လံာ်ယၡါယၤ 18:6 - Sgaw Karen Common Bible

⁶ အသုးဖိတဖၣ်အစိၣ်ကဘၣ်တၢ်ကွံာ်တ့ၢ်အီၤလၢတၢ်ပျီပူၤဒ်သိး ထိၣ်ဧိၤလံာ်ဧိၤဒီးဆၣ်ဖိကီၢ်ဖိအမံၤတဖၣ်ကထံၣ်အီၤအဂီၢ်န့ၣ်လီၤ. လၢတၢ်ကိၢ်ခါန့ၣ်, ထိၣ်ဧိၤလံာ်ဧိၤကအီၣ်အီၤ, ဒီးလၢ တၢ်ဂိၢ်ခါန့ၣ်ဆၣ်ဖိကီၢ်ဖိတဖၣ်ကအီၣ်အီၤလီၤ.”

လံာ်ယၡါယၤ 18:6 Iomraidhean Croise

လံာ်ယၡါယၤ 14:19

မ့မ့ၢ်နဲ, နတၢ်သွၣ်ခိၣ်ပူၤတအိၣ်ဘၣ်. ဒီးနစိၣ်ဘၣ်တၢ်ကွံာ်လီၤ အီၤဆူတၢ်အုၣ်တၢ်ကျၣ်အပူၤလီၤ. ဘၣ်တၢ်ကးဘၢအီၤလၢ သုးဖိတဖၣ်အနီၢ်ခိလၢအသံလၢတၢ်ဒုးတၢ်ယၤအပူၤဒီးဘၣ်တၢ် စူးကွံာ်ဃုာ်အီၤဒီးအဝဲသ့ၣ်ဆူလၢၢ်လ့အပူၤတပူၤဒီးဘၣ်တၢ်ယီၢ်တံၢ် အီၤန့ၣ်လီၤ.

လံာ်ယၡါယၤ 23:13

(ပှၤလၢအပျဲလီၤဆၣ်ဖိကီၢ်ဖိအမံၤတဖၣ်လၢကဃ့ၢ်မၤနၢၤကွံာ်ဝ့ၢ် ထါယၢၣ်န့ၣ်မ့ၢ်ဒၣ်ပှၤဘၤဘူၤလိၣ်ဖိတဖၣ်, ဒီးတမ့ၢ်ပှၤအၤၡူၢ်ဖိ တဖၣ်ဘၣ်လီၤ. ပှၤလၢအဘှီထီၣ်ပၢၤတၢ်အလီၢ်တဖၣ်လၢ ကဒုးတၢ်ဒီး, မၤလီၤပှီၢ်ကွံာ်ဝ့ၢ်ထါယၢၣ်အတိာ်ခၢၣ်သနၢၣ်တဖၣ်, ဒီးပာ်တ့ၢ်အီၤလၢတၢ်ဟးဂီၤတဖၣ်အပူၤန့ၣ်, မ့ၢ်တ့ၢ်ဝဲပှၤဘၤဘူၤလိၣ်ဖိတဖၣ်လီၤ.)

လံာ်ယၡါယၤ 46:11

ယကိးပှၤကညီတဂၤလၢကဟဲလၢမုၢ်ထီၣ်တခီလီၤ. အဝဲကယူၤသဖှိလီၤဒ်လံာ်ဖးဒိၣ်တဘ့ၣ်အသိး ဒီးအဝဲကမၤလၢပှဲၤတၢ်လၢယကူၣ်ထီၣ်ကျဲၤလီၤတ့ၢ်တဖၣ်လီၤ. ယကတိၤတ့ၢ်လံတၢ်, ဒီးတၢ်အံၤကမၤအသးန့ၣ်လီၤ.

လံာ်ယၡါယၤ 56:9

ယွၤစံးဘၣ်တခီဘီမုၢ်အပှၤကလုာ်တဖၣ်လၢ ကဟဲဒ်ဆၣ်ဖိကီၢ်ဖိအမံၤတဖၣ်အသိးဒီးအီၣ်ကွံာ် အပှၤဂီၢ်မုၢ်န့ၣ်လီၤ.

လံာ်ယံးရမံယၤ 15:3

ယၤယွၤအံၤ, စံၣ်ညီၣ်တဲာ်တ့ၢ်လံလၢတၢ်လီၤပျံၤလီၤဖုးလွံၢ်မံၤ ကမၤသးဒီးအဝဲသ့ၣ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢ တၢ်ဒုးတၢ်ယၤအပူၤ, အဝဲသ့ၣ်အစိၣ်တဖၣ်ကဘၣ်တၢ်တွံၢ်ကွံာ်အီၤ လၢထွံၣ်တဖၣ်, ထိၣ်တဖၣ်ကအီၣ်ကွံာ်အဝဲသ့ၣ်, ဒီးဆၣ်ဖိကီၢ်ဖိ အမံၤတဖၣ်ကအီၣ်ကွံာ်တၢ်လၢအအိၣ်လီၤတဲာ်န့ၣ်လီၤ.

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်ယံးရမံယၤ 7:33

တၢ်စိၣ်တဖၣ်ကကဲထီၣ်တၢ်အီၣ်လၢထိၣ်တဖၣ်ဒီးဆၣ်ဖိကီၢ်ဖိအမံၤ တဖၣ်အဂီၢ်, ဒီးပှၤလၢကဃါပျံၤဃါဖုးကွံာ်အီၤတအိၣ်နီတဂၤဘၣ်.

လံာ်ယဃ့းစက့လး 31:13

ထိၣ်တဖၣ်ကဟဲစီၢ်လီၤလၢသ့ၣ်လၢအကၢ်လီၤကွံာ်အလိၤဒီး ဆၣ်ဖိကီၢ်ဖိအမံၤတဖၣ်ကယီၢ်ခီကွံာ်တၢ်လၢအဒ့တဖၣ်အလိၤန့ၣ်လီၤ.