၣ်ကစံၣ်ဝ့ၤစံၣ်ဝီၤလၢတၢ် ဟးဂီၤတဖၣ်အကျါန့ၣ်လီၤ.

လံာ်ယၡါယၤ 13:22

ထွံၣ်မံၤဒီးထွံၣ်ဟီၣ်ခိၣ်တဖၣ်အတၢ်မီၤအသီၣ်ကသီၣ်ဆၢက့ၤလၢ ပၢၤတၢ်အလီၢ်ဒီးနူၢ်ဧိၤစီၤဧိၤအပူၤန့ၣ်လီၤ. ကီၢ်ဘၤဘူၤလိၣ်အဆၢကတီၢ်ဟဲတုၤဝဲလံ. အမုၢ်နံၤတဖၣ်ကလၢာ်ဘူးထီၣ်လံ.”

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယၡါယၤ 17:1

ယွၤစံးဝဲဒၣ်, “ဒၤမ့းစ့းတမ့ၢ်ဝ့ၢ်တဖျၢၣ်ယံာ်ယံာ်လၢၤဘၣ်. ကမ့ၢ်ဒၣ်တၢ်လီၤပှီၢ်ဟးဂီၤတဖၣ်အတၢ်ပာ်ဖှိၣ်ထီၣ်အသးအလီၢ် တတီၤလီၤ.

လံာ်ယၡါယၤ 17:3

ကီၢ်အံၣ်စရ့လးအတိာ်ဧိၤတာ်ဧိၤတအိၣ်လၢၤဘၣ်ဒီးဝ့ၢ်ဒၤမ့ၤစ့း အတၢ်သဘျ့ကလီၤမၢ်ကွံာ်န့ၢ်အီၤလီၤ. ပှၤစူၤရံဖိတဖၣ်လၢအအိၣ်မူတ့ၢ်ဒံးဝဲန့ၣ်ကအိၣ်လၢတၢ်မဲာ်ဆှးအပူၤဒ် ပှၤအံၣ်စရ့လးဖိတဖၣ်အသိးလီၤ. ယၤ, ယွၤသ့တၢ်လၢာ်ကစၢ်ကတိၤလံ တၢ်လံ.”

လံာ်ယၡါယၤ 21:9

သတူၢ်ကလာ်, လၢအံၤအဝဲသ့ၣ်ဟဲဝဲလံ. ပှၤဒိးကသ့ၣ်ခံဂၤခံဂၤ စုာ်စုာ်လီၤ. ပှၤခိးတၢ်ဖိဆှၢတၢ်ကစီၣ်, “ကီၢ်ဘၤဘူၤလိၣ်လီၤကွံာ်လံ. တၢ်ဂီၤတၢ်ဖီၣ်တဖၣ်လၢအဝဲသ့ၣ် ဘူၣ်ထီၣ်ဘါထီၣ်ဝဲခဲလၢာ်ကၢ်လီၤကလဲဒီးဒါလီၤ အသးလၢဟီၣ်ခိၣ်လိၤလီၤ.”

လံာ်ယၡါယၤ 23:11

ယွၤယူာ်ဃီၤအစုလၢပီၣ်လဲၣ်အဖီခိၣ်ဒီးမၤဃၣ်ကွံာ်ဘီမုၢ် တဖၣ်လီၤ. အဝဲခါလီၤအကလုၢ်လၢပှၤဖံၤနံက့ၤဖိအကူၣ် တၢ်ကၤတၢ်အလီၢ်ခၢၣ်သးတဖၣ်ကဘၣ်တၢ်မၤဟးဂီၤအီၤ အဂီၢ်လီၤ.

