လံာ်ယၡါယၤ 19:2 - Sgaw Karen Common Bible

² ယွၤစံးဝဲဒၣ်, “ယကထိၣ်ဂဲၤထီၣ်ပှၤအဲၤကူပတူးဖိအတၢ်ဒုး ထီဒါလိာ်သးကဒဲကဒဲလီၤ. ဒီပုၢ်ဝဲၢ်ကထီဒါအဒီပုၢ်ဝဲၢ်, ပှၤအိၣ်ဘူးအိၣ်တံၢ်ကထီဒါလိာ်အသး, ဝ့ၢ်တဖၣ်လၢအဂုာ်မၤနၢၤလိာ်အသးကဒုးတၢ်ယၤတၢ်, ဒီးစီၤပၤတဖၣ်လၢအဂုာ်မၤနၢၤလိာ်အသးကဂဲၤပျုၢ် မၤန့ၢ်တၢ်စိတၢ်ကမီၤလီၤ.

လံာ်ယၡါယၤ 19:2 Iomraidhean Croise

လံာ်စီၤပၤအခီၣ်ထံးတဘ့ၣ် 16:21

ကီၢ်အံၣ်စရ့လးအပှၤဂီၢ်မုၢ်လီၤမုၢ်လီၤဖးကွံာ်ဝဲလီၤ. အဝဲသ့ၣ်အကျါတနီၤအဲၣ်ဒိးဒုးကဲထီၣ်စီၤကံနးအဖိခွါစီၤ ကံးဘနံၤလၢစီၤပၤဒီးပှၤအဂၤတနီၤဘၣ်သူၣ်ဘၣ်သးဝဲလၢစီၤ ဧိၣ်ရံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:6

ပှၤတကလုာ်မၤနးမၤဖှီၣ်ပှၤအဂၤတကလုာ်, ဒီးဝ့ၢ်တဝ့ၢ်မၤနးမၤ ဖှီၣ်ဝ့ၢ်အဂၤတဝ့ၢ်, မ့ၢ်လၢကစၢ်ယွၤဟဲစိာ်တၢ်ကိၢ်တၢ်ဂီၤဒီးတၢ်သူၣ်အုးသးအုးလၢ အဝဲသ့ၣ်အဖီခိၣ်အဃိန့ၣ်လီၤ.

လံာ်ယၡါယၤ 3:5

ပှၤကိးဂၤဒဲးကဟံးန့ၢ်တၢ်ခွဲးတၢ်ယာ် လၢပှၤအဂၤကိးဂၤဒဲးအဖီခိၣ်န့ၣ်လီၤ. ပှၤသးစၢ်တဖၣ်တပာ်ကဲ အပှၤသူၣ်က့သးပှၢ်တဖၣ်ဘၣ်ဒီးပှၤလၢအလုၢ် အပှ့ၤတအိၣ်တဖၣ်တပာ်ကဲပှၤလၢအလီၢ်ထီန့ၢ်အီၤတဖၣ်ဘၣ်လီၤ.

လံာ်ယၡါယၤ 9:21

ကီၢ်မနၤၡ့ၤဒီးကီၢ်အ့ဖရဲၣ်အပှၤတဖၣ်ဒုးလိာ်ယၤလိာ်အသး, ဒီးအဝဲသ့ၣ်ပာ်ဖှိၣ်အသးဒီးဒုးတၢ်ထီဒါကီၢ်ယူဒၤလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 46:12

ပှၤကလုာ်တဖၣ် နၢ်ဟူဘၣ်သုတၢ်ဘၣ်မဲာ်ဆှးအဂ့ၢ်ဒီး ပှၤကိးဂၤဒဲးနၢ်ဟူဘၣ်သုတၢ်ဟီၣ်တၢ်ယၢၤန့ၣ်လီၤ. သုးဖိတဂၤထွဲဘၣ်အဂၤဂၤ, ဒီးခံဂၤလိာ်လီၤဃံၤဝဲလၢ ဟီၣ်ခိၣ်လိၤန့ၣ်လီၤ.

လံာ်ယံးရမံယၤ 51:46

လၢတၢ်ကစီၣ်ပစိၣ်ပစ့လၢ သုနၢ်ဟူဘၣ်အဃိန့ၣ်သးဟးဂီၤဒီးပျံၤတၢ်တဂ့ၤ. ကိးနံၣ်ဒဲးန့ၣ်, တၢ်ကစီၣ်ပစိၣ်ပစ့လီၤဆီရၤလီၤအသး ဘၣ်ဃးတၢ်မၤဆူၣ်မၤစိးအဂ့ၢ်လၢ ထံလီၢ်ကီၢ်ပူၤ, ဒီးဘၣ်ဃးဒီးစီၤပၤတဂၤဒုးလိာ်အသးဒီး စီၤပၤ အဂၤတဂၤအဂ့ၢ်န့ၣ်လီၤ.

လံာ်ယဃ့းစက့လး 38:21

ယကမၤပျံၤမၤဖုးစီၤကိးလၢကယဲၢ်တၢ်တတၢးတနါအကလုာ် ကလုာ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံ တၢ်လံ. အဝဲအပှၤပိာ်ခွါတဖၣ်, ကယူာ်ထီၣ်အနးထီဒါလိာ်အသး တဂၤဒီးတဂၤန့ၣ်လီၤ.

