လံာ်ယၡါယၤ 23:11 - Sgaw Karen Common Bible

¹¹ ယွၤယူာ်ဃီၤအစုလၢပီၣ်လဲၣ်အဖီခိၣ်ဒီးမၤဃၣ်ကွံာ်ဘီမုၢ် တဖၣ်လီၤ. အဝဲခါလီၤအကလုၢ်လၢပှၤဖံၤနံက့ၤဖိအကူၣ် တၢ်ကၤတၢ်အလီၢ်ခၢၣ်သးတဖၣ်ကဘၣ်တၢ်မၤဟးဂီၤအီၤ အဂီၢ်လီၤ.

လံာ်ယၡါယၤ 23:11 Iomraidhean Croise

လံာ်တၢ်ကဲထီၣ်အခီၣ်ထံး 9:25

အဝဲစံး, “တၢ်ဆိၣ်အၢအိၣ်လၢစီၤကနၤဧၣ်အလိၤလီၤ. အဝဲကကဲထီၣ်အဒီပုၢ်ဝဲၢ်ခွါတဖၣ်အကုၢ်လီၤ.

စံးထီၣ်ပတြၢၤ 46:6

ပှၤကလုာ်တဖၣ်သီၣ်ထီၣ်ရုၢ်ရုၢ်, ဒီးဘီမုၢ်တဖၣ်ဟူးဝးဝဲလီၤ. ကစၢ်ယွၤထုထီၣ်ကလုာ်, ဒီးဟီၣ်ခိၣ်ပှံၢ်ဝဲလီၤ.

စံးထီၣ်ပတြၢၤ 71:3

ကဲထီၣ်တၢ်အိၣ်တဒၢအလ့တဖျၢၣ်လၢယဂီၢ်, တိာ်ခၢၣ်သနၢၣ်လၢယတၢ်ပူၤဖျဲးအဂီၢ်န့ၣ်တက့ၢ်. အဂ့ၢ်ဒ်အံၤ, နမ့ၢ်ယလ့, ဒီးယတိာ်န့ၣ်လီၤ.

လံာ်တၢ်ဟးထီၣ်ကွံာ် 14:21

စီၤမိၤၡ့ယူာ်ထီၣ်အစုလၢပီၣ်လဲၣ်အဖီခိၣ်ဒီးယွၤနီၣ်ကဒါ က့ၤပီၣ်လဲၣ်ခီဖျိကလံၤဆူၣ်လၢမုၢ်ထီၣ်တခီန့ၣ်လီၤ. ကလံၤန့ၣ်အူတၢ်သီတနၤကျၢၤတုၤပီၣ်လဲၣ်ကဲထီၣ်ဟီၣ်ခိၣ်ဃ့ထီလီၤ. ထံနီၤဖးလီၤအသးခံခီ,

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 13:13

ယကမၤတုၤမူခိၣ်တဖၣ်ကနိးကစုာ်ဝဲ, ဒီးဟီၣ်ခိၣ်ကဘၣ်တၢ်တြုၤ ဖျိးကွံာ်အီၤလၢအလီၢ်ဒၣ်ဝဲလၢမုၢ်တနံၤဖဲယၤ, ယွၤသ့တၢ် လၢာ်ကစၢ်ဒုးနဲၣ်ယတၢ်သးကဲၤထီၣ်န့ၣ်လီၤ.

လံာ်ယၡါယၤ 14:26

အဝဲအံၤမ့ၢ်ယတၢ်ကူၣ်တၢ်ကျဲၤလၢဟီၣ်ခိၣ်ဒီဘ့ၣ်အဂီၢ်ဒီးယစု ယူာ်ထီၣ်အသးလၢကစံၣ်ညီၣ်ပှၤကလုာ်တဖၣ်အဂီၢ်လီၤ.”

လံာ်ယၡါယၤ 19:5

လၢထံကျိနံၤလါအပူၤထံကစှၤလီၤဝဲ, ဒီးထံကျိန့ၣ်ကလီၤ သံးကွံာ်ဝဲကယီကယီလီၤ.

