လံာ်ယၡါယၤ 21:2 - Sgaw Karen Common Bible

² ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 21:2 Iomraidhean Croise

လံာ်တၢ်ကဲထီၣ်အခီၣ်ထံး 10:22

ဒီးစီၤၡ့ၣ်အဖိခွါတဖၣ်န့ၣ်မ့ၢ်ဝဲ, စီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူးဒီးစီၤအရၣ်လီၤ. အဝဲသ့ၣ်မ့ၢ်ပၢ်လၢ ပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်တဖၣ်အမံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

စံးထီၣ်ပတြၢၤ 119:158

ယကွၢ်ပှၤလီတၢ်ဖိလၢယတၢ်သးကိၢ်ထီၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ် တတိၢ်န့ၢ်ဘၣ် နတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 60:3

နဒုးတူၢ်တ့ၢ်လံနပှၤဂီၢ်မုၢ်လၢ တၢ်ကီတၢ်ခဲသ့ၣ်တဖၣ်, နဟ့ၣ်တ့ၢ်လံပှၤစပံးထံလၢပကအီဒီး ကမၤမူၤပှၤန့ၣ်လီၤ.

စံးထီၣ်ပတြၢၤ 79:11

မ်ပှၤလၢအဘၣ်တၢ်စၢဃာ်တဖၣ်အတၢ်ကအုကစွါဟဲထီၣ် ဆူနမဲာ်ညါတက့ၢ်. မၤပူၤဖျဲးပှၤလၢအဘၣ်တၢ်ပာ်အီၤလၢ တၢ်သံအဂီၢ်လၢ နတၢ်စိတၢ်ကမီၤဖးဒိၣ်အဃိန့ၣ်တက့ၢ်.

တၢ်ကတိၤဒိ. 13:15

တၢ်သူၣ်ဆးသးဆးန့ၣ်, မၤန့ၢ်တၢ်ယူးယီၣ်ပာ်ကဲလီၤ. ဘၣ်ဆၣ်ပှၤလၢတၢ်နာ်န့ၢ်အီၤတသ့တဖၣ်အိၣ်လံဝဲလၢတၢ်ဟးဂီၤ အကျဲခိၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 14:4

ဖဲအဝဲမၤတၢ်အံၤဒီး, အဝဲသ့ၣ်ကဘၣ်ဒုၣ်ဒွဲၣ်ကီၢ်ဘၤဘူၤလိၣ်အစီၤ ပၤဒီးစံး, “စီၤပၤအအၢအသီတဂၤလီၤလံ. အဝဲတမၤအၢမၤ နးကဒီးပှၤနီတဂၤနီတစုလၢၤဘၣ်.

လံာ်ယၡါယၤ 14:7

အအံၤတစုန့ၣ်, ဟီၣ်ခိၣ်ဒီဘ့ၣ်မုာ်လၤသးခုလၢတၢ်အိၣ်ဘှံးဒီး တၢ်ဃူတၢ်ဖိးအပူၤလီၤ. ဒီးပှၤကိးဂၤဒဲးသူၣ်ဝံၣ်သးဆၢတၢ် လၢတၢ်သးခုအပူၤန့ၣ်လီၤ.

လံာ်ယၡါယၤ 22:6

ပှၤသုးဖိလၢကီၢ်ဧ့ၤလၣ်တဖၣ်ဟဲဒိးကသ့ၣ်, အိၣ်ဒီးစုကဝဲၤလၢအမ့ၢ်ချံၣ်ဒီးပျၢ်တဖၣ်လီၤ. ပှၤသုးဖိလၢကီၢ်ကံၢ်တဖၣ်ကတဲာ်ကတီၤပာ် အကတီၤတဖၣ်လီၤ.

