လံာ်ယၡါယၤ 2:11 - Sgaw Karen Common Bible

¹¹ မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:28

နအုၣ်က့ၤခီၣ်က့ၤပှၤတဖၣ်လၢအဆီၣ်လီၤအသး, မ့မ့ၢ်နဆီၣ်လီၤပှၤတဖၣ်လၢအပာ်ထီၣ်ထီအသး န့ၣ်လီၤ.

စံးထီၣ်ပတြၢၤ 18:27

နမၤပူၤဖျဲးပှၤလၢအဆီၣ်လီၤအသး, ဘၣ်ဆၣ် နဆီၣ်လီၤပှၤလၢအပာ်ထီၣ်ထီအသးန့ၣ်လီၤ.

စံးထီၣ်ပတြၢၤ 18:28

မ့ၢ်လီၤ. နမၤကပီၤထီၣ်ယမ့ၣ်အူဒၢ, ယွၤယကစၢ်မၤကပီၤထီၣ်ယတၢ်ခံးန့ၣ်လီၤ.

စံးထီၣ်ပတြၢၤ 20:8

ပှၤဒ်အံၤတဖၣ်အခီၣ်ကဘၣ်တိၢ်ဒီးကလီၤဃံၤဝဲ ဘၣ်ဆၣ်ပကဂဲၤထၢၣ်ဒီးဆၢထၢၣ်ဂၢၢ်ကျၢၤန့ၣ်လီၤ.

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 94:2

နမ့ၢ်ပှၤခဲလၢာ်အပှၤစံၣ်ညီၣ်ကွီၢ်လီၤ. ဂဲၤထၢၣ်ဒီးဟ့ၣ်ပှၤပာ်ထီၣ်ထီအသး လၢတၢ်လၢအကြၢးဒိးန့ၢ်ဘၣ်ဝဲဒၣ်န့ၣ်တက့ၢ်.

တၢ်ကတိၤဒိ. 16:5

ယွၤသးဟ့ပှၤကိးဂၤဒဲးလၢအပာ်ထီၣ်ထီအသးဒီးတပျဲပူၤကွံာ် အဝဲသ့ၣ်လၢတၢ်စံၣ်ညီၣ်နီတစုဘၣ်.

တၢ်ကတိၤဒိ. 30:13

ပှၤအိၣ်ဝဲတကလုာ်လၢအဆိကမိၣ်လီၤအသးလၢအဂ့ၤဒိၣ်မးန့ၣ်လီၤ. အိ, မ့ၢ်အဆိကမိၣ်လီၤအသးလၢအဂ့ၤဆံးဒိၣ်ဆံးအါန့ၣ်လဲၣ်.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 14:15

ဘၣ်ဆၣ်လၢ တၢ်န့ၣ်အလီၢ်, ခဲအံၤနဘၣ်တၢ်ထုးလီၤ ကွံာ်နၤဆူတၢ်လီၢ်အယိာ်ကတၢၢ်တတီၤလၢတၢ်သံအကီၢ်ပူၤန့ၣ်လီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 23:9

ယွၤသ့တၢ်လၢာ်ကူၣ်ကျဲၤတ့ၢ်တၢ်အံၤလီၤ. အဝဲကူၣ်ကျဲၤတ့ၢ်ဝဲဒ်သိးကမၤကတၢၢ်ကွံာ်အဝဲသ့ၣ်အတၢ်ပာ် ထီၣ်ထီသးလၢတၢ်လၢအမၤတ့ၢ်ဝဲအဃိ, ဒီးဒ်သိးကမၤမဲာ် ဆှးအပှၤလၢတၢ်ပာ်လၤပာ်ကပီၤအီၤသ့ၣ်တဖၣ်အဂီၢ်လီၤ.

လံာ်ယၡါယၤ 24:21

တၢ်ဆၢကတီၢ်တခါန့ၣ်ဘူးထီၣ်လံဖဲယွၤကစံၣ်ညီၣ်တၢ်စိ ကမီၤတဖၣ်လၢထးဒီးပှၤပၢတၢ်တဖၣ်လၢဟီၣ်ခိၣ်လိၤလီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 26:1

မုၢ်တနံၤဖဲပှၤဂီၢ်မုၢ်ကသးဝံၣ်တၢ်သးဝံၣ်အံၤလၢကီၢ်ယူဒၤ အပူၤန့ၣ်ဘူးထီၣ်လံ. ပဝ့ၢ်အံၤအဂံၢ်ဆူၣ်လီၤ. ကစၢ်ယွၤအနီၢ်ကစၢ်ဒၣ်ဝဲကဟုကယာ် အခိၣ်ဒူတဖၣ်လီၤ.

