လံာ်ယၡါယၤ 24:9 - Sgaw Karen Common Bible

⁹ တၢ်အီစပံးထံဒီးသးဝံၣ်တၢ်လၢတၢ်သူၣ်ဖှံသးညီအပူၤတအိၣ် လၢၤဘၣ်. ပှၤတမုာ်လၤသးခုလၢအတၢ်ဘိၣ်တၢ်ဘဲအပူၤ နီတဂၤနီတစုလၢၤဘၣ်.

လံာ်ယၡါယၤ 24:9 Iomraidhean Croise

စံးထီၣ်ပတြၢၤ 69:12

ယကဲထီၣ်တၢ်ဘၣ်ကတိၤအလီၢ်လၢပှၤလၢ အဆ့ၣ်နီၤလၢပဲတြီဒီး ပှၤအီမူၤသံးတဖၣ်မၤတၢ်သးဝံၣ်တဖၣ်ဘၣ်ဃး ဒီးယၤလီၤ.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်ယၡါယၤ 5:20

သုဘၣ်တၢ်စံၣ်ညီၣ်ဃါမနၤလီၤ. သုကိးတၢ်အၢတၢ်သီလၢ တၢ်ဂ့ၤ, ဒီးတၢ်ဂ့ၤလၢတၢ်အၢတၢ်သီလီၤ. သုဘိးကဒါတၢ်ခံးဆူတၢ်ကပီၤဒီးတၢ်ကပီၤဆူတၢ်ခံးလီၤ. တၢ်အခၣ်န့ၣ်သုဒုးကဲထီၣ်အီၤလၢတၢ်အဆၢ, ဒီးတၢ်လၢအဆၢန့ၣ် သုမၤခၣ်အီၤလီၤ.

လံာ်ယၡါယၤ 5:22

သုဘၣ်တၢ်စံၣ်ညီၣ်ဃါမနၤလီၤ. စပံးထံပလီအပှၤဒူပှၤဃိၤသ့ၣ် ဧၢ, ဖဲသုကျဲၣ်ကျီသံးဧိၤဂာ်ဧိၤန့ၣ်, သုဒူ သုဃိၤဒီးတၢ်ပျံၤတၢ်ဖုးတအိၣ်ဒီးသုဘၣ်.

လံာ်ယဃ့းစက့လး 26:13

ယကမၤကတၢၢ်ကွံာ် ကယဲၢ်သုတၢ်သးဝံၣ်တဖၣ် ဒီးယကမၤဘှ့ၣ်မၤဘှီၣ်ကွံာ်သုသီတူၢ်တဖၣ် အတၢ်သူၣ်ဝံၣ်သးဆၢအသီၣ်န့ၣ်လီၤ.

လံာ်ဧၤမိၣ် 8:10

ယကဘိးကဒါကွံာ်သုတၢ်ဘူၣ်တၢ်ဘါအမူးတဖၣ်ဆူတၢ်သံတၢ်ပှၢ် ဒီးလဲလိာ်ကွံာ်သုတၢ်သးခုအတၢ်သးဝံၣ်ဆူတၢ်သူၣ်အုးသးအုး အတၢ်ဟီၣ်တၢ်ယၢၤတဖၣ်န့ၣ်လီၤ. ယကမၤတုၤသုလူၤကျိသုခိၣ် တဖၣ်ဒီးသိးထီၣ်ထၢၣ်တၢ်ကံးညၣ်ဒီးသုကလီၤဂာ်ဒီးမိၢ်ပၢ်လၢ အဟီၣ်အယၢၤလၢအဖိခွါအိၣ်ထဲတဂၤဧိၤအဃိန့ၣ်လီၤ. မုၢ်တနံၤန့ၣ်ကခၣ်တုၤတၢ်အကတၢၢ်န့ၣ်လီၤ.

လံာ်ဧၤမိၣ် 8:3

လၢမုၢ်တနံၤန့ၣ်တၢ်သးဝံၣ်တဖၣ်လၢနူၢ်ဧိၤစီၤဧိၤ အပူၤကကဲထီၣ်တၢ်သူၣ်အုးသးအုးအတၢ်ဟီၣ်တၢ်ယၢၤတဖၣ်န့ၣ်လီၤ. တၢ်သံစိၣ်တဖၣ်ကအိၣ်လၢတၢ်လီၢ်ကိးပူၤဒဲး, ဒီးကဘၣ်တၢ်စူးကွံာ်အီၤကစုဒုန့ၣ်လီၤ.

လံာ်စကၤရယၤ 9:15

ယွၤသ့တၢ်လၢာ်ကစၢ်ကအိၣ်ပှိၤဒီဒၣ်အပှၤဂီၢ်မုၢ်, ဒီးအဝဲသ့ၣ်ကမၤဟးဂီၤကွံာ်အဒုၣ်အဒါတဖၣ်န့ၣ်လီၤ. အဝဲသ့ၣ်ကကိးပသူထီၣ်လၢတၢ်ဒုးအပူၤဒ်ပှၤအီမူၤသံးတဖၣ်အသိး, ဒီးကဒုးယွၤလီၤအဒုၣ်အဒါတဖၣ်အသွံၣ်လီၤ. အဒုၣ်အဒါတဖၣ်အသွံၣ်ကလီၤဂာ်ဒ်တၢ်လုၢ်တၢ်ပာ်တမံၤ အသွံၣ်လၢအဘၣ်တၢ်လူလီၤအီၤလၢသလၢတဖျၢၣ်အပူၤဆူတၢ်လုၢ် လီၢ်အဖီခိၣ်အသိးန့ၣ်လီၤ.