လံာ်ယၡါယၤ 23:18 - Sgaw Karen Common Bible

¹⁸ ကျိၣ်စ့လၢအမၤန့ၢ်ဝဲလၢကူၣ်တၢ်ကၤတၢ်အဃိန့ၣ်, ကဘၣ်တၢ်ပာ်စီဆှံအီၤဆူယွၤလီၤ. အဝဲတပာ်ဖှိၣ်ပာ်တံၤဝဲဘၣ်. ပှၤလၢအဘူၣ်ထီၣ်ဘါထီၣ်ယွၤတဖၣ် ကသူအစ့လၢကပှ့ၤတၢ်အီၣ်ဒီးတၢ် ကူတၢ်ကၤလၢအဝဲသ့ၣ်လိၣ်ဘၣ်ဝဲန့ၣ်လီၤ.

လံာ်ယၡါယၤ 23:18 Iomraidhean Croise

စံးထီၣ်ပတြၢၤ 45:12

ပှၤထါယၢၣ်ဖိတဖၣ်ကဟဲစိာ်န့ၢ်နၤတၢ်ဟ့ၣ်တဖၣ်, ဒီးပှၤထူးပှၤတီၤသ့ၣ်တဖၣ်ကဂုာ်ကျဲးစၢးလၢ ကဒိးန့ၢ်ဘၣ်နတၢ်ဘၣ်သူၣ်ဘၣ်သးန့ၣ်လီၤ.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

စံးထီၣ်ပတြၢၤ 72:11

မ်စီၤပၤခဲလၢာ်ကဘါထီၣ်အီၤ ဒီးပှၤကလုာ်ခဲလၢာ်ကမၤအတၢ်တက့ၢ်.

လံာ်တၢ်ဟးထီၣ်ကွံာ် 28:36

ဒီးမၤတၢ်ကယၢကယဲတမံၤလၢထူစီဒီးစိးပျၤတၢ်ကွဲးအသးအလိၤ, ‘တၢ်ပာ်စီဆှံဆူယွၤ’ န့ၣ်တက့ၢ်.

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 28:8

နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ယဃ့းစက့လး 26:12

သုဒုၣ်သုဒါတဖၣ်ကဟံးန့ၢ်ကွံာ်သုတၢ်ထူးတၢ်တီၤတဖၣ်ဒီး သုတၢ်ပနံၣ်တၢ်ကၤတၢ်တဖၣ်လၢ အကစၢ်ဒၣ်ဝဲအဂီၢ်န့ၣ်လီၤ. အဝဲသ့ၣ်ကမၤလီၤပှီၢ်ကွံာ်သု ဝ့ၢ်ခိၣ်ဒူတဖၣ်ဒီးကမၤလီၤ ကလဲကွံာ်သုဟံၣ်ဃံလၤကပြုၢ်ကပြီၤတဖၣ်လၢ သုပာ်အီၤဒ်ဟီၣ်ခိၣ်အတၢ်မုာ်တၢ်ပၢၤအလီၢ်န့ၣ်လီၤ. အဝဲသ့ၣ်ကစိာ်ထီၣ်ကွံာ်လၢၢ်တဖၣ်ဒီးသ့ၣ်ဒီးကယဲၢ်တၢ် အက့အခီအကမူၣ်ခဲလၢာ်, ဒီးကတ့ၢ်လီၤဖှိၣ်ကွံာ်ဝဲဆူ ပီၣ်လဲၣ်ပူၤန့ၣ်လီၤ.

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”

လံာ်စကၤရယၤ 14:14

ပှၤကီၢ်ယူဒၤဖိတဖၣ်ကဒုးတၢ်လၢတၢ်ဒီဒၣ်ကဟု ကယာ်က့ၤဝ့ၢ်ယရူၤရှလ့ၣ်အဂီၢ်လီၤ. အဝဲသ့ၣ်ကဟံးန့ၢ်ပှၤကလုာ်တဖၣ်အတၢ်ထူးတၢ်တီၤခဲလၢာ်လၢအမ့ၢ် ထူ, စ့ဒီးတၢ်ကူတၢ်သိးအါအါကလဲာ်ဒ်တၢ်ဂုာ်န့ၢ်ဆူၣ်အသိးန့ၣ် လီၤ.

