လံာ်ယၡါယၤ 17:8 - Sgaw Karen Common Bible

⁸ အဝဲသ့ၣ်တသန့ၤလၢၤအသးလၢတၢ်လုၢ်လီၢ်တဖၣ်လၢ အဘှီထီၣ်ဝဲလၢအစုဒၣ်ဝဲမ့ၢ်ဂ့ၤ, တနာ်လၢၤအစုအတၢ်ဖံးတၢ် မၤဒၣ်ဝဲလၢအမ့ၢ်တၢ်ပနီၣ်တဖၣ်ဘၣ်ဃးကစၢ်မုၣ် အၡ့ရၤဒီးတၢ်လုၢ်လီၢ်တဖၣ်လၢတၢ်လုၢ်ထီၣ်တၢ်နၢ မူလၢမ့ၣ်အူမ့ၢ်ဂ့ၤဘၣ်န့ၣ်လီၤ.

လံာ်ယၡါယၤ 17:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:42

အဝဲသ့ၣ်ဃုတၢ်မၤစၢၤဘၣ်ဆၣ်ဒီးပှၤလၢကမၤပူၤဖျဲး အဝဲသ့ၣ်တအိၣ်နီတဂၤဘၣ်. အဝဲသ့ၣ်ကိးထီၣ်ဆူယွၤအအိၣ်, ဘၣ်ဆၣ်ဒီးအဝဲတစံးဆၢဝဲဒၣ် ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 14:5

မ့ၢ်လၢအဝဲမၤဟးဂီၤလၢာ်ကွံာ်ပှၤဘါတၢ်ဂီၤတၢ်ဖီၣ်အတၢ်ဘူၣ်တၢ် ဘါထီၣ်ယွၤအလီၢ်တဖၣ်ဒီးတၢ်ဆူးကဲၤတၢ်နၢမူအတၢ်လုၢ်လီၢ်တ ဖၣ်, လၢကယဲၢ်ကီၢ်ယူဒၤအဝ့ၢ်ခဲလၢာ်အပူၤအဃိအဘီမုၢ်အိၣ်မုာ်အိၣ် ခုၣ်ဝဲလၢအဝဲအတၢ်ပၢအဖီလာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:1

တုၤဘူၣ်လဲၤကပာ်ဝံၤဝဲန့ၣ်ကယဲၢ်ကီၢ်အံၣ်စရ့လးအပှၤဂီၢ်မုၢ် လဲၤဆူကယဲၢ်ဝ့ၢ်အိၣ်လၢကီၢ်ယူဒၤအပူၤခဲလၢာ်ဒီးမၤကၢ်လီၤက လဲကွံာ်လၢၢ်ထူၣ်တဖၣ်, ကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တ ဖၣ်, ဒီးမၤဟးဂီၤကွံာ်တၢ်လုၢ်လီၢ်တဖၣ်ဒီးပှၤဘါတၢ်ဂီၤတၢ်ဖီၣ် အတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်လီၤ. အဝဲသ့ၣ်မၤတၢ်တမံၤဃီအံၤလၢတၢ်လီၢ်အိၣ်လီၤတဲာ်လၢကီၢ်ယူဒၤ ဒီကီၢ်ညါအပူၤဒီးလီၢ်ကဝီၤတဖၣ်လၢဘံၣ်ယၤမံၣ်, အ့ဖရဲၣ်ဒီးမနၤၡ့ၤအဒူၣ်တဖၣ်အိၣ်ဝဲဆိးဝဲန့ၣ်လီၤ. ဝံၤဒီးအဝဲသ့ၣ်ခဲလၢာ်က့ၤကဒါက့ၤဆူအဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:4

လၢအဝဲအတၢ်ကျဲၤအပူၤန့ၣ်, အဝဲအပှၤတဖၣ်တီၢ်လီၤကလဲ ကွံာ်တၢ်လုၢ်လီၢ်တဖၣ်ဖဲဘဧၤလးဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဒီးမၤလီၤပှီၢ်ကွံာ်တၢ်လုၢ်နၢမူအတၢ်လုၢ်လီၢ်တဖၣ်လၢအအိၣ်ဘူးဖဲန့ၣ်, န့ၣ်လီၤ. အဝဲသ့ၣ်မၤလီၤကမူၣ်ကွံာ်ကစၢ်မုၣ်အၡ့ရၤအဂီၤတဖၣ် ဒီးကယဲၢ်တၢ်ဂီၤတၢ်ဖီၣ်အဂၤတဖၣ်, ဝံၤဒီးဖှံလီၤကွံာ်တၢ်ကမူၣ်တဖၣ်လၢပှၤဂီၢ်မုၢ်လၢအလုၢ်ထီၣ် တၢ်ဆူအဝဲသ့ၣ်တဖၣ်အတၢ်သွၣ်ခိၣ်အလိၤန့ၣ်လီၤ.