လံာ်ယၡါယၤ 28:5

မုၢ်တနံၤဟဲဝဲဖဲယွၤသ့တၢ်လၢာ်ကလီၤဂာ်ဒ်တၢ်လၤကပီၤခိၣ်ကျီၤဖီတခါအသိး လၢအပှၤဂီၢ်မုၢ်လၢအအိၣ်မူတ့ၢ်တဖၣ်အဂီၢ်လီၤ.

လံာ်ယၡါယၤ 29:18

ဖဲမုၢ်နံၤန့ၣ်ဟဲတုၤဝဲဒီး, ပှၤနၢ်တအၢနၢ်ဟူလံာ်တဘ့ၣ်ဘၣ် တၢ်ဖးအီၤလၢကလုၢ်ဖးဒိၣ်ကသ့, ဒီးပှၤမဲာ်ဘျီၣ်, လၢအအိၣ်မူတ့ၢ်လၢ တၢ်ခံးတၢ်နၤအပူၤန့ၣ်, ကအိးထီၣ်အမဲာ်ချံဒီးကထံၣ်တၢ်လီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 30:23

ဖဲသုဖှံလီၤသုတၢ်ချံတဖၣ်တဘျီလၢ်လၢ်န့ၣ်, ယွၤကဆှၢလီၤ တၢ်စူၤထံလၢသုတၢ်မုၢ်တၢ်ဘိကဒိၣ်ထီၣ်အဂီၢ်ဒီးကဟ့ၣ်ထီၣ် သုတၤသူတၤသၣ်ထူးထူးတီၤတီၤ, ဒီးသုဆၣ်ဖိကီၢ်ဖိတဖၣ်ကအိၣ် ဒီးအီၣ်ဆၣ်အလီၢ်ဖးလဲၢ်န့ၣ်လီၤ.

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ယၡါယၤ 4:1

ဖဲတၢ်ဆၢကတီၢ်အဝဲန့ၣ်ဟဲတုၤဝဲဒီး, ပိာ်မုၣ်နွံဂၤကစှီၤဃာ် ပိာ်ခွါတဂၤဒီးစံး, “ပလုၢ်အီၣ်လုၢ်အီ ပသးဒီးမၤကူမၤကၤဒၣ်ပဝဲသ့လီၤ. ဘၣ်ဆၣ်ပျဲပစံးလၢနမ့ၢ် ပဝၤဒ်သိးပသုတတူၢ်ဘၣ်တၢ်မဲာ်ဆှးလၢပဝၤတအိၣ်ဘၣ် အဃိတဂ့ၤန့ၣ်တက့ၢ်.”

လံာ်ယၡါယၤ 40:23

အဝဲပာ်လီၤကွံာ်ပှၤပၢတၢ်လၢအဒိၣ်စိဒိၣ်ကမီၤတဖၣ် ဒီးဆီၣ်လီၤအီၤဆူတၢ်ကလီကလီအပူၤန့ၣ်လီၤ.

လံာ်ယၡါယၤ 52:6

ဖဲတၢ်ဆၢကတီၢ်လၢကဟဲတုၤဃီၤဝဲန့ၣ်, သုကသ့ၣ်ညါအၢၣ်လီၤလၢယမ့ၢ်ကစၢ် ယွၤဒီးယကတိၤတ့ၢ်လံတၢ်ဒီးသုန့ၣ်လီၤ.”

လံာ်ယံးရမံယၤ 12:9

ယပှၤဂီၢ်မုၢ်လၢယဃုထၢတ့ၢ်အီၤန့ၣ်လီၤဂာ်ဒီး ထိၣ်တဘ့ၣ် လၢအဘၣ်တၢ်ဖျးအီၤလၢကိးကပၤဒဲးလၢ လံာ်တဖၣ်န့ၣ်လီၤ. ကိးထီၣ်ဆၣ်ဖိကီၢ်ဖိအမံၤတဖၣ် လၢကဟဲဒီးပာ်ဖှိၣ်အသးလၢတၢ်အီၣ် အဝဲသ့ၣ်အစိၣ်တဖၣ်အဂီၢ်န့ၣ်တက့ၢ်.

