လံာ်ယၡါယၤ 23:13 - Sgaw Karen Common Bible

¹³ (ပှၤလၢအပျဲလီၤဆၣ်ဖိကီၢ်ဖိအမံၤတဖၣ်လၢကဃ့ၢ်မၤနၢၤကွံာ်ဝ့ၢ် ထါယၢၣ်န့ၣ်မ့ၢ်ဒၣ်ပှၤဘၤဘူၤလိၣ်ဖိတဖၣ်, ဒီးတမ့ၢ်ပှၤအၤၡူၢ်ဖိ တဖၣ်ဘၣ်လီၤ. ပှၤလၢအဘှီထီၣ်ပၢၤတၢ်အလီၢ်တဖၣ်လၢ ကဒုးတၢ်ဒီး, မၤလီၤပှီၢ်ကွံာ်ဝ့ၢ်ထါယၢၣ်အတိာ်ခၢၣ်သနၢၣ်တဖၣ်, ဒီးပာ်တ့ၢ်အီၤလၢတၢ်ဟးဂီၤတဖၣ်အပူၤန့ၣ်, မ့ၢ်တ့ၢ်ဝဲပှၤဘၤဘူၤလိၣ်ဖိတဖၣ်လီၤ.)

လံာ်ယၡါယၤ 23:13 Iomraidhean Croise

လံာ်တၢ်ကဲထီၣ်အခီၣ်ထံး 11:28

ဒီးစီၤဟၤရၣ်သံဝဲလၢအဝ့ၢ်ဒၣ်ဝဲလၢအမ့ၢ်ဝ့ၢ်အူၢ်လၢကီၢ်ဘၤ ဘူၤလိၣ်အပူၤဖဲအပၢ်အိၣ်မူဒံးဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 11:31

ဒီးစီၤတ့ရၤဟံးန့ၢ်အဖိခွါစီၤအၤဘြၣ်, ဒီးအလံၤစီၤလိာ်လၢအမ့ၢ်စီၤဟၤရၣ်အဖိခွါ, ဒီးအဒဲၣ်နီၢ်စၤရဲလၢအမ့ၢ်စီၤအၤဘြၣ်အမါ, ဒီးဟးထီၣ်ဃုာ်ဒီးအဝဲသ့ၣ်လၢဝ့ၢ်အူၢ်လၢအအိၣ်လၢကီၢ်ဘၤဘူၤ လိၣ်အပူၤ, ဒ်သိးအကလဲၤဝဲဆူကီၢ်ကနၤဧၣ်န့ၣ်လီၤ. ဒီးလဲၤဝဲပၢၢ်လၢဝ့ၢ်ဟၤရၣ်ဒီးသူၣ်လီၤဆီလီၤအတၢ်အိၣ်တၢ် ဆိးအလီၢ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 11:9

ဝ့ၢ်အံၤဘၣ်တၢ်ကိးအီၤလၢဝ့ၢ်ဘၤဘူၤလိၣ်လီၤ. အဂ့ၢ်ဒ်အံၤ, ဖဲန့ၣ်န့ၣ်, ယွၤမၤဃါဃုာ်ပှၤဟီၣ်ခိၣ်ဖိခဲလၢာ် အကျိာ်ဒီးစးထီၣ်ဖဲတၢ်လီၢ်န့ၣ်ယွၤမၤလီၤပြံလီၤပြါအဝဲ သ့ၣ်ဆူဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 2:14

ထံကျိသၢဘိတဘိမ့ၢ်ဝဲထံကျိဃံးဒက့လးလၢအယွၤလီၤဆူကီၢ်အၤၡူၢ်အမုၢ်ထီၣ်, ဒီးထံကျိလွံၢ်ဘိတဘိမ့ၢ်ဝဲထံကျိဖရၤသးလီၤ.

