လံာ်ယၡါယၤ 23:9 - Sgaw Karen Common Bible

⁹ ယွၤသ့တၢ်လၢာ်ကူၣ်ကျဲၤတ့ၢ်တၢ်အံၤလီၤ. အဝဲကူၣ်ကျဲၤတ့ၢ်ဝဲဒ်သိးကမၤကတၢၢ်ကွံာ်အဝဲသ့ၣ်အတၢ်ပာ် ထီၣ်ထီသးလၢတၢ်လၢအမၤတ့ၢ်ဝဲအဃိ, ဒီးဒ်သိးကမၤမဲာ် ဆှးအပှၤလၢတၢ်ပာ်လၤပာ်ကပီၤအီၤသ့ၣ်တဖၣ်အဂီၢ်လီၤ.

လံာ်ယၡါယၤ 23:9 Iomraidhean Croise

လံာ်စီၤယိၤဘး 12:21

အဝဲမၤတရီတပါပှၤလၢအအိၣ်ဒီးတၢ်စိတၢ်ကမီၤဒီးမၤလၢာ် ကွံာ်ပဒိၣ်ပပှၢ်တဖၣ်အဂံၢ်အဘါန့ၣ်လီၤ.

စံးထီၣ်ပတြၢၤ 107:40

အဝဲဒုးနဲၣ်အတၢ်သးဘၣ်အၢလၢ ပှၤလၢအမၤအၢမၤနးအဝဲသ့ၣ်, ဒီးဒုးလဲၤဝ့ၤဝီၤအဝဲသ့ၣ်လၢမဲးမုၢ်ခိၣ် လၢကျဲတအိၣ်ဘၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 8:4

အဝဲသ့ၣ်ကစံၣ်ထီၣ်လၢနလိၤ, နပှၤဂီၢ်မုၢ်ဒီးနပဒိၣ်ပပှၢ်တဖၣ်အ လိၤန့ၣ်လီၤ.”

လံာ်ယၡါယၤ 10:33

ယွၤ, သ့တၢ်လၢာ်ကစၢ်ကမၤလီၤပှီၢ်အဝဲသ့ၣ်ဒ်သ့ၣ်ဒ့တဖၣ် ဘၣ်တၢ်ကျီၤလီၤတဲာ်ကွံာ်အီၤလၢသ့ၣ်ထူၣ်အလိၤသီၣ်ဝဲ အသိးလီၤ. ပှၤလၢအပာ်ထီၣ်ထီအသးနးနးကလဲာ်ဒီးပှၤ အိၣ်လၢလီၢ်ထီကတၢၢ်လၢအဝဲသ့ၣ်အကျါတဖၣ်ကဘၣ် တၢ်ကျီတဲာ်အီၤဒီးမၤမဲာ်ဆှးအီၤလီၤ.

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 14:24

ယွၤသ့တၢ်လၢာ်ကစၢ်မၤတ့ၢ်လံတၢ်ဆိၣ်တမံၤစံးဝဲ, “တၢ်လၢယကျဲၤတ့ၢ်န့ၣ်ကမၤအသးဒီးတၢ်လၢယပာ်လီၤတ့ၢ် ယသးလၢယကမၤန့ၣ်, ကဘၣ်တၢ်မၤကဲထီၣ်အီၤန့ၣ်လီၤ.

လံာ်ယၡါယၤ 14:26

အဝဲအံၤမ့ၢ်ယတၢ်ကူၣ်တၢ်ကျဲၤလၢဟီၣ်ခိၣ်ဒီဘ့ၣ်အဂီၢ်ဒီးယစု ယူာ်ထီၣ်အသးလၢကစံၣ်ညီၣ်ပှၤကလုာ်တဖၣ်အဂီၢ်လီၤ.”

လံာ်ယၡါယၤ 14:27

ယွၤသ့တၢ်လၢာ်ကစၢ်ပာ်လီၤတ့ၢ်အသးလၢကမၤတၢ်အံၤလီၤ. အဝဲယူာ်ထီၣ်အစုလၢကစံၣ်ညီၣ်တၢ်အဂီၢ်ဒီးပှၤထုးက့ၤအီၤ တန့ၢ်ဘၣ်နီတဂၤဘၣ်.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 23:10

သုဝဲပှၤကီၢ်စပၤနံဖိသ့ၣ်ဧၢ, လဲၤဒီးထူစံာ်ထူပှဲၤတက့ၢ်. ပှၤလၢကဒီဒၣ်အိၣ်ပှိၤသုတအိၣ်လၢၤနီတဂၤဘၣ်.

