လံာ်ယၡါယၤ 25:10 - Sgaw Karen Common Bible

¹⁰ ကစၢ်ယွၤကဒီဒၣ်အိၣ်ပှိၤကစၢၢ်စံယိၣ်လီၤ. မ့မ့ၢ်ကီၢ်မိၤအးအပှၤဂီၢ်မုၢ်န့ၣ်ကဘၣ်တၢ်ယီၢ်လီၤတံၢ်အီၤဒ် ဘုလီၢ်ဘၣ်တၢ်ယီၢ်တံၢ်အီၤလၢတၢ်အ့ၣ်တၢ်ဆံၣ်အပူၤအသိးလီၤ.

လံာ်ယၡါယၤ 25:10 Iomraidhean Croise

စံးထီၣ်ပတြၢၤ 83:10

နမၤနၢၤကွံာ်အဝဲသ့ၣ်လၢဧံၤဒိၣ် ဒီးအခိၣ်တဖၣ်အုၣ်ကွံာ်လၢ ဟီၣ်ခိၣ်လိၤလီၤ.

လံာ်ယၡါယၤ 10:31

ပှၤလၢဝ့ၢ်မၤဒမ့ၤနၤဒီးသဝီက့ဘံၣ်တဖၣ်ဃ့ၢ်ကွံာ်ဝဲလၢအသး သမူအဂီၢ်လီၤ.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 14:19

မ့မ့ၢ်နဲ, နတၢ်သွၣ်ခိၣ်ပူၤတအိၣ်ဘၣ်. ဒီးနစိၣ်ဘၣ်တၢ်ကွံာ်လီၤ အီၤဆူတၢ်အုၣ်တၢ်ကျၣ်အပူၤလီၤ. ဘၣ်တၢ်ကးဘၢအီၤလၢ သုးဖိတဖၣ်အနီၢ်ခိလၢအသံလၢတၢ်ဒုးတၢ်ယၤအပူၤဒီးဘၣ်တၢ် စူးကွံာ်ဃုာ်အီၤဒီးအဝဲသ့ၣ်ဆူလၢၢ်လ့အပူၤတပူၤဒီးဘၣ်တၢ်ယီၢ်တံၢ် အီၤန့ၣ်လီၤ.

လံာ်ယၡါယၤ 16:14

ဒီးခဲအံၤယွၤစံးဝဲဒၣ်, “လၢသၢနံၣ်တီတီအပူၤန့ၣ်, ကီၢ်မိၤအးအတၢ်ထူးတၢ်တီၤဖးဒိၣ်ကလီၤမၢ်ကွံာ်ဝဲလီၤ. လၢအပှၤဂီၢ်မုၢ်အါအါဂီၢ်ဂီၢ်အကျါန့ၣ်, ထဲပှၤစှၤဂၤဧိၤက အိၣ်မူတ့ၢ်ဝဲဒီးအဝဲသ့ၣ်အဂံၢ်အဘါကစၢ်ဝဲလီၤ.”

လံာ်ယၡါယၤ 16:6

ပှၤယူဒၤဖိတဖၣ်စံးဝဲ, “ပနၢ်ဟူတ့ၢ်ပှၤမိၤအးဖိတဖၣ်ပာ် ထီၣ်ထီအသးထဲလဲၣ်လီၤ. ပသ့ၣ်ညါလၢအဝဲသ့ၣ်ပာ်ကဖၢလၢအ သးဒီးပာ်ထီၣ်ထီအသးလီၤ. ဘၣ်ဆၣ်ဒီး, အတၢ်ကတိၤ ဒိၣ်အကိာ်တဖၣ်န့ၣ်မ့ၢ်တၢ်အိၣ်ကလီလီၤ.”

လံာ်ယၡါယၤ 18:4

ယွၤစံးဘၣ်ယၤ, “ယကကွၢ်လီၤတၢ်ကစုဒုလၢမူခိၣ်ဒ်ပစီၤထံ လၢအအိၣ်ထီၣ်ဖဲကူးဘုအကတီၢ်လၢ မုၢ်နၤအကိၢ်တဖၣ်အပူၤအသိး, ဒီးဒ်မုၢ်အတၢ်ကပီၤဆှံကပီၤ ထီၣ်ဝဲလၢမုၢ်ဆါခီတၢ်ကိၢ်ခါအသိးန့ၣ်လီၤ.