လံာ်ယၡါယၤ 23:13

(ပှၤလၢအပျဲလီၤဆၣ်ဖိကီၢ်ဖိအမံၤတဖၣ်လၢကဃ့ၢ်မၤနၢၤကွံာ်ဝ့ၢ် ထါယၢၣ်န့ၣ်မ့ၢ်ဒၣ်ပှၤဘၤဘူၤလိၣ်ဖိတဖၣ်, ဒီးတမ့ၢ်ပှၤအၤၡူၢ်ဖိ တဖၣ်ဘၣ်လီၤ. ပှၤလၢအဘှီထီၣ်ပၢၤတၢ်အလီၢ်တဖၣ်လၢ ကဒုးတၢ်ဒီး, မၤလီၤပှီၢ်ကွံာ်ဝ့ၢ်ထါယၢၣ်အတိာ်ခၢၣ်သနၢၣ်တဖၣ်, ဒီးပာ်တ့ၢ်အီၤလၢတၢ်ဟးဂီၤတဖၣ်အပူၤန့ၣ်, မ့ၢ်တ့ၢ်ဝဲပှၤဘၤဘူၤလိၣ်ဖိတဖၣ်လီၤ.)

လံာ်ယၡါယၤ 24:10

လၢဝ့ၢ်ပူၤန့ၣ်, တၢ်ခဲလၢာ်အိၣ်လၢတၢ်သဘံၣ်ဘုၣ်အပူၤဒီး ပှၤဂီၢ်မုၢ်ကးတံာ်ဃးအခံလၢအဟံၣ်တဖၣ်အပူၤလၢတၢ်ဘံၣ် တၢ်ဘၢအဂီၢ်လီၤ.

လံာ်ယၡါယၤ 25:12

အဝဲကမၤဟးဂီၤကီၢ်မိၤအးအတိာ်ဧိၤတာ်ဧိၤတဖၣ်ဃုာ်ဒီး အဝ့ၢ်ခိၣ်ဒူလၢအထီတဖၣ်ဒီးမၤလီၤပှီၢ်လီၤကလဲကွံာ်အီၤဆူ ဖၣ်ကမူၣ်ဖၣ်ဆါအကျါန့ၣ်လီၤ.

လံာ်ယၡါယၤ 26:5

အဝဲဒၣ်ဆီၣ်လီၤကွံာ်ပှၤလၢအပာ်ထီၣ်ထီအသးတဖၣ်လီၤ. အဝဲဒၣ်မၤဟးဂီၤကွံာ်ဝ့ၢ်အဂံၢ်ဆူၣ်အဘါဆူၣ်လၢအဝဲသ့ၣ် အိၣ်တ့ၢ်ဆိးတ့ၢ်ဝဲ, ဒီးမၤလီၤပှီၢ်လီၤကလဲကွံာ်အခိၣ်ဒူတဖၣ် ဆူဖၣ်ကမူၣ်ဖၣ်ဆါအပူၤန့ၣ်လီၤ.

လံာ်ယၡါယၤ 27:10

ဝ့ၢ်ခိၣ်ဒူလၢအဂၢၢ်အကျၢၤန့ၣ်ဒါလီၤအသးလၢတၢ်ဟးဂီၤ တဖၣ်အပူၤလံ. အိၣ်သယုၢ်သညိလီၤဂာ်ဒ်ပှၢ်မုၢ်ကနၢလၢ တၢ်တအိၣ်နီတမံၤဘၣ်အသိးလီၤ. ကဲထီၣ်ဂီၤဘုၣ်ဂီၤဖံး အီၣ်ဆၣ်အလီၢ်တတီၤဖဲအဝဲသ့ၣ်အိၣ်ဘှံးဒီးအီၣ်အဆၣ်သ့ဝဲ န့ၣ်လီၤ.

လံာ်ယၡါယၤ 32:14

နူၢ်ဧိၤစီၤဧိၤဒၣ်လဲာ်န့ၣ်ကဘၣ်တၢ်ပာ်တ့ၢ်ကွံာ်အီၤဒီးဝ့ၢ်ခိၣ်န့ၣ် ဘၣ်တၢ်လဲၤသဒၣ်ကွံာ်အီၤလၢာ်လၢာ်ဆ့ဆ့လီၤ. ဟံၣ်ဒီးတိာ်တဖၣ်လၢအဒီဒၣ်အိၣ်ပှိၤအဝဲသ့ၣ်ကအိၣ်လၢတၢ်ဟးဂီၤ အပူၤလီၤစိၤလီၤထီလီၤ. ကသ့ၣ်ယီၤမံၤတဖၣ်ကဟးဝ့ၤဝီၤဖဲန့ၣ်, ဒီးသိတဖၣ်ကထံၣ်န့ၢ်အတၢ်အီၣ်ဆၣ်အလီၢ်ဖဲန့ၣ်လီၤ.

