လံာ်ယၡါယၤ 24:2 - Sgaw Karen Common Bible

² ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ယၡါယၤ 24:2 Iomraidhean Croise

လံာ်တၢ်ကဲထီၣ်အခီၣ်ထံး 41:50

ဒီးတချုးလၢတၢ်သၣ်ဝံၤလီၤဒိအနံၣ်တဖၣ်တုၤဃီၤဒံးဘၣ်န့ၣ် စီၤယိၤသးအိၣ်ဒီးအဖိခွါခံဂၤလၢနီၢ်အၤစနးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:20

အဝဲက့ၤကိးကယဲၢ်ပှၤလၢအအိၣ်မူလီၤတဲာ်ဒံးတဖၣ်ဆူကီၢ်ဘၤဘူၤ လိၣ်, တၢ်လီၢ်ဖဲအဝဲသ့ၣ်မၤကီၢ်ဘၤဘူၤလိၣ်အစီၤပၤဒီးအဝဲ အစၢၤအသွဲၣ်တဖၣ်အတၢ်ဒ်ကုၢ်တဖၣ်အသိး, တုၤပၤရၣ်အဘီအမုၢ်ဟဲအိၣ်ထီၣ်ဝဲတစုန့ၣ်လီၤ.

လံာ်ယၡါယၤ 2:9

ပှၤကိးဂၤဒဲးကဘၣ်တၢ်ဆီၣ်လီၤအီၤဒီးမၤမဲာ်ဆှးအီၤလီၤ. ယွၤဧၢ, ပျၢ်အတၢ်ကမၣ်တက့ၢ်.

လံာ်ယၡါယၤ 24:3

ဟီၣ်ခိၣ်ကဘၣ်တၢ်မၤလီၤကလဲအီၤဒီးကဟးဂီၤကွံာ်ဝဲလီၤ. ယွၤကတိၤတ့ၢ်လံတၢ်ဒီးတၢ်ကမၤအသးဒ်န့ၣ်လီၤ.

လံာ်ယၡါယၤ 28:7

ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်အီမူၤသံးနးနးကလဲာ် တုၤအဟးကနူၤနူၤကပၤပၤလီၤ. အဝဲသ့ၣ်အီစပံးထံဒီးသံး အါတုၤဒၣ်လဲာ်မၤတၢ်တလိၤတဘၣ်လၢတၢ်သးကဒံကဒါအပူၤ လီၤ. ဝံတဖၣ်အီမူၤသံးတုၤဒၣ်လဲာ်တနၢ်ပၢၢ်လၢၤတၢ်ထံၣ် လၢညါခီတဖၣ်လၢယွၤဟ့ၣ်လီၤအီၤ, ဒီးပှၤလုၢ်တၢ်အခိၣ် တဖၣ်အီမူၤသံးတုၤဒၣ်လဲာ်ကစံၣ်ညီၣ်ကွီၢ်တဖၣ်လၢတၢ်ဟဲ စိာ်န့ၢ်ဆူအအိၣ်န့ၣ်, တသ့ဘၣ်လီၤ.

လံာ်ယၡါယၤ 5:15

ပှၤကိးဂၤဒဲးကဘၣ်တၢ်မၤမဲာ်ဆှးအီၤ ဒီးပှၤလၢအပာ်ထီၣ်ထီအသးကိးဂၤဒဲးကဘၣ်တၢ်ဆီၣ်လီၤအီၤလီၤ.

လံာ်ယံးရမံယၤ 41:2

စီၤယံးၡမၤအ့လးဒီး ပှၤအဂၤတဆံ ထုးထီၣ်အနးတဖၣ် ဒီးမၤသံကွံာ်စီၤကဒါလယၤန့ၣ်လီၤ.

လံာ်ယံးရမံယၤ 42:18

ယွၤ, အံၣ်စရ့လး အကစၢ်ယွၤစံးဝဲ, ‘ဒ်ယတၢ်သးဒိၣ်ဒီး သးကဲၤထီၣ် တဖၣ်ဘၣ်တၢ်လူလီၤဂၢ်လီၤအီၤလၢဝ့ၢ်ယရူၤၡလ့ၣ်အပှၤဂီၢ်မုၢ် အဖီခိၣ်အသိးန့ၣ်, သုမ့ၢ်လဲၤဆူ ကီၢ်အဲၤကူပတူးဒီး ယတၢ်သးကဲၤ ထီၣ်ကဘၣ်တၢ်လူလီၤဂၢ်လီၤအီၤလၢ သုဖီခိၣ်န့ၣ်လီၤ. ပှၤကွၢ်သုဒီး သုကလီၤပျံၤလီၤဖုးဒိၣ်မးလီၤ. ပှၤဂီၢ်မုၢ်ကမၤ သုကလိာ်ကလာ်ဒီး သုမံၤန့ၣ် ဒ်တၢ်ဘၣ်ဆိၣ်အၢတမံၤ အသိးန့ၣ်လီၤ. သုတထံၣ်ဘၣ်က့ၤကဒီးတၢ်လီၢ်အံၤ နီတစုလၢၤဘၣ်.’ ”

လံာ်သးသယုၢ်တၢ် 4:13

ဘၣ်ဆၣ်ဒီး, တၢ်မၤတ့ၢ်အသး, မ့ၢ်လၢအဝံတဖၣ်မၤတ့ၢ်တၢ်ဒဲးဘး ဒီးအပှၤလုၢ်တၢ်အခိၣ်တဖၣ်အတၢ်ကမၣ်အိၣ်လၢအဒုးအိၣ်ထီၣ် တၢ်မၤသံပှၤလၢအတၢ်ကမၣ်တအိၣ်တဖၣ်အဃိန့ၣ်လီၤ.

လံာ်သးသယုၢ်တၢ် 4:16

ယွၤတကနၣ်ဃုာ်လၢၤဘၣ်အဝဲသ့ၣ်ဘၣ်. အနီၢ်ကစၢ်ဒၣ်ဝဲမၤလီၤပြံလီၤပြါအဝဲသ့ၣ်လီၤ. အဝဲတဒုးနဲၣ်ဖျါထီၣ်တၢ်သူၣ်အိၣ်သးအိၣ်ဆူပပှၤလုၢ်တၢ်အခိၣ် တဖၣ်ဒီးပခိၣ်ပနၢ်တဖၣ်အအိၣ်ဘၣ်.

လံာ်သးသယုၢ်တၢ် 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဆါဒိၣ်န့ၢ်ဒံးပှၤအိၣ်လၢဝ့ၢ်စဒိၣ်အပူၤ တဖၣ်, လၢအဘၣ်သဂၢၢ်ဒီးတၢ်လီၤပှီၢ်သတူၢ်ကလာ်လၢကစၢ်ယွၤအစုတဖၣ်အတၢ် မၤအဃိန့ၣ်လီၤ.

လံာ်ဟိၤၡ့ 4:9

သုကတူၢ်ဘၣ်တၢ်စံၣ်ညီၣ်တမံၤဃီဒ်ပှၤဂီၢ်မုၢ်အသိး, ယကစံၣ်ညီၣ်သုဒီးယကမၢသုဟ့ၣ်တၢ်အပှ့ၤလၢတၢ်အၢတၢ် သီလၢသုမၤအဂီၢ်န့ၣ်လီၤ.