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယၡါယၤ 23:10

သုဝဲပှၤကီၢ်စပၤနံဖိသ့ၣ်ဧၢ, လဲၤဒီးထူစံာ်ထူပှဲၤတက့ၢ်. ပှၤလၢကဒီဒၣ်အိၣ်ပှိၤသုတအိၣ်လၢၤနီတဂၤဘၣ်.

လံာ်ယၡါယၤ 23:3

သုဆှၢလီၤပှၤခီဂာ်ပီၣ်လဲၣ်လၢကပှ့ၤဒီးဆါဘုဧိၤဟုဧိၤလၢ အမဲထီၣ်သၣ်ထီၣ်လၢကီၢ်အဲၤကူပတူးဒီးပနံာ်တၢ်ကၤတၢ် ဒီးပှၤကလုာ်တဖၣ်အဂီၢ်လီၤ.

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယံးရမံယၤ 47:7

ဘၣ်ဆၣ် ဖဲယဟ့ၣ်အီၤတၢ်မၤလၢ ကဘၣ်မၤဒံးဝဲန့ၣ်, အိၣ်ဘှံးဝဲ ကသ့ဒ်လဲၣ်. ယဟ့ၣ်တ့ၢ်အီၤ ယကလုၢ်လၢ ကလဲၤဒုး ဝ့ၢ်အၤၡကလိၣ်ဒီး ပှၤဂီၢ်မုၢ်လၢ အအိၣ်ဆိးလၢပီၣ်လဲၣ်ကၢၢ်နံၤန့ၣ်လီၤ.”

လံာ်ယဃ့းစက့လး 26:10

ဖၣ်ဆါခုၣ်ထီၣ်ဒ် တၢ်အၢၣ်ခံးသူလၢအဝဲသ့ၣ်အကသ့ၣ်တဖၣ် ဒုးအိၣ်ထီၣ်ဝဲန့ၣ်ကလုၣ်ဘၢနၤလီၤ. အဝဲသ့ၣ်အကသ့ၣ်တဖၣ်တွံၢ်လ့ၣ်ကဟၣ်စိာ်တၢ်ပီးတၢ်လီတဖၣ်ဒီး လ့ၣ်ကဟၣ်ဒုးသုးတဖၣ်အသီၣ်န့ၣ်ကမၤသထြုးနခိၣ်ဒူတဖၣ်ဖဲ အဝဲသ့ၣ်လဲၤခီဂာ်ဝ့ၢ်လၢအဟးဂီၤအတြဲၤတဖၣ်အခါန့ၣ်လီၤ.

လံာ်ယဃ့းစက့လး 26:4

အဝဲသ့ၣ်ကမၤဟးဂီၤကွံာ်နဝ့ၢ်အခိၣ်ဒူတဖၣ် ဒီးကမၤလီၤပှီၢ်ကွံာ်နတၢးထီခၢၣ်သနၢၣ်တဖၣ်လီၤ. အန့ၣ်ဝံၤဒီးယကခွဲသိၣ်ခွဲပျီကွံာ်ကယဲၢ်ဖၣ်ဆါ ခဲလၢာ်ဒီးပာ်တ့ၢ်ဒၣ်ထဲလၢၢ်ဖးဒိၣ်အိၣ်လ့ၤကဒိတဖျၢၣ်ဧိၤန့ၣ်လီၤ.

လံာ်ယဃ့းစက့လး 31:16

ဖဲယဆှၢလီၤအီၤဆူတၢ်သံအကီၢ်ပူၤန့ၣ်, အတၢ်လီၤပှီၢ်အတၢ်သီၣ် ကမၤကနိးကစုာ်ပှၤကလုာ်တဖၣ်န့ၣ်လီၤ. သ့ၣ်ခဲလၢာ်လၢဧ့ၤဒ့ၣ်, ဒီးသ့ၣ်အဂ့ၤကတၢၢ်တဖၣ်လၢအမၤန့ၢ်ထံဂ့ၤဂ့ၤလၢကီၢ်လဘၤနိၣ်, လၢအလဲၤလီၤဆူဟီၣ်ခိၣ်လာ်န့ၣ်ကသူၣ်ဖှံသးညီလၢအဝဲအတၢ်လီၤ ကွံာ်အဃိန့ၣ်လီၤ.

