လံာ်ယၡါယၤ 23:1 - Sgaw Karen Common Bible

¹ အအံၤမ့ၢ်တၢ်ကစီၣ်ဘၣ်ဃးဝ့ၢ်ထါယၢၣ်အဂ့ၢ်န့ၣ်လီၤ. ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤကဘီဖိလၢအလဲၤတၢ်လၢပီၣ်လဲၣ် ပူၤသ့ၣ်ဧၢ, သုကဘီသန့ဖဲဝ့ၢ်ထါယၢၣ်န့ၣ်ဘၣ် တၢ်မၤဟးဂီၤအီၤလံ. အဟံၣ်တဖၣ်ဒီးအကဘီ သန့တဖၣ်ဟးဂီၤလၢာ်လံ. ဖဲသုကဘီတဖၣ်ဟဲက့ၤ ကဒါက့ၤလၢကီးကူပြူးန့ၣ်, သုန့ၢ်ဘၣ်တၢ်ကစီၣ်လီၤ.

လံာ်ယၡါယၤ 23:1 Iomraidhean Croise

လံာ်တၢ်ကဲထီၣ်အခီၣ်ထံး 10:4

ဒီးစီၤယၤဝၣ်အစၢၤအသွဲၣ်တဖၣ်န့ၣ်မ့ၢ်ဝဲအလံၡၤ, ကီၢ်စပၤနံ, ကီးကူပြူး, ဒီးကီးရိဒံးအပှၤဂီၢ်မုၢ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:22

အဝဲအိၣ်ဒီးကဘီတကရူၢ်လၢအလဲၤတၢ်လၢပီၣ်လဲၣ်ပူၤ, လဲၤဃုာ်တၢ်ဒီးစီၤဃံရၣ်အကဘီတကရူၢ်န့ၣ်လီၤ. သၢနံၣ်တဘျီန့ၣ်အဝဲအကဘီကရူၢ်ကဟဲက့ၤကဒါက့ၤ, ကဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 22:48

စီၤပၤယဟိၡၤဖးအိၣ်ဒီးအကဘီတဖၣ်လၢအလဲၤတၢ်လၢပီၣ်လဲၣ်ပူၤ လၢကလဲၤတၢ်ဆူကီၢ်အိဖ့ၢ်လၢတၢ်မၤန့ၢ်ထူအဂီၢ်န့ၣ်လီၤ. ဘၣ်ဆၣ်အဝဲသ့ၣ်ဟးဂီၤကွံာ်ဝဲဖဲဝ့ၢ်ဧးစယိၣ်က့ဘ့ၢ်ဒီးတလဲၤ တၢ်နီတစုလၢၤဘၣ်.

လံာ်စီၤပၤအခီၣ်ထံးတဘ့ၣ် 5:1

ဝ့ၢ်ထါယၢၣ်ကီၢ်အစီၤပၤဃူရၣ်, ထီဘိမ့ၢ်တ့ၢ်စီၤဒၤဝံးအတံၤသကိးတဂၤန့ၣ်လီၤ. ဒီးဖဲအဝဲနၢ်ဟူဘၣ်ဝဲလၢစီၤၡလိၤမိၤကဲထီၣ်စီၤပၤလၢစီၤ ဒၤဝံးအလီၢ်န့ၣ်, အဝဲဆှၢလီၤအထံကီၢ်မီၣ်သီတဖၣ်ဆူစီၤၡလိၤမိၤအအိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:21

အဝဲအိၣ်ဒီးတၢ်မၤကူၣ်မၤကၤအကဘီတဖုလၢအလဲၤဆူဝ့ၢ်တၢ်ၡံၣ် ဒီးကဘီဖိတဖၣ်မ့ၢ်စီၤပၤဃံရၣ်အပှၤတဖၣ်န့ၣ်လီၤ. သၢနံၣ်တဘျီန့ၣ်, ကဘီတဖၣ်အံၤဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတၤသွီၣ်တဖၣ်န့ၣ်လီၤ.

စံးထီၣ်ပတြၢၤ 48:7

ဒ်တၢ်ၡံၣ်အကဘီတဖၣ်လၢအဘၣ်တၢ်မၤဟးဂီၤ ကွံာ်အီၤလၢကလံၤလၢမုၢ်ထီၣ်အသိးန့ၣ်လီၤ.

လံာ်ယၡါယၤ 15:8

ဖဲမိၤအးအကီၢ်ဆၢတၢ်လီၢ်ကိးပူၤဒဲးန့ၣ်, တၢ်နၢ်ဟူဘၣ်တၢ် ဟီၣ်တၢ်ယၢၤအသီၣ်လီၤ. တၢ်နၢ်ဟူအီၤလၢဝ့ၢ်အ့ကလံၣ် ဒီးဝ့ၢ်ဘ့ၣ်အ့လံၣ်တဖၣ်လီၤ.

