လံာ်ယၡါယၤ 24:5 - Sgaw Karen Common Bible

⁵ ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယၡါယၤ 24:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:12

လၢတၢ်န့ၣ်အဃိယၤ, ယွၤအံၣ်စရ့လးအကစၢ်ယွၤ, ယကဒုးဟဲဘၣ်တၢ်တတၢးတနါဒ်န့ၣ်တမံၤလၢဝ့ၢ်ယရူၡလ့ၣ်ဒီးကီၢ်ယူ ဒၤအလိၤလၢကယဲၢ်ပှၤလၢအနၢ်ဟူဘၣ်တဖၣ်အသးကလီၤကတုၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:15

ယကမၤဘၣ်ယပှၤဂီၢ်မုၢ်လၢတၢ်အံၤ, မ့ၢ်လၢအဝဲသ့ၣ်မၤတ့ၢ်တၢ်ဒဲး ဘးထီဒါယၤဒီးထိၣ်ဂဲၤထီၣ်ယတၢ်သးကဲၤထီၣ်စးထီၣ်လၢအဝဲသ့ၣ် အမိၢ်ပၢ်ဖံဖုလၢပျၢၤတဖၣ်ဟးထီၣ်လၢကီၢ်အဲၤကူပတူး, တုၤလီၤလၢမုၢ်မဆါတနံၤအံၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:9

စီၤမနၤၡ့ၤဆှၢဃီၤကီၢ်ယူဒၤအပှၤဂီၢ်မုၢ်, ဒ်သိးကမၤတၢ်ဒဲးဘးဒိၣ်န့ၢ်အါန့ၢ်ဒံးဒၣ်လဲာ်ပှၤကလုာ်တဖၣ်လၢ ယွၤမၤဟးဂီၤအီၤလၢကီၢ်ပူၤဖဲအဝဲအပှၤဂီၢ်မုၢ်ဟဲနုာ်, မၤတ့ၢ်လံဝဲန့ၣ်လီၤ.

စံးထီၣ်ပတြၢၤ 105:10

ယွၤမၤတၢ်အၢၣ်လီၤအီလီၤတမံၤဒီး စီၤယၤကိာ်, တၢ်အၢၣ်လီၤအီလီၤတမံၤလၢ ကအိၣ်ဂၢၢ်ဆိးကျၢၤလီၤထူလီၤယိာ်န့ၣ်လီၤ.

စံးထီၣ်ပတြၢၤ 55:5

တၢ်ပျံၤဒီးတၢ်ကနိးလီၤဘၣ်ယၤ, ဒီးတၢ်လီၤပျံၤလီၤဖုးလုၣ်ဘၢယၤလီၤ.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 33:8

ကျဲမုၢ်ဒိၣ်တဖၣ်လီၤပျံၤလီၤဘၣ်ယိာ်ဝဲတုၤဒၣ်လဲာ်ပှၤတလဲၤ တၢ်က့ၤတၢ်လၢအလိၤနီတဂၤလၢၤဘၣ်. ထံကီၢ်ကဒဲကဒဲအတၢ် အၢၣ်လီၤလိာ်သးတဖၣ်ဘၣ်တၢ်မၤဟးဂီၤကွံာ်အီၤဒီးတၢ်သး လီၤပလိာ်ဃုာ်တဖၣ်ဘၣ်တၢ်မၤတရီတပါအီၤလီၤ. တၢ်ပာ်ကဲတအိၣ်လၢၤဘၣ်လၢပှၤနီတဂၤအဖီခိၣ်နီ တစုလၢၤဘၣ်.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယံးရမံယၤ 11:10

အဝဲသ့ၣ်က့ၤကဒါက့ၤဆူအမိၢ်ပၢ်ဖံဖုလၢပျၢၤ တဖၣ်ပှၤတဖၣ်လၢတဒိကနၣ်တၢ်လၢယစံးဘၣ်တ့ၢ်အီၤ, အတၢ်ဒဲးဘးတဖၣ်အအိၣ်န့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်လီၤ. ပှၤကီၢ်အံၣ်စရ့လးဖိဒီးပှၤကီၢ်ယူဒၤဖိခံဖုလိာ်အံၤမၤဟးဂီၤကွံာ် တၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

လံာ်ယဃ့းစက့လး 16:59

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကမၤနၤဒ်နကြၢးဘၣ်တၢ်မၤ နၤအသိး, မ့ၢ်လၢနတပာ်ကဲနတၢ်အၢၣ်လီၤတဖၣ်ဒီးမၤဟးဂီၤ တၢ်အၢၣ်လီၤအီလီၤအဃိန့ၣ်လီၤ.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ယဃ့းစက့လး 20:24

ယမၤတ့ၢ်တၢ်အံၤ, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤလိာ် တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါတၢ်သိၣ်တၢ်သီတဖၣ်, မၤတရီတပါမုၢ်အိၣ်ဘှံးနံၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ် တမံၤဃီတဖၣ်လၢအဝဲသ့ၣ်အမိၢ်ပၢ်ဖံဖုလၢပျၢၤတဖၣ်မၤတ့ၢ် အတၢ်အဃိန့ၣ်လီၤ.

