လံာ်ယၡါယၤ 20:4 - Sgaw Karen Common Bible

⁴ ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယၡါယၤ 20:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:4

စီၤဃၤနူၣ်ဖီၣ်စီၤဒၤဝံးအပှၤစိာ်တၢ်ကစီၣ်တဖၣ်, လူၤကျိကွံာ်အဝဲသ့ၣ်အခၣ်ဆူၣ်တကပၤ, ကူးတဲာ်ကွံာ်အဝဲ သ့ၣ်အကူအသိးစးထီၣ်လၢအဆ့ကၤခီၣ်ထံးတုၤလၢအခံ ခိၣ်ဒီးဆှၢကဒါက့ၤအဝဲသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:4

စီၤဃၤနူၣ်ဖီၣ်န့ၢ်စီၤဒၤဝံးအပှၤစိာ်တၢ်ကစီၣ်တဖၣ်, ဒီးလူၤကွံာ်အဝဲသ့ၣ်အခၣ်ဆူၣ်, ဒီးကူးတဲာ်အဝဲသ့ၣ်အဆ့လၢအဖး ဖီဖဲအခံကိၢ်ဒီးပျၢ်ကွံာ်ဝဲဒၣ်လီၤ.

လံာ်ယၡါယၤ 19:4

ယကဟ့ၣ်လီၤပှၤအဲၤကူပတူးဖိတဖၣ်ဆူပှၤပၢတၢ်အၢအၢသီသီ တဂၤအစုပူၤ, စီၤပၤတဂၤလၢကပၢအဝဲသ့ၣ်အၢအၢသီသီန့ၣ်လီၤ. ယၤ, ယွၤသ့တၢ်လၢာ်ကစၢ်, စံးကတိၤတ့ၢ်တၢ်လီၤ.”

လံာ်ယၡါယၤ 3:17

ဘၣ်ဆၣ်ဒီးယကစံၣ်ညီၣ်အဝဲသ့ၣ်, ယကလူၤကျိကွံာ်အခိၣ်တဖၣ်ဒီးပာ်အီၤလ့ၤကဒိလီၤ.”

လံာ်ယၡါယၤ 31:2

အဝဲသ့ၣ်ညါတၢ်လၢအမၤဝဲန့ၣ်လီၤ. အဝဲမၢလီၤတၢ်ဟးဂူာ်ဟးဂီၤလီၤ. အဝဲမၤထွဲအတၢ်မၤပျံၤမၤဖုးလၢကစံၣ်ညီၣ်ပှၤ အၢပှၤသီတဖၣ်ဒီးပှၤလၢအဒီဒၣ်အိၣ်ပှိၤအဝဲသ့ၣ်န့ၣ်လီၤ.

လံာ်ယၡါယၤ 31:3

ပှၤအဲၤကူပတူးဖိတဖၣ်တမ့ၢ်ကစၢ်တဖၣ်ဘၣ်. အဝဲသ့ၣ်မ့ၢ်ဒၣ်ပှၤကညီလီၤ. အကသ့ၣ်တဖၣ်တအိၣ်ဒီးစိ ကမီၤလၢန့ဆၢၣ်အဖီခိၣ်ဘၣ်. ဖဲယွၤမၤတၢ်လံဒီး, ပှၤကလုာ်လၢအဂံၢ်ဆူၣ်ကဟးဂီၤဝဲလီၤ. ဒီးပှၤကလုာ်လၢအဂံၢ်စၢ်လၢအဝဲသ့ၣ်မၤစၢၤဝဲန့ၣ်ကလီၤဃံၤ ဝဲလီၤ. ဒီးခံဖုလိာ်ကဘၣ်တၢ်မၤဟးဂီၤကွံာ်အီၤလီၤ.

