လံာ်ယၡါယၤ 2:6 - Sgaw Karen Common Bible

⁶ အိကစၢ်ယွၤဧၢ, နညိကွံာ်တ့ၢ်နပှၤဂီၢ်မုၢ်စီၤယၤကိာ်အစၢၤ အသွဲၣ်တဖၣ်လံ. ထံကီၢ်အံၤပှဲၤဝဲဒီးတၢ်မၤကဒါပှၤအမဲာ်အလုၢ် အလၢ်ဟဲလၢမုၢ်ထီၣ်ဒီးလၢကီၢ်ဖလ့ၡသးလီၤ. ပှၤဂီၢ်မုၢ်ပိာ်ထွဲ ပှၤတခီဘီမုၢ်အလုၢ်အလၢ်တဖၣ်န့ၣ်လီၤ.

လံာ်ယၡါယၤ 2:6 Iomraidhean Croise

လံာ်စီၤပၤခံဘ့ၣ်တဘ့ၣ် 1:2

ကီၢ်အံၣ်စရ့လးအစီၤပၤအဃၤစယၤလီၤတဲာ်ကွံာ်ဝဲဒၣ်လၢအနီ အဘျီၣ်ခိၣ်ဒုးဖီခိၣ်လၢဝ့ၢ်ၡၤမရံအပူၤဒီးဘၣ်ဒိဘၣ်ထံးနး နးကလဲာ်န့ၣ်လီၤ. လၢတၢ်န့ၣ်အဃိအဝဲမၢလီၤပှၤစိာ်တၢ်ကစီၣ်တနီၤလၢကလဲၤဃ့တၢ် ဟ့ၣ်ကူၣ်ဒီးပှၤဖလ့ၡသးဖိအဝ့ၢ်ဧ့ကြိၣ်အကစၢ်ဘဧၤလးစဘူာ်, လၢကသ့ၣ်ညါဘၣ်ဝဲဘျါက့ၤသ့, တသ့ဘၣ်အဂ့ၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:20

ယွၤညိကွံာ်ကယဲၢ်ပှၤအံၣ်စရ့လးဖိခဲလၢာ်စံၣ်ညီၣ်အဝဲသ့ၣ်ဒီး ဟ့ၣ်လီၤကွံာ်အဝဲသ့ၣ်ဆူဒုၣ်အၢဒါသီတဖၣ်အစုပူၤ, တုၤလၢ, လၢခံကတၢၢ်အဝဲနီၣ်ထီၣ်ကွံာ်အဝဲသ့ၣ်လၢအမဲာ်ညါတစု န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:13

စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:20

အန့ၣ်ဒီး, ကစၢ်ယွၤအသးလီၤဘၣ်ဝဲဒၣ်လၢပှၤလုၢ်တၢ်အခိၣ်စီၤယဟိ ယဒါအဖိခွါစီၤစကၤရယၤအလိၤန့ၣ်လီၤ. အဝဲဆၢထၢၣ်ဝဲဒၣ်လၢတၢ်လီၢ်ဖဲပှၤဂီၢ်မုၢ်ထံၣ်အီၤသ့အလီၢ်ဒီး ကိးထီၣ်ဝဲ, “ယွၤ, ကစၢ်ယွၤသံကွၢ်ဝဲလၢဘၣ်မနုၤအဃိ သုတစူၢ်အတၢ်မၤလိာ်တဖၣ်ဒီးဟဲစိာ်ဃီၤတၢ်တတၢးတနါတဖၣ်လၢသု လိၤဒၣ်ဝဲန့ၣ်လဲၣ်. သုလဲၤသဒၣ်ကွံာ်တ့ၢ်လံအီၤအဃိ, အဝဲလဲၤသဒၣ်ကွံာ်သုန့ၣ်လီၤ.”

လံာ်စီၤနဃ့မယၤ 13:23

လၢအကတီၢ်အဝဲန့ၣ်ယထံၣ်ဘၣ်စ့ၢ်ကီးပှၤယူဒၤဖိပိာ်ခွါအါဂၤ ဟံးန့ၢ်အမါလၢပိာ်မုၣ်တဖၣ်လၢကီၢ်အၤစဒိး, ကီၢ်ဧၣ်မိၣ်ဒီးကီၢ်မိၤအးန့ၣ်လီၤ.