လံာ်စီၤပၤခံဘ့ၣ်တဘ့ၣ် 17:24

ကီၢ်အၤၡူၢ်အစီၤပၤဖးဒိၣ်ကိးန့ၢ်ပှၤဂီၢ်မုၢ်လၢကီၢ်ဘၤဘူၤလိၣ်အဝ့ၢ်တဖၣ်, လၢအမ့ၢ်ဝဲကူသး, ဧးဝါ, ဃမါသးဒီးစဖါရဝံၣ်အပူၤဒီးပာ်လီၤ န့ၢ်အတၢ်အိၣ်တၢ်ဆိးအလီၢ်လၢၡၤမရံအဝ့ၢ်တဖၣ်အပူၤ, လၢပှၤအံၣ်စရ့လးဖိလၢတၢ်စိာ်မၢကဲကုၢ်ကွံာ်အီၤတဖၣ်အလီၢ်န့ၣ်လီၤ. အဝဲသ့ၣ်ဟံးန့ၢ်ဝ့ၢ်တဖၣ်အံၤဒီးအိၣ်ဝဲဆိးဝဲဖဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 20:12

ဖဲတၢ်ဆၢကတီၢ်တကတီၢ်ဃီအံၤန့ၣ်စီၤဘၤလဒၣ်အဖိခွါကီၢ်ဘၤဘူၤ လိၣ်အစီၤပၤစီၤမရိဒးဘၤလဒၣ်နၢ်ဟူဘၣ်လၢစီၤပၤဃံးစကံယၤ ဆါထီၣ်ဝဲအဃိ, အဝဲဆှၢလီၤန့ၢ်အီၤလံာ်ပရၢတဘ့ၣ်ဒီးတၢ်ဟ့ၣ်ကနၢၤတခါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်စီၤယိၤဘး 1:17

ဖဲအဝဲကတိၤတၢ်အဖၢမုၢ်န့ၣ်, အခ့အပှၤအဂၤတဂၤဟဲဝဲဒီး စံးဝဲဒၣ်, “ပှၤက့ၤစ့းဖိလၢအပှၤဂုာ်ဆူၣ်ပျီဆူၣ်တၢ်သၢဖု ဟဲဒုး ပှၤဒီးစိာ်ကွံာ်ကီၤလၤအူးတဖၣ်ဒီးမၤသံကွံာ်နခ့နပှၤခဲလၢာ် ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

စံးထီၣ်ပတြၢၤ 72:9

မ်ပှၤပှၢ်လၢ်ကျါဖိကဆုးလီၤအခိၣ်လၢအမဲာ်ညါ, ဒီးအဒုၣ်အဒါတဖၣ်ကလ့ၣ် ဟီၣ်ခိၣ်အကမူၣ်န့ၣ်တက့ၢ်.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 10:7

ဘၣ်ဆၣ်ဒီး, ကီၢ်အၤၡူၢ်အစီၤပၤဖးဒိၣ်အိၣ်ဒီးအတၢ်ကူၣ် အၢဒၣ်ဝဲလၢအသးပူၤလီၤ. အဝဲပာ်လီၤအသးသပှၢ်တၢၢ်လၢ ကမၤဟးဂီၤပှၤအါကလုာ်လီၤ.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယၡါယၤ 13:21

ကကဲထီၣ်တၢ်လီၢ်လၢမဲးမုၢ်ခိၣ်အဆၣ်ဖိကီၢ်ဖိတဖၣ်အိၣ်ဝဲဆိး ဝဲဒီးဖဲဒိကအိတဖၣ်မၤအသွံတဖၣ်န့ၣ်လီၤ. ထိၣ်ကီၤလၤအုးတဖၣ် ကအိၣ်ကဆိးဖဲန့ၣ်, ဒီးမဲာ်တဲးလဲးအမံၤတဖၣ်ကစံၣ်ဝ့ၤစံၣ်ဝီၤလၢတၢ် ဟးဂီၤတဖၣ်အကျါန့ၣ်လီၤ.

လံာ်ယၡါယၤ 18:6

အသုးဖိတဖၣ်အစိၣ်ကဘၣ်တၢ်ကွံာ်တ့ၢ်အီၤလၢတၢ်ပျီပူၤဒ်သိး ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤတဖၣ်ကထံၣ်အီၤအဂီၢ်န့ၣ်လီၤ. လၢတၢ်ကိၢ်ခါန့ၣ်, ထိၣ်ဧိၤလံာ်ဧိၤကအီၣ်အီၤ, ဒီးလၢ တၢ်ဂိၢ်ခါန့ၣ်ဆၣ်ဖိကီၢ်ဖိတဖၣ်ကအီၣ်အီၤလီၤ.”