လံာ်ယၡါယၤ 47:2

တြံးဆၢၣ်ဂူာ်လၢၢ်ဒီးဂံာ်ကိၣ်ကမူၣ်တက့ၢ်. ပဲကွံာ်နီၣ်ကျၢၢ်ဘၢမဲာ်ဒီးဘ့ၣ်ကွံာ်နကူနကၤအဂ့ၤတဖၣ်တက့ၢ်. ထဲးထီၣ်နဆ့ကၤဆူအဖီခိၣ်လၢနကခီထံကျိအဂီၢ်တက့ၢ်.

လံာ်ယၡါယၤ 47:3

ပှၤကထံၣ်လၢနအိၣ်ဘ့ၣ်ဆ့လီၤ. အဝဲသ့ၣ်ကထံၣ်နဘၣ်တၢ်ဆီၣ်လီၤနၤဒီး တၢ်မၤမဲာ်ဆှးနၤလီၤ. ယကဟ့ၣ်ကၣ်တၢ်ဒီးပှၤကဆိကတီၢ်ယၤ တအိၣ်နီတဂၤဘၣ်.”

လံာ်ယံးရမံယၤ 13:22

နမ့ၢ်သံကွၢ်, ဘၣ်မနုၤအဃိတၢ်သ့ၣ်တဖၣ်အံၤမၤအသးဒီးနၤလဲၣ်, ဘၣ်မနုၤအဃိနကူနကၤတဖၣ်ဘၣ်တၢ်ဖှီယာ်အီၤဒီးနဘၣ်တၢ်မၤ တရီတပါနၤလဲၣ်ဒီး, တၢ်အံၤမ့ၢ်ဒၣ်လၢနတၢ်ဒဲးဘးလီၤပျံၤလီၤဖုး ဒိၣ်မးအဃိန့ၣ်လီၤ.

လံာ်ယံးရမံယၤ 13:26

ယွၤအကစၢ်ဒၣ်ဝဲကဘ့ၣ်ကွံာ်နကူနကၤတဖၣ်ဒီးပာ်ဖျါနတၢ် အိၣ်ဘ့ၣ်ဆ့လၢနတၢ်မၤမဲာ်ဆှးနၤအဂီၢ်န့ၣ်လီၤ.

လံာ်ယံးရမံယၤ 46:19

သုဝဲကီၢ်အဲၤကူပတူးအပှၤဂီၢ်မုၢ်သ့ၣ်ဧၢ, အိၣ်ကတဲာ်ကတီၤသုသးလၢ သုကလဲၤကဲ ကုၢ်အဂီၢ်တက့ၢ်. ဝ့ၢ်မဲဖံးကဘၣ်တၢ်ဒုးကဲထီၣ်အီၤဆူ မဲးမုၢ်ခိၣ်တတီၤ, တၢ်ဟးဂီၤအလီၢ်တပူၤဖဲ ပှၤတအိၣ်တဆိးနီတဂၤ ဘၣ်န့ၣ်လီၤ.

လံာ်ယံးရမံယၤ 46:26

ဒီးဟ့ၣ်လီၤကွံာ်အဝဲသ့ၣ် ဆူပှၤတဖၣ်လၢအသးအိၣ်မၤသံအဝဲသ့ၣ်, လၢအမ့ၢ်ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအသုးမုၢ်, အစုပူၤန့ၣ်လီၤ. ဘၣ်ဆၣ်ဒီး လၢခံက့ၤန့ၣ်, ပှၤဂီၢ်မုၢ်ကအိၣ်ကဆိး ကဒီးလၢကီၢ်အဲၤကူပတူးအပူၤ, ဒ်အဝဲသ့ၣ်အိၣ်ဆိးတ့ၢ်ဝဲလၢ ခ့ခါပူၤကွံာ်အသိးန့ၣ်လီၤ. ယၤ, ယွၤအံၤကတိၤလံတၢ်လံ.”

