လံာ်ယၡါယၤ 19:11 - Sgaw Karen Common Bible

¹¹ ဝ့ၢ်စိၤဧၣ်အခိၣ်အနၢ်တဖၣ်မ့ၢ်ပှၤအပျုၢ်တဖၣ်လီၤ. ကီၢ်အဲၤကူပတူးအပှၤကူၣ်သ့ကတၢၢ်တဖၣ်ဟ့ၣ်ကူၣ်တၢ်လၢတၢ် သးတဆးအပူၤလီၤ. အဝဲသ့ၣ်တဲစီၤပၤလၢအဝဲသ့ၣ်မ့ၢ်ပှၤ လီၤစၢၤလီၤသွဲၣ်လၢပှၤကူၣ်သ့ဒီးစီၤပၤလၢပျၢၤတဖၣ်ဘူၣ် ဝဲဒ်လဲၣ်.

လံာ်ယၡါယၤ 19:11 Iomraidhean Croise

လံာ်စီၤပၤအခီၣ်ထံးတဘ့ၣ် 4:30

စီၤၡလိၤမိၤကူၣ်သ့န့ၢ်ဒံးပှၤကူၣ်ဘၣ်ကူၣ်သ့တဖၣ်လၢကီၢ်မုၢ် ထီၣ်အပူၤမ့ၢ်ဂ့ၤ, ပှၤကူၣ်ဘၣ်ကူၣ်သ့တဖၣ်လၢကီၢ်အဲၤကူပတူးအပူၤမ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:10

လၢတၢ်န့ၣ်အဃိစီၤဃူရၣ်ဟ့ၣ်ဝဲစီၤၡလိၤမိၤလၢသ့ၣ်ဆှိအ့ ရ့းဒီးသ့ၣ်ဆှိအကျီၣ်တဖၣ်လၢအသးလီဝဲ,

လံာ်စီၤယိၤဘး 12:17

အဝဲဟံးထီၣ်ကွံာ်ပဒိၣ်ပပှၢ်တဖၣ်အတၢ်ကူၣ်ဘၣ်ကူၣ်သ့ဒီး, မၤပျူၢ်ပှၤခိၣ်ပှၤနၢ်တဖၣ်လီၤ.

စံးထီၣ်ပတြၢၤ 33:10

ယွၤမၤဟးဂီၤပှၤကလုာ်အဂၤတဖၣ် အတၢ်ကူၣ်ထီၣ်ဖးလီၤ, မၤတံာ်တာ်အတၢ်ပာ်လီၤအသးတဖၣ်န့ၣ်လီၤ.

စံးထီၣ်ပတြၢၤ 73:22

ယမ့ၢ်ပှၤလၢအသးတပှဲၤဒီး တၢ်သ့ၣ်ညါနၢ်ပၢၢ်တအိၣ်, ယလီၤဂာ်ဒီးဆၣ်ဖိကီၢ်ဖိလၢနမဲာ်ညါလီၤ.

စံးထီၣ်ပတြၢၤ 78:12

လၢအပၢ်တဖၣ်အမဲာ်ညါန့ၣ်, ကစၢ်ယွၤမၤတၢ်လီၤလးတဖၣ် လၢကီၢ်အဲၤကူပတူးအပူၤ, ဒီးစိၤဧၣ်အပျီပူၤန့ၣ်လီၤ.

စံးထီၣ်ပတြၢၤ 78:43

ဒီးအမၤတၢ်အဒိၣ်ဒီးတၢ်ပနီၣ်လီၤလးတဖၣ် လၢကီၢ်အဲၤကူပတူးအပူၤဒီး လၢစိၤဧၣ်အပျီပူၤန့ၣ်လီၤ.

စံးထီၣ်ပတြၢၤ 92:6

ပှၤလၢအတၢ်သ့ၣ်ညါတအိၣ်, သ့ၣ်ညါတၢ်အံၤတသ့ဘၣ်. ဒီးပှၤဟးဂီၤဖိ, နၢ်ပၢၢ်တၢ်အံၤတသ့ဘၣ်.

လံာ်တၢ်ဟးထီၣ်ကွံာ် 8:14

ဒီးပှၤအဲၤကူပတူးဖိတဖၣ်ပာ်ဖှိၣ်ဝဲဒၣ်တပူၣ်တပူၣ်တုၤကီၢ်ဒီဘ့ၣ်နၢအုၣ်ဝဲလၢအဃိန့ၣ်လီၤ.

လံာ်တၢ်ဟးထီၣ်ကွံာ် 8:4

အဝဲသ့ၣ်ကစံၣ်ထီၣ်လၢနလိၤ, နပှၤဂီၢ်မုၢ်ဒီးနပဒိၣ်ပပှၢ်တဖၣ်အ လိၤန့ၣ်လီၤ.”