စံးထီၣ်ပတြၢၤ 106:35

မ့မ့ၢ်ဒိးတ့ဒိးဖျီဃုာ်အသးဒီး အဝဲသ့ၣ် ဒီးအဝဲသ့ၣ်အတၢ်တဘူၣ်ထီၣ်ဘါထီၣ်ယွၤအကျဲတဖၣ်န့ၣ်လီၤ.

လံာ်တၢ်ဟးထီၣ်ကွံာ် 22:18

ပိာ်မုၣ်တဂၤလၢ်လၢ်လၢအမၤတၢ်မၤကဒါမဲာ်န့ၣ်မၤသံကွံာ်အီၤ တက့ၢ်.

လံာ်တၢ်ဟးထီၣ်ကွံာ် 34:16

ဒီးသုဖိခွါတဖၣ်ကဖျီဃုာ်အသးဒီးပှၤတခီဘီမုၢ်ဖိပိာ်မုၣ် တဖၣ်လၢအကမၢန့ၢ်ဆီၣ်ထွဲအဝဲသ့ၣ်ဆူတၢ်သူၣ်တတီသး တလိၤဒီးယၤဒီးဘူၣ်ထီၣ်ဘါထီၣ်အဝဲသ့ၣ်အပှၤတစူၢ် တနာ်တၢ်အယွၤတဖၣ်န့ၣ်လီၤ.

တၢ်ကတိၤဒိ. 6:1

ယဖိခွါဧၢ, မ့ၢ်နအၢၣ်လီၤအီလီၤတ့ၢ်နသးလၢနကဟံးန့ၢ်မူဒါ လၢပှၤအဂၤတဂၤအဒ့ၣ်ကမၣ်တဖၣ်အဂီၢ်ဧါ.

လံာ်ယၡါယၤ 14:29

ပှၤဖလ့ၡသးဖိသ့ၣ်ဧၢ, နီၣ်တီၢ်လၢအတီၢ်သုန့ၣ်ကၢ်လံ, ဘၣ်ဆၣ်သုတအိၣ်ဒီးတၢ်ဂ့ၢ်နီတမံၤလၢသုကသးခုအဂီၢ်ဘၣ်. ဖဲဂုၢ်တဘိသံန့ၣ်, ဂုၢ်အၢန့ၢ်ဒံးအန့ၣ်ဟဲထီၣ်လၢအလီၢ်လီၤ. ဂုၢ်တဘိအဒံၣ်ဖးထီၣ်ဝဲပ ယိၤလၢအယူၤတဘိလီၤ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ယံးရမံယၤ 10:2

အဝဲစံးဝဲဒၣ်, “ပိာ်ထွဲကျဲတဖၣ်လၢပှၤကလုာ်ဂၤတဖၣ်ပိာ်ဝဲန့ၣ်တဂ့ၤ. တၢ်ထံၣ်တဖၣ်လၢမူကပိာ်လိၤလၢသုညီနုၢ်ထံၣ်န့ၣ် မ့ၢ်မၤပျံၤမၤဖုးတ့ၢ်ပှၤကလုာ်ဂၤတဖၣ်ဒၣ်လဲာ်, ပျဲအမၤတံာ်တာ်သုတဂ့ၤ.

လံာ်ယံးရမံယၤ 12:7

ယွၤစံးဝဲဒၣ်, “ယပာ်လီၤတဲာ်ကွံာ်ပှၤအံၣ်စရ့လးဖိ, ယညိကွံာ်ပှၤတကလုာ်လၢယဃုထၢတ့ၢ်အီၤလံ. ယဟ့ၣ်လီၤကွံာ်ပှၤဂီၢ်မုၢ်လၢယအဲၣ်အီၤဆူ အဝဲသ့ၣ်အဒုၣ်အဒါတဖၣ်အစိကမီၤအပူၤလံ. ယပှၤဂီၢ်မုၢ်လၢယဃုထၢတ့ၢ်အီၤန့ၣ်, ဃၣ်ကွံာ်အသးထီဒါယၤလံ.

လံာ်သးသယုၢ်တၢ် 5:20

ဘၣ်မနုၤအဃိလၢနညိကွံာ်ပှၤဖးယံာ်န့ၣ်လဲၣ်. မ့ၢ်နကသ့ၣ်နီၣ်ထီၣ်ပှၤတဘျီဘျီဒံးဧါ.

