လံာ်ယၡါယၤ 24:3 - Sgaw Karen Common Bible

³ ဟီၣ်ခိၣ်ကဘၣ်တၢ်မၤလီၤကလဲအီၤဒီးကဟးဂီၤကွံာ်ဝဲလီၤ. ယွၤကတိၤတ့ၢ်လံတၢ်ဒီးတၢ်ကမၤအသးဒ်န့ၣ်လီၤ.

လံာ်ယၡါယၤ 24:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:21

ဒီးလၢတၢ်န့ၣ်အဃိတၢ်လၢယွၤတဲဆိတ့ၢ်ဝဲခီဖျိဝံယံးရမံ ယၤန့ၣ်လၢထီၣ်ပှဲၤထီၣ်ဝဲလီၤ. စံးဝဲ, “ထံကီၢ်ကအိၣ်သယုၢ်လၢအနံၣ်နွံဆံအတီၢ်ပူၤ, ဒ်သိးကမၤပှဲၤက့ၤတၢ်အိၣ်ဘှံးအနံၣ်လၢတၢ်တတိၢ်န့ၢ်မၤထွဲတ့ၢ် အီၤဘၣ်န့ၣ်လီၤ.”

လံာ်ယၡါယၤ 21:17

ပှၤခးချံၣ်တဖၣ်မ့ၢ်ပှၤအဒူကတၢၢ်လၢပှၤက့ဒၢ်ဖိအကျါလီၤ. ဘၣ်ဆၣ်, အဝဲသ့ၣ်ကအိၣ်တီၢ်ဒၣ်စှၤဂၤလီၤ. ယၤ, အံၣ်စရ့လးအကစၢ်ယွၤကတိၤတ့ၢ်လံတၢ်လီၤ.”

လံာ်ယၡါယၤ 22:25

ဖဲတၢ်န့ၣ်မၤအသးဒီး, နီၣ်စဲလၢအဘၣ်တၢ်စဲထီအီၤဂၢၢ်ဂၢၢ် ကျၢၤကျၢၤန့ၣ်, ကလီၤဖျုဒီးလီၤတဲာ်ကွံာ်ဝဲန့ၣ်လီၤ. ဒီးတၢ်န့ၣ်, ကမ့ၢ်တၢ်အကတၢၢ်လၢတၢ်ခဲလၢာ်လၢအဘျး လီၤစဲၤအသးလၢအလိၤအဂီၢ်န့ၣ်လီၤ.” ယွၤကတိၤတ့ၢ်လံတၢ်န့ၣ်လီၤ.

လံာ်ယၡါယၤ 24:1

ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

လံာ်ယၡါယၤ 24:2

ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ယၡါယၤ 24:4

ဟီၣ်ခိၣ်ဃ့ထီကွံာ်ဝဲဒီးလီၤညွံးလီၤဘဲကွံာ်ဝဲလီၤ. ဟီၣ်ခိၣ်ဒီဘ့ၣ်လီၤစၢ်ကွံာ်ဝဲ, ဟီၣ်ခိၣ်ဒီးမူကပိာ်လိၤအုၣ် သံကျၣ်သံကွံာ်ဝဲလီၤ.

လံာ်ယၡါယၤ 42:22

ဘၣ်ဆၣ်ဒီးခဲအံၤန့ၣ်အပှၤဂီၢ်မုၢ်သ့ၣ်တဖၣ်ဘၣ်တၢ်ဂုာ်ဆူၣ်ပျီ ဆူၣ်အီၤလံ. အဝဲသ့ၣ်ဘၣ်တၢ်စၢဃာ်အီၤလၢတၢ်ပူၤခံးသူတဖၣ်အပူၤ ဒီးဘၣ်တၢ်ပာ်တဒၢကွံာ်အီၤလၢဃိာ်တဖၣ်အပူၤလီၤ. အဝဲသ့ၣ်ဘၣ်တၢ်တမျိၤတမျးအီၤဒီးဘၣ်တၢ်ဂုာ်ဆူၣ်ပျီဆူၣ်အီၤ ဒီးပှၤလၢကဟဲလၢတၢ်မၤပူၤမၤဖျဲးအဝဲသ့ၣ်အဂီၢ်တအိၣ်နီတဂၤ ဘၣ်လီၤ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယံးရမံယၤ 13:15

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ယွၤကတိၤလံတၢ်လံ. ဆီၣ်လီၤသုသးဒီးဒိကနၣ်အီၤတက့ၢ်.