တၢ်ကတိၤဒိ. 30:2

ယလီၤဂာ်ဒီးဆၣ်ဖိကီၢ်ဖိအါန့ၢ်ဒံးပှၤကညီတဂၤ တက့ၢ်လီၤ. ယတအိၣ်ဒီးတၢ်သးဆးလၢကြၢးအိၣ်ဒီးပှၤကညီတဂၤန့ၣ်ဘၣ်.

လံာ်ယၡါယၤ 19:13

ဝ့ၢ်စိၤဧၣ်ဒီးဝ့ၢ်မဲဖံးအခိၣ်အနၢ်တဖၣ်မ့ၢ်ပှၤဟးဂီၤဖိတဖၣ်လီၤ. အဝဲသ့ၣ်ကဘၣ်ဆှၢအပှၤကလုာ်, ဘၣ်ဆၣ်ဒီး, အဝဲသ့ၣ်ဆှၢကမၣ်အီၤလီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 29:14

အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

လံာ်ယၡါယၤ 30:4

အဝဲသ့ၣ်အထံကီၢ်ခၢၣ်စးတဖၣ်မ့ၢ်လဲၤတုၤလံဆူပှၤအဲၤကူပတူး ဖိအဝ့ၢ်တဖၣ်လၢအမ့ၢ်ဝဲစိၤဧၣ်ဒီးဃါန့ၤဒၣ်လဲာ်န့ၣ်,

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယံးရမံယၤ 10:14

တၢ်ထံၣ်ဘၣ်တၢ်အံၤဒုးကလၢၢ်ဘၣ်ပှၤကညီလၢအတၢ်ဟးဂီၤဒီး အတၢ်သူၣ်တထံသးတဆးန့ၣ်လီၤ. ပှၤလၢအမၤတၢ်ဂီၤတၢ်ဖီၣ်တဖၣ်န့ၣ်, မဲာ်ဆှးဝဲ မ့ၢ်လၢကစၢ်တဖၣ်လၢမၤအိၣ်ထီၣ်ဝဲတဖၣ်မ့ၢ်ဒၣ် တၢ်ကဘျံးကဘျၣ်ဒီးအတၢ်သါတအိၣ်ဘၣ် အဃိန့ၣ်လီၤ.

လံာ်ယံးရမံယၤ 10:21

ယစံးဆၢယဲ, “ပခိၣ်ပနၢ်တဖၣ်မ့ၢ်ပှၤဟးဂီၤဖိလီၤ. အဝဲသ့ၣ်တဃ့ယွၤလၢကပၢကဆှၢအီၤအဂီၢ်ဘၣ်. လၢတၢ်အံၤအဃိ, အဝဲသ့ၣ်ဃၣ်ကွံာ်ဝဲ ဒီးပပှၤဂီၢ်မုၢ်တဖၣ်လီၤမုၢ်ပြံပြါဝဲဒၣ်န့ၣ်လီၤ.

လံာ်ယံးရမံယၤ 46:17

ဟ့ၣ်ကီၢ်အဲၤကူပတူးအစီၤပၤအမံၤ အသီတယုၢ်လၢ အဝဲမ့ၢ်ဝဲ, ပှၤသီၣ်သဲကတီၤဒိၣ်လီၤအကိာ်လၢ အခွဲးအယာ် လီၤမၢ်ကွံာ်’ န့ၣ်တက့ၢ်.

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယံးရမံယၤ 8:9

သုပှၤကူၣ်သ့တဖၣ်ဘၣ်တၢ်မၤမဲာ်ဆှးအီၤလီၤ. အဝဲသ့ၣ်အသးကဒံကဒါဒီးလီၤကွံာ်ဆူပျံၤသ ကွီၤအပူၤန့ၣ်လီၤ. အဝဲသ့ၣ်ညိကွံာ်ယကလုၢ်ကထါတဖၣ်လီၤ. ခဲအံၤတၢ်ကူၣ်သ့မနုၤအိၣ်ဒံးဒီးအဝဲသ့ၣ်န့ၣ်လဲၣ်.

လံာ်ယဃ့းစက့လး 28:17

နပာ်ထီၣ်ထီတ့ၢ်နသးလၢနက့ၢ်ဘၣ်ဂီၤဂ့ၤအဃိဒီး နတၢ်မံၤဟူသၣ်ဖျါဒုးကဲထီၣ်နၤလီၤဂာ်ဒ်ပှၤဟးဂီၤဖိ တဂၤအသိးန့ၣ်လီၤ. မ့ၢ်လၢတၢ်အံၤအဃိယတ့ၢ်လီၤကွံာ် နၤလၢဟီၣ်ခိၣ်လိၤ, ပာ်တ့ၢ်နၤဒ်တၢ်ဟ့ၣ်ပလီၢ်တမံၤအသိးလၢ စီၤပၤအဂၤတဖၣ်အဂီၢ်လီၤ.