လံာ်နၤဃူၣ် 1:14

ဒီးအအံၤမ့ၢ်တၢ်လၢယွၤခါလီၤအကလုၢ်ဘၣ်ဃးဒီးပှၤအၤၡူၢ်ဖိ တဖၣ်န့ၣ်လီၤ. “အဝဲသ့ၣ်တမ့ၢ်ကအိၣ်ဒီးအစၢၤအသွဲၣ်နီ တဂၤလၢကစိာ်အမံၤဆူညါန့ၣ်ဘၣ်. ယကမၤဟးဂီၤကွံာ်အတၢ်ဂီၤတၢ်ဖီၣ်တဖၣ်လၢအအိၣ်လၢအကစၢ် တဖၣ်အတၢ်လုၢ်ဟံၣ်တဖၣ်အပူၤန့ၣ်လီၤ. ယကတဲာ်ကတီၤလံတၢ်သွၣ်ခိၣ်လၢပှၤအၤၡူၢ်ဖိတဖၣ်အဂီၢ်လီၤ. အဂ့ၢ်ဒ်အံၤအဝဲသ့ၣ်တကြၢးဒီးတၢ်အိၣ်မူဘၣ်.”

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်စကၤရယၤ 14:21

ကယဲၢ်တၢ်တ့ၤတၢ်ဖီအသပၢၤတဖၣ်လၢဝ့ၢ်ယရူၤၡလ့ၣ် အပူၤဒီးလၢကီၢ်ယူဒၤအပူၤခဲလၢာ်ကဘၣ်တၢ်ပာ်စီဆှံအီၤ လၢတၢ်ကသူအီၤလၢတၢ်ဘူၣ်ထီၣ်ဘါထီၣ်သ့တၢ်လၢာ်အယွၤအဂီၢ်န့ၣ် လီၤ. ပှၤဂီၢ်မုၢ်လၢအဟဲစိာ်တၢ်လုၢ်တၢ်ပာ်တဖၣ်ကသူသပၢၤတဖၣ်န့ၣ်လၢ ကချီတၢ်လုၢ်တၢ်ပာ်အတၢ်ညၣ်အဂီၢ်လီၤ. ဖဲအဆၢကတီၢ် အဝဲန့ၣ်တုၤဃီၤန့ၣ်, လၢသ့တၢ်လၢာ်အယွၤအတၢ်လုၢ်ဟံၣ်အပူၤ, ပှၤကူၣ်တၢ်ကၤတၢ်တအိၣ်လၢၤဘၣ်ဝဲဘၣ်.

လံာ်မၢ်ကူး 11:17

အန့ၣ်ဝံၤအဝဲဒၣ်သိၣ်လီၤသီလီၤပှၤသ့ၣ်တဖၣ်ဒီးစံး, “တၢ်ကွဲးအသးစီဆှံပာ်ဖျါထီၣ်ကစၢ်ယွၤစံးဝဲ, ယတၢ်လုၢ်ဟံၣ်ကဘၣ်မ့ၢ်ပှၤကလုာ်ခဲလၢာ်အတၢ်ထုကဖၣ်အဟံၣ်လီၤ. ဘၣ်ဆၣ်ဒီးသုမၤကဲထီၣ်အီၤလၢတၢ်လီၢ်တပူၤလၢတမျိးတမျာ်တဖၣ်ကအိၣ် ခူသူၣ်အဂီၢ်လံ.”

လံာ်ယိၤဟၣ် 2:16

ဒီးအဝဲမၢဆူၣ်ပှၤလၢအဆါထိၣ်လွံၢ်တဖၣ်ဒီးစံးဝဲ, “စိာ်ထီၣ်ကွံာ်တၢ်တဖၣ်အံၤလၢတၢ်လီၢ်အံၤတက့ၢ်. တဘၣ်ဒုးကဲထီၣ်ယပၢ်အဟံၣ်လၢတၢ်ဆါတၢ်ပှ့ၤ အလီၢ်လၢၤတဂ့ၤ.”