လံာ်ယၡါယၤ 22:23 - Sgaw Karen Common Bible

²³ ယကစၢတံၢ်အီၤဂၢၢ်ဂၢၢ်ကျၢၤကျၢၤလၢအလီၢ်ဒ်နီၣ်ခိၣ်စူ တဘိအသိး, ဒီးအဝဲကမ့ၢ်တၢ်လၤကပီၤအဂ့ၢ်မိၢ်ပှၢ်လၢ အဒူၣ်ထၢဒီဒူၣ်အဂီၢ်လီၤ.

လံာ်ယၡါယၤ 22:23 Iomraidhean Croise

လံာ်စီၤဧ့စြၤ 9:8

ခဲအံၤ, အိယွၤ, ပကစၢ်ယွၤဧၢ, လၢတၢ်ဆၢကတီၢ်ဖုၣ်ကိာ်အပူၤန့ၣ်, နဒုးဘၣ်ဘျုးဘၣ်ဖှိၣ်လံပှၤဒီးပျဲတ့ၢ်ပဝဲတနီၤဒ်သိးကထူၣ်ဖျဲးထီၣ် လၢတၢ်ကဲကုၢ်အလီၢ်ဒီးအိၣ်ဆိးပူၤပူၤဖျဲးဖျဲးလၢတၢ် လီၢ်စီဆှံအံၤအပူၤန့ၣ်လီၤ. နပျဲထူၣ်ဖျဲးထီၣ်ကွံာ်ပှၤလၢတၢ်ကဲကုၢ်အလီၢ်ဒီးဟ့ၣ်လီၤ ပှၤတၢ်အိၣ်မူအသီန့ၣ်လီၤ.

လံာ်နီၢ်အ့ၤစတၢ် 10:3

ပှၤယူဒၤဖိစီၤမၢ်ဒကဲၤအိၣ်လၢလီၢ်လၤခံတီၤတတီၤဖဲ စီၤပၤအဃၤၡဝ့ရိၣ်အကစၢ်ဒၣ်ဝဲအဖီလာ်န့ၣ်လီၤ. အဝဲဘၣ်တၢ်ယူးယီၣ်တ့ၢ်ဒီးဘၣ်သူၣ်ဘၣ်သးတ့ၢ်အီၤလၢအပှၤယူဒၤ ဖိကဒဲကဒဲဒီးအီၤတဖၣ်လီၤ. အဝဲမၤတ့ၢ်တၢ်အဂ့ၤလၢအပှၤဂီၢ်မုၢ်အဂီၢ်ဒီးလၢကယဲၢ်အစၢၤ အသွဲၣ်တဖၣ်အတၢ်ဘံၣ်တၢ်ဘၢအဂီၢ်န့ၣ်လီၤ.

လံာ်နီၢ်အ့ၤစတၢ် 4:14

နမ့ၢ်အိၣ်ဘှီၣ်ကလာ်လၢတၢ်ဆၢကတီၢ်ဒ်သိးအံၤန့ၣ်, တၢ်မၤစၢၤကဟဲလီၤလၢမူခိၣ်လၢပှၤယူဒၤဖိတဖၣ်အဂီၢ်, ဒီးအဝဲသ့ၣ်ကပူၤဖျဲးလီၤ. မ့မ့ၢ်နဲဒၣ်နကသံဒီးနပၢ်အပှၤဟံၣ်ဖိကတုၤလၢတၢ်ဟးဂီၤလီၤ. ဒီးဘၣ်သ့ၣ်သ့ၣ်, ကမ့ၢ်နကဲထီၣ်ဘၣ်နီၢ်ပၤမုၣ်လၢတၢ်ဆၢကတီၢ်ဒ်သိးအံၤ အဂီၢ်ဧါ, န့ၣ်မတၤသ့ၣ်ညါတဂၤလဲၣ်.

လံာ်စီၤယိၤဘး 36:7

ကဟုဘံၣ်ကယာ်ဘၢပှၤအတီအလိၤတဖၣ်, ပျဲအဝဲသ့ၣ်ကပၢ တၢ်ဒ်စီၤပၤတဖၣ်အသိးဒီးပျဲအဘၣ်တၢ်မၤလၤကပီၤအီၤအစိၤ စိၤအဃၣ်ဃၣ်လီၤ.

လံာ်ပှၤစံၣ်တဲၤတဲလီၤတၢ် 12:11

ပှၤကူၣ်တၢ်သ့တဖၣ်အတၢ်ကတိၤလီၤဂာ်ဒီးနီၣ်ခိၣ်စူတဖၣ်လၢပှၤ ကွၢ်သိတဖၣ်သူဝဲလၢတၢ်ပၢဆှၢသိအဂီၢ်, ဒီးတၢ်ကတိၤဒိတဖၣ်လၢအဘၣ်တၢ်ထၢ ဖှိၣ်အီၤအိၣ်စံၣ်အိၣ်ကျၢၤဝဲဒ်ထးတဖၣ်လၢအဘၣ် တၢ်ဒိတံၢ်ဂၢၢ်ကျၢၤအီၤအသိးန့ၣ်လီၤ. တၢ်သ့ၣ်တဖၣ်အံၤဘၣ်တၢ်ဟ့ၣ်လီၤတ့ၢ်အီၤလၢကစၢ်ယွၤ, ပှၤကွၢ်သိထဲတဂၤဧိၤလၢပဝဲခဲလၢာ်အဂီၢ်န့ၣ်လီၤ.

လံာ်ယၡါယၤ 22:24

ဘၣ်ဆၣ်ဒီး, ကယဲၢ်အဘူးအတံၢ်ဒီးပှၤလၢအသန့ၤအသး လၢအီၤခဲလၢာ်, ကကဲထီၣ်တၢ်ဝံတၢ်ယိးတမံၤလၢအဂီၢ်န့ၣ်လီၤ. အဝဲသ့ၣ်ကဘျးလီၤစဲၤအသးလၢအလိၤဒ်တၢၢ်ဧိၤသပၢၤဧိၤ ဒီးလီခီတဖၣ်ဘျးလီၤစဲၤအသးလၢနီၣ်စဲတဘိအလိၤအသိးန့ၣ်လီၤ.

လံာ်ယၡါယၤ 22:25

ဖဲတၢ်န့ၣ်မၤအသးဒီး, နီၣ်စဲလၢအဘၣ်တၢ်စဲထီအီၤဂၢၢ်ဂၢၢ် ကျၢၤကျၢၤန့ၣ်, ကလီၤဖျုဒီးလီၤတဲာ်ကွံာ်ဝဲန့ၣ်လီၤ. ဒီးတၢ်န့ၣ်, ကမ့ၢ်တၢ်အကတၢၢ်လၢတၢ်ခဲလၢာ်လၢအဘျး လီၤစဲၤအသးလၢအလိၤအဂီၢ်န့ၣ်လီၤ.” ယွၤကတိၤတ့ၢ်လံတၢ်န့ၣ်လီၤ.

လံာ်စကၤရယၤ 10:4

လၢအဝဲသ့ၣ်အကျါန့ၣ်ပဒိၣ်ပပှၢ်တဖၣ်, ပှၤခိၣ်ပှၤနၢ်တဖၣ်, ဒီးသုးခိၣ်သုးနၢ်တဖၣ်ကအိၣ်ထီၣ်ဝဲလၢကပၢ ယပှၤဂီၢ်မုၢ်န့ၣ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.