လံာ်ယၡါယၤ 2:16

အဝဲကမၤလီၤဘျၢကွံာ်ကဘီလၢအဒိၣ်ကတၢၢ်ဒီးအဃံလၤ ကတၢၢ်တဖၣ်ဒၣ်လဲာ်န့ၣ်လီၤ.

လံာ်ယၡါယၤ 23:12

ဝ့ၢ်စံဒိၣ်ဧၢ, နတၢ်သူၣ်ဖှံသးညီအကတီၢ်ကတၢၢ်ဝဲလံ, ဒီးနပှၤဂီၢ်မုၢ်တဖၣ်ဘၣ်တၢ်မၤအၢမၤနးအီၤလီၤ. အဝဲသ့ၣ်မ့ၢ်ဃ့ၢ်ပူၤဖျဲးကွံာ်ဆူကီးကူပြူးဒၣ်လဲာ်, အဝဲသ့ၣ်တပူၤဖျဲးဒံးဘၣ်လီၤ.

လံာ်ယၡါယၤ 23:6

ကအုကစွါထီၣ်လၢတၢ်သူၣ်အုးသးအုးအပူၤ, သုဝဲပှၤဂီၢ်မုၢ်လၢကီၢ်ဖံၤနံက့ၤအပူၤသ့ၣ်ဧၢ, ကျဲးစၢးထွးထီၣ်ဃ့ၢ်ဆူကီၢ်စပၤနံတက့ၢ်.

လံာ်ယၡါယၤ 24:10

လၢဝ့ၢ်ပူၤန့ၣ်, တၢ်ခဲလၢာ်အိၣ်လၢတၢ်သဘံၣ်ဘုၣ်အပူၤဒီး ပှၤဂီၢ်မုၢ်ကးတံာ်ဃးအခံလၢအဟံၣ်တဖၣ်အပူၤလၢတၢ်ဘံၣ် တၢ်ဘၢအဂီၢ်လီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 2:10

လဲၤဆူမုၢ်နုၢ်ဆူကီးကူပြူး, ဒီးဆှၢလီၤပှၤတဂၤဂၤဆူမုၢ်ထီၣ်တကပၤဆူ ကီၢ်က့ဒၢ်တက့ၢ်. သုကထံၣ်ဘၣ်လၢတၢ်ဒ်သိးအံၤလၢညါ တမၤတ့ၢ်အသးနီတဘျီဘၣ်န့ၣ်လီၤ.

လံာ်ယံးရမံယၤ 25:15

ယွၤ, အံၣ်စရ့လး အကစၢ်ယွၤ, စံးဘၣ်တ့ၢ်ယၤ, “အအံၤမ့ၢ် စပံးထံအလီခီတဖျၢၣ်လၢ အပှဲၤဒီးယတၢ်သးကဲၤထီၣ်န့ၣ်လီၤ. ပှၤကလုာ်ခဲလၢာ်လၢယမၢလီၤနၤဒ်သိး နကလဲၤဆူအအိၣ်န့ၣ်, လဲၤစိာ်န့ၢ်အီၤဒီး မၢအဝဲသ့ၣ်အီအီၤတက့ၢ်.

လံာ်ယံးရမံယၤ 25:22

စီၤပၤခဲလၢာ်လၢ ဝ့ၢ်ထါယၢၣ်ဒီး စံဒိၣ်,

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ယဃ့းစက့လး 26:1

လၢပဘၣ်တၢ်စိာ်မၢကဲကုၢ်ပှဲၤထီၣ်တဆံတနံၣ်, ... လါထီၣ်အခီၣ်ထံးတသီန့ၣ်, ယွၤကတိၤတ့ၢ်တၢ်ဒီး ယၤလီၤ.

လံာ်ယဃ့းစက့လး 26:2

အဒ်မ်ဝဲစံးဝဲဒၣ်, “ပှၤကညီလၢအသံသ့ဧၢ, အအံၤမ့ၢ်တၢ်လၢပှၤဂီၢ်မုၢ်လၢဝ့ၢ်ထါယၢၣ်အပူၤကိး ပသူထီၣ်တၢ်သူၣ်ဖှံသးညီအပူၤအဂ့ၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, ဝ့ၢ်ယရူၤၡလ့ၣ်ဟးဂီၤလီၤပြံလီၤပြါ ကွံာ်လံ. အပနံၣ်တၢ်ကၤတၢ်အတၢ်မၤအစိကမီၤန့ၣ်ဟးဂီၤကွံာ်လံ. အဝဲတမ့ၢ်လၢၤပှၤပြၢလိာ်အသးဒီးပှၤနီတစုလၢၤဘၣ်.

