လံာ်ယၡါယၤ 24:8 - Sgaw Karen Common Bible

⁸ ဒီးအဝဲသ့ၣ်အတနၢ်တဖၣ်ဒီးကျိၣ်တဖၣ်အသီၣ်လၢအပှဲၤဒီးတၢ် သးခုန့ၣ်ဆိကတီၢ်အသးလံ.

လံာ်ယၡါယၤ 24:8 Iomraidhean Croise

လံာ်စီၤယိၤဘး 3:7

ဒုးကဲထီၣ်အီၤလၢမုၢ်နၤလၢအအိၣ်သယုၢ်ဒီးတၢ်သူၣ်ဖှံ သးညီအသီၣ်သုတဟူထီၣ်တဂ့ၤ.

လံာ်စီၤယိၤဘး 30:31

တၢ်လီၢ်ဖဲတဘျီယနၢ်ဟူတၢ်သူၣ်ဖှံသးညီအတၢ်သးဝံၣ်န့ၣ် ခဲကနံၣ်အံၤယနၢ်ဟူထဲတၢ်သူၣ်အုးသးအုးဒီးတၢ်ဟီၣ်တၢ် ယၢၤန့ၣ်လီၤ.

စံးထီၣ်ပတြၢၤ 137:2

ပဘျးထီၣ်ပတနၢ်တဖၣ်လၢ ပံၢ်သလီအဒ့အလိၤလီၤ.

လံာ်ယၡါယၤ 16:10

လၢစံာ်ပျီလၢဟီၣ်ခိၣ်ညၣ်ထ့ၣ်ဂ့ၤတဖၣ်အပူၤ, ပှၤတသးခုလၢၤ နီတဂၤလၢၤဘၣ်. လၢစပံးလီၢ်တဖၣ်အပူၤပှၤကကိးပသူထီၣ် ဒီးသူၣ်ဝံၣ်သးဆၢတၢ်တအိၣ်လၢၤနီတဂၤလၢၤဘၣ်. ပှၤကယီၢ်စပံးသၣ်လၢကဒုးကဲထီၣ်စပံးထံအဂီၢ်တအိၣ်လၢၤ နီတဂၤလၢၤဘၣ်. တၢ်သးခုအတၢ်ကိးပသူထီၣ်တဖၣ် ဆိကတီၢ်အသးလံ.

လံာ်ယၡါယၤ 5:12

လၢသုတၢ်အီၣ်အမူးတဖၣ်အပူၤသုအိၣ်ဒီးတနၢ်သီတူၢ်, ဒၢဧိၤမိၤဧိၤ, ပံဧိၤတြၤဧိၤဒီးစပံးထံလီၤ. ဘၣ်ဆၣ်သုတနၢ်ပၢၢ်တၢ်လၢယွၤမၤဝဲန့ၣ်ဘၣ်.

လံာ်ယၡါယၤ 5:14

ပှၤသံတဖၣ်အကီၢ်န့ၣ်သၣ်ဝံၤလီၤဒိလၢအဝဲသ့ၣ်ဒီးအိးထီၣ်အကိာ် ပူၤဖးလဲာ်န့ၣ်လီၤ. ယူၢ်လီၤကွံာ်ဝ့ၢ်ယရူၤၡလ့ၣ်အပှၤတူၢ်ဒိၣ်ကီၤဒိၣ် တဖၣ်ဃုာ်ဒီးပှၤမုၢ်ဆ့ၣ်မုၢ်ဂီၤလၢ အသီၣ်သဲပိၢ်ကလာ်တဖၣ်န့ၣ်လီၤ.

လံာ်ယံးရမံယၤ 16:9

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးဘၣ်ဝဲန့ၣ်တက့ၢ်. ယကမၤဘှ့ၣ် မၤဘှီၣ်ကွံာ်တၢ်သးခုဒီးတၢ်သူၣ်ဖှံသးညီအသီၣ်တဖၣ်ဒီးတၢ် တ့တၢ်ဖျီအတၢ်အီၣ်အမူးတဖၣ်အတၢ်သူၣ်ဖှံသးညီအသီၣ်န့ၣ်လီၤ. ပှၤဂီၢ်မုၢ်ဖဲအံၤကအိၣ်မူထံၣ်ဘၣ်တၢ်အံၤမၤအသးန့ၣ်လီၤ.