လံာ်ယဃ့းစက့လး 30:18

တၢ်ခံးကလီၤဘၣ်လၢ ဝ့ၢ်တၤပါန့ၤအလိၤဖဲ ယမၤကတၢၢ်ကွံာ်ကီၢ်အဲၤကူပတူးအစိကမီၤဒီး မၤကတၢၢ်ကွံာ်အဂံၢ်အဘါလၢအဝဲသ့ၣ်ပာ်ထီၣ်ထီ တ့ၢ်အသးန့ၣ်လီၤ. တၢ်အၢၣ်ကလုၣ်ဘၢ ကီၢ်အဲၤကူပတူးဒီးပှၤဂီၢ်မုၢ်လၢအအိၣ်လၢအဝ့ၢ်တဖၣ်အပူၤန့ၣ် ကဘၣ်တၢ်စိာ်ကွံာ်အီၤဒ်ပှၤဃိာ်ဖိတဖၣ်အသိးန့ၣ်လီၤ.

လံာ်ဧၤမိၣ် 9:7

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, သုလီၤဂာ်ဒီးပှၤကူၤၡးဖိလၢယဂီၢ်တမ့ၢ်ဘၣ်ဧါ. ဒ်ယဒုးဟးထီၣ်သုလၢကီၢ်အဲၤကူပတူးအပူၤအသိး, ယဒုးဟးထီၣ်ပှၤဖလ့ၡသးဖိလၢကီးကြ့တ့ၤဒီးပှၤစူၤရံဖိလၢ ကီၢ်ကံၢ်န့ၣ်တမ့ၢ်ဘၣ်ဧါ.

လံာ်မံကၤ 1:11

ပှၤဂီၢ်မုၢ်လၢဝ့ၢ်ၡၤဖံၣ်ဧၢ, လဲၤဆူတၢ်စိာ်မၢကဲကုၢ်အပူၤလၢတၢ်အိၣ်ဘ့ၣ်ဆ့ဒီးတၢ်မဲာ်ဆှးတက့ၢ်. ပှၤတဖၣ်လၢအအိၣ်ဝဲဆိးဝဲလၢဝ့ၢ်စၤနၣ်အပူၤန့ၣ်ဟဲထီၣ်ဆူဝ့ၢ်အချၢ တဘူၣ်ဘၣ်. ဖဲသုနၢ်ဟူဝ့ၢ်ဘ့ၤစသ့လးအပှၤဂီၢ်မုၢ်ဟီၣ်တၢ်ယၢၤ တၢ်န့ၣ်, သုကသ့ၣ်ညါလၢတၢ်ပူၤဖျဲးအလီၢ်တအိၣ်ဘၣ်ဖဲန့ၣ်ဘၣ်.

လံာ်နၤဃူၣ် 3:10

ဘၣ်ဆၣ်ဒီးပှၤဝ့ၢ်သံဘံးဖိတဖၣ်ဘၣ်တၢ်စိာ် ကွံာ်အီၤဆူတၢ်မၢကဲကုၢ်အလီၢ်န့ၣ်လီၤ. ဒီးလၢကျဲကိးဘိဒဲး အသနၢၣ်န့ၣ်အဖိသ့ၣ်တဖၣ်ဘၣ်တၢ်တီၢ်သံကွံာ်အီၤန့ၣ်လီၤ. အပှၤကဲခိၣ်ကဲနၢ်သ့ၣ်တဖၣ်ဘၣ်တၢ်စၢဃာ်ဒီးမိၤထီၣ်ကွံာ်အီၤလၢ ထးသွဲတဖၣ်, ဒီးဘၣ်တၢ်နီၤဖးလီၤအီၤဆူပှၤဖီၣ်န့ၢ်အီၤတဖၣ်အကျါလီၤ.

လံာ်စဖါနယၤ 2:12

ယွၤကမၤသံကွံာ်စ့ၢ်ကီးပှၤကူၤၡးဖိတဖၣ်န့ၣ်လီၤ.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.