လံာ်ယၡါယၤ 24:6 - Sgaw Karen Common Bible

⁶ သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယၡါယၤ 24:6 Iomraidhean Croise

လံာ်စီၤပၤခံဘ့ၣ်တဘ့ၣ် 24:12

ဒီးစီၤပၤယဟိၤယါခံၣ်ဃုာ်ဒီးအဝဲအမိၢ်, အဝဲအဖိခွါတဖၣ်, သုးခိၣ်သုးနၢ်တဖၣ်, ဒီးပဒိၣ်ပပှၢ်လၢနူၢ်ပူၤစီၤပူၤတဖၣ်ဟ့ၣ် လီၤအသးဆူပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဖဲစီၤပၤနဘူၤကးန့စၢ်ပၢတၢ်ဃိးနံၣ်တနံၣ်အပူၤန့ၣ်အဝဲစိာ် ထီၣ်ကွံာ်ဝဲစီၤယဟိၤယါခံၣ်ဒ်ပှၤဘၣ်စၢဃာ်အသိး,

လံာ်စီၤပၤခံဘ့ၣ်တဘ့ၣ် 25:12

ဘၣ်ဆၣ်လၢကီၢ်ယူဒၤအပူၤန့ၣ်, အဝဲပာ်တ့ၢ်ပှၤအဖှီၣ်ကတၢၢ်အကျါ တနီၤလၢအတၢ်စုလီၢ်ခီၣ်ခိၣ်တအိၣ်နီတမံၤ, ဒီးမၢအဝဲသ့ၣ်မၤတၢ်လၢစပံးလီၢ်တဖၣ်ဒီးစံာ်ပျီတဖၣ်အပူၤန့ၣ်လီၤ.

လံာ်ယၡါယၤ 1:31

ဒ်ဘုလီၢ်လၢမ့ၣ်အူအီၣ်အီၤခီဖျိမ့ၣ်အူဖီတဖီးအသိး, ပှၤလၢအဂံၢ်ဆူၣ်ဘါဆူၣ်တဖၣ်ကဘၣ်တၢ်မၤဟးဂီၤအီၤ ခီဖျိအတၢ်မၤအအၢအသီတဖၣ်, ဒီးပှၤဆိကတီၢ်ကွံာ်တၢ်မၤ ဟးဂီၤအံၤတသ့နီတဂၤဘၣ်.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 34:5

ယွၤကတဲာ်ကတီၤတ့ၢ်အနးလၢမူခိၣ်, ဒီးခဲအံၤနးန့ၣ်ကကျီကွံာ်ကီၢ်အဒိၣ် အပှၤဂီၢ်မုၢ်လၢအစံၣ်ညီၣ်ဃၣ်တ့ၢ်ဝဲ ဆူတၢ်ဟးဂီၤအပူၤန့ၣ်လီၤ.

လံာ်ယၡါယၤ 43:28

ဒီးနပှၤပၢတၢ်တဖၣ်မၤတရီတပါယလီၢ်စီဆှံလီၤ. လၢတၢ်န့ၣ်အဃိ, ယဟဲစိာ်တ့ၢ်တၢ်ဟးဂီၤလၢ ကီၢ်အံၣ်စရ့လးအဖီခိၣ် ဒီးယပျဲယပှၤဂီၢ်မုၢ်ဒၣ်ယဲဘၣ်တၢ်မၤအီၤ တရီတပါလီၤ.”

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယၡါယၤ 9:19

မ့ၢ်လၢယွၤ, သ့တၢ်လၢာ်ကစၢ်အသးထီၣ်အဃိ, အဝဲအတၢ်စံၣ်ညီၣ်အီၣ်ကွံာ်တၢ်ဒ်မ့ၣ်အူအီၣ်တၢ်လၢထံကီၢ် ဒီဘ့ၣ်အသိး, ဒီးမၤဟးဂီၤကွံာ်ပှၤဂီၢ်မုၢ်လီၤ. ဒီးပှၤကိးဂၤဒဲးန့ၣ်မ့ၢ်ပှၤအဲၣ်လီၤထဲအသးဒၣ်ဝဲဧိၤန့ၣ်လီၤ.

လံာ်ယံးရမံယၤ 12:4

ပထံပကီၢ်အံၤကဃ့ထီဒံးဆံးယံာ် ဒီးနီၣ်ဧိၤမံၤဧိၤလၢစံာ်လီၢ်ကိးပူၤဒဲးကလီၤညွံးလီၤဘဲ ဒံးဆံးယံာ်လဲၣ်. ဆၣ်ဖိကီၢ်ဖိတဖၣ်ဒီးထိၣ်ဖိတဖၣ်သံဝဲ လၢပှၤဂီၢ်မုၢ်အတၢ်အၢတၢ်သီအဃိလီၤ. ပှၤဂီၢ်မုၢ်န့ၣ်စံးဝဲလၢ, “ကစၢ်ယွၤတထံၣ်တၢ်လၢပမၤအီၤန့ၣ်ဘၣ်.”

