လံာ်ယၡါယၤ 22:21 - Sgaw Karen Common Bible

²¹ ယကဒုးကၤထီၣ်အီၤလၢနမူနဒါအဆ့ကၤဒီးနယီၢ်တကိး, ဒီးဟ့ၣ်လီၤအီၤတၢ်စိကမီၤခဲလၢာ်လၢအအိၣ်တ့ၢ်ဒီးနၤလီၤ. အဝဲကလီၤဂာ်ဒီးပၢ်တဂၤလၢဝ့ၢ်ယရူၤၡလ့ၣ်ဒီးကီၢ် ယူဒၤအပှၤဂီၢ်မုၢ်အဂီၢ်န့ၣ်လီၤ.

လံာ်ယၡါယၤ 22:21 Iomraidhean Croise

လံာ်တၢ်ကဲထီၣ်အခီၣ်ထံး 45:8

လၢတၢ်န့ၣ်အဃိပှၤလၢအဆှၢယၤဖဲအံၤနီၢ်နီၢ်တမ့ၢ်သုဘၣ်. မ့ၢ်ဒၣ်ကစၢ်ယွၤန့ၣ်လီၤ. အဝဲဒုးကဲထီၣ်တ့ၢ်ယၤလၢစီၤပၤ အပဒိၣ်အဒိၣ်ကတၢၢ်န့ၣ်လီၤ. ယမ့ၢ်ပှၤဘၣ်မူဘၣ်ဒါလၢထံကီၢ်ဒီဘ့ၣ်အဂီၢ်, ဒီးယမ့ၢ်ပှၤပၢဘၣ်ကီၢ်အဲၤကူပတူးဒီဘ့ၣ်ညါန့ၣ်လီၤ.

လံာ်နီၢ်အ့ၤစတၢ် 8:15

စီၤမၢ်ဒကဲၤဟးထီၣ်ဝဲလၢနီပူၤ, ကူသိးဝဲဒၣ်စီၤပၤအကူအသိး, လၢတၢ်လါဒီးတၢ်ဝါဆ့ကၤဖးထီတဘ့ၣ်လၢပှၤမၤအီၤလၢ ဖှီဝါကဆှၣ်လုးတကုာ်အိၣ်ဒီးခိၣ်သလုးထူဖးဒိၣ်လီၤ. ဝ့ၢ်ၡူၡၣ်အပှၤဝ့ၢ်ဖိကိးပသူထီၣ်လၢတၢ်သူၣ်ခုသးခုဒီး တၢ်သူၣ်ဖှံသးညီလၢကျဲတဖၣ်အပူၤလီၤ.

လံာ်နီၢ်အ့ၤစတၢ် 8:2

စီၤပၤဘ့ၣ်လီၤကွံာ်အပသံးလၢအအိၣ်ဒီးအဝဲအတၢ်စဲပနီၣ်, (လၢအဟံးန့ၢ်က့ၤဝဲလၢစီၤဟၤမၣ်အအိၣ်န့ၣ်), ဒီးဟ့ၣ်လီၤဝဲစီၤမၢ်ဒကဲၤန့ၣ်လီၤ. ဒီးနီၢ်အ့ၤစတၢ်ပာ်စီၤမၢ်ဒကဲၤဒ်ပှၤပၢၤစီၤဟၤမၣ်အတၢ်စုလီၢ် ခီၣ်ခိၣ်န့ၣ်လီၤ.

လံာ်စီၤယိၤဘး 29:16

ယမၤယသးဒ်ပၢ်တဂၤလၢပှၤဖှီၣ်ဖိယာ်ဖိအဂီၢ်အသိး, ဒီးယအိၣ်ပှိၤပှၤတခီဘီမုၢ်ဖိလၢအဘၣ်ကီဘၣ်ခဲတဖၣ်န့ၣ်လီၤ.

လံာ်ယဃ့းစက့လး 23:15

ဒီးအိၣ်ဒီးယီၢ်တကိးတဖၣ်လၢအယီၢ်ဒ့လိၤဒီးခိၣ်ဖၢၣ်တဖၣ်လၢ အအိၣ်ဒီးတၢ်ကယၢကယဲလၢအဝဲသ့ၣ်အခိၣ်တဖၣ်အလိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:4

အဝဲဘ့ၣ်လီၤအဆ့ကၤဖးထီလၢအသိးဃာ်ဝဲဒီးဟ့ၣ်လီၤအီၤဆူ စီၤဒၤဝံး, ဃုာ်ဒီးအသဃိးဒီးအနး, အချံၣ်, ဒီးအယီၢ်တကိးစ့ၢ်ကီးလီၤ.