လံာ်ယၡါယၤ 24:10 - Sgaw Karen Common Bible

¹⁰ လၢဝ့ၢ်ပူၤန့ၣ်, တၢ်ခဲလၢာ်အိၣ်လၢတၢ်သဘံၣ်ဘုၣ်အပူၤဒီး ပှၤဂီၢ်မုၢ်ကးတံာ်ဃးအခံလၢအဟံၣ်တဖၣ်အပူၤလၢတၢ်ဘံၣ် တၢ်ဘၢအဂီၢ်လီၤ.

လံာ်ယၡါယၤ 24:10 Iomraidhean Croise

လံာ်တၢ်ကဲထီၣ်အခီၣ်ထံး 11:9

ဝ့ၢ်အံၤဘၣ်တၢ်ကိးအီၤလၢဝ့ၢ်ဘၤဘူၤလိၣ်လီၤ. အဂ့ၢ်ဒ်အံၤ, ဖဲန့ၣ်န့ၣ်, ယွၤမၤဃါဃုာ်ပှၤဟီၣ်ခိၣ်ဖိခဲလၢာ် အကျိာ်ဒီးစးထီၣ်ဖဲတၢ်လီၢ်န့ၣ်ယွၤမၤလီၤပြံလီၤပြါအဝဲ သ့ၣ်ဆူဟီၣ်ခိၣ်ဒီဘ့ၣ်ညါန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်ယၡါယၤ 23:1

အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

လံာ်ယၡါယၤ 24:12

ဝ့ၢ်အိၣ်လၢတၢ်ဟးဂီၤတဖၣ်အပူၤ, ဒီးအတြဲၤတဖၣ်ဘၣ်တၢ်မၤ လီၤပှီၢ်အီၤခဲလၢာ်လီၤ.

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယၡါယၤ 26:5

အဝဲဒၣ်ဆီၣ်လီၤကွံာ်ပှၤလၢအပာ်ထီၣ်ထီအသးတဖၣ်လီၤ. အဝဲဒၣ်မၤဟးဂီၤကွံာ်ဝ့ၢ်အဂံၢ်ဆူၣ်အဘါဆူၣ်လၢအဝဲသ့ၣ် အိၣ်တ့ၢ်ဆိးတ့ၢ်ဝဲ, ဒီးမၤလီၤပှီၢ်လီၤကလဲကွံာ်အခိၣ်ဒူတဖၣ် ဆူဖၣ်ကမူၣ်ဖၣ်ဆါအပူၤန့ၣ်လီၤ.

လံာ်ယၡါယၤ 27:10

ဝ့ၢ်ခိၣ်ဒူလၢအဂၢၢ်အကျၢၤန့ၣ်ဒါလီၤအသးလၢတၢ်ဟးဂီၤ တဖၣ်အပူၤလံ. အိၣ်သယုၢ်သညိလီၤဂာ်ဒ်ပှၢ်မုၢ်ကနၢလၢ တၢ်တအိၣ်နီတမံၤဘၣ်အသိးလီၤ. ကဲထီၣ်ဂီၤဘုၣ်ဂီၤဖံး အီၣ်ဆၣ်အလီၢ်တတီၤဖဲအဝဲသ့ၣ်အိၣ်ဘှံးဒီးအီၣ်အဆၣ်သ့ဝဲ န့ၣ်လီၤ.

လံာ်ယၡါယၤ 32:14

နူၢ်ဧိၤစီၤဧိၤဒၣ်လဲာ်န့ၣ်ကဘၣ်တၢ်ပာ်တ့ၢ်ကွံာ်အီၤဒီးဝ့ၢ်ခိၣ်န့ၣ် ဘၣ်တၢ်လဲၤသဒၣ်ကွံာ်အီၤလၢာ်လၢာ်ဆ့ဆ့လီၤ. ဟံၣ်ဒီးတိာ်တဖၣ်လၢအဒီဒၣ်အိၣ်ပှိၤအဝဲသ့ၣ်ကအိၣ်လၢတၢ်ဟးဂီၤ အပူၤလီၤစိၤလီၤထီလီၤ. ကသ့ၣ်ယီၤမံၤတဖၣ်ကဟးဝ့ၤဝီၤဖဲန့ၣ်, ဒီးသိတဖၣ်ကထံၣ်န့ၢ်အတၢ်အီၣ်ဆၣ်အလီၢ်ဖဲန့ၣ်လီၤ.

လံာ်ယၡါယၤ 32:19

(ဘၣ်ဆၣ်သူၣ်ကလီၤဝဲလၢသ့ၣ်ဒိၣ်ပှၢ်တီၣ်တဖၣ်အလိၤ, ဒီးဝ့ၢ်န့ၣ်ကဘၣ်တၢ်မၤလီၤပှီၢ်ကွံာ်အီၤန့ၣ်လီၤ.)