လံာ်ယံးရမံယၤ 25:10

ယကမၤဘှ့ၣ် မၤဘှီၣ်အဝဲသ့ၣ် အတၢ်ကိးထီၣ်အသီၣ်လၢ တၢ်သးခုဒီးတၢ်သူၣ်ဖှံသးညီအပူၤ, ဒီးတၢ်တ့တၢ်ဖျီအတၢ်အီၣ်အမူးတဖၣ် အတၢ်သီၣ်ထီၣ်လၢတၢ်သူၣ်ဖှံသးညီအပူၤန့ၣ်လီၤ. လၢအဝဲသ့ၣ် အမ့ၣ်အူဒၢတဖၣ်အဂီၢ်သိတအိၣ်လၢၤဘၣ်, ဒီးဘုဧိၤဟုဧိၤတအိၣ် လၢၤစ့ၢ်ကီးဘၣ်န့ၣ်လီၤ.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်သးသယုၢ်တၢ် 5:14

ပှၤသူၣ်က့သးပှၢ်တဖၣ်တဆ့ၣ်နီၤလၢၤဘၣ်လၢ ဝ့ၢ်အတြဲၤ, ဒီးပှၤသးစၢ်တဖၣ်တသူၣ်ဝံၣ်သးဆၢတၢ်လၢၤဘၣ်.

လံာ်ယဃ့းစက့လး 26:13

ယကမၤကတၢၢ်ကွံာ် ကယဲၢ်သုတၢ်သးဝံၣ်တဖၣ် ဒီးယကမၤဘှ့ၣ်မၤဘှီၣ်ကွံာ်သုသီတူၢ်တဖၣ် အတၢ်သူၣ်ဝံၣ်သးဆၢအသီၣ်န့ၣ်လီၤ.

လံာ်ယဃ့းစက့လး 28:13

နအိၣ်ဆိးတ့ၢ်လၢ ဧ့ၤဒ့ၣ်, ကစၢ်ယွၤအတၤသၣ်လီၢ်အပူၤဒီး နသိးထီၣ်တ့ၢ်လၢၢ်တၢ်မျၢ်ကိးကလုာ်ဒဲး လၢအမ့ၢ်တၢ်မျၢ်ဆီသွံၣ် တဖၣ်, တၢ်မျၢ်မဟူယၤတိၤအသး, တၢ်မျၢ်ဘီအူး သဖးယၤ, တၢ်မျၢ်လါဟ့, တၢ်မျၢ်မဟူယၤဂီၤ, တၢ်မျၢ်နကၤသွဲး, တၢ်မျၢ်နံၤလါအဲးတဖၣ်, လၢၢ်လါဟ့တဖၣ်ဒီးလၢၢ်ဂီၤတဖၣ်န့ၣ်လီၤ. နအိၣ်စ့ၢ်ကီးဒီးတၢ်ကယၢကယဲတဖၣ်လၢထူန့ၣ်လီၤ. တၢ်တဖၣ်န့ၣ်ဘၣ်တၢ်မၤတ့ၢ်အီၤလၢနဂီၢ်ဖဲမုၢ်တနံၤလၢ နဘၣ်တၢ်တ့လီၤပာ်လီၤနၤန့ၣ်လီၤ.

လံာ်ဟိၤၡ့ 2:11

ယကမၤကတၢၢ်ကွံာ်ကယဲၢ်အဝဲဒၣ်အမူးဧိၤပွဲဧိၤတဖၣ်လၢအမ့ၢ်, တနံၣ်တဘျီဒီးတလါတဘျီအဘူၣ်တဖၣ်ဒီးအမုၢ်အိၣ်ဘှံးနံၤအဘူၣ်တဖၣ်, ကယဲၢ်အတၢ်ဘူၣ်တၢ်ဘါအတၢ်အိၣ်ဖှိၣ်တဖၣ်န့ၣ်လီၤ.

လံာ်ဧၤမိၣ် 6:7

မၤသးဒ်န့ၣ်ဒီးသုကမ့ၢ်ပှၤအဆိကတၢၢ်တဖုလၢအကဘၣ်တၢ်စိာ်မၢကဲ ကုၢ်အီၤန့ၣ်လီၤ. သုတၢ်သူၣ်ခုသးခုအမူးတဖၣ်ဒီးတၢ်အီၣ်တၢ်အီအမူးဖးဒိၣ်တဖၣ် ကကတၢၢ်ဝဲဒၣ်န့ၣ်လီၤ.

လံာ်လီၣ်ဖျါ 18:22

တၢ်သူၣ်ဝံၣ်သးဆၢလၢအဟဲသီၣ်ထီၣ်လၢတနၢ်, ဒီးပှၤအကလုၢ်, ပှၤအူပံဒီးကွဲၤတဖၣ်, တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. ပှၤမၤတၢ်ဖိ, ဘၣ်ဃးဒီးတၢ်မၤတကလုာ်ဂ့ၤတကလုာ်ဂ့ၤတဘၣ်တၢ်ထံၣ်န့ၢ်အီၤလၢ နပူၤနီတစုလၢၤဘၣ်. ဒီးဆၢၣ်ဂူာ်လၢၢ်အသီၣ်တဘၣ်တၢ်နၢ်ဟူအီၤနီတစုလၢၤဘၣ်.