လံာ်ယၡါယၤ 24:4 - Sgaw Karen Common Bible

⁴ ဟီၣ်ခိၣ်ဃ့ထီကွံာ်ဝဲဒီးလီၤညွံးလီၤဘဲကွံာ်ဝဲလီၤ. ဟီၣ်ခိၣ်ဒီဘ့ၣ်လီၤစၢ်ကွံာ်ဝဲ, ဟီၣ်ခိၣ်ဒီးမူကပိာ်လိၤအုၣ် သံကျၣ်သံကွံာ်ဝဲလီၤ.

လံာ်ယၡါယၤ 24:4 Iomraidhean Croise

လံာ်ယၡါယၤ 24:21

တၢ်ဆၢကတီၢ်တခါန့ၣ်ဘူးထီၣ်လံဖဲယွၤကစံၣ်ညီၣ်တၢ်စိ ကမီၤတဖၣ်လၢထးဒီးပှၤပၢတၢ်တဖၣ်လၢဟီၣ်ခိၣ်လိၤလီၤ.

လံာ်ယၡါယၤ 24:3

ဟီၣ်ခိၣ်ကဘၣ်တၢ်မၤလီၤကလဲအီၤဒီးကဟးဂီၤကွံာ်ဝဲလီၤ. ယွၤကတိၤတ့ၢ်လံတၢ်ဒီးတၢ်ကမၤအသးဒ်န့ၣ်လီၤ.

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 3:26

ဝ့ၢ်အတြဲၤတဖၣ်ကသူၣ်အုးသးအုးဒီးဟီၣ်ဝဲယၢၤဝဲ, ဒီးဝ့ၢ်အကစၢ်ဒၣ်ဝဲကလီၤဂာ်ဒ်ပိာ်မုၣ်အိၣ်ဘ့ၣ်ဆ့ တဂၤဆ့ၣ်နီၤလၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 33:9

ထံဧိၤကီၢ်ဧိၤန့ၣ်အိၣ်ကလီဒီးအိၣ်သယုၢ်ဝဲလီၤ. ကီၢ်လဘၤနိၣ်အသ့ၣ်ဒိၣ်ပှၢ်တီၣ်တဖၣ်လီၤညွံးလီၤဘဲကွံာ်ဝဲ, ၡၤရိၣ်အတြီၤလၢဟီၣ်ခိၣ်ညၣ်ထ့ၣ်ဂ့ၤတဖၣ်လီၤဂာ်ဒ်မဲးမုၢ်ခိၣ် တပူၤအသိး, သ့ၣ်အထူၣ်တဖၣ်လၢကီၢ်ဘၤၡၣ်ဒီးကစၢၢ် ကၢ်မ့ၤလးအလိၤန့ၣ်အလၣ်တဖၣ်လီၤဆှုကွံာ်ဝဲလီၤ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယံးရမံယၤ 12:4

ပထံပကီၢ်အံၤကဃ့ထီဒံးဆံးယံာ် ဒီးနီၣ်ဧိၤမံၤဧိၤလၢစံာ်လီၢ်ကိးပူၤဒဲးကလီၤညွံးလီၤဘဲ ဒံးဆံးယံာ်လဲၣ်. ဆၣ်ဖိကီၢ်ဖိတဖၣ်ဒီးထိၣ်ဖိတဖၣ်သံဝဲ လၢပှၤဂီၢ်မုၢ်အတၢ်အၢတၢ်သီအဃိလီၤ. ပှၤဂီၢ်မုၢ်န့ၣ်စံးဝဲလၢ, “ကစၢ်ယွၤတထံၣ်တၢ်လၢပမၤအီၤန့ၣ်ဘၣ်.”

လံာ်ယံးရမံယၤ 4:28

ဟီၣ်ခိၣ်ကသူၣ်အုးသးအုး, မူခိၣ်ကခံးလီၤဝဲလီၤ. ယွၤကတိၤလံတၢ်လံ, ဒီးတလဲလိာ်ကွံာ်အတၢ်ပာ်သူၣ်ပာ်သးဘၣ်. အဝဲစံၣ်ညီၣ်နီၤဖးပဲာ်ဖးတ့ၢ်လံတၢ်လံ, ဒီးတဃၣ်ကဒါက့ၤဝဲဘၣ်.

လံာ်သးသယုၢ်တၢ် 1:4

ခဲကနံၣ်အံၤပှၤကဟဲဆူတၢ်လုၢ်ဟံၣ်ဒ်သိးကဘူၣ်ထီၣ်ဘါထီၣ်တၢ်လၢ မုၢ်နံၤစီဆှံတဖၣ်န့ၣ်တအိၣ်ဘၣ်နီတဂၤဘၣ်. ဖိသၣ်ပိာ်မုၣ်လၢအသးဝံၣ်တ့ၢ်တၢ်ဖဲန့ၣ်တဖၣ်တူၢ်ဘၣ်တၢ်ဒီးပှၤ လုၢ်တၢ်အခိၣ်တဖၣ်မၤသ့ထဲတၢ်ကအုကစွါဧိၤလီၤ. ဝ့ၢ်အတြဲၤတဖၣ်ဆၢထၢၣ်အိၣ်ကလီဒီးကစၢၢ်စံယိၣ်အိၣ်လၢတၢ်ကိၢ် တၢ်ဂီၤဖးဒိၣ်အပူၤလီၤ.

လံာ်ဟိၤၡ့ 4:3

မၤသးဒ်န့ၣ်ဒီး, ကီၢ်န့ၣ်ကဃ့ထီကွံာ်ဝဲဒီးကယဲၢ်တၢ်လၢအအိၣ်လၢ အပူၤကသံကွံာ်ဝဲလီၤ. ကယဲၢ်ဆၣ်ဖိကီၢ်ဖိတဖၣ်ဒီးထိၣ် တဖၣ်ဒီးညၣ်ဒၣ်လဲာ်ကသံကွံာ်ဝဲဒၣ်န့ၣ်လီၤ.

လံာ်ယိၤအ့လး 1:10

စံာ်ဧိၤပျီဧိၤတဖၣ်ဘၣ်တၢ်မၤဟးဂီၤကွံာ်အီၤ, ဟီၣ်ခိၣ်ဃ့ထီကွံာ်ဝဲ, မ့ၢ်လၢဘုဧိၤဟုဧိၤဘၣ်တၢ်မၤဟးဂီၤကွံာ်အီၤ, စပံးထံဃ့ထီကွံာ်ဝဲ, ဒီးသ့ၣ်စၤယံးအထံးတဖၣ်လီၤညွံးလီၤဘဲကွံာ်ဝဲဒၣ်အဃိန့ၣ်လီၤ.