လံာ်ယံးရမံယၤ 9:24

ပှၤတဂၤဂၤမ့ၢ်သးအိၣ်ပာ်ကဖၢလၢအသးဒီး အဝဲကြၢးပာ်ကဖၢလၢအသးလၢအသ့ၣ်ညါယၤဒီးနၢ်ပၢၢ်ယၤ အဃိလီၤ. အဂ့ၢ်ဒ်အံၤ, ယတၢ်အဲၣ်အိၣ်စံၣ်အိၣ်ကျၢၤ, ဒီးယမၤတၢ်လၢတၢ်စံၣ်ညီၣ်တီဒီးတၢ်အလိၤအဘၣ်အပူၤလီၤ. တၢ်သ့ၣ်တဖၣ်အံၤ, မ့ၢ်တၢ်လၢအမၤမုာ်သူၣ်မုာ်သးယၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 38:14

လၢတၢ်န့ၣ်အဃိယွၤပၢဘၣ်တၢ်ခဲလၢာ်ကစၢ်ဆှၢလီၤယၤလၢ ယကတဲဘၣ်စီၤကိး, တၢ်လၢအဝဲတဲအီၤန့ၣ်လီၤ. “ခဲကနံၣ်အံၤ, ဖဲယပှၤဂီၢ်မုၢ်အံၣ်စရ့လးအိၣ်ဆိးလၢတၢ်ဘံၣ်တၢ်ဘၢအပူၤန့ၣ်, နကဟးထီၣ်ကွံာ်,

လံာ်ယဃ့းစက့လး 38:19

လၢယတၢ်သးဒိၣ်ကဲၤထီၣ်အပူၤန့ၣ်ယဘိးဘၣ်သ့ၣ်ညါလၢ ဖဲမုၢ်နံၤအဝဲန့ၣ်, ဟီၣ်ခိၣ်ကဟူးဒိၣ်ဒိၣ်ကလဲာ်လၢကီၢ်အံၣ်စရ့လး အပူၤန့ၣ်လီၤ.

လံာ်ယဃ့းစက့လး 39:11

ယွၤစံးဝဲဒၣ်, “တုၤတၢ်တဖၣ်အံၤခဲလၢာ်မၤအသးန့ၣ်, ယကဟ့ၣ်လီၤစီၤကိးလၢတၢ်ခူၣ်လီၤဘျၢလီၤအလီၢ်တတီၤလၢ ကီၢ်အံၣ်စရ့လးအပူၤ, လၢပှၤလဲၤတၢ်ဖိတဖၣ်အတြီၤပူၤ, လၢပီၣ်လဲၣ်သံအမုၢ်ထီၣ်တခီန့ၣ်လီၤ. စီၤကိးဒီးကယဲၢ်အဝဲ အသုးမုၢ်ခဲလၢာ်, ကဘၣ်တၢ်ခူၣ်လီၤဘျၢလီၤအီၤဖဲန့ၣ်ဒီး တြီၤန့ၣ်ကဘၣ်တၢ်ကိးအီၤလၢစီၤကိးအသုးမုၢ်အတြီၤန့ၣ်လီၤ.

လံာ်ယဃ့းစက့လး 39:22

အန့ၣ်တစု, စးထီၣ်ဖဲန့ၣ်, ပှၤအံၣ်စရ့လးဖိတဖၣ်ကသ့ၣ်ညါဝဲ လၢယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ဒၤနံးယ့လး 4:34

“တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

လံာ်ဟိၤၡ့ 2:16

တုၤနုၤတစုအဝဲကကိးက့ၤကဒီးယၤလၢအဝၤန့ၣ်လီၤ. အဝဲတကိးလၢၤယၤလၢအဘဧၤလးနီတစုလၢၤဘၣ်.

