လံာ်ယၡါယၤ 24:18 - Sgaw Karen Common Bible

¹⁸ ပှၤတဂၤဂ့ၤတဂၤဂ့ၤလၢအကျဲးစၢးဃ့ၢ်ထူၣ်ဖျဲးထီၣ်လၢတၢ် ပျံၤတၢ်ဖုးန့ၣ်ကလီၤတဲာ်ဝဲလၢမၢဧိၤပျၢ်ဧိၤအပူၤ, ဒီးပှၤတဂၤ ဂ့ၤတဂၤဂ့ၤလၢအထူၣ်ဖျဲးထီၣ်လၢမၢဧိၤပျၢ်ဧိၤအပူၤ န့ၣ်ကဘၣ်တၢ်ဖီၣ်န့ၢ်အီၤလၢထုလီၤ. တၢ်စူၤထံကဟဲယွၤလီၤ သဖူးလၢမူကပိာ်လိၤဒီးဟီၣ်ခိၣ်အခီၣ်ထံးတဖၣ်ကဟူးဝးဆှဲးဆှိး ဝဲလီၤ.

လံာ်ယၡါယၤ 24:18 Iomraidhean Croise

လံာ်တၢ်ကဲထီၣ်အခီၣ်ထံး 19:24

သတူၢ်ကလာ်န့ၣ်ယွၤမၢလီၤကးဒီးမ့ၣ်အူစူၤလီၤလၢဝ့ၢ်စဒိၣ် ဒီးဝ့ၢ်ဂမိရၤအဖီခိၣ်,

လံာ်တၢ်ကဲထီၣ်အခီၣ်ထံး 7:11

ဒီးတုၤစီၤနိအၤအသးအိၣ်အနံၣ်ဃုကယၤ, လါခံလါတလါ, ထီၣ်တဆံနွံသီအနံၤန့ၣ်ထံမိၢ်ပှၢ်ဖးလဲၢ်လၢဟီၣ်ခိၣ်လာ်အထံ ထီၣ်ပၢၢ်အလီၢ်တဖၣ်ပိၢ်ဖးထီၣ်ဝဲဒီးကယဲၢ်ထံလုၣ်ဘၢတၢ်အတြဲၤ တဖၣ်လၢမူခိၣ်အိးထီၣ်အသး,

လံာ်စီၤပၤခံဘ့ၣ်တဘ့ၣ် 7:2

ပှၤကွၢ်ထွဲမၤစၢၤစီၤပၤစံးဘၣ်စီၤအလံၤၡါ, “ယွၤအနီၢ်ကစၢ်ဒၣ်ဝဲမ့ၢ်ဆှၢလီၤဘုဧိၤဟုဧိၤတဘျီဃီဒၣ် လဲာ်န့ၣ်, မၤအသးတသ့ဘၣ်.” စီၤအလံၤၡါစံးဆၢဝဲ, “နကထံၣ်ဘၣ်တၢ်န့ၣ်မၤအသး, ဘၣ်ဆၣ်နတအီၣ်ဘၣ်တၢ်အီၣ်န့ၣ်နီတမံၤဘၣ်.”

လံာ်စီၤယိၤဘး 20:24

မ့ၢ်ဃ့ၢ်ပူၤဖျဲးကွံာ်လၢစုကဝဲၤထးအအိၣ်ဘၣ်ဆၣ်ဒီးချံၣ်တိၢ် ဘီအပျၢ်ကဆဲးဖျိအီၤလီၤ.

စံးထီၣ်ပတြၢၤ 18:15

ယွၤဧၢ, ဖဲနသိၣ်နသီနဒုၣ်နဒါတဖၣ်, ဒီးနသါသဖှိထီၣ်တၢ်ဆူၣ်ဆူၣ်ကလဲာ် လၢတၢ်သးထီၣ်န့ၣ်, ပီၣ်လဲၣ်အခံဒးဖျါထီၣ်ဝဲ ဒီးဟီၣ်ခိၣ်အခီၣ်ထံးတဖၣ် ဘၣ်တၢ်မၤဖျါထီၣ်အီၤန့ၣ်လီၤ.

စံးထီၣ်ပတြၢၤ 18:7

တုၤနုၤတစုဟီၣ်ခိၣ်ဟူးဝးဒီးဆှဲးဆှိးဝဲ, ကစၢၢ်တဖၣ်အခီၣ်ထံးသုးအသးဒီးဟူးဝးဝဲ, မ့ၢ်လၢကစၢ်ယွၤသးဒိၣ်ထီၣ်အဃိန့ၣ်လီၤ.

