လံာ်ယၡါယၤ 21:16 - Sgaw Karen Common Bible

¹⁶ အန့ၣ်ဒီးယွၤစံးဘၣ်ယၤ, “လၢတနံၣ်တီတီအပူၤန့ၣ်, က့ဒၢ်အဒူၣ်တဖၣ်အတၢ်ဒိၣ်တၢ်မုာ်ကတုၤ လၢတၢ်အကတၢၢ်လီၤ.

လံာ်ယၡါယၤ 21:16 Iomraidhean Croise

လံာ်တၢ်ကဲထီၣ်အခီၣ်ထံး 25:13

အမံၤဒ်အအိၣ်ဖျဲၣ်ထီၣ်ဝဲတဂၤဝံၤတဂၤအသိးန့ၣ်မ့ၢ်ဝဲစီၤနဘါ ယိး, စီၤက့ဒၢ်, စီၤအးဒဘအ့လး, စီၤမံးကစၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 1:29

စီၤယံးၡမၤဧ့လးအဖိခွါတဖၣ်မ့ၢ်ဝဲ, စီၤနဘါယိး (စီၤယံး ၡမၤဧ့လးအဖိဝဲၢ်ကိအမံၤ), စီၤက့ဒၢ်, စီၤအးဒဘလး, စီၤမံးဘစၣ်,

လံာ်စီၤယိၤဘး 7:1

ပှၤကညီအတၢ်အိၣ်မူလၢဟီၣ်ခိၣ်ချၢအံၤလီၤဂာ်ဒီးသုးမုၢ်အတၢ် မၤလၢအအိၣ်ဒီး, တၢ်မၤဆူၣ်မၤနၢၤ, ဒ်ပှၤဒိးလဲအသးအတၢ်အိၣ်မူအဆူၣ်အကိၢ်အသိး,

စံးထီၣ်ပတြၢၤ 120:5

တၢ်အိၣ်ဆိးလၢသုကျါန့ၣ် အၢဝဲဒ်သိးဒၣ် တၢ်အိၣ်ဆိးလၢပှၤမ့ၤၡးဖိ မ့တမ့ၢ် ပှၤက့ဒၢ်ဖိအသိးအကျါန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:5

ဝ့ၢ်ယရူၤၡလ့ၣ်အဖိမုၣ်သ့ၣ်သုဧၢ, ယသူဘၣ်ဆၣ်ဒီးယဃံလၤယဲဒၣ် န့ၣ်လီၤ. ယသူဒ်ပှၤက့ဒၢ်ဖိအဒဲတဖၣ်လၢမဲးမုၢ်ခိၣ်, ဘၣ်ဆၣ်ဃံလၤယဲဒ်ယၣ်ဘျးသဒၢတဖၣ်, လၢစီၤၡလိၤမိၤအနူၢ်ပူၤအသိးန့ၣ်လီၤ.

လံာ်ယၡါယၤ 16:14

ဒီးခဲအံၤယွၤစံးဝဲဒၣ်, “လၢသၢနံၣ်တီတီအပူၤန့ၣ်, ကီၢ်မိၤအးအတၢ်ထူးတၢ်တီၤဖးဒိၣ်ကလီၤမၢ်ကွံာ်ဝဲလီၤ. လၢအပှၤဂီၢ်မုၢ်အါအါဂီၢ်ဂီၢ်အကျါန့ၣ်, ထဲပှၤစှၤဂၤဧိၤက အိၣ်မူတ့ၢ်ဝဲဒီးအဝဲသ့ၣ်အဂံၢ်အဘါကစၢ်ဝဲလီၤ.”

လံာ်ယၡါယၤ 42:11

မ်မဲးမုၢ်ခိၣ်ဒီးအဝ့ၢ်တဖၣ်စံးထီၣ်ပတြၢၤကစၢ်ယွၤတက့ၢ်. မ်က့ဒၢ်အပှၤဂီၢ်မုၢ်စံးထီၣ်ပတြၢၤအီၤတက့ၢ်. မ်ပှၤအိၣ်လၢဝ့ၢ်စ့လၤအပူၤတဖၣ်ကိးထီၣ်လၢတၢ်သးခုအဃိ လၢကစၢၢ်တဖၣ်အဒီခိၣ်န့ၣ်တက့ၢ်.

လံာ်ယၡါယၤ 60:7

ကယဲၢ်သိလၢကီၢ်က့ဒၢ်ဒီးကီၢ်နဘါယိးတဖၣ်ကဘၣ်တၢ် ဟဲစိာ်အီၤဆူနအိၣ်ဒ်တၢ်လုၢ်တၢ်ပာ်တဖၣ်အသိးဒီးလုၢ်ထီၣ် အီၤလၢတၢ်လုၢ်လီၢ်ဖီခိၣ်လၢတၢ်မၤသးခုယွၤအဂီၢ်လီၤ. ယွၤကဒုးကဲထီၣ်အတၢ်လုၢ်ဟံၣ်ဒီးအလၤကပီၤဒိၣ်န့ၢ်ဒံး လၢညါအစိၤစိၤအဃၣ်ဃၣ်လီၤ.

လံာ်ယံးရမံယၤ 2:10

လဲၤဆူမုၢ်နုၢ်ဆူကီးကူပြူး, ဒီးဆှၢလီၤပှၤတဂၤဂၤဆူမုၢ်ထီၣ်တကပၤဆူ ကီၢ်က့ဒၢ်တက့ၢ်. သုကထံၣ်ဘၣ်လၢတၢ်ဒ်သိးအံၤလၢညါ တမၤတ့ၢ်အသးနီတဘျီဘၣ်န့ၣ်လီၤ.

လံာ်ယံးရမံယၤ 49:28

အအံၤမ့ၢ် တၢ်လၢယွၤစံးတ့ၢ်ဝဲ ဘၣ်ဃးဒီးပှၤက့ဒၢ်ဖိအဒူၣ်ဒီး ကီၢ်ဆၣ်တဖၣ်လၢ ဝ့ၢ်ဃါစိၢ်ပၢဝဲအဂ့ၢ်လၢ အဘၣ်တၢ်ဒုးန့ၢ်တ့ၢ်အီၤလၢ ကီၢ်ဘၤဘူလိၣ်အစီၤပၤနဘူၤကးန့စၢ်န့ၣ်လီၤ. “လဲၤထီၣ်ဒုးက့ဒၢ် အပှၤဂီၢ်မုၢ်ဒီး မၤဟးဂီၤကွံာ်ပှၤဂီၢ်မုၢ်အဒူၣ်န့ၣ်တက့ၢ်.

လံာ်ယဃ့းစက့လး 27:21

ပှၤဧ့ရ့းဖိတဖၣ်ဒီး ဝ့ၢ်က့ဒၢ်အပဒိၣ်ဖးဒိၣ်တဖၣ်ဟ့ၣ်လီၤဝဲသိဖိ တဖၣ်, ဒီးမဲာ်တဲးလဲးတဖၣ်လၢ တၢ်ပနံၣ်တၢ်ကၤတၢ်ဒီးနၤအဂီၢ်လီၤ.