လံာ်ယၡါယၤ 24:16

လၢတၢ်လီၢ်အယံၤကတၢၢ်တဖၣ်လၢဟီၣ်ခိၣ်ချၢန့ၣ်, ပကနၢ်ဟူဘၣ်တၢ်သးဝံၣ်စံးထီၣ်ပတြၢၤအံၣ်စရ့လးပှၤအတီ အလိၤတကလုာ်အဂ့ၢ်န့ၣ်လီၤ. ဘၣ်ဆၣ်လၢယဂီၢ်န့ၣ်တၢ်မုၢ် လၢ်တအိၣ်ဘၣ်. ယဖှံၣ်လီၤဃဲၤလီၤပှီၢ်ပှီၢ်လီၤ. ပှၤလၢအသးတတီတဖၣ်န့ၣ်, သမၢဒံးဒၣ်တၢ်, ဒီးအဝဲသ့ၣ် သူၣ်တတီသးတလိၤန့ၣ်ယံာ်ထီၣ်အၢထီၣ်ဒီးအၢထီၣ်ဝဲလီၤ.

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်ယံးရမံယၤ 25:25

ကီၢ်ဧ့ရ့းအစီၤပၤခဲလၢာ်, မဲးမုၢ်ခိၣ်အဒူၣ်တဖၣ် အစီၤပၤခဲလၢာ်,

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်ယံးရမံယၤ 45:3

“စီၤဘၤရူးဧၢ, ‘နစံးနဲလၢ, ယပျဲစုပျဲခီၣ်လံ. ယွၤပာ်ဖှိၣ်အါထီၣ်တၢ်သးအုးလၢ ယတၢ်ကိၢ်တၢ်ဂီၤတဖၣ်အဖီခိၣ်လံ. ယလီၤဘှံးလီၤတီၤလၢ တၢ်ကအုကစွါအဃိ, ဒီးယတထံၣ်န့ၢ်တၢ်အိၣ်ဘှံးနီ တတီၤဘၣ်န့ၣ်လီၤ.’

လံာ်ယံးရမံယၤ 49:34

စီၤစံးဒကံယၤကဲထီၣ်စီၤပၤလၢ ကီၢ်ယူဒၤဝံၤတယံာ်ဘၣ်ဒီး, ယွၤသ့တၢ်လၢာ်ကတိၤတၢ်ဒီးယၤဘၣ်ဃးကီၢ်ဧ့ၤလၣ်အဂ့ၢ်န့ၣ်လီၤ.

လံာ်ယံးရမံယၤ 49:35

အဝဲစံးဝဲဒၣ်, “ယကမၤသံကွံာ်ပှၤခးချံၣ်ဖိတဖၣ်ခဲလၢာ်လၢ အဒုးဒိၣ်စိဒိၣ်ကမီၤထီၣ် ကီၢ်ဧ့ၤလၣ်အဃိန့ၣ်လီၤ.

လံာ်ယံးရမံယၤ 50:14

ပှၤခးချံၣ်ဖိတဖၣ်ဧၢ, ရဲၣ်လီၤသုသးလၢ တၢ်ဒုးထီဒါ ကီၢ်ဘၤဘူၤလိၣ်အဂီၢ်ဒီး ကဝီၤဃာ်အီၤတက့ၢ်. ခးသုပျၢ်ခဲလၢာ်ဆူ ကီၢ်ဘၤဘူၤလိၣ်တက့ၢ်. အဂ့ၢ်ဒ်အံၤ, မၤတ့ၢ်တၢ်ဒဲးဘးထီဒါယၤ, ယွၤ, န့ၣ်လီၤ.

လံာ်ယံးရမံယၤ 50:34

ဘၣ်ဆၣ်ဒီး ပှၤတဂၤလၢကမၤပူၤဖျဲးအဝဲသ့ၣ်န့ၣ်အဂံၢ်ဆူၣ်အဘါ ဆူၣ်ဝဲဒီးအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ. အဝဲအကစၢ်ဒၣ်ဝဲ ကဟံးထီၣ်အဝဲသ့ၣ်အကွီၢ်ဒီးကဟဲစိာ်တၢ်ဃူတၢ်ဖိးဆူ ဟီၣ်ခိၣ်, ဒီးတၢ်ကီတၢ်ခဲဆူဘၤဘူၤလိၣ်အပှၤဂီၢ်မုၢ်အအိၣ်န့ၣ်လီၤ.”