စံးထီၣ်ပတြၢၤ 18:8

မ့ၣ်အူခုၣ်ဟဲထီၣ်လၢအနါဒ့အပူၤ, မ့ၣ်အူလၣ်ဒီးမ့ၣ်အူကဖးဟဲထီၣ်လၢအထးခိၣ်လီၤ.

လံာ်ပှၤစံၣ်တဲၤတဲလီၤတၢ် 9:12

နတသ့ၣ်ညါနဆၢကတီၢ်ကတုၤအိၣ်နၤခဲလဲၣ်န့ၣ်ဘၣ်. ဒ်ထိၣ်တဖၣ်ဘၣ်တၢ်ဖီၣ်န့ၢ်အီၤသတူၢ်ကလာ်လၢပျံၤသကွီၤအသိး, ဒီးဒ်ဒ့ၣ်ဧိၤညၣ်ဧိၤဘၣ်တၢ်ဖီၣ်န့ၢ်အီၤလၢပှာ်ဧိၤစၤဧိၤအသိး န့ၣ်, ပဘၣ်တ့ၢ်ထုလၢဆၢကတီၢ်အၢသီတနီၤအပူၤဖဲပတမုၢ်လၢ်အီၤ အခါန့ၣ်လီၤ.

လံာ်ယၡါယၤ 13:13

ယကမၤတုၤမူခိၣ်တဖၣ်ကနိးကစုာ်ဝဲ, ဒီးဟီၣ်ခိၣ်ကဘၣ်တၢ်တြုၤ ဖျိးကွံာ်အီၤလၢအလီၢ်ဒၣ်ဝဲလၢမုၢ်တနံၤဖဲယၤ, ယွၤသ့တၢ် လၢာ်ကစၢ်ဒုးနဲၣ်ယတၢ်သးကဲၤထီၣ်န့ၣ်လီၤ.

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယၡါယၤ 2:21

ဖဲယွၤဟဲဝဲလၢကမၤဟူးဟီၣ်ခိၣ်အဂီၢ်န့ၣ်, ပှၤဂီၢ်မုၢ်ကအိၣ်ခူသူၣ်လၢ တၢ်ပူၤတဖၣ်ဒီးလၢၢ်ကအိပူၤတဖၣ်လၢလၢၢ်ကစၢၢ်တဖၣ် အလိၤလၢတၢ်ကျဲးစၢးဃ့ၢ်ပူၤဖျဲးကွံာ်လၢယွၤအတၢ်သး ဒိၣ်ထီၣ်ဒီးအိၣ်ခူသူၣ်ဝဲလၢအဝဲအစိကမီၤဒီးအလၤကပီၤလီၤ.

လံာ်ယၡါယၤ 42:22

ဘၣ်ဆၣ်ဒီးခဲအံၤန့ၣ်အပှၤဂီၢ်မုၢ်သ့ၣ်တဖၣ်ဘၣ်တၢ်ဂုာ်ဆူၣ်ပျီ ဆူၣ်အီၤလံ. အဝဲသ့ၣ်ဘၣ်တၢ်စၢဃာ်အီၤလၢတၢ်ပူၤခံးသူတဖၣ်အပူၤ ဒီးဘၣ်တၢ်ပာ်တဒၢကွံာ်အီၤလၢဃိာ်တဖၣ်အပူၤလီၤ. အဝဲသ့ၣ်ဘၣ်တၢ်တမျိၤတမျးအီၤဒီးဘၣ်တၢ်ဂုာ်ဆူၣ်ပျီဆူၣ်အီၤ ဒီးပှၤလၢကဟဲလၢတၢ်မၤပူၤမၤဖျဲးအဝဲသ့ၣ်အဂီၢ်တအိၣ်နီတဂၤ ဘၣ်လီၤ.

