လံာ်ယၡါယၤ 19:3 - Sgaw Karen Common Bible

³ ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 19:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:31

ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 1:2

ကီၢ်အံၣ်စရ့လးအစီၤပၤအဃၤစယၤလီၤတဲာ်ကွံာ်ဝဲဒၣ်လၢအနီ အဘျီၣ်ခိၣ်ဒုးဖီခိၣ်လၢဝ့ၢ်ၡၤမရံအပူၤဒီးဘၣ်ဒိဘၣ်ထံးနး နးကလဲာ်န့ၣ်လီၤ. လၢတၢ်န့ၣ်အဃိအဝဲမၢလီၤပှၤစိာ်တၢ်ကစီၣ်တနီၤလၢကလဲၤဃ့တၢ် ဟ့ၣ်ကူၣ်ဒီးပှၤဖလ့ၡသးဖိအဝ့ၢ်ဧ့ကြိၣ်အကစၢ်ဘဧၤလးစဘူာ်, လၢကသ့ၣ်ညါဘၣ်ဝဲဘျါက့ၤသ့, တသ့ဘၣ်အဂ့ၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:13

စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.

စံးထီၣ်ပတြၢၤ 107:27

လဲၤကပံၢ်ကပၢ်ဝ့ၤဝီၤတၢ်ဒီးလဲၤကနူၤကပၤ ဒ်ပှၤအီမူၤသံးအသိးန့ၣ်, ဒီးအတၢ်ကူၣ်သ့လၢာ်ကွံာ်ဝဲခဲလၢာ်လီၤ.

စံးထီၣ်ပတြၢၤ 33:10

ယွၤမၤဟးဂီၤပှၤကလုာ်အဂၤတဖၣ် အတၢ်ကူၣ်ထီၣ်ဖးလီၤ, မၤတံာ်တာ်အတၢ်ပာ်လီၤအသးတဖၣ်န့ၣ်လီၤ.

စံးထီၣ်ပတြၢၤ 76:12

အဝဲဆီၣ်လီၤပဒိၣ်တဖၣ်လၢအပာ်ထီၣ်ထီအသး ဒီးမၤပျံၤစီၤပၤဖးဒိၣ်တဖၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 14:27

ယွၤသ့တၢ်လၢာ်ကစၢ်ပာ်လီၤတ့ၢ်အသးလၢကမၤတၢ်အံၤလီၤ. အဝဲယူာ်ထီၣ်အစုလၢကစံၣ်ညီၣ်တၢ်အဂီၢ်ဒီးပှၤထုးက့ၤအီၤ တန့ၢ်ဘၣ်နီတဂၤဘၣ်.

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယၡါယၤ 19:1

အအံၤမ့ၢ်တၢ်ကစီၣ်ဘၣ်ဃးကီၢ်အဲၤကူပတူးအဂ့ၢ်န့ၣ်လီၤ. ယွၤဟဲဆူကီၢ်အဲၤကူပတူး, ဒိးတၢ်ချ့မးလၢတၢ်အၢၣ်တလိၣ် အလိၤလီၤ. ကီၢ်အဲၤကူပတူးအတၢ်ဂီၤတၢ်ဖီၣ်တဖၣ်ကနိး ကစုာ်လၢအမဲာ်ညါ, ဒီးပှၤအဲၤကူပတူးဖိတဖၣ် အသးပှံၢ်လီၤဝဲဒၣ်လီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယၡါယၤ 47:12

ပၢၤဃာ်ကယဲၢ်နတၢ်မၤကဒါပှၤအမဲာ်, ဒီးနတၢ်အူတၢ်သမူတၢ်တဖၣ်တက့ၢ်. နသူတ့ၢ်တၢ်တဖၣ်န့ၣ်စးထီၣ်လၢနသးစၢ်အကတီၢ်လံၤလံၤန့ၣ်လီၤ. ဘၣ်သ့ၣ်သ့ၣ်, တၢ်တဖၣ်န့ၣ်ကမ့ၢ်တၢ်မၤစၢၤလၢနဂီၢ်တနီၤနီၤဒီး နမၤပျံၤမၤဖုးနဒုၣ်နဒါတဖၣ်ကသ့န့ၣ်လီၤ.

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ယံးရမံယၤ 46:15

ဘၣ်မနုၤအဃိ သုကစၢ်ကျီၢ်ဖါလၢ အဂံၢ်ဆူၣ်ဘါဆူၣ် အ့ပ့း(စ်) လီၤဃံၤကွံာ်ဝဲလဲၣ်. ယွၤတီၢ်လီၤဃံၤကွံာ်အီၤအဃိလီၤ.