လံာ်ယံးရမံယၤ 5:14

ယွၤ, သ့တၢ်လၢာ်ကစၢ်ယွၤစံးဘၣ်တ့ၢ်ယၤ, “စီၤယံးရမံယၤဧၢ, မ့ၢ်လၢပှၤသ့ၣ်တဖၣ်အံၤစံးတ့ၢ်တၢ်ဒ်သိးအံၤအဃိ, ယတၢ်ကတိၤတဖၣ်လၢနကိာ်ပူၤန့ၣ်, ယကဒုးကဲထီၣ်အီၤဒ်မ့ၣ်အူအသိးန့ၣ်လီၤ. ပှၤဂီၢ်မုၢ်အံၤကမၤအသးဒ်သ့ၣ်မုၣ်အသိးဒီးမ့ၣ်အူကအီၣ်ကွံာ် အဝဲသ့ၣ်န့ၣ်လီၤ.”

လံာ်ယဃ့းစက့လး 5:3

ဟံးဃာ်တ့ၢ်ခိၣ်သူတနီၤဒီးဘိၣ်ဘံထီၣ်အီၤလၢနဆ့ကၤအခီၣ်ထံး တက့ၢ်.

လံာ်တၢ်ဘူၣ်ထီၣ်ဘါထီၣ် 26:22

ဒီးယကဆှၢလီၤဆၣ်ဖိကီၢ်ဖိအမံၤလၢသုကျါဒီးကမၤသံသုဖိ သုလံၤ, ဒီးမၤဟးဂီၤကွံာ်သုဆၣ်ဖိကီၢ်ဖိအဒၢဒီးမၤစှၤလီၤသု ဒ်သိးသုကျဲတဖၣ်ကအိၣ်သယုၢ်အဂီၢ်လီၤ.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်မၤလကံ 3:9

တၢ်ဆိၣ်အၢအိၣ်လၢသုဝဲခဲလၢာ်အဖီခိၣ်မ့ၢ်လၢပှၤဒီကလုာ်လီ န့ၢ်ယၤအဃိလီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်မၤလကံ 4:6

အဝဲကပာ်ဖှိၣ်က့ၤပၢ်ဒီးဖိတဖၣ်တပူၤဃီကဒီးန့ၣ်လီၤ. မ့တမ့ၢ်ဘၣ်ဒီးယကဘၣ်ဟဲဒီးမၤဟးဂီၤကွံာ်သုထံဧိၤကီၢ်ဧိၤ န့ၣ်လီၤ.”

လံာ်မးသဲ 27:25

ပှၤဂီၢ်မုၢ်ခဲလၢာ်စံးဆၢဝဲ, “မ်အသွံၣ်ကလီၤတီဒၣ်ဝဲလၢပဝဲဒီးလၢ ပဖိပလံၤအဖီခိၣ်န့ၣ်တက့ၢ်.”

လံာ်မးသဲ 7:14

ဘၣ်ဆၣ်ဒီး, ကျဲစၢၤလၢအအိးထီၣ်အသးဆူတၢ်မူန့ၣ်အံၣ်ဝဲ, ဒီးကျဲလၢအဆှၢပှၤဆူတၢ်မူန့ၣ်ကီခဲမးဒီးပှၤလၢအထံၣ်န့ၢ်အီၤ အိၣ်ဝဲစှၤဂၤလီၤ.

ရိမ့ၤ 9:27

ဒီးဝံယၡါယၤကိးသတြီထီၣ်တၢ်ဘၣ်ဃးအံၣ်စရ့လးဒီး စံးဝဲ, “ပှၤအံၣ်စရ့လးဖိတဖၣ်မ့ၢ်အါဝဲဒ်မဲးလၢပီၣ်လဲၣ်နံၤ နာ်သက့, ကဘၣ်တၢ်အုၣ်က့ၤခီၣ်က့ၤအီၤထဲစှၤဂၤဧိၤန့ၣ်လီၤ.

လံာ်သိၣ်လီၤသီလီၤတၢ် 28:62

သုမ့ၢ်အါထီၣ်ဂီၢ်ထီၣ်ဝဲဒ်ဆၣ်တဖၣ်လၢမူကပိာ်လိၤဒၣ်လဲာ်, ထဲပှၤလၢသုကျါစှၤဂၤဧိၤကအိၣ်မူတ့ၢ်ဝဲ, မ့ၢ်လၢသုတစူၢ်ဘၣ်ယွၤ, သုကစၢ်ယွၤဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 4:27

ယွၤကမၤလီၤပြံလီၤပြါသုဆူပှၤကလုာ်ဂၤတဖၣ်အကျါ, ဖဲထဲဒၣ်ပှၤစှၤဂၤဧိၤလၢသုကျါကအိၣ်မူလီၤတဲာ်တ့ၢ်ဝဲဒၣ် န့ၣ်လီၤ.

၂ ပ့းတရူး 3:10

ဘၣ်ဆၣ်ဒီးကစၢ်အမုၢ်တနံၤကဟဲဝဲဒ်တၢ်ဘျၣ်တဂၤအသိး လီၤ. ဒီးလၢမုၢ်နံၤအဝဲန့ၣ်မူခိၣ်ကလီၤမၢ်ကွံာ်လၢတၢ်သီၣ် ဖးဒိၣ်, တၢ်အမိၢ်ပှၢ်လၢမူခိၣ်တဖၣ်ကကဲၤထီၣ်ဒီးဟးဂီၤ ကွံာ်, ဒီးဟီၣ်ခိၣ်ဒီးတၢ်အိၣ်လၢအပူၤခဲလၢာ်မ့ၣ်အူကအီၣ် ကွံာ်အီၤန့ၣ်လီၤ.