လံာ်ယၡါယၤ 2:8 - Sgaw Karen Common Bible

⁸ အထံအကီၢ်ပှဲၤဝဲဒီးတၢ်ဂီၤတၢ်ဖီၣ်တဖၣ်ဒီးအဝဲသ့ၣ်ဘူၣ် ထီၣ်ဘါထီၣ်တၢ်တဖၣ်လၢမၤတ့ၢ်ဝဲလၢအစုဒၣ်ဝဲန့ၣ်လီၤ.

လံာ်ယၡါယၤ 2:8 Iomraidhean Croise

လံာ်စီၤပၤအခီၣ်ထံးတဘ့ၣ် 16:7

ယွၤအတၢ်ကစီၣ်လၢအကတိၤထီဒါစီၤဘါၡၤဒီးအပှၤဟံၣ်ဖိ ဃီဖိန့ၣ်ဘၣ်တၢ်ဟ့ၣ်လီၤအီၤလၢဝံယ့ၤဟူ, မ့ၢ်လၢစီၤဘါၡၤမၤတ့ၢ်တၢ်ဒဲးဘးထီဒါယွၤအဃိန့ၣ်လီၤ. အဝဲထိၣ်ဂဲၤထီၣ်ယွၤအတၢ်သးဒိၣ်တမ့ၢ်ထဲလၢတၢ်အၢတၢ်သီလၢအမၤ တ့ၢ်ဝဲဒ်စီၤပၤယၤရၤဘၣ်လၢအဝဲအမဲာ်ညါမၤတ့ၢ်ဝဲအသိးအဃိန့ၣ် ဘၣ်. မ့မ့ၢ်, မ့ၢ်စ့ၢ်ကီးလၢအဝဲမၤသံကွံာ်ကယဲၢ်စီၤယၤရၤဘၣ်အပှၤ ဟံၣ်ဖိဃီဖိခဲလၢာ်အဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:10

ဒီးလၢကယဲၢ်တၢ်လူၢ်ခဲလၢာ်အဒီခိၣ်ဒီးလၢကယဲၢ်သ့ၣ်လၢအအိၣ် ဒီးအကဒုခဲလၢာ်အဖီလာ်န့ၣ်အဝဲသ့ၣ်ပာ်လီၤလၢၢ်ထူၣ်တဖၣ်ဒီးတၢ် ဂီၤတၢ်ဖီၣ်တဖၣ်လၢအမ့ၢ်ကစၢ်မုၣ်အၡ့ရၤအဂီၤ,

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:2

အဝဲမၤတ့ၢ်တၢ်လၢအဘၣ်ယွၤအသးဒ်အပၢ်မၤတ့ၢ်ဝဲအသိး, ဘၣ်ဆၣ်တၢ်ဒဲးဘးလၢအပၢ်မၤတ့ၢ်ဝဲလၢအမ့ၢ်တၢ်ဆူးကဲၤတၢ်နၢမူ လၢယွၤအတၢ်လုၢ်ဟံၣ်အပူၤန့ၣ်, အဝဲတမၤဝဲဘၣ်. မ့မ့ၢ်ပှၤဂီၢ်မုၢ်န့ၣ်, မၤဒံးဒၣ်တၢ်ဒဲးဘးအဖၢမုၢ်န့ၣ်လီၤ.

လံာ်ယၡါယၤ 17:8

အဝဲသ့ၣ်တသန့ၤလၢၤအသးလၢတၢ်လုၢ်လီၢ်တဖၣ်လၢ အဘှီထီၣ်ဝဲလၢအစုဒၣ်ဝဲမ့ၢ်ဂ့ၤ, တနာ်လၢၤအစုအတၢ်ဖံးတၢ် မၤဒၣ်ဝဲလၢအမ့ၢ်တၢ်ပနီၣ်တဖၣ်ဘၣ်ဃးကစၢ်မုၣ် အၡ့ရၤဒီးတၢ်လုၢ်လီၢ်တဖၣ်လၢတၢ်လုၢ်ထီၣ်တၢ်နၢ မူလၢမ့ၣ်အူမ့ၢ်ဂ့ၤဘၣ်န့ၣ်လီၤ.

လံာ်ယၡါယၤ 26:13

ယွၤ, ပကစၢ်ယွၤဧၢ, ပဘၣ်တၢ်ပၢတ့ၢ်ပှၤလၢပှၤအဂၤတဖၣ်, ဘၣ်ဆၣ်ထဲနၤတဂၤဧိၤနမ့ၢ်ပယွၤလီၤ.

လံာ်ယၡါယၤ 37:19

ဒီးဒွဲၣ်အူထီၣ်ကွံာ်အကစၢ်တဖၣ်, လၢတမ့ၢ်ကစၢ်တဖၣ်လ့ၤတက့ၤဘၣ်. မ့ၢ်ဒၣ်တၢ်အက့ၢ်အဂီၤတဖၣ်လၢသ့ၣ်ဒီးလၢၢ်ဧိၤလ့ဧိၤလၢပှၤကညီ မၤအီၤလၢအစုဒၣ်ဝဲန့ၣ်လီၤ.

လံာ်ယၡါယၤ 40:19

အဝဲတလီၤဂာ်ဒီးတၢ်ဂီၤတၢ်ဖီၣ်လၢပှၤမၤတၢ်ဖိတ့ဝဲ, ဒီးပှၤပိာ်စ့, တိၢ်, ထးတဖၣ်ကးဘၢအီၤလၢထူ, ဒီးဆီလီၤအီၤလၢတၢ်ခီၣ်ထံးစ့တခါအပူၤန့ၣ်ဘၣ်.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယၡါယၤ 57:5

ဒ်ပှၤတစူၢ်တနာ်ယွၤတဖၣ်အသိးန့ၣ်, သုအိၣ်ဃုာ်လိာ်သုသးလၢသ့ၣ် စီဆှံတဖၣ်အဖီလာ်ဖဲတၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤ န့ၣ်လီၤ. သုဟ့ၣ်လီၤသုဖိတဖၣ်ဒ်တၢ်လုၢ်တၢ်ပာ်တဖၣ်အသိးလၢလၢၢ် ပူၤလ့ပူၤတဖၣ်ဘူးဒီးထံကျိတကျိအထၣ်န့ၣ်လီၤ.