လံာ်ယၡါယၤ 43:14

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသု စံးဝဲ, “လၢတၢ်ကအုၣ်က့ၤခီၣ်က့ၤသုအဂီၢ်, ယကဆှၢလီၤသုးမုၢ်တဖုထီ ဒါကီၢ်ဘၤဘူၤလိၣ်လီၤ. ယကမၤလီၤပှီၢ်ဝ့ၢ်အတြဲၤတဖၣ်, ဒီးအဝဲသ့ၣ်အပှၤဂီၢ်မုၢ်အတၢ်ကိးပသူထီၣ်တဖၣ်န့ၣ်, ကလဲလိာ်အသးဆူတၢ်ဟီၣ်တၢ်ယၢၤလီၤ.

လံာ်ယဃ့းစက့လး 23:23

ယကဟဲကိးကယဲၢ်ပှၤဘၤဘူၤလိၣ်ဖိတဖၣ်ဒီးပှၤက့ၤစ့းဖိတဖၣ်, ပှၤပိာ်ခွါတဖၣ်လၢပကိး, ၡိအၤဒီးကိအၤဒီးကယဲၢ်ပှၤအၤၡူၢ် ဖိခဲလၢာ်န့ၣ်လီၤ. ယကပာ်ဖှိၣ်ထီၣ်ကယဲၢ်တူၢ်ဒိၣ်ကီၤဒိၣ်သးစၢ်ခွါလၢအက့ၢ်ဘၣ်ဂီၤ ဂ့ၤခဲလၢာ်ဒီးပဒိၣ်ပပှၢ်တဖၣ်, ကယဲၢ်ပှၤကိးဂၤဒဲးလၢအမ့ၢ်ပှၤခိၣ်ပှၤနၢ်အကါဒိၣ်တဖၣ်ဒီးပှၤ ဒိးကသ့ၣ်ဒုးသုးအခိၣ်တဖၣ်လၢအအိၣ်ဒီးလီၢ်ဒိၣ်လၤထီန့ၣ်လီၤ.

လံာ်ယဃ့းစက့လး 29:18

အဝဲစံးဝဲဒၣ်, “ပှၤကညီလၢအသံသ့ဧၢ, ကီၢ်ဘၤဘူၤလိၣ်အစီၤပၤနဘူၤကး န့စၢ်ဒုးလံတၢ်ဒီးဝ့ၢ်ထါယၢၣ်လံန့ၣ်လီၤ. အဝဲမၢအပှၤသုးဖိတဖၣ် စိာ်တၢ်အဃၢတုၤဒၣ်အခိၣ်တဖၣ်လ့ၤဝဲဒီးအဖံဘၣ်ခိၣ်တဖၣ် တီၣ်ထီၣ်ဒီးသွဲးဝဲဘၣ်ဆၣ် စီၤပၤမ့ၢ်ဂ့ၤအဝဲအသုးမ့ၢ်မ့ၢ်ဂ့ၤ တမၤန့ၢ်တၢ်နီတမံၤလၢ အတၢ်မၤကိၢ်ကိၢ်ဂီၤဂီၤတဖၣ်အံၤအဃိဘၣ်.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်ဃဘးကူာ် 1:6

ပှၤဘၤဘူၤလိၣ်ဖိ, ပှၤလၢအလီၤပျံၤလီၤဖုး, ပှၤလၢအမၤတၢ်ဆူၣ်ဆူၣ်ချ့ချ့တဖၣ်န့ၣ်ယဒုးဆူၣ်ထီၣ်အီၤလၢတၢ် စိတၢ်ကမီၤန့ၣ်လီၤ. အဝဲသ့ၣ်လဲၤထီၣ်ကြူးကြူးသကုၤဟီၣ်ခိၣ်ဒီ ဘ့ၣ်ဒ်သိးကမၤနၢၤကွံာ်ထံဂုၤကီၢ်ဂၤတဖၣ်လီၤ.

မၤတၢ် 7:4

အန့ၣ်သတးဒီး, အဝဲဒၣ်ဟးထီၣ်ကွံာ်လၢကီၢ်က့ၤစ့းဒီးလဲၤအိၣ်လဲၤ ဆိးဝဲလၢဝ့ၢ်ဃၤရၣ်လီၤ. အဝဲဒၣ်အပၢ်သံဝံၤအလီၢ်ခံန့ၣ်, ကစၢ်ယွၤမၢအသုးအလီၢ်ဆူကီၢ်လၢသုအိၣ်လၢအပူၤခဲ ကနံၣ်အံၤတဘ့ၣ်န့ၣ်လီၤ.