လံာ်မၤလကံ 3:10

ဟဲစိာ်သုတၢ်ဆံဆဲၣ်ပူတပူပှဲၤထီၣ်ပှဲၤထီဆူတၢ်လုၢ်ဟံၣ်, ဒ်သိးတၢ်အီၣ်တၢ်အီကအိၣ်အါအါဂီၢ်ဂီၢ်ဖဲန့ၣ်တက့ၢ်. မၤကွၢ်ယၤဒီးသုကထံၣ်ဘၣ်လၢယကအိးထီၣ်မူခိၣ်အပဲတြီ တဖၣ်ဒီးလူလီၤကယဲၢ်တၢ်ဂ့ၤခဲလၢာ်လၢသုဖီခိၣ်တုၤအပှဲၤ လုၣ်ကွံာ်ဒၣ်လဲာ်န့ၣ်လီၤ.

လံာ်မးသဲ 25:16

တၢ်အခ့အပှၤလၢအဒိးန့ၢ်စ့ယဲၢ်တၤလၣ်တဂၤန့ၣ်, လဲၤဒီးကၤတၢ်တဘျီဃီဒီးအဝဲမၤန့ၢ်အါထီၣ်စ့ယဲၢ်တၤလၣ်န့ၣ် လီၤ.

လံာ်မၢ်ကူး 3:8

လၢဝ့ၢ်ယရူၤၡလ့ၣ်, လၢကီၢ်အဒိၣ်, လၢကီၢ်အိၣ်လၢယၢ်ဒ့ၣ်မုၢ်ထီၣ်တကပၤဒီးတၢ်လီၢ်တၢ်ကျဲအိၣ်ဘူး အိၣ်တံၢ်ဒီးဝ့ၢ်ထါယၢၣ်ဒီးဝ့ၢ်စံဒိၣ်တဖၣ်လီၤ. ပှၤသ့ၣ်တဖၣ်အံၤဟဲဝဲဆူယ့ၣ်ၡူးအအိၣ်မ့ၢ်လၢအဝဲသ့ၣ်နၢ်ဟူ ဘၣ်တ့ၢ်လံတၢ်တဖၣ်လၢအဝဲဒၣ်မၤဝဲအဃိလီၤ.

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်လူၤကၣ် 8:3

စီၤဃူၤစါလၢအကွၢ်ထွဲစီၤပၤအတၢ်ဖိတၢ်လံၤလၢ စီၤပၤဟ့ၤရိာ်အနီပူၤတဂၤအမါနီၢ်ယိၤအၣ်နၣ်, ဒီးနီၢ်စူၤစၣ်နၤဒီးပိာ်မုၣ်အဂၤအါဒံအါဂၤလၢ အသူအတၢ်စုလီၢ်ခီၣ်ခိၣ်ဒၣ်ဝဲလၢအကမၤစၢၤယ့ၣ်ၡူးဒီး အပျဲၢ်အဘီၣ်တဖၣ်, ပိာ်အဝဲဒၣ်အခံစ့ၢ်ကီးလီၤ.

မၤတၢ် 9:39

အန့ၣ်သတးဒီး, စီၤပ့းတရူးကတဲာ်ကတီၤထီၣ်အသးဒီးလဲၤ သကိးဝဲဒီးအဝဲသ့ၣ်လီၤ. တုၤအလဲၤတုၤဝဲဒီး, အဝဲသ့ၣ်ကိးထီၣ်အီၤဆူဒၢးအိၣ်လၢဟံၣ်ထးခီတဆီန့ၣ်လီၤ. ကယဲၢ်ပှၤမုၣ်ကမဲအိၣ်ဖဲန့ၣ်တဖၣ်ဆၢထၢၣ်ဝးတရံးစီၤပ့းတရူး, အိၣ်ဒီးမဲာ်ထံမဲာ်နိ, ဒီးဒုးနဲၣ်အီၤလၢဆ့ကၤဖီလာ်ဒီးဆ့ကၤဖီခိၣ် တဖၣ်လၢနီၢ်ဒီၢ်ကါဆးန့ၢ်အဝဲသ့ၣ်ဖဲအအိၣ်မူဒံးလၢ အဝဲသ့ၣ်အသိးအကျါအကတီၢ်န့ၣ်လီၤ.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.