လံာ်ယၡါယၤ 24:21 - Sgaw Karen Common Bible

²¹ တၢ်ဆၢကတီၢ်တခါန့ၣ်ဘူးထီၣ်လံဖဲယွၤကစံၣ်ညီၣ်တၢ်စိ ကမီၤတဖၣ်လၢထးဒီးပှၤပၢတၢ်တဖၣ်လၢဟီၣ်ခိၣ်လိၤလီၤ.

လံာ်ယၡါယၤ 24:21 Iomraidhean Croise

စံးထီၣ်ပတြၢၤ 76:12

အဝဲဆီၣ်လီၤပဒိၣ်တဖၣ်လၢအပာ်ထီၣ်ထီအသး ဒီးမၤပျံၤစီၤပၤဖးဒိၣ်တဖၣ်လီၤ.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 24:4

ဟီၣ်ခိၣ်ဃ့ထီကွံာ်ဝဲဒီးလီၤညွံးလီၤဘဲကွံာ်ဝဲလီၤ. ဟီၣ်ခိၣ်ဒီဘ့ၣ်လီၤစၢ်ကွံာ်ဝဲ, ဟီၣ်ခိၣ်ဒီးမူကပိာ်လိၤအုၣ် သံကျၣ်သံကွံာ်ဝဲလီၤ.

လံာ်ယၡါယၤ 60:11

မနၤနၤမဆါဆါနတြဲၤတဖၣ်ကဘၣ်တၢ်အိးထီၣ်ပာ်အီၤ ဒ်သိးပှၤကလုာ်အစီၤပၤတဖၣ်ကဟဲစိာ်န့ၢ်နၤ, အဝဲသ့ၣ်အတၢ်ထူးတၢ်တီၤန့ၣ်လီၤ.

လံာ်ယဃ့းစက့လး 39:1

ယွၤပၢဘၣ်တၢ်ခဲလၢာ်ကစၢ်စံးဝဲ, “ပှၤကညီလၢအသံသ့ဧၢ, စံးလၢစီၤကိးလၢအမ့ၢ်ပှၤမ့ၤၡးဖိဒီးပှၤတူၤဘလးဖိအပှၤကလုာ် တဖၣ်အပှၤပၢတၢ်အဒိၣ်ကတၢၢ်ကြၢးဘၣ်တၢ်စံၣ်ညီၣ်ဒီးတဲဘၣ်အီၤ လၢယမ့ၢ်အဒုၣ်အဒါန့ၣ်တက့ၢ်.

လံာ်ယဃ့းစက့လး 39:5

အဝဲသ့ၣ်ကလီၤဃံၤသံကွံာ်လၢစံာ်ပျီအပူၤန့ၣ်လီၤ. ယၤယွၤပၢဘၣ် တၢ်ခဲလၢာ်ကစၢ်ကတိၤလံတၢ်လံ.

လံာ်ယိၤအ့လး 3:19

ကီၢ်အဲၤကူပတူးကကဲထီၣ်တၢ်ဃ့ထီအလီၢ်တတီၤ, ဒီးကီၢ်အဒိၣ်ကကဲထီၣ်တၢ်ဟးဂီၤအလီၢ်တပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ထီဒါကီၢ်ယူဒၤဒီးမၤသံ အပှၤဂီၢ်မုၢ်လၢအတၢ်ဒဲးဘးတအိၣ်ဘၣ်န့ၣ်လီၤ.

လံာ်စဖါနယၤ 1:8

ယွၤစံးဝဲဒၣ်, “လၢတၢ်မၤသံမၤဝီတၢ်အမုၢ်နံၤဝဲန့ၣ်, ယကစံၣ်ညီၣ်အပဒိၣ်ပပှၢ်တဖၣ်, စီၤပၤအဖိခွါတဖၣ်ဒီးကယဲၢ်ပှၤလၢအလူၤထွဲမၤထွဲပှၤတခီဘီမုၢ်ဖိ အလုၢ်အလၢ်တဖၣ်န့ၣ်လီၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.