လံာ်ယၡါယၤ 32:13

တၤဆှုၣ် တၤမဲအတပှီာ်တဖၣ်မဲထီၣ်ဝဲလၢယပှၤဂီၢ်မုၢ် အကီၢ်ပူၤလံ. ဟီၣ်တၢ်ယၢၤတၢ်လၢဟံၣ်ဃီခဲလၢာ်ဖဲ ပှၤဂီၢ်မုၢ်သူၣ်ဖှံသးညီတ့ၢ်ဝဲဒီးလၢဝ့ၢ်လၢအပှဲၤတ့ၢ်ဒီး တၢ်မူတၢ်ဂဲၤန့ၣ်အဂီၢ်တက့ၢ်.

လံာ်ယၡါယၤ 5:13

သတးဒီးသုကဘၣ်တၢ်စိာ်ကွံာ်သုဒ်ပှၤဃိာ်ဖိတဖၣ်အသိးလီၤ. သုခိၣ်သုနၢ်တဖၣ်ကသၣ်ဝံၤလီၤဒိသံဝဲလီၤ. ဒီးပှၤမုၢ်ဆ့ၣ်မုၢ်ဂီၤတဖၣ်ကသံလၢတၢ်သူအသးလၢထံအဃိလီၤ.

လံာ်ယၡါယၤ 9:15

ပှၤသးပှၢ်ဒီးပှၤအိၣ်ဒီးအလၤကပီၤတဖၣ်မ့ၢ်အခိၣ်, ဒီးဝံတဖၣ်လၢအတၢ်သိၣ်လိသီလိမ့ၢ်တၢ်လီတၢ်ဝ့ၤတဖၣ်, မ့ၢ်အမဲၢ်လီၤ.

လံာ်ယံးရမံယၤ 13:9

“လၢကျဲတမံၤဃီဒ်သိးအံၤန့ၣ်, ယကမၤဟးဂီၤကီၢ်ယူဒၤအတၢ်ပာ်ကဖၢလၢအသး ဒီးဝ့ၢ်ယရူၤၡလ့ၣ်အတၢ်ပာ်ကဖၢလၢအသးဒိၣ်ဒိၣ်မုၢ်မုၢ်န့ၣ်လီၤ.

လံာ်ယံးရမံယၤ 51:62

ဝံၤဒီး ဘါထုကဖၣ်တၢ်ဒီး စံးလၢ, ‘ယွၤဧၢ, နစံးတ့ၢ်လၢ နကမၤဟးဂီၤတၢ်လီၢ်အံၤ ဒ်သိးပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးလၢၤလၢအပူၤဘၣ်ဒီး ကလီၤဂာ်ဒီးတၢ်အိၣ်သယုၢ်အလီၢ်အစိၤစိၤအဃၣ်ဃၣ်န့ၣ်လီၤ.’

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်ဧိၤဘါဒယၤ 1:2

ဒီးယွၤစံးဘၣ်ကီၢ်အဒိၣ်, “ကွၢ်ကွၢ်, ယကမၤစၢ်လီၤနဂံၢ်နဘါ ဒီးပှၤကိးဂၤဒဲးကကွၢ်တလီၤနၤလီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

မၤတၢ် 4:28

အဝဲသ့ၣ်ပာ်ဖှိၣ်ထီၣ်အသးဒ်သိးကမၤတၢ်ခဲလၢာ်လၢနစံၣ်ညီၣ် တဲာ်တ့ၢ်လၢအကဘၣ်မၤအသး, ခီဖျိနစိနကမီၤဒီး နတၢ်ဘၣ်နသးန့ၣ်လီၤ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 3:11

ကစၢ်ယွၤမၤတၢ်အံၤဒ်အတၢ်တိာ်ပာ်အထူအယိာ်အိၣ်ဝဲ အသိး, လၢအမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”