လံာ်ယၡါယၤ 20:6 - Sgaw Karen Common Bible

⁶ ဖဲတၢ်ဆၢကတီၢ်န့ၣ်ဟဲဝဲဒီး, ပှၤလၢအအိၣ်လၢကီၢ်ဖလ့ၡသး အပီၣ်လဲၣ်ကၢၢ်နံၤတဖၣ်ကစံးဝဲ, ကွၢ်တၢ်လၢအမၤတ့ၢ်အသး ဒီးပှၤတကလုာ်လၢပသန့ၤပသးလၢအီၤလၢကဒီဒၣ်အိၣ်ပှိၤပှၤလၢ ကီၢ်အၤၡူၢ်အစီၤပၤဖးဒိၣ်အဂီၢ်န့ၣ်တက့ၢ်. ပအိၣ်မူကသ့ဒံးဝဲလၢကျဲဒ်လဲၣ်.”

လံာ်ယၡါယၤ 20:6 Iomraidhean Croise

လံာ်စီၤယိၤဘး 22:30

နတၢ်ကမၣ်မ့ၢ်တအိၣ်, ဒီးနမ့ၢ်မၤတၢ်အဘၣ်ဒီးအဝဲကမၤပူၤ ဖျဲးနၤလီၤ.

လံာ်စီၤယိၤဘး 6:20

ဘၣ်ဆၣ်အတၢ်မုၢ်လၢ်လၢာ်ကွံာ်ဝဲဖဲထံကျိဖိလၢအလီၤသံးကွံာ် အကပၤန့ၣ်လီၤ.

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယံးရမံယၤ 30:1

ယွၤ, အံၣ်စရ့လးအကစၢ်ယွၤ, စံးဘၣ်ယၤ, “ကွဲးတၢ်အံၤလံာ်တဘ့ၣ်အပူၤတက့ၢ်.

လံာ်ယံးရမံယၤ 30:7

တၢ်လီၤပျံၤလီၤဖုးအမုၢ်တနံၤဟဲဝဲလံ. မုၢ်နံၤအဂၤတၢ်ထိၣ်သတြီဒီး အီၤတသ့ဘၣ်. မ့ၢ်တၢ်ဆၢကတီၢ်အကိၢ်အဂီၤလၢ ယပှၤဂီၢ်မုၢ်အဂီၢ်လီၤ. ဘၣ်ဆၣ် အဝဲသ့ၣ်ကအိၣ်မူလီၤတဲာ်ဒံးဝဲလီၤ.”

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်ယံးရမံယၤ 4:30

ဝ့ၢ်ယရူၤၡလ့ၣ်ဧၢ, နဘၣ်တၢ်စံၣ်ညီၣ်ဃါမနၤလီၤ. နကူထီၣ်ကၤထီၣ်လၢတၢ်ဂီၤဆှုၣ်ကလာ်ဘၣ်မနုၤအဃိလဲၣ်. နတကယၢကယဲနသးလၢတၢ်မျၢ်ပလဲ, ခဲၣ်နမဲာ်ချံတဖၣ်ဘၣ်မနုၤအဃိ လဲၣ်. နမၤဃံမၤလၤနသးကလီကလီလီၤ. ပှၤလၢအအဲၣ်နၤတဖၣ်ညိကွံာ်တ့ၢ်လံနၤ ဒီးသးအိၣ်မၤသံနၤလီၤ.

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.