လံာ်ယၡါယၤ 32:19

(ဘၣ်ဆၣ်သူၣ်ကလီၤဝဲလၢသ့ၣ်ဒိၣ်ပှၢ်တီၣ်တဖၣ်အလိၤ, ဒီးဝ့ၢ်န့ၣ်ကဘၣ်တၢ်မၤလီၤပှီၢ်ကွံာ်အီၤန့ၣ်လီၤ.)

လံာ်ယၡါယၤ 34:13

တၤဆှုၣ် တၤမဲတဖၣ်ကမဲထီၣ်ပှဲၤကယဲၢ်နူၢ်ဧိၤစီၤဧိၤအပူၤဒီးဝ့ၢ် အိၣ်ဒီးအခိၣ်ဒူတဖၣ်အပူၤ, ဒီးထွံၣ်ဟီၣ်ခိၣ်တဖၣ်ဒီးဒိကအိ တဖၣ်ကအိၣ်လၢအဝဲသ့ၣ်အပူၤန့ၣ်လီၤ.

လံာ်ယၡါယၤ 37:26

မ့ၢ်နတနၢ်ဟူတ့ၢ်နဲနီတစုလၢယကူၣ်ကျဲၤတၢ်အံၤယံာ်တ့ၢ်လံ န့ၣ်ဘၣ်ဧါ. ဒီးခဲအံၤ, ယမၤထွဲတ့ၢ်အီၤလံ. ယဟ့ၣ်တ့ၢ်နၤတၢ်စိကမီၤလၢနကဒုးကဲထီၣ်ဝ့ၢ်တဖၣ်လၢအအိၣ်ဒီး တိာ်ဧိၤတာ်ဧိၤဆူတၢ်လီၤပှီၢ်ဟးဂီၤအတၢ်ပာ်ဖှိၣ်တဖၣ်န့ၣ်လီၤ.

လံာ်ယံးရမံယၤ 51:26

လၢၢ်တဖၣ်လၢ နတၢ်ဟးဂီၤအပူၤန့ၣ်, တၢ်တသူကဒါကဒီးအီၤ နီတဖျၢၣ်လၢတၢ်သူၣ်ထီၣ်ဘှီထီၣ်အဂီၢ်ဘၣ်. နကမၤနသးဒ် မဲးမုၢ်ခိၣ်အသိးလီၤစိၤလီၤဃၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်သိၣ်လီၤသီလီၤတၢ် 13:16

ဟဲစိာ်ဃီၤပှၤဂီၢ်မုၢ်လၢအအိၣ်ဖဲန့ၣ်တဖၣ်အတၢ်ဖိတၢ်လံၤခဲလၢာ် ဒီးပာ်ဖှိၣ်ထီၣ်အီၤဖဲဝ့ၢ်န့ၣ်အတၢ်လီၤပျီတက့ၢ်. ဒီးဆူးထီၣ်ကွံာ်ဝ့ၢ်န့ၣ်ဒီးတၢ်ခဲလၢာ်လၢအအိၣ်လၢအပူၤဒ်တၢ် လုၢ်တမံၤအသိးဆူယွၤသုကစၢ်ယွၤအအိၣ်တက့ၢ်. ဝ့ၢ်န့ၣ်ကဘၣ်တၢ်ပာ်တီၢ်အီၤလၢတၢ်ဟးဂီၤအပူၤလီၤထူလီၤယိာ် ဒီးတၢ်တဘှီထီၣ်က့ၤကဒီးအီၤနီတစုလၢၤဘၣ်န့ၣ်လီၤ.

လံာ်လီၣ်ဖျါ 18:19

အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”