လံာ်ယၡါယၤ 22:6 - Sgaw Karen Common Bible

⁶ ပှၤသုးဖိလၢကီၢ်ဧ့ၤလၣ်တဖၣ်ဟဲဒိးကသ့ၣ်, အိၣ်ဒီးစုကဝဲၤလၢအမ့ၢ်ချံၣ်ဒီးပျၢ်တဖၣ်လီၤ. ပှၤသုးဖိလၢကီၢ်ကံၢ်တဖၣ်ကတဲာ်ကတီၤပာ် အကတီၤတဖၣ်လီၤ.

လံာ်ယၡါယၤ 22:6 Iomraidhean Croise

လံာ်တၢ်ကဲထီၣ်အခီၣ်ထံး 10:22

ဒီးစီၤၡ့ၣ်အဖိခွါတဖၣ်န့ၣ်မ့ၢ်ဝဲ, စီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူးဒီးစီၤအရၣ်လီၤ. အဝဲသ့ၣ်မ့ၢ်ပၢ်လၢ ပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်တဖၣ်အမံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:9

လၢတၢ်စံးဆၢက့ၤစီၤအၤဃးအတၢ်ဃ့ကညးအဂီၢ်န့ၣ်စီၤတံးကလး ပလ့စ့ၢ်ဟးထီၣ်လၢတၢ်ဒုးအဂီၢ်ဃုာ်ဒီးအသုးမုၢ်လၢကထီဒါဝ့ၢ် ဒၤမ့ၤစ့းအဂီၢ်ဒီးမၤန့ၢ်အီၤ, မၤသံကွံာ်စီၤပၤရစံၣ်ဒီးက့ၤကိးပှၤဂီၢ်မုၢ်ဆူဝ့ၢ်ကံၢ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 15:1

အအံၤမ့ၢ်တၢ်ကစီၣ်ဘၣ်ဃးမိၤအးအကီၢ်လီၤ. ဝ့ၢ်ဧၢ်ဒီးဝ့ၢ်ကံၢ်တဖၣ်ဘၣ်တၢ်မၤဟးဂီၤ အီၤလၢတနၤဃီအတီၢ်ပူၤဒီးတၢ်ဘှ့ၣ် တၢ်ဘှီၣ်လုၣ်ဘၢကီၢ်မိၤအးဒီဘ့ၣ်န့ၣ်လီၤ.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 22:7

ကီၢ်ယူဒၤအကစၢၢ်ကဆူးတဖၣ်လၢအအိၣ်ဒီးဟီၣ်ခိၣ်ညၣ်ထ့ၣ် န့ၣ်, ပှဲၤဝဲဒီးလ့ၣ်ကဟၣ်တဖၣ်, ဒီးသုးဖိလၢအဒိးကသ့ၣ်တဖၣ် အိၣ်ဆၢထၢၣ်လၢဝ့ၢ်ယရူၤၡလ့ၣ်အကျဲစၢၤအမဲာ်ညါန့ၣ်လီၤ.

လံာ်ဧၤမိၣ် 1:5

ဒီးယကဒိကၢ်ကွံာ်ဝ့ၢ်ဒၤမ့ၤစ့းအပဲတြီတဖၣ်ဒီးသုးကွံာ်ပှၤ အိၣ်ဖဲအၤဝ့ၣ်ကစၢၢ်ကဆူးအတၢ်ပၢၤခိၣ်ဒီးဘ့ၤသဧ့ၤဒၣ် အစီၤပၤန့ၣ်လီၤ. ဒီးပှၤကီၢ်စူၤရံဖိကဘၣ်တၢ်စိာ်ကွံာ်အီၤဒ်ကုၢ် တဖၣ်အသိးဆူကီၢ်ကံၢ်အပူၤန့ၣ်လီၤ.”

လံာ်ဧၤမိၣ် 9:7

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, သုလီၤဂာ်ဒီးပှၤကူၤၡးဖိလၢယဂီၢ်တမ့ၢ်ဘၣ်ဧါ. ဒ်ယဒုးဟးထီၣ်သုလၢကီၢ်အဲၤကူပတူးအပူၤအသိး, ယဒုးဟးထီၣ်ပှၤဖလ့ၡသးဖိလၢကီးကြ့တ့ၤဒီးပှၤစူၤရံဖိလၢ ကီၢ်ကံၢ်န့ၣ်တမ့ၢ်ဘၣ်ဧါ.