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်ဒၤနံးယ့လး 9:10

အိယွၤ, ပကစၢ်ယွၤဧၢ, ဖဲနစံးဘၣ်ပှၤလၢပကဘၣ်အိၣ်မူဒ် နတၢ်သိၣ်တၢ်သီတဖၣ်အသိးလၢနဟ့ၣ်လီၤပှၤခီဖျိနခ့နပှၤဝံသ့ၣ် တဖၣ်န့ၣ်, ပတဒိကနၣ်တ့ၢ်ဘၣ်နၤဘၣ်.

လံာ်ဒၤနံးယ့လး 9:5

ပမၤတ့ၢ်တၢ်ဒဲးဘး, ပအၢပသီတ့ၢ်, ပမၤတ့ၢ်တၢ်ကမၣ်လီၤ. ပညိကွံာ်တ့ၢ်တၢ်မၤလိာ်လၢနမၤလိာ်တ့ၢ်ပှၤလၢပကဘၣ်မၤအီၤ တဖၣ်ဒီးဃၣ်ကွံာ်တ့ၢ်လံပသးလၢတၢ်အလိၤအဘၣ်လၢနဒုးနဲၣ် တ့ၢ်ပှၤန့ၣ်လီၤ.

လံာ်ဟိၤၡ့ 6:7

ဘၣ်ဆၣ်ဒီးဒ်စီၤအၤဒၣ်အသိးန့ၣ်, အဝဲသ့ၣ်မၤဟးဂီၤကွံာ်တၢ် အၢၣ်လီၤအီလီၤလၢယမၤဒီးအဝဲသ့ၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:22

ဒီးယွၤစံးဝဲဒၣ်, “သုဘၣ်တိၢ်န့ၢ်ယတၢ်သိၣ်တၢ်သီဒီးတၢ်မၤလိာ်တဖၣ်, ဒ်သိးသုသုတဘၣ်တၢ်ဘှိးထီၣ်ကွံာ်သုလၢကီၢ်က နၤဧၣ်လၢယဆှၢနုာ်သုဆူအပူၤတဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:35

ကီၢ်န့ၣ်ကဘၣ်တၢ်ပာ်လီၤတဲာ်တ့ၢ်အီၤဒီးမၤန့ၢ်အတၢ်အိၣ်ဘှံးဖဲ သုအိၣ်လၢတၢ်စိာ်မၢကဲကုၢ်အပူၤလၢသုဒုၣ်သုဒါတဖၣ်အကီၢ်ပူၤ အခါန့ၣ်လီၤ.

လံာ်မံကၤ 2:10

ဂဲၤဆၢထၢၣ်ဒီးဟးထီၣ်ကွံာ်တက့ၢ်. တၢ်ပူၤဖျဲးတအိၣ်လၢၤဘၣ်ဖဲအံၤဘၣ်. သုတၢ်ဒဲးဘးတဖၣ်ဒုးလီၤဘၣ်တၢ်စံၣ်ညီၣ်ဃါမနၤဖဲတၢ်လီၢ်အံၤဆူ တၢ်ဟးဂူာ်ဟးဂီၤလီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 32:20

အဝဲစံးဝဲ, “ယတမၤစၢၤလၢၤအဝဲသ့ၣ်ဘၣ်. အန့ၣ်ဒီး, ယကထံၣ်တၢ်လၢအမၤအသးဒီးအဝဲသ့ၣ်, လၢအမ့ၢ်ပှၤလၢအခိၣ်ကိၤ, ပှၤဂီၢ်မုၢ်လၢအသူၣ်တတီသးတရၤဘၣ်အဃိ န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 9:1

တၢ်အၢၣ်လီၤအီလီၤအခီၣ်ထံးတခါအိၣ်ဒီးတၢ်ဘျၢလၢ တၢ်ဘူၣ်ထီၣ်ဘါထီၣ်ယွၤဃုာ်ဒီးတၢ်လီၢ်စီဆှံလၢဟီၣ်ခိၣ်ချၢ အဂီၢ်န့ၣ်လီၤ.

လံာ်စီၤယိၤၡူ 23:16

သုမ့ၢ်လုၣ်သ့ၣ်ခါပတာ်ယွၤသုကစၢ်ယွၤအတၢ် အၢၣ်လီၤအီလီၤလၢအမၤလိာ်တ့ၢ်သုဒီးလဲၤ ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်န့ၣ်, လၢအတၢ်သးဒိၣ်အပူၤကစံၣ်ညီၣ်သု, ဒီးတယံာ်ဘၣ်ဒီးလၢကီၢ်အဂ့ၤလၢအဟ့ၣ်လီၤ တ့ၢ်သုတဘ့ၣ်အံၤအပူၤန့ၣ်, သုကဟးဂီၤကွံာ်ကိးဂၤန့ၣ်လီၤ.

လံာ်စီၤယိၤၡူ 24:25

ဒီးမုၢ်နံၤအဝဲန့ၣ်, စီၤယိၤၡူမၤတၢ်အၢၣ်လီၤအီလီၤဃုာ်ဒီးပှၤဂီၢ်မုၢ်, ဒီးဟ့ၣ်လီၤအဝဲသ့ၣ်တၢ်မၤလိာ်တဖၣ်လၢကပိာ်ထွဲဝဲအဂီၢ်ဖဲဝ့ၢ်ၡက့ၣ်န့ၣ်လီၤ.