လံာ်ယၡါယၤ 8:14

မ့ၢ်လၢယတၢ်စီဆှံအတၢ်ကဟုကညီၢ်လီၤလးအဃိ, ယလီၤဂာ်ဒီးလၢၢ် တဖျၢၣ်လၢပှၤအခီၣ်ဘၣ်တိၢ်လီၤ. ယလီၤဂာ်ဒီးထုလၢကဖီၣ်န့ၢ် ကီၢ်ယူဒၤဒီးကီၢ်အံၣ်စရ့လးအပှၤဘီဖိမုၢ်ဖိတဖၣ်ဒီးဝ့ၢ်ယရူၤၡ လ့ၣ်အပှၤဂီၢ်မုၢ်တဖၣ်စ့ၢ်ကီးလီၤ.

လံာ်ယံးရမံယၤ 48:43

တၢ်မၤပျံၤမၤဖုး, တၢ်ပူၤတဖၣ်, ဒီးပျံၤသကွီၤတဖၣ် အိၣ်ခိးပာ်စၢၤကီၢ်မိၤအးအပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.

လံာ်ယံးရမံယၤ 48:44

ပှၤတဂၤဂ့ၤတဂၤဂ့ၤလၢ အကျဲးစၢးဃ့ၢ်ပူၤဖျဲးကွံာ်လၢ တၢ်မၤပျံၤမၤဖုးအံၤန့ၣ်, ကလီၤတဲာ်နုာ်ဆူတၢ်ပူၤတဖၣ်, ဒီးပှၤတဂၤဂ့ၤတဂၤဂ့ၤလၢ အပှာ်ထီၣ်က့ၤလၢ တၢ်ပူၤန့ၣ်, ကဘၣ်တၢ်ဖီၣ်န့ၢ်အီၤလၢ ပျံၤသကွီၤတဖၣ်န့ၣ်လီၤ. အဂ့ၢ်ဒ်အံၤ, ယွၤပာ်လီၤတၢ်ဆၢကတီၢ်လၢ ကီၢ်မိၤအးအတၢ်ဟးဂီၤအဂီၢ်လီၤ.

လံာ်သးသယုၢ်တၢ် 3:47

ပဟဲခီဖျိလံတၢ်နးတၢ်ဖှီၣ်ဒီးတၢ်ဟးဂူာ်ဟးဂီၤ, ပအိၣ်မူလၢတၢ်လီၤပျံၤဒီးတၢ်သူၣ်ပျံၤသးဖုးအပူၤလီၤ.

လံာ်ယဃ့းစက့လး 11:8

မ့ၢ်သုပျံၤနးတဖၣ်ကစီဒီဧါ. ယကမၢလီၤပှၤလၢအအိၣ်ဒီးနး တဖၣ်လၢအကဟဲထီၣ်ဒုးသုန့ၣ်လီၤ.

လံာ်ယဃ့းစက့လး 12:13

ဘၣ်ဆၣ်ဒီး, ယကသလၣ်ထီၣ်ယစၤဒီးဖီၣ်န့ၢ်အီၤလၢအပူၤန့ၣ်လီၤ. ဝံၤဒီး, ယကလဲၤစိာ်အီၤဆူဝ့ၢ်ဘၤဘူၤလိၣ်, တၢ်လီၢ်ဖဲအဝဲကသံဝဲ လၢတၢ်တထံၣ်ဘၣ်ဝ့ၢ်အံၤဘၣ်န့ၢ်လီၤ.

လံာ်ယဃ့းစက့လး 15:7

ဒီးယကစံၣ်ညီၣ်အဝဲသ့ၣ်န့ၣ်လီၤ. အဝဲသ့ၣ်ထူၣ်ဖျဲးထီၣ်တ့ၢ်လံ လၢမ့ၣ်အူတဘျီ, ဘၣ်ဆၣ်ဒီးခဲအံၤမ့ၣ်အူကအီၣ်ကွံာ်အဝဲသ့ၣ် န့ၣ်လီၤ. ဖဲယစံၣ်ညီၣ်အဝဲသ့ၣ်န့ၣ်, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဧၤမိၣ် 5:18

ပှၤလၢအဆၢန့ၢ်ဘၣ်ယွၤအမုၢ်တနံၤန့ၣ်သ့ၣ်ဧၢ, သုဘၣ်အဖှီၣ်လီၤ. မုၢ်တနံၤန့ၣ်ကမၤဂ့ၤသုမနုၤလဲၣ်. အဝဲန့ၣ်ကမ့ၢ်တၢ်ခံးတၢ်နၤလၢသုဂီၢ်လီၤ. တမ့ၢ်ဘၣ်တၢ်ကပီၤဘၣ်.

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.