လံာ်ယဃ့းစက့လး 27:30

အဝဲသ့ၣ်ခဲလၢာ် ဘၣ်မိၣ်ဘၣ်မးနးနးကလဲာ်လၢနဂီၢ်, ဖှံထီၣ် ဟီၣ်ခိၣ်ကမူၣ်တဖၣ် လၢအခိၣ်လိၤဒီးထွၣ်တလ့ၣ်အသးလၢ ဖၣ်ဆၣ်ကျါန့ၣ်လီၤ.

လံာ်ယဃ့းစက့လး 27:6

အဝဲသ့ၣ်ဟံးန့ၢ် ကီၢ်ဘၤၡၣ်အသ့ထိးအီၣ်တဖၣ်လၢကမၤ နီၣ်ဝၢ်တဖၣ်အဂီၢ်လီၤ. အဝဲသ့ၣ်မၤနကဘီအဒါလၢကီး ကူပြူးအသ့ၣ်ဆှိတအၤၡူၢ်ဒီး ကယၢကယဲအီၤဒီးကဆီမဲန့ၣ်လီၤ.

လံာ်ဒၤနံးယ့လး 11:30

ပှၤရိမ့ၤဖိတဖၣ်ကဟဲလၢကဘီတဖၣ်အပူၤဒီးကထီဒါအီၤ ဒီးအဝဲကပျံၤတၢ်ဖုးတၢ်လီၤ. အန့ၣ်ဒီးအဝဲကဃၣ်ကဒါက့ၤ အသးလၢတၢ်သူၣ်ဒိၣ်သးဖျိးအပူၤဒီးကကျဲးစၢးဒ်သိးကမၤ ဟးဂီၤကွံာ်ကစၢ်ယွၤအပှၤဂီၢ်မုၢ်အတၢ်ဘူၣ်တၢ်ဘါန့ၣ်လီၤ. အဝဲကပိာ်ထွဲပှၤလၢအပာ်တ့ၢ်ညိကွံာ်တၢ်ဘူၣ်တၢ်ဘါအဝဲန့ၣ်တဖၣ် အတၢ်ဟ့ၣ်ကူၣ်ဟ့ၣ်ဖးန့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်တၢ်ဂံၢ် 24:24

ပှၤဟဲနုာ်လီၤဒုးတၢ်တဖၣ်ကဟဲဒီးကဘီလၢကီးကူပြူးလီၤ. အဝဲသ့ၣ်ကမၤနၢၤကွံာ်ကီၢ်အၤၡူၢ်ဒီးကီၢ်ဧၤဘ့ၢ်လီၤ. ဘၣ်ဆၣ်ဒီး, အဝဲသ့ၣ်ကဘၣ်တၢ်မၤဟးဂီၤကဒါက့ၤအီၤလီၤထူလီၤ ယိာ်လီၤ.”

လံာ်လူၤကၣ် 10:13

“ဝ့ၢ်ဃရၤစံၣ်ဧၢ, တၢ်ကနးကဖှီၣ်လၢနဂီၢ်ဆံးဒိၣ်လဲၣ်. နၤစ့ၢ်ကီး, ဝ့ၢ်ဘ့ၤသစဲဒၤဧၢ, တၢ်ကနးကဖှီၣ်လၢနဂီၢ်ဆံးဒိၣ်လဲၣ်. တၢ်လီၤလးလၢအဘၣ်တၢ်မၤတ့ၢ်အီၤလၢသုပူၤတဖၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်န့ၣ်, ပှၤထံဖိကီၢ်ဖိတဖၣ်ကဆ့ၣ်နီၤဝဲအိၣ်ဒီးတၢ်ကူထီၣ်သိးထီၣ် ထၢၣ်တၢ်ကံးယာ်ဒီးဖှံလီၤက့ၤဖၣ်ဆါလၢအလိၤဒ်သိး အကပာ်ဖျါလၢအဝဲသ့ၣ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်စီၤယိၤၡူ 19:29

ဝံၤဒီးကီၢ်ဆၢန့ၣ်တရံးအသးဆူရၤမါဒီးလဲၤတုၤလၢဝ့ၢ်ခၢၣ် သနၢၢ်ထါယၢၣ်န့ၣ်လီၤ. ဝံၤဒီးကီၢ်ဆၢန့ၣ်တရံးအသးဆူ ဃိစၤဒီးကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ. တၢ်န့ၣ်ပၣ်ဃုာ်ဒီးမၤဃလၤ, အၤကစံာ်,