လံာ်တၢ်ဘူၣ်ထီၣ်ဘါထီၣ် 19:31

လဲၤဆူပှၤမၤန့ၢ်ပှၤသံအကလၤအအိၣ်ဒီးဟံးန့ၢ်အတၢ်ကူၣ်လိာ်တဂ့ၤ. နမ့ၢ်မၤဒ်န့ၣ်ဒီးနကကဲထီၣ်တၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:6

ဒီးကယဲၢ်ပှၤတဂၤဂၤလၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤကတိၤ တၢ်ဒီးပှၤသံအကလၤတဖၣ်န့ၣ်ယကထီဒါအီၤဒီးယ တပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်.

လံာ်မံကၤ 5:11

ယကမၤဟးဂီၤကွံာ်ဝ့ၢ်ဒိၣ်ဝ့ၢ်ထီတဖၣ်လၢသုကီၢ်ပူၤ ဒီးမၤလီၤပှီၢ်ကွံာ်သုတိာ်ဧိၤတာ်ဧိၤခဲလၢာ်လီၤ.

လံာ်မံကၤ 5:12

ယကမၤဟးဂီၤတၢ်သမူပယၢ်လၢသုသူတဖၣ်ဒီး ပာ်လီၤတဲာ်သုတအိၣ်ဘၣ်ဒီးပှၤဖးတၢ်ဟဲဝံနီတဂၤဘၣ်.

လံာ်စဖါနယၤ 1:8

ယွၤစံးဝဲဒၣ်, “လၢတၢ်မၤသံမၤဝီတၢ်အမုၢ်နံၤဝဲန့ၣ်, ယကစံၣ်ညီၣ်အပဒိၣ်ပပှၢ်တဖၣ်, စီၤပၤအဖိခွါတဖၣ်ဒီးကယဲၢ်ပှၤလၢအလူၤထွဲမၤထွဲပှၤတခီဘီမုၢ်ဖိ အလုၢ်အလၢ်တဖၣ်န့ၣ်လီၤ.

လံာ်တၢ်ဂံၢ် 23:7

စီၤဘံးလၣ်ထုထီၣ်အတၢ်ကတိၤလၢဝံအကျိာ်စံးဝဲ, “ကီၢ်မိၤအးအစီၤပၤဘၤလးဟဲကိးန့ၢ်ယၤလၢကီၢ်စူၤရံအပူၤ, လၢမုၢ်ထီၣ်ကစၢၢ်ခိၣ်တဖၣ်ဒီးစံးဝဲ, ဟဲဒီးကတိၤတၢ်လၢယဂီၢ်တက့ၢ်. ပာ်လီၤတၢ်ဆိၣ်အၢတမံၤလၢကီၢ်အံၣ်စရ့လး အပှၤဂီၢ်မုၢ်အဖီခိၣ်တက့ၢ်.

ရိမ့ၤ 11:20

အဝဲအံၤမ့ၢ်တၢ်မ့ၢ်တၢ်တီလီၤ. အဝဲသ့ၣ်ဘၣ်တၢ်မၤကၢ်ကွံာ်အီၤမ့ၢ်လၢအတနာ်တၢ်အဃိ, မ့မ့ၢ်နအိၣ်ဂၢၢ်ဆိးကျၢၤနဲမ့ၢ်လၢနနာ်တၢ်အဃိလီၤ. ဘၣ်ဆၣ်ဒီးတဘၣ်ပာ်ကဖၢလၢနသးလၢတၢ်ဂ့ၢ်အံၤတဂ့ၤ. မ့မ့ၢ်တခီ, ပျံၤတၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 6:2

ပှၤဂီၢ်မုၢ်ကိးထီၣ်ပှၤလုၢ်တၢ်အခိၣ်တဖၣ်ဒီးပှၤမၤကဒါမဲာ်တဖၣ် ဒီးသံကွၢ်ဝဲ, “မ့ၢ်ပကဘၣ်မၤယွၤအတၢ်အၢၣ်လီၤအီလီအတလါဒ်လဲၣ်. ပမ့ၢ်ဆှၢကဒါက့ၤအီၤဆူတၢ်ဘၣ်ဃးဒီးအီၤအလီၢ်န့ၣ် ပကဘၣ်ဆှၢအီၤလၢတၢ်မနုၤတမံၤလဲၣ်.”