လံာ်ယဃ့းစက့လး 36:4

လၢတၢ်န့ၣ်အဃိ, ခဲကနံၣ်အံၤ, ဒိကနၣ်တၢ်လၢယၤယွၤပၢဘၣ် တၢ်ခဲလၢာ်ကစၢ်စံးဘၣ်သုဝဲကစၢၢ်ကလိတဖၣ်ဒီးတၢ်လူၢ်တဖၣ်, သုဝဲ, ထံကျိဖိဒီးတၢ်တြီၤတဖၣ်, သုဝဲတၢ်လီၢ်တဖၣ်လၢ အဘၣ်တၢ်ပာ်လီၤတဲာ်အီၤလၢတၢ်ဟးဂီၤအပူၤ, ဒီးသုဝဲဝ့ၢ်တဖၣ်လၢအဘၣ်တၢ်ဟးသဒၣ်ကွံာ်အီၤ, လၢအဘၣ်တၢ်ဂုာ်ဆူၣ်ပျီဆူၣ်ဒီးဘၣ်တၢ်ဒုၣ်ဒွဲၣ်ထွဲလၢပှၤကလုာ် တဖၣ်လၢအအိၣ်ခိၣ်အိၣ်ဃၢၤန့ၣ်တက့ၢ်.

လံာ်မံကၤ 2:4

ဖဲတၢ်ဆၢကတီၢ်န့ၣ်ဟဲတုၤဝဲဒီး, ပှၤကသူတၢ်တဲပူဘၣ်ဃးဒီးသုဂ့ၢ်ဒ်တၢ်ဟးဂူာ်ဟးဂီၤအဒိအတဲာ် တမံၤ, ဒီးအဝဲသ့ၣ်ကသးဝံၣ်တၢ်သးဟးဂီၤအတၢ် သးဝံၣ်ဘၣ်ဃးဒီးသုတၢ်လဲၤခီဖျိအဂ့ၢ်ဒ်အံၤလီၤ. ပဟးဂီၤလၢာ်လၢာ်ဆ့ဆ့လံ. ယွၤဟံးထီၣ်ကွံာ်ပစံာ်လီၢ်ပှဲၤလီၢ်တဖၣ်. ဒီးဟ့ၣ်လီၤကွံာ်အီၤဆူပှၤလၢအစိာ်မၢကဲကုၢ်ပှၤတဖၣ်အအိၣ်န့ၣ်လီၤ.”

လံာ်မံကၤ 4:4

ပှၤကိးဂၤဒဲးကအိၣ်မုာ်ဆိးပၢၤလၢအစပံးလီၢ်တဖၣ်ဒီး အချၢၣ်ဒၢထူၣ်တဖၣ်ဒၣ်ဝဲအကျါ, ပှၤတမၤပျံၤအီၤနီတဂၤလၢၤဘၣ်. တၢ်သုးမုၢ်ဂီၢ်မုၢ်အယွၤအၢၣ်လီၤအီလီၤတ့ၢ်တၢ်အံၤလီၤ.

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.

လံာ်သိၣ်လီၤသီလီၤတၢ် 29:28

ယွၤအတၢ်သးဒိၣ်ကဲၤထီၣ်တ့ၢ်ဝဲဒီးလၢအဝဲအတၢ်သးဒိၣ်ဖးဒိၣ် အပူၤန့ၣ်, အဝဲထဲးထီၣ်ကွံာ်တ့ၢ်အဝဲသ့ၣ်လၢအဝဲသ့ၣ်အထံအကီၢ်အပူၤ, ဒီးကွံာ်လီၤကွံာ်အဝဲသ့ၣ်ဆူထံကီၢ်အဂၤတဘ့ၣ်အပူၤ, ဒီးတနံၤအံၤအဝဲသ့ၣ်အိၣ်ဝဲဖဲန့ၣ်လီၤ.