လံာ်ယဃ့းစက့လး 30:14

ယကဒုးအိၣ်သယုၢ် ကီၢ်အဲၤကူပတူးကလံၤထံးဒီး ဒွဲၣ်အူကွံာ်ဝ့ၢ်စိၤဧၢ်လၢကလံၤထံးတကပၤန့ၣ်လီၤ. ယကစံၣ်ညီၣ်သံဘံးအဝ့ၢ်ခိၣ်န့ၣ်လီၤ.

လံာ်ယဃ့းစက့လး 7:26

တၢ်တတၢးတနါတမံၤကပိာ်ထွဲထီၣ်အဂၤတမံၤအခံ, ဒီးတၢ်သးအုးအကစီၣ်ကတုၤအိၣ်သုတထံၣ်ဃီလီၤ. သုကဃ့ကညးဝံတဖၣ်လၢကလီၣ်ဖျါန့ၢ်သုတၢ်လၢအဝဲသ့ၣ်ထံၣ် ဆိဝဲလီၤ. ပှၤလုၢ်တၢ်အခိၣ်တဖၣ်ကသိၣ်လိပှၤဂီၢ်မုၢ်အဂီၢ် တၢ်တအိၣ်ဒီးအီၤနီတမံၤဘၣ်, ဒီးပှၤသးပှၢ်တဖၣ်တမ့ၢ်ကအိၣ်ဒီးတၢ်ဟ့ၣ်ကူၣ်လၢကဟ့ၣ်ဝဲနီတမံၤဘၣ်.

လံာ်ဧိၤဘါဒယၤ 1:7

ပှၤလၢအဒီတံၤဒီသကိးတ့ၢ်ဒီးသုခဲလၢာ်လီန့ၢ်သုလံ ဒီးနီၣ်ထီၣ်ကွံာ်လံသုလၢသုကီၢ်အပူၤ, ပှၤလၢအအိၣ်ဃူအိၣ်ဖိးဒီးသုတဖၣ်မၤနၢၤသုလံ, သုတံၤသုသကိးလၢသုနာ်န့ၢ်အီၤတဖၣ်ပာ်လီၤလံ ပျံၤသကွီၤလၢသုဂီၢ် ဒီးစံး, “အတၢ်ကူၣ်သ့ကူၣ်ဘၣ်လၢအအိၣ်ဒီးအီၤခဲလၢာ်န့ၣ်အိၣ်ဖဲလဲၣ်” န့ၣ်လီၤ.

လံာ်ဧိၤဘါဒယၤ 1:8

မုၢ်တနံၤလၢယစံၣ်ညီၣ်ကီၢ်အဒိၣ်န့ၣ်, ယကမၤဟးဂီၤကွံာ်အပှၤကူၣ်သ့ကူၣ်ဘၣ်တဖၣ် ဒီးတြူာ်ကွံာ်အတၢ်ကူၣ်သ့ခဲလၢာ်န့ၣ်လီၤ.

လံာ်တၢ်ဂံၢ် 13:22

အဆိကတၢၢ်အဝဲသ့ၣ်လဲၤဆူကီၢ်န့ၣ်အကလံၤထံးတကပၤ တုၤဆူဝ့ၢ်ဃ့ဘြိၣ်, တၢ်လီၢ်ဖဲစီၤအဃံမ့ၣ်, စီၤၡ့ၤၡဲ, ဒီးစီၤတးလမဲအဒူၣ်ထၢတဖၣ်ပှၤဟဲလီၤစၢၤလၢပှၤတကလုာ်လၢအနီၢ် ဒိၣ်နီၢ်သွါတဖၣ်လၢပှၤကိးအီၤလၢပှၤဧနးဖိအိၣ်ဝဲဆိးဝဲအလီၢ်န့ၣ်လီၤ. (ဝ့ၢ်ဃ့ဘြိၣ်န့ၣ်ဘၣ်တၢ်သူၣ်ထီၣ်အီၤဆိန့ၣ်ဝ့ၢ်စိၤဧၢ်လၢကီၢ် အဲၤကူပတူးအပူၤနွံနံၣ်န့ၣ်လီၤ.)

မၤတၢ် 7:22

အဝဲဒၣ်ဘၣ်တၢ်သိၣ်လိမၤယုၤအီၤလၢကယဲၢ်ပှၤ အဲၤကူပတူးဖိတဖၣ်အတၢ်ကူၣ်သ့ကူၣ်ဘၣ်ခဲလၢာ်, ဒီးကဲထီၣ်ဝဲပှၤဖးဒိၣ်တဂၤလၢအတၢ်စံးတၢ်ကတိၤဒီး အတၢ်ဖံးတၢ်မၤအပူၤန့ၣ်လီၤ.