လံာ်ယၡါယၤ 2:7 - Sgaw Karen Common Bible

⁷ အထံအကီၢ်ပှဲၤဝဲဒီးထူဒီးစ့ဒီးအတၢ်လုၢ်ဒိၣ်ပှ့ၤဒိၣ်တဖၣ် အကတၢၢ်ကတာ်တအိၣ်ဘၣ်. အထံအကီၢ်ပှဲၤဝဲဒီးကသ့ၣ်တဖၣ် ဒီးအလ့ၣ်ကဟၣ်တဖၣ်အကတၢၢ်ကတာ်တအိၣ်ဘၣ်.

လံာ်ယၡါယၤ 2:7 Iomraidhean Croise

လံာ်စီၤပၤအခီၣ်ထံးတဘ့ၣ် 4:26

စီၤၡလိၤမိၤအိၣ်ဒီးတၢ်ဘုၣ်ကသ့ၣ်အလီၢ်လွံၢ်ကထိလၢအလ့ၣ်ကဟၣ် ကသ့ၣ်တဖၣ်အဂီၢ်, ဒီးကသ့ၣ်ဒုးသုးတကလးခံကထိန့ၣ်လီၤ.

လံာ်စီၤယိၤဘး 3:15

အန့ၣ်ဒီးယကမံယဲဒ်စီၤပၤအဖိတဖၣ်လၢအမၤပှဲၤအဟံၣ်လၢ ထူဧိၤစ့ဧိၤ,

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

လံာ်ယၡါယၤ 30:16

အခိၣ်တလိာ်, သုကူၣ်ကျဲၤလၢသုကဃ့ၢ်ပူၤဖျဲးကွံာ်လၢသုဒုၣ် သုဒါတဖၣ်ခီဖျိတၢ်ဒိးကသ့ၣ်လၢအဃ့ၢ်ချ့တဖၣ်လီၤ. ဒီးသုတၢ်န့ၣ်, ဘၣ်လီၤ. အဂ့ၢ်ဒ်အံၤ, တၢ်ဃ့ၢ်ပူၤဖျဲးကွံာ်န့ၣ်, သုကဘၣ်မၤအီၤလီၤ. သုဆိကမိၣ်လၢသုကသ့ၣ်တဖၣ်ချ့တ့ၢ်မးလံ. ဘၣ်ဆၣ်, ပှၤလၢအလူၤသုတဖၣ်ချ့န့ၢ်သုတက့ၢ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 57:17

ယသူၣ်ဒိၣ်သးဖျိးအဝဲသ့ၣ်မ့ၢ်လၢအတၢ်ဒဲးဘးဒီးအတၢ်သူၣ် လီသးကွံအဃိလီၤ. လၢတၢ်န့ၣ်အဃိယစံၣ်ညီၣ်အဝဲသ့ၣ်ဒီး ဟးသဒၣ်ကွံာ်အဝဲသ့ၣ်လီၤ. အန့ၣ်ဒၣ်လဲာ်, အဝဲသ့ၣ်အခိၣ် ကိၤဒီးလဲၤဒံးဒၣ်လၢအကျဲဒၣ်ဝဲန့ၣ်လီၤ.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်မံကၤ 5:10

ယွၤစံးဝဲဒၣ်, “အကတီၢ်ဖဲန့ၣ်, ယကကျီကွံာ်သုကသ့ၣ်တဖၣ်ဒီး မၤဟးဂီၤကွံာ်သုလ့ၣ်ကဟၣ်ဒုးသုးတဖၣ်လီၤ.

လံာ်လီၣ်ဖျါ 18:3

အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”