လံာ်ယံးရမံယၤ 1:16

ယကစံၣ်ညီၣ်ယပှၤဂီၢ်မုၢ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးအဃိလီၤ. အဝဲသ့ၣ်ပာ်လီၤတဲာ်ကွံာ်ယၤ, လုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးတ့ထီၣ်တၢ်ဂီၤတဖၣ်ဒီးဘူၣ်ထီၣ်ဘါထီၣ် တ့ၢ်အီၤအဃိလီၤ.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ဟိၤၡ့ 12:11

အန့ၣ်ဒၣ်လဲာ်, တၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤလၢကီၢ်ကံး လဧးအပူၤဒီးပှၤတဖၣ်လၢအဘါထီၣ်အီၤန့ၣ်ကသံဝဲဒၣ်လီၤ. ဂီၤဖံးဖါတဖၣ်ဘၣ်တၢ်လုၢ်ထီၣ်အီၤလၢကံးလကၤလးအပူၤဒီးတၢ် လုၢ်လီၢ်ဖဲန့ၣ်တဖၣ်ကကဲထီၣ်လၢၢ်အပူၣ်တဖၣ်လၢတၢ်ပျီပူၤန့ၣ်လီၤ.”

လံာ်ဟိၤၡ့ 13:2

အဝဲသ့ၣ်ကမၤဒံးတၢ်ဒဲးဘးခီဖျိအတၢ်သိထီၣ်တၢ်ဂီၤတဖၣ်လၢ အဘၣ်တၢ်မၤအီၤလၢစ့, တိၢ်ဒီးထးလၢကဘါထီၣ်ဝဲအဂီၢ်တၢ်ဂီၤတဖၣ်လၢအဘၣ်တၢ်မၤအီၤလၢ စ့, ဘၣ်တၢ်ဒုးအိၣ်ထီၣ်လၢပှၤကညီအတၢ်ဆိကမိၣ်ဒီးမၤအီၤလၢပှၤကညီ အစုတဖၣ်န့ၣ်လီၤ. ဒီးအဝဲသ့ၣ်စံးဝဲ, လုၢ်ထီၣ်တၢ်လုၢ်တၢ်ပာ်တဖၣ်ဆူအီၤတက့ၢ်. ပှၤကညီတဖၣ်နၢမူတၢ်ဂီၤတၢ်ဖီၣ်တဖၣ်အံၤ, တၢ်ဂီၤတဖၣ်လၢအအိၣ်လၢဂီၤဖံးဖါတဖၣ်အက့ၢ်အဂီၤကသ့ဒ်လဲၣ်.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်ဟိၤၡ့ 8:6

အံၣ်စရ့လးအပှၤစုသ့ဖိတဂၤမၤဝဲတၢ်ဂီၤတၢ်ဖီၣ်န့ၣ်, ဒီးတၢ်န့ၣ်တမ့ၢ်ဘၣ်ယွၤတဂၤလ့ၤတက့ၤဘၣ်. ဂီၤဖံးထူလၢအဘၣ်တၢ်ဘါထီၣ်အီၤလၢၡၤမရံအပူၤန့ၣ် ကဘၣ်တၢ်တီၢ်သဘှံးလီၤကလဲအီၤဆူအက့အခီတဖၣ်န့ၣ်လီၤ.

လံာ်မံကၤ 5:12

ယကမၤဟးဂီၤတၢ်သမူပယၢ်လၢသုသူတဖၣ်ဒီး ပာ်လီၤတဲာ်သုတအိၣ်ဘၣ်ဒီးပှၤဖးတၢ်ဟဲဝံနီတဂၤဘၣ်.

မၤတၢ် 17:16

ဖဲစီၤပီလူးအိၣ်ခိးစီၤစံလၤဒီးစီၤတံၤမသ့းဖဲဝ့ၢ်အၤသ့ၣ်အဖၢ မုၢ်န့ၣ်, ထံၣ်ဘၣ်ဝဲလၢတၢ်ဂီၤတၢ်ဖီၣ်အိၣ်ပှဲၤလၢဝ့ၢ်တဖျၢၣ်န့ၣ် အပူၤအဃိအသးဘၣ်တံာ်တာ်ဝဲဒၣ်အဒိၣ်အအါလီၤ.

လံာ်သိၣ်လီၤသီလီၤတၢ် 4:28

ဖဲန့ၣ်သုကမၤကစၢ်တဖၣ်, လၢအဘၣ်တၢ်တ့အီၤလၢပှၤကညီအစုတဖၣ်အတၢ်, ကစၢ်တဖၣ်လၢအဘၣ်တၢ်မၤအီၤလၢသ့ၣ်ဒီးလၢၢ်, ကစၢ်တဖၣ်လၢအထံၣ်တၢ် မ့ၢ်ဂ့ၤ, နၢ်ဟူတၢ်မ့ၢ်ဂ့ၤ, အီၣ်တၢ်အီတၢ်မ့ၢ်ဂ့ၤတသ့ဘၣ်. အီၣ်တၢ်မ့ၢ်ဂ့ၤ, နၢတၢ်မ့ၢ်ဂ့ၤ, တသ့ဘၣ်န့ၣ်လီၤ.

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.