လံာ်ယၡါယၤ 20:1 - Sgaw Karen Common Bible

¹ လၢကီၢ်အၤၡူၢ်အစီၤပၤဖးဒိၣ်စၤရကိၣ်အကလုၢ်န့ၣ်, ကီၢ်အၤၡူၢ်အသုးမုၢ်အသုးခိၣ်ကျၢၢ်လဲၤထီၣ်ဒုးပှၤဖလ့ၡသးဖိ အဝ့ၢ်အၤစဒိာ်န့ၣ်လီၤ.

လံာ်ယၡါယၤ 20:1 Iomraidhean Croise

လံာ်စီၤပၤခံဘ့ၣ်တဘ့ၣ် 18:17

ကီၢ်အၤၡူၢ်အစီၤပၤဖးဒိၣ်ဆှၢလီၤသုးမုၢ်ဖးဒိၣ်တဖုလၢဝ့ၢ် လၤကံၣ်လၢကလဲၤထီၣ်ဒုးစီၤဃံးစကံယၤဖဲဝ့ၢ်ယရူၤရှလ့ၣ်န့ၣ် လီၤ. သုးမုၢ်န့ၣ်ဘၣ်တၢ်ပၢဆှၢအီၤလၢအဝဲအသုးခိၣ်ဖးဒိၣ်အဒိၣ်က တၢၢ်သၢဂၤန့ၣ်လီၤ. ဖဲအဝဲသ့ၣ်လဲၤတုၤဆူဝ့ၢ်ယရူၤရှလ့ၣ်န့ၣ်, အဝဲသ့ၣ်မၤန့ၢ်ကွံာ်ကျဲဖဲပှၤစုၣ်တၢ်ကံးညာ်မၤတၢ်, တၢ်လီၢ်ဖဲတၢ်ကျိၤလၢအဟဲစိာ်လီၤထံလၢနိၣ်လၢထးခီ, အကပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:6

စီၤဧူးစံယါလဲၤထီၣ်ဒုးတၢ်ထီဒါပှၤဖလ့ၡသးဖိတဖၣ်န့ၣ် လီၤ. အဝဲမၤလီၤပှီၢ်ကွံာ်ဝ့ၢ်တဖၣ်လၢအမ့ၢ်ဝဲဝ့ၢ်ကၤသး, ဝ့ၢ်ယၤဘနၤဒီးဝ့ၢ်အၤစဒိာ်အတၢ်ဒူၣ်တဖၣ်ဒီးသူၣ်ထီၣ်ဝ့ၢ်တဖၣ် လၢအအိၣ်ဒီးတိာ်ဧိၤတာ်ဧိၤဘူးဒီးဝ့ၢ်အၤစဒိာ်ဒီးလၢကီၢ်ဖလ့ ၡသးအတၢ်လီၢ်အဂၤတဖၣ်န့ၣ်လီၤ.

လံာ်ယၡါယၤ 14:31

သုဝဲပှၤဖလ့ၡသးဖိအဝ့ၢ်တဖၣ်ဧၢ, ဟီၣ်အိၣ်ယူၤဒီးကိးထီၣ်လၢ တၢ်မၤစၢၤအဂီၢ်တက့ၢ်. သုဝဲခဲလၢာ်သ့ၣ်ဧၢ, ပျံၤတၢ်ဖုးတၢ်တက့ၢ်. ဖၣ်ကမူၣ်အတၢ်အၢၣ်တကိၢ်လိၣ်ဟဲထီၣ်လၢကလံၤစိးတခီလီၤ. မ့ၢ်သုးမုၢ်တဖုလၢပှၤပျံၤတၢ်တအိၣ်ဘၣ်လၢအသုးမုၢ်အကျါနီ တဂၤဘၣ်န့ၣ်လီၤ.

လံာ်ယံးရမံယၤ 25:20

ကီၢ်အဲၤကူပတူးအစီၤပၤ, အပဒိၣ်ပပှၢ်တဖၣ်ဒီး အခိၣ်အနၢ်တဖၣ်, ဒီးပှၤအဲၤကူပတူးဖိခဲလၢာ်, ပှၤတခီဘီမုၢ်ဖိတဖၣ်လၢ အအိၣ်လၢ ကီၢ်အဲၤကူပတူးအပူၤ ကီၢ်ဧူးစးအစီၤပၤခဲလၢာ်, စီၤပၤခဲလၢာ်လၢ ကီၢ်ဖလ့ၡသးအဝ့ၢ်တဖၣ်လၢ အမ့ၢ်ဝဲ အၤၡကလိၣ်, ဂါစၤဒီးဧ့ကြိၣ်အပူၤ, ဒီးဝ့ၢ်အၤစဒိးအပှၤအိၣ် လီၤတဲာ်တဖၣ်.

လံာ်ဧၤမိၣ် 1:8

ဒီးယကသုးကွံာ်ပှၤပၢၤဝ့ၢ်အၤစဒိာ် ဒီးဝ့ၢ်အၤၡကလိၣ်အပဒိၣ်တဖၣ်န့ၣ်လီၤ. ဒီးယကစံၣ်ညီၣ်ဝ့ၢ်ဧ့ကြိၣ်ဒီးကယဲၢ်ပှၤဖလ့ၡသးဖိတဖၣ်လၢအအိၣ် လီၤတဲာ်န့ၣ်ကသံလီၤ.”

လံာ်စီၤယိၤၡူ 11:22

ဒီးလၢပှၤအံၣ်စရ့လးဖိတဖၣ်အကီၢ်ပူၤန့ၣ်, ပှၤဧနးဖိ တအိၣ်လီၤတဲာ်နီတဂၤလၢၤဘၣ်န့ၣ်လီၤ. အိၣ်တီၢ်ဒၣ်စှၤဂၤလၢဝ့ၢ်ဂါစၤ, ဝ့ၢ်ကၤသးဒီးဝ့ၢ်အၤစဒိာ် အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:1

ပှၤဖလ့ၡသးဖိတဖၣ်မၤန့ၢ်ယွၤအတၢ်အၢၣ်လီၤအီလီၤအတလါစီဆှံ ဝံၤအလီၢ်ခံန့ၣ်အဝဲသ့ၣ်စိာ်ကွံာ်အီၤလၢဝ့ၢ်အ့ဘ့ၣ်န့စၢ်ဆူ ဝ့ၢ်အၤစဒိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:17

ပှၤဖလ့ၡသးဖိတဖၣ်ဆှၢလီၤတၢ်အချံထီၣ်ဒီးညိးအဂီၤထူယဲၢ်ခါ ဆူယွၤအအိၣ်ဒ်တၢ်ဟ့ၣ်ကနၢၤအသိး လၢတၢ်လိးက့ၤတၢ်လၢအတၢ်ဒဲးဘးတဖၣ်အဂီၢ်, လၢဝ့ၢ်အၤစဒိး, ဝ့ၢ်ဂါစၤ, ဝ့ၢ်အၤၡကလိၣ်, ဝ့ၢ်ကၤသးဒီးဝ့ၢ်ဧ့ကြိၣ်အဂီၢ်တခါစုာ်စုာ်န့ၣ်လီၤ.