လံာ်ဟိၤၡ့ 2:18

ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်ဟိၤၡ့ 2:21

ဖဲအကတီၢ်အဝဲန့ၣ်, ယကစံးဆၢယပှၤဂီၢ်မုၢ်အံၣ်စရ့လးအတၢ်ထုကဖၣ် တဖၣ်န့ၣ်လီၤ. ယကဒုးစူၤလီၤတၢ်လၢဟီၣ်ခိၣ်အဖီခိၣ်,

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်ဧိၤဘါဒယၤ 1:8

မုၢ်တနံၤလၢယစံၣ်ညီၣ်ကီၢ်အဒိၣ်န့ၣ်, ယကမၤဟးဂီၤကွံာ်အပှၤကူၣ်သ့ကူၣ်ဘၣ်တဖၣ် ဒီးတြူာ်ကွံာ်အတၢ်ကူၣ်သ့ခဲလၢာ်န့ၣ်လီၤ.

လံာ်မံကၤ 2:3

မၤသးဒ်န့ၣ်ဒီးယွၤစံးဝဲဒၣ်, “ယကူၣ်ထီၣ်ကျဲၤလီၤလၢယက ဟဲစိာ်တၢ်နးတၢ်ဖှီၣ်လၢသုလိၤ, ဒီးသုဂုာ်ထူၣ်ဖျဲးလၢအီၤ တသ့ဘၣ်. သုကထံၣ်လီၤသုသးလၢသုအိၣ်လၢတၢ်ကီတၢ်ခဲ အပူၤသတးဒီးသုတဟးလၢၤဘၣ်လၢတၢ်သးထီၣ်ထီအပူၤနီတစုဘၣ်.

လံာ်မံကၤ 4:6

ယွၤစံးဝဲဒၣ်, “အကတီၢ်တုၤဝဲလၢယကပာ်ဖှိၣ်က့ၤပှၤဂီၢ်မုၢ်တ ဖၣ်လၢယစံၣ်ညီၣ်တ့ၢ်အီၤဒီးပှၤလၢအတူၢ်ဘၣ်တၢ်လၢတၢ်စိာ်မၢကဲ ကုၢ်အပူၤတဖၣ်လီၤ.

လံာ်မံကၤ 5:10

ယွၤစံးဝဲဒၣ်, “အကတီၢ်ဖဲန့ၣ်, ယကကျီကွံာ်သုကသ့ၣ်တဖၣ်ဒီး မၤဟးဂီၤကွံာ်သုလ့ၣ်ကဟၣ်ဒုးသုးတဖၣ်လီၤ.

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

လံာ်စဖါနယၤ 3:16

တၢ်ဆၢကတီၢ်သုးဘူးအသးဖဲအဝဲသ့ၣ်ကစံးဘၣ်ဝ့ၢ်ယရူၤၡလ့ၣ်, “ပျံၤတၢ်တဂ့ၤ, ဝ့ၢ်စံယိၣ်ဧၢ, ပျဲနစုတဖၣ်လီၤစၢ်လီၤဘျ့တဂ့ၤ.

လံာ်စကၤရယၤ 9:16

ဖဲမုၢ်နံၤဝဲန့ၣ်တုၤဃီၤန့ၣ်, ယွၤကအုၣ်က့ၤခီၣ်က့ၤ အပှၤဂီၢ်မုၢ်, ဒ်ပှၤကွၢ်သိတဂၤအုၣ်က့ၤခီၣ်က့ၤအသိတဖုလၢ တၢ်အၢတၢ်သီအပူၤအသိးန့ၣ်လီၤ. အဝဲသ့ၣ်ကကပီၤထီၣ်လၢယွၤအထံအကီၢ်အပူၤ ဒ်ခိၣ်သလုးတဖျၢၣ်အတၢ်မျၢ်ပလဲတဖၣ် အသိးန့ၣ်လီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

၂ ကရံၣ်သူး 10:17

ဘၣ်ဆၣ်ဒီး, ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအအဲၣ်ဒိးကတိၤတၢ်ကဖၢလၢန့ၣ်, မ်အကတိၤတၢ်ကဖၢလၢလၢတၢ်လၢကစၢ်မၤတ့ၢ်ဝဲအဂ့ၢ်န့ၣ် တက့ၢ်.”

၂ ကရံၣ်သူး 10:5

ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

၂ သ့းစၤလနံ 1:10

တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),