လံာ်ယၡါယၤ 34:11

ဒိကအိဒီးစိးဝၣ်ဃးတဖၣ်ကအိၣ်ပှဲၤဝဲလၢထံကီၢ်ပူၤလီၤ. ယွၤကဒုးကဲထီၣ်အီၤလၢတၢ်အိၣ်သယုၢ်အိၣ်ကလီအလီၢ် ကဒီးတဘျီဒ်အမ့ၢ်တ့ၢ်ဝဲတချုးလၢတၢ်တ့လီၤပာ်လီၤတၢ် အကတီၢ်အသိးန့ၣ်လီၤ.

လံာ်ယံးရမံယၤ 39:4

ဖဲစီၤပၤစံးဒကံယၤဒီး ကယဲၢ်အဝဲသုးဖိတဖၣ်ထံၣ် တၢ်လၢအမၤအသးန့ၣ်ဒီး, အဝဲသ့ၣ်ကျဲးစၢးဃ့ၢ်ပူၤဖျဲး အသးလၢ ဝ့ၢ်န့ၣ် လၢမုၢ်နၤခီအဆၢကတီၢ်လီၤ. အဝဲသ့ၣ်ဟးထီၣ်ကွံာ်ဝဲလၢ စီၤပၤအတၤသၣ်အလီၢ်အကျဲ, လဲၤခီဖျိကွံာ်ကျဲစၢၤဖိလၢ အဒုးစဲဘူးတၢ်ဒူၣ်ခံဒူၣ်ဒီး ပူၤဖျဲးဝဲဆူ ထံကျိယၢ်ဒ့ၣ်အတြီၤပူၤန့ၣ်လီၤ.

လံာ်ယံးရမံယၤ 39:8

ဖဲန့ၣ်အခါ, ပှၤဘၤဘူၤလိၣ်ဖိတဖၣ် ဒွဲၣ်အူထီၣ်ကွံာ် စီၤပၤအနူၢ်ဒီၤ အပှၤဂီၢ်မုၢ်အဟံၣ်တဖၣ်, ဒီးမၤလီၤပှီၢ် ကွံာ်ဝ့ၢ်ယရူၤရှလ့ၣ်အခိၣ်ဒူတဖၣ်န့ၣ်လီၤ.

လံာ်ယံးရမံယၤ 52:7

ဒီးဝ့ၢ်အခိၣ်ဒူ တဖၣ်ဘၣ်တၢ်မၤလီၤပှီၢ်ဘၢၣ်ဖျိအီၤန့ၣ်လီၤ. ပှၤဘၤဘူၤလိၣ်ဖိတဖၣ် မ့ၢ်ကဝီၤဃာ်ဝ့ၢ်ဒၣ်လဲာ်န့ၣ်, ပှၤ သုးဖိခဲလၢာ် ဃ့ၢ်ထူၣ်ဖျဲးဝဲလၢ မနၤခီအဆၢကတီၢ်လီၤ. အဝဲသ့ၣ်ဟးထီၣ်ကွံာ်ဝဲလၢ စီၤပၤအတၤသၣ်လီၢ်အကျဲ, လဲၤခီဖျိကျဲစၢၤလၢ အဒုးစဲဘူးတၢ်ဒူၣ်ခံခါ, ဒီးထွးထီၣ်ဃ့ၢ် ကွံာ်ဆူ ထံကျိယၢ်ဒ့ၣ်အတြီၤန့ၣ်လီၤ.

လံာ်မံကၤ 2:13

ယွၤကအိးထီၣ်ကျဲလၢအဝဲသ့ၣ်အဂီၢ်ဒီးဆှၢပူၤထီၣ်အီၤလၢတၢ် စိာ်မၢကဲကုၢ်အလီၢ်န့ၣ်လီၤ. အဝဲသ့ၣ်ကလဲၤဖျိကွံာ်ဝ့ၢ်အတြဲၤတဖၣ်ဒီးဟးထီၣ်လၢတၢ်သဘျ့ အပူၤလီၤ. အဝဲသ့ၣ်အစီၤပၤ, ယွၤအနီၢ်ကစၢ်ဒၣ်ဝဲကဆှၢထီၣ်အီၤလီၤ.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.

လံာ်လူၤကၣ် 19:43

မုၢ်နံၤမုၢ်သီတဖၣ်ကဟဲတုၤအိၣ်နၤဖဲနဒုၣ်နဒါတဖၣ်ကကဝီၤဃာ်နၤ, မၤတံာ်တၢၤနကျဲဒီးသုးအသးဘူးထီၣ်ဆူနအိၣ်ကိးကပၤဒဲးလီၤ.

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.