လံာ်ယၡါယၤ 21:10 - Sgaw Karen Common Bible

¹⁰ ယပှၤဂီၢ်မုၢ်အံၣ်စရ့လးဧၢ, သုဘၣ်တၢ်ယီၢ်သုဒ်ပှၤယီၢ်ဘုဟု အသိး, ဘၣ်ဆၣ်အခဲအံၤယဘိးဘၣ်သ့ၣ်ညါသုတၢ်ကစီၣ် အမုာ်လၢယနၢ်ဟူတ့ၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤ, အအိၣ်န့ၣ်လီၤ.

လံာ်ယၡါယၤ 21:10 Iomraidhean Croise

လံာ်စီၤပၤအခီၣ်ထံးတဘ့ၣ် 22:14

ဘၣ်ဆၣ်စီၤမံၤကါယၤစံးဆၢဝဲ, “လၢယွၤလၢအမူဝဲတဂၤအမံၤ အပူၤန့ၣ်ယအၢၣ်လီၤလၢယကစံးတၢ်လၢအမၢယတဲန့ၣ်လီၤ.”

လံာ်စီၤပၤခံဘ့ၣ်တဘ့ၣ် 13:7

မ့တမ့ၢ်ဘၣ်လၢကသ့ၣ်သုးဖိအဂၤယဲၢ်ဆံ, လ့ၣ်ကဟၣ်အဆိတဆံ ဒီးပှၤခီၣ်သုးဖိအဂၤတကလးဘၣ်န့ၣ်, စီၤယဟိအါဃးအသုးမုၢ် အဂၤတအိၣ်လၢၤဘၣ်. အဂ့ၢ်ဒ်အံၤ, ကီၢ်စူၤရံအစီၤပၤမၤဟးဂီၤကွံာ်ဝဲအဂၤတဖၣ်ခဲလၢာ်, ယီၢ်တံၢ်လီၤကလဲဝဲခဲလၢာ်ဒ်ဖၣ်ကမူၣ်ဖၣ်ဆါအသိးန့ၣ်လီၤ.

လံာ်ယၡါယၤ 28:28

အဝဲတမၤဟးဂီၤဘုကၠူၣ်တဖၣ်ခီဖျိတၢ်ယီၢ်အီၤတထံၣ် ဃီန့ၣ်ဘၣ်. ကဘၣ်ယီၢ်အဘုဒ်လဲၣ်န့ၣ်, အဝဲသ့ၣ်ညါဝဲကစီဒီလီၤ. ကဘၣ်ဝီလ့ၣ်လၢအဖီခိၣ်ဒီးတမၤသဘှံးဘၣ်ဘုအသၣ် တဖၣ်ဘၣ်န့ၣ်လီၤ.

လံာ်ယံးရမံယၤ 23:28

ဝံတဂၤလၢအအိၣ်ဒီးတၢ်မံမီၢ်တမံၤန့ၣ်, ကြၢးစံးဝဲလၢတၢ်အံၤ မ့ၢ်ဒၣ်တၢ်မံမီၢ်ဧိၤန့ၣ်လီၤ. ဘၣ်ဆၣ်ဒီးဝံတဂၤလၢအနၢ်ဟူတ့ၢ် ယတၢ်ကစီၣ်န့ၣ်, ကြၢးစံးဘၣ်တဲဘၣ်တၢ်ကစီၣ်အဝဲန့ၣ်လၢတၢ်သးတီအပူၤန့ၣ်လီၤ. တၢ်ထိၣ်သတြီၤဘုလီၢ်ဒီးဘုကၠူၣ်န့ၣ်ကမၤဂ့ၤတၢ်မနုၤလဲၣ်.

လံာ်ယံးရမံယၤ 51:33

တယံာ်လၢၤဘၣ်န့ၣ်, ဒုၣ်ဒါကကျီလီၤကွံာ်အဝဲသ့ၣ်ဒီး ကယီၢ်တံၢ်အီၤဒ် ဘုဧိၤဟုဧိၤလၢကြဲၢ်ပူၤအသိးန့ၣ်လီၤ. ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယဃ့းစက့လး 40:4

အဝဲစံးဘၣ်ယၤ, “ပှၤကညီလၢအသံသ့ဧၢ, ကွၢ်တၢ်ထံထံဆးဆး, ကနၣ်တၢ်လီၤတံၢ်လီၤဆဲးဒီးတိၢ်န့ၢ်တၢ်ကိးမံၤဒဲးလၢယဒုးနဲၣ်နၤ, မ့ၢ်လၢနဘၣ်တၢ်စိာ်ဃီၤနၤဖဲအံၤလၢတၢ်အံၤအဂ့ၢ်အဃိတက့ၢ်. နကဘၣ်တဲဘၣ်က့ၤကီၢ်အံၣ်စရ့လးအပှၤဂီၢ်မုၢ်, တၢ်လၢနထံၣ်ဘၣ်အီၤခဲလၢာ်န့ၣ်လီၤ.”

လံာ်ဧၤမိၣ် 3:8

ဖဲခ့ယုၢ်ကညီၤထီၣ်န့ၣ်မတၤတပျံၤဘၣ်တၢ်တဂၤလဲၣ်. ဖဲတၢ်စိတၢ်ကမီၤခဲလၢာ်အကစၢ်ယွၤကတိၤတၢ်ဒီးမ့ၢ်မတၤတလီၣ် ဖျါထီၣ်ဘၣ်အတၢ်ကစီၣ်ဘၣ်ဒီးအိၣ်ဝဲကသ့တဂၤလဲၣ်.

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”

လံာ်ဃဘးကူာ် 3:12

နလဲၤထီၣ်ကြူၤကြူၤခီဂာ်ဟီၣ်ခိၣ်လၢတၢ်သးဒိၣ်အပူၤ ဒီးလၢတၢ်သးကဲၤထီၣ်အပူၤန့ၣ် နယီၢ်တံၢ်လီၤပှၤကလုာ်တဖၣ်လီၤ.

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”