လံာ်ယၡါယၤ 24:13 - Sgaw Karen Common Bible

¹³ တၢ်အံၤမ့ၢ်တၢ်လၢအကမၤအသးလၢပှၤကိးကလုာ်ဒဲးလၢ ဟီၣ်ခိၣ်ဒီဘ့ၣ်လီၤ. ကမၤအသးဒ်ကူးတၢ်အကတီၢ်ကတၢၢ် ဝဲအသိး, ဖဲသ့ၣ်စၤယံးအထူၣ်ခဲလၢာ်ဘၣ်တၢ်တီၢ်လီၤဆှုကွံာ် အီၤဒီးစပံးသၣ်လၢခံကတၢၢ်တဖၣ်ဘၣ်တၢ်ဒ့အီၤလၢစပံးမုၢ် တဖၣ်အလိၤအသိးန့ၣ်လီၤ.

လံာ်ယၡါယၤ 24:13 Iomraidhean Croise

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 17:4

ယွၤစံးဝဲဒၣ်, “မုၢ်တနံၤကဟဲဝဲဖဲအံၣ်စရ့လးအတၢ်ဒိၣ်တၢ်မုၢ် ကဆိကတီၢ်အသးဒီးတၢ်ဖှီၣ်တၢ်ယာ်က ဟံးန့ၢ်အတၢ်ထူးတၢ်တီၤအလီၢ်န့ၣ်လီၤ.

လံာ်ယၡါယၤ 27:12

တၢ်လၢမုၢ်တနံၤန့ၣ်, ယွၤကပာ်ဖှိၣ်က့ၤအပှၤဂီၢ်မုၢ်တဂၤဘၣ် တဂၤစးထီၣ်လၢထံကျိဖရၤသးတုၤဆူကီၢ်အဲၤကူပတူးအကီၢ်ဆၢ လီၤဂာ်ဒ်ပှၤတဂၤနီၤဖးဝဲဘုကၠူၣ်ဒီးအဖ့အသိး န့ၣ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယံးရမံယၤ 44:28

ဘၣ်ဆၣ်ဒီး သုဝဲစှၤဂၤကပူၤဖျဲးဒီး တၢ်သံဒီးဟဲက့ၤကဒါက့ၤ လၢ ကီၢ်အဲၤကူပတူးဆူ ကီၢ်ယူဒၤန့ၣ်လီၤ. အန့ၣ်တစု, ပှၤလၢအအိၣ်မူလီၤတဲာ်တဖၣ် ကသ့ၣ်ညါဝဲလၢ မတၤအတၢ်ကတိၤတဖၣ် လၢထီၣ်ပှဲၤထီၣ်လဲၣ်. ယၤဧါ, မ့တမ့ၢ်, အဝဲသ့ၣ်တဖၣ်ဧါ.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:9

ဖဲသုကူးက့ၤသုဘုလၢစံာ် ပျီပူၤန့ၣ်သုတဘၣ်ကူးတုၤလၢအသနၢၣ်န့ၣ်ဘၣ်. ဒီးသုတဘၣ်က့ၤကဒါက့ၤဆူသုလီၢ်ခံဒီးကူးက့ၤဘုစဲၤလၢ အအိၣ်လီၤတဲာ်တဖၣ်န့ၣ်ဘၣ်.

လံာ်မံကၤ 2:12

“ဘၣ်ဆၣ်ဒီးယကထၢဖှိၣ်က့ၤကီၢ်အံၣ်စရ့လးအပှၤဂီၢ်မုၢ်လၢ အအိၣ်လီၤတဲာ်တ့ၢ်တဖၣ်တပူၤဃီလီၤ. ယကဟဲက့ၤစိာ်သုဆူ တၢ်လီၢ်တပူၤဃီဒ်သိလၢအဟဲက့ၤဆူသိကရၢၢ်ပူၤအသိးလီၤ. ဒ်အီၣ်ဆၣ်အလီၢ်တဖၣ်အိၣ်ပှဲၤဝဲလၢသိတဖၣ်အသိးန့ၣ်သု ကီၢ်အံၤကပှဲၤကဒီးတဘျီလၢပှၤဂီၢ်မုၢ်တဖၣ်လီၤ”.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်လီၣ်ဖျါ 3:4

ဘၣ်ဆၣ်ဒီး သုဝဲစှၤဂၤဖဲဝ့ၢ်စၢ်ဒံတဖၣ်ပာ်ကဆှီအတၢ်ကူတၢ်သိး တဖၣ်လီၤ. သုကလဲၤတၢ်ဒီးယၤ, အိၣ်ဒီးတၢ်ကူတၢ်သိးအဝါ, အဂ့ၢ်မ့ၢ်လၢသုကြၢးဝဲဘၣ်ဝဲလၢသုကလဲၤသကိးတၢ်ဒီးယၤ အဃိန့ၣ်လီၤ.