လံာ်စကၤရယၤ 8:10

တချုးတၢ်ဆၢကတီၢ်အဝဲန့ၣ်ဒံးဘၣ်န့ၣ်, ပှၤဒိးလဲပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤတန့ၢ်နီတဂၤ, ဒီးပှၤတပူၤဖျဲးဘၣ်လၢအဒုၣ်အဒါတဖၣ်နီတဂၤဘၣ်. ယထိၣ်ဂဲၤပှၤဂီၢ်မုၢ်လၢကထီဒါလိာ်အသးတဂၤဒီးတဂၤလီၤ.

လံာ်မးသဲ 10:21

ပှၤကဟ့ၣ်လီၤကွံာ်အဒီပုၢ်ဝဲၢ်ဒၣ်ဝဲဆူတၢ်သံ, ပၢ်တဖၣ်ကဟ့ၣ်လီၤကွံာ်အဖိတဖၣ်, ဖိတဖၣ်ကထီဒါက့ၤအမိၢ်အပၢ်တဖၣ်ဒီး ဟ့ၣ်လီၤကွံာ်အဝဲသ့ၣ်ဒ်သိးကဘၣ်တၢ်မၤသံအီၤအဂီၢ်လီၤ.

လံာ်မးသဲ 10:36

ဒီးဒ်သိးပှၤတဂၤအဒုၣ်အဒါအအၢကတၢၢ်တဖၣ်ကမ့ၢ် အပှၤဟံၣ်ဖိဃီဖိဒၣ်ဝဲတဖၣ်အဂီၢ်န့ၣ်လီၤ.

လံာ်မးသဲ 12:25

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံးဘၣ်အဝဲသ့ၣ်, “ထံကီၢ်တဘ့ၣ်လၢအမၤလီၤဖးလီၤအသးဒီးအ့ၣ်လိာ်ဆိးက့လိာ်အသးန့ၣ်, အိၣ်ဂၢၢ်ဆိးကျၢၤယံာ်ယံာ်တသ့ဘၣ်. ခူဝ့ၢ်မ့ၢ်ဂ့ၤ, ဒူၣ်ဖိထၢဖိမ့ၢ်ဂ့ၤ, လၢအမၤလီၤဖးလီၤအသးန့ၣ်ကလီၤပှီၢ်ကွံာ်ဝဲလီၤ.

လံာ်မးသဲ 24:7

ပှၤတကလုာ်ဒီးတကလုာ်ကထီဒါလိာ်အသး, ဘီမုၢ်တဘ့ၣ်ဒီးတဘ့ၣ်ကဒုးလိာ်ယၤလိာ်အသး, တၢ်သၣ်ဝံၤလီၤဒိတဖၣ်ကအိၣ်ထီၣ်, ဒီးဟီၣ်ခိၣ်ကဟူးဝးဝဲသကုၤဆးဒးလီၤ.

လံာ်မၢ်ကူး 3:24

လၢဘီမုၢ်တဘ့ၣ်အပူၤတၢ်လီၤမုၢ်လီၤဖးမ့ၢ်အိၣ်ထီၣ်ဒီး, ဘီမုၢ်အဝဲန့ၣ်ကလီၤပှီၢ်ကွံာ်ဝဲဒၣ်လီၤ.

လံာ်ပှၤစံၣ်ညီၣ်ကွီၢ် 7:22

ဒီးဖဲစီၤကံးဒဧိၣ်အပှၤတဖၣ်အူထီၣ်ကွဲၤန့ၣ်ယွၤမၤဒ်သိးဒုၣ်ဒါအသုးမုၢ် ကဒုးလိာ်ယၤလိာ်အသး ကဒဲကဒဲလၢအနးဒၣ်ဝဲန့ၣ်လီၤ. အဝဲသ့ၣ်ဃ့ၢ်လိၤလိၤဆူစ့ၤရ့းပၢၢ်တုၤလၢဝ့ၢ်ဘ့ၤသၡံးတၤ ဒီးဝ့ၢ်အၤဘ့လးမဃိလၤ လၢအဘူးဒီးဝ့ၢ်တးဘးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:16

စီၤစီလူးအပှၤတဖၣ်အိၣ်ခိးကွၢ်တၢ်ဖဲဝ့ၢ်ကံးဘဧၤလၢအအိၣ်လၢ ပှၤဘံၣ်ယၤမံၣ်ဖိတဖၣ်အလီၢ်ကဝီၤအပူၤဒီးထံၣ်ဘၣ်ဝဲ ပှၤဖလ့ၡသးဖိတဖၣ်ဃ့ၢ်ကွံာ်လၢတၢ်သဘံၣ်ဘုၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:20

အန့ၣ်တစုစီၤစီလူးဒီးအပှၤတဖၣ်လဲၤထီၣ်ဆူတၢ်ဒုးဒီးထီဒါ ပှၤဖလ့ၡသးဖိတဖၣ်လၢအဒုးလိာ်ယၤလိာ်အသးလၢတၢ်သဘံၣ်ဘုၣ်နး နးကလဲာ်အပူၤန့ၣ်လီၤ.