လံာ်ယဃ့းစက့လး 21:7

တုၤအဝဲသ့ၣ်သံကွၢ်နၤ, ဘၣ်မနုၤအဃိလၢနကအုကစွါလဲၣ်န့ၣ်, တဲဘၣ်အဝဲသ့ၣ်လၢတၢ်န့ၣ်မ့ၢ်လၢတၢ်ကစီၣ်လၢအကဟဲဝဲ အဃိန့ၣ်လီၤ. ဖဲအဟဲတုၤန့ၣ်အဝဲသ့ၣ်အသးတဖၣ်ကပှဲၤဝဲဒီး တၢ်ပျံၤတၢ်ဖုး, အဝဲသ့ၣ်အစုတဖၣ်ကလီၤဘျ့ကွံာ်, အဝဲသ့ၣ်အတၢ်သူၣ်ဒူသးဒူကလီၤမၢ်ကွံာ်ဒီးအဝဲသ့ၣ်အခီၣ်လ့ၢ်ခိၣ် တဖၣ်ကကနိးကစုာ်ဝဲန့ၣ်လီၤ. တၢ်ဆၢကတီၢ်တုၤဃီၤလံ. မ့ၢ်ခဲကနံၣ်အံၤလီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:14

မ့ၢ်နဆိကမိၣ်လၢနတၢ်သူၣ်ဒူသးဒူကအိၣ်တ့ၢ်ဒံးမ့ၢ်ဂ့ၤ နအိၣ်ဒံးဒီးတၢ်ဂံၢ်တၢ်ဘါအလၢအပှဲၤမ့ၢ်ဂ့ၤလၢနကယူာ်ထီၣ် နစုဖဲမုၢ်တနံၤလၢယတကနၣ်ဃုာ်လၢၤနၤန့ၣ်ဧါ. ယၤ, ယွၤကတိၤတ့ၢ်တၢ်ဒီးယဟံးဃာ်ဂၢၢ်ကျၢၤယတၢ်ကတိၤန့ၣ်လီၤ.

လံာ်ဒၤနံးယ့လး 1:20

ဒီးကယဲၢ်တၢ်ဂ့ၢ်တမံၤလၢ်လၢ်ဘၣ်ဃးတၢ်ကူၣ်သ့ဒီးတၢ်သ့ၣ် ညါနၢ်ပၢၢ်လၢစီၤပၤသံကွၢ်အီၤန့ၣ်ထံၣ်ဘၣ်ဝဲလၢပှၤလွံၢ်ဂၤအံၤ နၢ်ပၢၢ်ဝဲဂ့ၤန့ၢ်ဒံးပှၤဖးတၢ်ဟဲဝံဟဲစိာ်ဒီးပှၤသ့တၢ်အူတၢ် သမူတဂၤလၢ်လၢ်လၢအထံအကီၢ်ဒီဘ့ၣ်ညါအပူၤန့ၣ်, အစးတဆံဒၣ်လဲာ်လီၤ.

လံာ်ဒၤနံးယ့လး 2:2

ဒီးစီၤပၤမၢပှၤကိးန့ၢ်အီၤပှၤဖးတၢ်ဟဲဝံဟဲစိာ်, ပှၤသ့အူတၢ်သမူတၢ်, ပှၤမၤကဒါမဲာ်ဒီးပှၤသ့သမူပယၢ်တၢ်တဖၣ်လၢအကဟဲ ဖးန့ၢ်အတၢ်မံမီၢ်န့ၣ်လီၤ. ဖဲအဝဲသ့ၣ်ဟဲတုၤ ဒီးဆၢထၢၣ်တ့ၢ်ဝဲလၢစီၤပၤအမဲာ်ညါန့ၣ်,

လံာ်ဒၤနံးယ့လး 5:7

ဒီးစီၤပၤကိးပသူထီၣ်လၢအကလုၢ်ဖးဒိၣ်လၢပှၤကဆှၢနုာ်ပှၤ မၤကဒါမဲာ်တဖၣ်, ပှၤသ့သမူပယၢ်တၢ်တဖၣ်ဒီးပှၤဖးဆၣ်ဧိၤ ဖီဧိၤအဂ့ၢ်တဖၣ်န့ၣ်လီၤ. စီၤပၤစံးဘၣ်ပှၤဟ့ၣ်ကူၣ်တၢ် တဖၣ်လၢဘၤဘူၤလိၣ်အပူၤန့ၣ်, “ပှၤတဂၤလၢ်လၢ်လၢအဖးတၢ် ကွဲးအသးအံၤဒီးမၤဖျါထီၣ်န့ၢ်ယၤအခီပညီမ့ၢ်သ့န့ၣ် ယကဒုးသိးထီၣ်အီၤလၢစီၤလိၣ်စီၤပၤအတၢ်ကူတၢ်သိး အလွဲၢ်လုးတကုာ်ဒုးလံာ်ထီၣ်အီၤလၢဖဲထူတပျံၤလၢ အကိာ်လိၤဒီးကဘၣ်တၢ်ဒုးကဲထီၣ်အီၤလၢပှၤပၢတၢ် သၢဂၤတဂၤလၢဘီမုၢ်အံၤအပူၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:37

အန့ၣ်ဝံၤဒီး, ဖဲအအိၣ်ဘၣ်လီၢ်ဘၣ်စးက့ၤဝဲန့ၣ်နီၢ်အဘံၤကါ ယံးလးတဲဘၣ်အီၤတၢ်ကိးမံၤဒဲးန့ၣ်လီၤ. အဝဲဘၣ်န့ၢ်ကလံၤဒိဘၣ်အီၤအတၢ်ဆါဒီးအနီၢ်ခိဟူးဂဲၤတန့ၣ်လၢၤနီတစဲးဘၣ်န့ၣ်လီၤ.