လံာ်ယၡါယၤ 21:12 - Sgaw Karen Common Bible

¹² ယစံးဆၢအီၤ, “မုၢ်ဂီၤဟဲဝဲလံ, ဘၣ်ဆၣ်မုၢ်နၤကဟဲကဒီး လီၤ. နမ့ၢ်အဲၣ်ဒိးသံကွၢ်ကဒီးန့ၣ်, ဟဲက့ၤကဒါက့ၤဒီးသံကွၢ် တက့ၢ်.”

လံာ်ယၡါယၤ 21:12 Iomraidhean Croise

လံာ်ယၡါယၤ 17:14

လၢမုၢ်ဟါန့ၣ်, အဝဲသ့ၣ်မၤပျံၤမၤဖုးတၢ်, ဘၣ်ဆၣ်ဒီး, တုၤမုၢ်ဂီၤအကတီၢ်န့ၣ်, အဝဲသ့ၣ်လဲၤပူၤကွံာ်ဝဲလီၤ. တၢ်န့ၣ်မ့ၢ်ပှၤကိးဂၤဒဲးလၢအဂုာ်ဆူၣ်ပျီဆူၣ်ပထံပကီၢ်အတၢ် ဟဲဝံဟဲစိာ်န့ၣ်လီၤ.

လံာ်ယၡါယၤ 21:11

အအံၤမ့ၢ်တၢ်ကစီၣ်ဘၣ်ဃးကီၢ်အဒိၣ်အဂ့ၢ်န့ၣ်လီၤ. ပှၤတဂၤကိးဃီၤတၢ်ဆူယအိၣ်လၢကီၢ်အဒိၣ်တခီဒီးစံး, “ပှၤခိးတၢ်ဖိဧၢ, မုၢ်နၤကလၢာ်ကွံာ်ဝဲဖဲလဲၣ်အခါလဲၣ်. ကကတၢၢ်အခါဖဲလဲၣ်န့ၣ်တဲဘၣ်ယၤတက့ၢ်.”

လံာ်ယၡါယၤ 21:13

အအံၤမ့ၢ်တၢ်ကစီၣ်ဘၣ်ဃးကီၢ်ဧ့ရ့းအဂ့ၢ်န့ၣ်လီၤ. သုဝဲပှၤဒဒၣ်ဖိလၢအလဲၤသကိးတၢ်ဒီဖုဒီးပှၤသူၣ်ဒဲလၢကီၢ်ဧ့ရ့းအလီၢ်လီၤဃီသ့ၣ်ဧၢ,

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်ယဃ့းစက့လး 7:10

တၢ်တတၢးတနါအမုၢ်တနံၤဟဲဝဲလံလၢကီၢ်အံၣ်စရ့လးအဂီၢ်လံ. တၢ်မၤဆူၣ်မၤစိးတၢ်တဖၣ်အါထီၣ်ဂီၢ်ထီၣ်လံ. တၢ်ပာ်ထီၣ်ထီသးအိၣ်လံလၢအလီၢ်အထီကတၢၢ်န့ၣ်လံ.

လံာ်ယဃ့းစက့လး 7:12

တၢ်ဆၢကတီၢ်ဟဲတုၤဝဲလံ. မုၢ်နံၤတနံၤဖဲတၢ်ဆါတၢ်ဒီးတၢ် ပှ့ၤတၢ်အခီပညီတအိၣ်လၢၤဘၣ်န့ၣ်, ဘူးထီၣ်လံ. အဂ့ၢ်ဒ်အံၤ, ကစၢ်ယွၤအတၢ်စံၣ်ညီၣ်ကလီၤဘၣ်လၢပှၤကိးဂၤဒဲး အလိၤဒ်သိးသိးန့ၣ်လီၤ.

လံာ်ဧိၤဘါဒယၤ 1:1

အအံၤစီၤဧိၤဘါဒယၤအတၢ်ထံၣ်လၢညါခီဘၣ်ဃးဒီးပှၤကီၢ်အဒိၣ် ဖိဒ်ကစၢ်ယွၤစံးတ့ၢ်ဝဲအသိးန့ၣ်လီၤ. ပနၢ်ဟူတၢ်ကစီၣ်လၢကစၢ်ယွၤအအိၣ်, ဒီး အဝဲဆှၢလီၤပှၤစိာ်တၢ်ကစီၣ်တဂၤဆူပှၤကလုာ်တဖၣ်အကျါ, “ကတဲာ်ကတီၤသုသး, ဂဲၤဆၢထၢၣ်သကိးဒီးမ်ပဒုးတၢ် ထီဒါကီၢ်အဒိၣ်တက့ၢ်.