လံာ်ယၡါယၤ 21:5 - Sgaw Karen Common Bible

⁵ လၢတၢ်ထံၣ်လၢညါခီအပူၤန့ၣ်ယထံၣ်ဘၣ်တၢ်အီၣ်အစီၢ်နီၤခိၣ် အိၣ်ကတဲာ်ကတီၤအသးဒီးလီၢ်ဒါတဖၣ်သလၣ်လီၤအသး လၢသမှံၤတဖၣ်ကဆ့ၣ်နီၤလၢအဖီခိၣ်အဂီၢ်လီၤ. အဝဲသ့ၣ်အီၣ်တၢ်ဒီးအီတၢ်လီၤ. သတူၢ်ကလာ်န့ၣ်တၢ်ကိးသတြီထီၣ်ဝဲ, “သုးခိၣ်သုးနၢ်တဖၣ်ဧၢ, ကတဲာ်ကတီၤထီၣ်သုကတီၤတဖၣ်တက့ၢ်.”

လံာ်ယၡါယၤ 21:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:21

မ်မူခိၣ်စူၤထံမ့ၢ်ဂ့ၤ, ပစီၤထံမ့ၢ်ဂ့ၤသုတလီၤလၢကံးလဘိ အတၢ်လူၢ်တဖၣ်အဒီခိၣ်တဂ့ၤ. မ်အစံၣ်ပျီတဖၣ်အိၣ်သယုၢ်အိၣ်လီၤဃီထီဘိတက့ၢ်. အဂ့ၢ်ဒ်အံၤ, ပှၤအဒူအဃိၤအကတီၤတဖၣ်ဒါလီၤအသးဖဲန့ၣ် လၢတၢ်မဲာ်ဆှးအပူၤလီၤ. စီၤစီလူးအကတီၤန့ၣ်တဘၣ်တၢ်ဖှူကပီၤထီၣ်အီၤလၢသိ နီတစုလၢၤဘၣ်.

လံာ်ယၡါယၤ 13:2

ထူၣ်ထီၣ်တၢ်ဒုးအနီၣ်တယၣ်လၢကစၢၢ်လ့ၤခိၣ်တဖျၢၣ်အဒီခိၣ်တက့ၢ်. ကိးပသူထီၣ်ဆူသုးဖိတဖၣ်အအိၣ်ဒီးယူာ်ထီၣ်နစုဒုၣ်စုတီၤဒ် တၢ်ပနီၣ်လၢအဝဲသ့ၣ်ကလဲၤထီၣ်ဒုးတၢ်ဖဲဝ့ၢ်လၢအပာ်ထီၣ် ထီအသးအကျဲစၢၤတဖၣ်န့ၣ်တက့ၢ်.

လံာ်ယံးရမံယၤ 46:3

“ကီၢ်အဲၤကူပတူး အသုးခိၣ်တဖၣ်ကိးထီၣ်ဝဲ, ‘ကတဲာ်ကတီၤသုကတီၤတဖၣ် ဒီးလဲၤထီၣ်ဆူတၢ်ဒုးအပူၤတက့ၢ်.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 51:39

မ့ၢ်အဝဲသ့ၣ်သးကွံအီၣ်တၢ်အီတၢ်ဧါ. ယကတဲာ်ကတီၤန့ၢ် အဝဲသ့ၣ်တၢ်အီၣ်အမူး တမူးဒီးဒုးအီမူၤအီဘှီးအဝဲသ့ၣ်ဒီး မၤသူၣ်ဖှံသးညီအီၤလီၤ. အဝဲသ့ၣ်ကမံဝဲဒီးတပၢၢ်ထီၣ်နီတစုလၢၤဘၣ်.

လံာ်ယံးရမံယၤ 51:57

ယကဒုးအီၤမူအီဘှီးအပှၤပၢတၢ်တဖၣ် လၢအမ့ၢ်ပှၤလၢ အကူၣ်တၢ်သ့, ခိၣ်နၢ်တဖၣ်ဒီး သုးဖိသံၣ်ဖိတဖၣ်န့ၣ်လီၤ. အဝဲသ့ၣ်ကမံဝဲဒီး တဖုသံနီၣ်ထီၣ်နီတစုလၢၤဘၣ်. ယၤ, စီၤပၤအံၤ, ကတိၤလံတၢ်လံ. ယမ့ၢ်ယွၤသ့တၢ်လၢာ်န့ၣ်လီၤ.

1 ကရံၣ်သူး 15:32

ဒ်တၢ်မၤအသးအသိး, ယမ့ၢ်ဒုးတ့ၢ်တၢ်ဒီး “ဆၣ်ဖိကီၢ်ဖိ အဒူအဃိၤ” ဖဲအံၤလၢဝ့ၢ်အ့းဖ့းစူးအိၣ်ဒၣ်ဒီးပှၤကညီ အတၢ်ပာ်သူၣ်ပာ်သးတဖၣ်န့ၣ်, မ့ၢ်ယကမၤန့ၢ်တ့ၢ်ယဲတၢ်ဘျုး တၢ်ဖှိၣ်မနုၤလဲၣ်. မ့မ့ၢ်ပှၤသံတဖၣ်မ့ၢ်တဘၣ်တၢ်ဒုးဂဲၤဆၢထၢၣ် သမူထီၣ်အီၤဘၣ်ဒီး, ဒ်တၢ်ကတိၤအိၣ်ဝဲအသိး, “မ်ပကအီၣ်သကိးအီသကိးတက့ၢ်. အဂ့ၢ်ဒ်အံၤ, ခဲမုၢ်ဆ့ၣ်န့ၣ်ပကသံလီၤ.”