လံာ်ယၡါယၤ 22:15 - Sgaw Karen Common Bible

¹⁵ တၢ်သုးမုၢ်ဂီၢ်မုၢ်အယွၤသ့တၢ်လၢာ်စံးဘၣ်တ့ၢ်ယၤလၢ ယကလဲၤဆူစီၤၡ့ၤဘနၤလၢအမ့ၢ်ပှၤပၢဆှၢကွၢ်ထွဲစီၤပၤအဟံၣ် အဃီဒီးစံးဘၣ်အီၤ,

လံာ်ယၡါယၤ 22:15 Iomraidhean Croise

လံာ်စီၤပၤအခီၣ်ထံးတဘ့ၣ် 4:6

ပှၤကွၢ်ထွဲနီအတၢ်ခ့တၢ်ပှၤတဖၣ်မ့ၢ်ဝဲစီၤအဃံၡၢ်ဒီးပှၤကွၢ် ထွဲပှၤလၢအဘၣ်တၢ်မၤဆူၣ်အီၤတဖၣ်မ့ၢ်ဝဲစီၤဧၤဘဒါအဖိခွါစီၤ အဒိၤနံရၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 10:5

လၢတၢ်န့ၣ်အဃိပဒိၣ်လၢအအိၣ်မူအိၣ်ဒါလၢနူၢ်ပူၤစီၤပူၤဒီး ပဒိၣ်လၢအအိၣ်ဒီးမူဒါလၢဝ့ၢ်အဖီခိၣ်ဃုာ်ဒီးခူဖိဝ့ၢ်ဖိ အတူၢ်ဒိၣ်ကီၤဒိၣ်တဖၣ်, ဒီးပှၤကွၢ်ထွဲတၢ်တဖၣ်, ဆှၢလီၤတၢ်ကစီၣ်အံၤဆူစီၤယ့ၤဟူအအိၣ်စံးဝဲ, “ပမ့ၢ်နခ့နပှၤတဖၣ်ဒီးပအိၣ်ကတဲာ်ကတီၤပသးလၢ ပကမၤကယဲၢ်တၢ်လၢနစံးဘၣ်ပှၤတမံၤလၢ်လၢ်န့ၣ်လီၤ. ဘၣ်ဆၣ်ပတပာ်ထီၣ်ပှၤနီတဂၤလၢစီၤပၤန့ၣ်ဘၣ်. မၤတၢ်တမံၤလၢ်လၢ်လၢနဆိကမိၣ်လၢအမ့ၢ်တၢ်အဂ့ၤကတၢၢ်န့ၣ် တက့ၢ်.”

လံာ်စီၤပၤခံဘ့ၣ်တဘ့ၣ် 18:18

အန့ၣ်ဝံၤဒီးအဝဲသ့ၣ်မၤလိာ်စီၤပၤဃံးစကံယၤ, ဒီးစီၤပၤဃံးစကံယၤအပဖးဒိၣ်လၢလာ်သၢဂၤဟးထီၣ်လၢကသဂၢၢ် အဝဲသ့ၣ်အဂီၢ်လီၤ. အဝဲသ့ၣ်တဖၣ်မ့ၢ်ဝဲ, စီၤဃံးလကံယၤအဖိခွါစီၤအ့ၤလယါကံၣ်လၢ အမ့ၢ်ပှၤပၢၤစီၤပၤအနီ, စီၤၡ့ၤဘနၤလၢအမ့ၢ်ကွီၢ်ဘျီၣ်အပှၤကွဲးလံာ်ဒီးစီၤအၤစာ်အဖိ ခွါစီၤယိၤအၤလၢအမ့ၢ်ပှၤပၢၤတၢ်ကွဲးနီၣ်တဖၣ်အခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:26

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဲဘၣ် သုးခိၣ်န့ၣ်, “တၢ်ဒိၣ်ဧၢ, ကတိၤတၢ်ဒီးပှၤလၢပှၤအၤရၣ်ဖိ အကျိာ်တက့ၢ်. ပနၢ်ပၢၢ်အီၤ. ကစီဒီလီၤ. ကတိၤတၢ်လၢဧ့ၤဘြံၤအကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအလိၤဒိကနၣ်တၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:37

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဖၣ်ဖှီ ယာ်အဆ့ကူအသိးတဖၣ်လၢတၢ်သူၣ်အုးသးအုးအပူၤဒီးလဲၤဒီးတဲ ဘၣ်စီၤပၤတၢ်လၢကီၢ်အၤၡူၢ်အသုးခိၣ်စံးတ့ၢ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:2

အဝဲမၢလီၤပှၤကွၢ်ထွဲနူၢ်ဧိၤစီၤဧိၤအခိၣ်စီၤအ့ၤလယါကံၣ်, ကွီၢ်ဘျီၣ်အပှၤကွဲးလံာ်ဒိၣ်စီၤၡ့ၤဘနၤဒီးပှၤလုၢ်တၢ်အခိၣ် အဒိၣ်တဖၣ်ဒ်သိးကလဲၤဆူစီၤအၤမိးအဖိခွါဝံယၡါယၤအအိၣ်န့ၣ် လီၤ. အဝဲသ့ၣ်စ့ၢ်ကီးကူသိးဝဲထၢၣ်တၢ်ကံးညာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:25

အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤတဖၣ်လၢအပၢဆှၢစီၤပၤအတၢ် စုလီၢ်ခီၣ်ခိၣ်န့ၣ်လီၤ. စီၤဧဒံၤအ့လးအဖိခွါစီၤဧၤစမၤဝ့း, မ့ၢ်ပှၤအခိၣ်အဒိၣ်ကတၢၢ်လၢစီၤပၤအတၢ်ပာ်ဖှိၣ်အဟံၣ်တဖၣ်အဖီခိၣ် န့ၣ်လီၤ. စီၤဧူးစံယၤအဖိခွါစီၤယိနၤသၣ်မ့ၢ်ပှၤအခိၣ်အဒိၣ်ကတၢၢ်လၢ ထံကီၢ်အတၢ်ပာ်ဖှိၣ်အဟံၣ်တဖၣ်လၢအအိၣ်ဝဲလၢ, ကီၢ်ဆၣ်တဖၣ်, ဝ့ၢ်တဖၣ်, ဒူသဝီတဖၣ်ဒီးတိာ်တဖၣ်အဖီခိၣ်အဂီၢ်န့ၣ်လီၤ.

လံာ်ယၡါယၤ 36:11

အန့ၣ်ဒီး, စီၤအ့ၤလယါကံၣ်, စီၤၡ့ၤဘနၤ, ဒီးစီၤယိၤအၤတဖၣ် စံးဘၣ်သုးခိၣ်န့ၣ်, “ကတိၤတၢ်ဒီးပှၤလၢအၤရၣ်အကျိာ်တက့ၢ်. ပနၢ်ပၢၢ်အီၤကစီဒီန့ၣ်လီၤ. ကတိၤတၢ်လၢဧ့ၤဘြံၤ အကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအဖီခိၣ်တဖၣ်ဒိကနၣ်တၢ်လီၤ.”

လံာ်ယၡါယၤ 36:22

အန့ၣ်ဒီး, စီၤအ့ၤလယါကံၣ်, စီၤၡ့ၤဘနၤ, ဒီစီၤယိၤအၤဖှီ ယာ်အဆ့ကၤတဖၣ်လၢတၢ်သးအုးအပူၤဒီးလဲၤတၢ်ဒီးပာ်ဖျါထီၣ် က့ၤတၢ်လၢကီၢ်အၤၡူၢ်အသုးခိၣ်စံးဘၣ်တ့ၢ်ဝဲဆူစီၤပၤ အအိၣ်န့ၣ်လီၤ.

လံာ်ယၡါယၤ 36:3

ပှၤယူဒၤဖိသၢဂၤလၢအမ့ၢ်ဝဲစီၤဃံးစကံယၤအဖိခွါစီၤအ့လယါ ကံၣ်လၢအပၢၤစီၤပၤအနီ, ကွီၢ်ဘျီၣ်အနဲၣ်ရွဲၣ်စီၤၡ့ၤဘနၤ, ဒီးစီၤအၤစာ်အဖိခွါစီၤယိၤအၤလၢအမ့ၢ်ပဒိၣ်လၢအပၢၤတၢ် ကွဲးနီၣ်တဖၣ်ဟဲထီၣ်ဒ်သိးအကထံၣ်လိာ်အီၤန့ၣ်လီၤ.

လံာ်ယၡါယၤ 37:2

အဝဲမၢလီၤစီၤအ့လယါကံၣ်, ပဒိၣ်လၢအပၢၤစီၤပၤအနူၢ်အစီၤ, စီၤၡ့ၤဘနၤလၢအမ့ၢ်ကွီၢ်ဘျီၣ်အနဲၣ်ရွဲၣ်, ဒီးအပှၤလုၢ်တၢ်အခိၣ် အဒိၣ်သူၣ်က့သးပှၢ်တဖၣ်န့ၣ်ဆူစီၤအၤမိာ်အဖိခွါဝံယၡါယၤ အအိၣ်လီၤ. အဝဲသ့ၣ်စ့ၢ်ကီးကူကၤဆ့ထၢၣ်တၢ်ကံးယာ်န့ၣ်လီၤ.

မၤတၢ် 8:27

အန့ၣ်ဒီးစီၤဖံလံးပူးကတီၤထီၣ်အသးဒီးလဲၤဝဲလီၤ. အကတီၢ်ဖဲန့ၣ်တၢ်မၤအသးလၢပှၤအဲၤသံအီးပးအပှၤဒ့ဒံၣ်ဖိ လၢအမ့ၢ်ကီၢ်အဲၤသံအီးပးအနီၢ်ပၤမုၣ်တဂၤအပဒိၣ်ဖးဒိၣ်, ပှၤလၢအဘၣ်ပၢၤကျိၣ်ပၢၤစ့တဂၤန့ၣ်, လဲၤတၢ်လၢကျဲန့ၣ်လီၤ. အဝဲဒၣ်လဲၤတ့ၢ်ဝဲဆူဝ့ၢ်ယရူၤၡလ့ၣ်လၢကဘူၣ်ထူဘါယွၤ အဂီၢ်,