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 26:6

ခဲအံၤပှၤလၢအဘၣ်တၢ်မၤနးမၤဖှီၣ်အီၤတဖၣ်, ဟးလၢအဖီခိၣ် ဒီးယီၢ်တံၢ်အီၤလၢအခီၣ်အဖီလာ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 48:1

အအံၤမ့ၢ်တၢ်လၢ ယွၤသ့တၢ်လၢာ် စံးကတိၤတၢ်ဘၣ်ဃး ကီၢ်မိၤအးအဂ့ၢ် န့ၣ်လီၤ. “သးကညီၤဘၣ် ဝ့ၢ်နဘိအပှၤဂီၢ်မုၢ်တက့ၢ်. အဝဲသ့ၣ်အဝ့ၢ်ဘၣ် တၢ်မၤဟးဂီၤကွံာ်အီၤလံ. ဝ့ၢ်ကံးရယးသံၣ်ဘၣ် တၢ်ဒုးန့ၢ်ကွံာ်အီၤလံ. အတိာ်ဖးဒိၣ်ဘၣ်တၢ်မၤလီၤပှီၢ်အီၤ ဒီးအပှၤဂီၢ်မုၢ်ဘၣ်တၢ်မၤမဲာ်ဆှးအီၤလံ.

လံာ်ယံးရမံယၤ 48:2

ကီၢ်မိၤအးအတၢ်လီၤဘီလီၤမုၢ်တအိၣ်ဘၢၤဘၣ်. ဒုၣ်ဒါဒုးန့ၢ်ကွံာ်လံ ဝ့ၢ်ဃ့ၡဘိၣ် ဒီးကူၣ်ထီၣ်ဝဲလၢ ကမၤဟးဂီၤကွံာ် ကီၢ်မိၤအးအပှၤကလုာ်န့ၣ်လီၤ. ဝ့ၢ်မးဒမၣ်ကဘၣ်တၢ်မၤဘှ့ၣ်ဘှီၣ်ကွံာ်အီၤ, သုးမုၢ်တဖၣ်ကလဲၤထီၣ်ဒုးတၢ်ထီဒါအီၤလီၤ.

လံာ်သးသယုၢ်တၢ် 1:15

ယွၤနံၤဘၣ်ဖၣ်လဲတ့ၢ်ကယဲၢ်ယသုးမုၢ်သံၣ်ဘိလၢအဆူၣ်ကတၢၢ်တဖၣ် လီၤ. ဆှၢလီၤတ့ၢ်ဝဲသုးမုၢ်တဖုဒ်သိးကမၤဟးဂီၤယပှၤသးစၢ်တဖၣ်န့ၣ် လီၤ. မၤဟးဂီၤတ့ၢ်ကီၢ်ယူဒၤအကဟုကညီၢ်ဒ်စပံးသၣ်တဖၣ်အိၣ်လၢနီၣ် စံၢ်စပံးသၣ်အကျိးပူၤအသိးန့ၣ်လီၤ.

လံာ်ယဃ့းစက့လး 25:8

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “မ့ၢ်လၢကီၢ်မိၤအးစံး တ့ၢ်ဝဲလၢကီၢ်ယူဒၤန့ၣ်လီၤဂာ်ဒီးကယဲၢ်ကီၢ်အဂၤတဖၣ်အဃိ,

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”

လံာ်စဖါနယၤ 2:9

ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”

လံာ်တၢ်ဂံၢ် 24:17

ယကွၢ်တၢ်ဆူခါဆူညါအပူၤ, ဒီးယထံၣ်အံၣ်စရ့လးအပှၤကလုာ်, စီၤပၤတဂၤ, လီၤဂာ်ဒီးဆၣ်လၢအကပီၤတဖျၢၣ်ကဟဲထီၣ်လၢပှၤကလုာ် န့ၣ်အပူၤလီၤ. ဒ်ဆၣ်မဲၢ်ထီၣ်တဖျၢၣ်အသိးန့ၣ်အဝဲကဟဲထီၣ်လၢကီၢ်အံၣ်စရ့လး အပူၤလီၤ. အဝဲကတီၢ်ကီၢ်မိၤအးအခိၣ်အနၢ်တဖၣ်, ဒီးဒိလီၤပှီၢ်ကယဲၢ်စ့ဧၢ်အပှၤဂီၢ်မုၢ်န့ၣ်လီၤ.