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 51:44

ယကစံၣ်ညီၣ်ဘၤဘူၤလိၣ်အယွၤဘ့လးဒီး မၢအဟ့ၣ်က့ၤတၢ်ဖိတၢ်လံၤလၢ အဟုၣ်တ့ၢ်ဝဲတဖၣ်လီၤ. ပှၤကလုာ်တဖၣ်တဘူၣ်ထီၣ်ဘါထီၣ်လၢၤအီၤနီတစုလၢၤဘၣ်. ဝ့ၢ်ဘၤဘူၤလိၣ်အခိၣ်ဒူတဖၣ်လီၤပှီၢ်လံ.

လံာ်ယံးရမံယၤ 51:53

ကီၢ်ဘၤဘူၤလိၣ်လဲၤ ထီၣ်ဆူမူကပိာ်လိၤဒီးဘှီထီၣ်တိာ်ဂံၢ်ဆူၣ် ဘါဆူၣ်တဖျၢၣ်ဖဲန့ၣ်မ့ၢ်သ့ဒၣ်လဲာ်, ယကမၢလီၤဒံးပှၤဂီၢ်မုၢ်လၢ ကမၤဟးဂီၤအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 1:22

အုၣ်နသးထီဒါအဝဲသ့ၣ်လၢကယဲၢ်အတၢ်တတီတလိၤတဖၣ် အဃိတက့ၢ်. စံၣ်ညီၣ်အဝဲသ့ၣ်ဒ်နစံၣ်ညီၣ်တ့ၢ်ယၤလၢယတၢ်ဒဲးဘးတဖၣ်အဃိန့ၣ် တက့ၢ်. ယကအုကစွါလၢယတၢ်နးတၢ်ဖှီၣ်အပူၤဒီးယသးဆိးက့ဝဲလီၤ.”

လံာ်ဒၤနံးယ့လး 5:28

ပၤစ့ၣ်စံးတၢ်န့ၣ်မ့ၢ်တၢ်နီၤဖးတဖၣ်ဒီး, နဘီနမုၢ်အံၤဘၣ်တၢ် နီၤဖးအီၤဒီးဟ့ၣ်လီၤအီၤဆူပှၤမၤဒဲဖိဒီးပှၤပၤရၣ်ဖိတဖၣ်အအိၣ်လီၤ.”

လံာ်ဒၤနံးယ့လး 5:9

လၢတၢ်ကိၢ်တၢ်ဂီၤအပူၤစီၤပၤဘ့ၤလၡါစၢ်အမဲာ်လီၤဝါနး ထီၣ်ဒီးအပဒိၣ်ပပှၢ်တဖၣ်ကဘၣ်မၤဒ်လဲၣ်ဒ်လဲၣ်ဆိ ကမိၣ်ဝဲတဘၣ်ဘၣ်.

လံာ်ဒၤနံးယ့လး 8:2

လၢတၢ်ထံၣ်လၢညါခီအံၤအပူၤယထံၣ်လီၤက့ၤယသးသတူၢ် ကလာ်လၢယအိၣ်လၢကီၢ်ဧ့ၤလၣ်အဝ့ၢ်ခိၣ်ဝ့ၢ်ၡူၡၣ်အပူၤန့ၣ်လီၤ. ယဆၢထၢၣ်တ့ၢ်ဖဲထံကျိဖးဒိၣ်အူလဲၤအကၢၢ်နံၤန့ၣ်လီၤ.

လံာ်ဒၤနံးယ့လး 8:20

သိဖါအိၣ်ဒီးအနၢၤခံဘိလၢနထံၣ်တ့ၢ်အီၤန့ၣ်ဒိလီၤပှၤမၤဒဲဖိဒီး ပှၤပၤရၣ်ဖိအဘီအမုၢ်တဖၣ်န့ၣ်လီၤ.

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:13

နသ့ၣ်ညါတၢ်ကတိၤဒိလၢပျၢၤ, တၢ်အၢတၢ်သီန့ၣ် ဘၣ်တၢ်မၤဒၣ်အီၤလၢပှၤအၢပှၤသီလီၤ. လၢတၢ်န့ၣ်အဃိဒီးယတမၤဆါနၤဘၣ်.