လံာ်တၢ်ဟးထီၣ်ကွံာ် 34:13

အခိၣ်တလိာ်, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤဟးဂီၤကွံာ်အလၢၢ်ထူၣ်စီဆှံတဖၣ်, ဒီးဒီၣ်တဲာ်ကွံာ်အဝဲသ့ၣ်အကစၢ်မုၣ်အၡ့ရၤအတၢ်ပနီၣ်တဖၣ်တက့ၢ်.

လံာ်ယၡါယၤ 1:29

မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.

လံာ်ယၡါယၤ 10:20

တၢ်ဆၢကတီၢ်လၢပှၤအံၣ်စရ့လးဖိလၢအအိၣ်မူတ့ၢ်တဖၣ် တသန့ၤလၢၤဘၣ်အသးလၢပှၤကလုာ်လၢဘူးတ့ၢ်မးအကမၤ ဟးဂီၤကွံာ်အဝဲသ့ၣ်န့ၣ်, ဟဲလံဝဲလံ. အဝဲသ့ၣ်ကနာ်ယွၤလၢာ်လၢာ်ဆ့ဆ့, အံၣ်စရ့လးအကစၢ်ယွၤစီဆှံန့ၣ်လီၤ.

လံာ်ယၡါယၤ 17:9

ဖဲမုၢ်နံၤန့ၣ်ဟဲဝဲဒီး, ဝ့ၢ်လၢအအိၣ်ဒီးတိာ်ဧိၤတာ်ဧိၤဂ့ၤ ဂ့ၤကလဲာ်တဖၣ်ဒၣ်လဲာ်ကဘၣ်တၢ်ဟးသဒၣ်ကွံာ်အီၤ ဒီးပာ်တီၢ်အီၤလၢတၢ်ဟးဂီၤအပူၤဒ်ဝ့ၢ်တဖၣ်လၢ ပှၤဃံၤဝံဖိတဖၣ်ဒီးပှၤအမိၢ်ဖိတဖၣ်ပာ်လီၤတဲာ်ကွံာ်အသိး, ဖဲအဝဲသ့ၣ်ဃ့ၢ်ကွံာ်ဝဲလၢပှၤအံၣ်စရ့လးဖိတဖၣ်အမဲာ်ညါ အခါန့ၣ်လီၤ.

လံာ်ယၡါယၤ 2:8

အထံအကီၢ်ပှဲၤဝဲဒီးတၢ်ဂီၤတၢ်ဖီၣ်တဖၣ်ဒီးအဝဲသ့ၣ်ဘူၣ် ထီၣ်ဘါထီၣ်တၢ်တဖၣ်လၢမၤတ့ၢ်ဝဲလၢအစုဒၣ်ဝဲန့ၣ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 37:19

ဒီးဒွဲၣ်အူထီၣ်ကွံာ်အကစၢ်တဖၣ်, လၢတမ့ၢ်ကစၢ်တဖၣ်လ့ၤတက့ၤဘၣ်. မ့ၢ်ဒၣ်တၢ်အက့ၢ်အဂီၤတဖၣ်လၢသ့ၣ်ဒီးလၢၢ်ဧိၤလ့ဧိၤလၢပှၤကညီ မၤအီၤလၢအစုဒၣ်ဝဲန့ၣ်လီၤ.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယၡါယၤ 44:15

ပှၤကညီတဂၤသူသ့ၣ်အံၤတကူာ်လၢမ့ၣ်အူအဂီၢ်, ဒီးအဂၤ တကူာ်လၢကတ့တၢ်ဂီၤတၢ်ဖီၣ်အဂီၢ်လီၤ. တကူာ်န့ၣ်အဝဲမၤကဲၤထီၣ်မ့ၣ်အူဒီးမၤလၢၤအသးဒီးကုၢ်ကိၣ်, ဒီးအဂၤတကူာ်န့ၣ်တ့ထီၣ်ကစၢ်တဂၤဒီးဘူၣ်ထီၣ်ဘါထီၣ်အီၤန့ၣ် လီၤ.

လံာ်ယံးရမံယၤ 17:2

သုပှၤဂီၢ်မုၢ်ဘူၣ်ထီၣ်ဘါထီၣ်တၢ်ဖဲတၢ်လုၢ်လီၢ်တဖၣ်ဒီးတၢ်ပနီၣ်တဖၣ် လၢအဘၣ်တၢ်ပာ်လီၤအီၤလၢကစၢ်မုၣ်အၡ့ရၤအဂီၢ်, လၢသ့ၣ်ထူၣ် သံကစဲာ်ကိးထူၣ်ဒဲးအကပၤ, လၢတၢ်လူၢ်တဖၣ်အဒီခိၣ်,

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်စဖါနယၤ 1:3

ကယဲၢ်ပှၤကညီဒီးဆၣ်ဖိကီၢ်ဖိ, ထိၣ်ဧိၤလံာ်ဧိၤဒီးဒ့ၣ်ဧိၤညၣ်ဧိၤ ခဲလၢာ်န့ၣ်လီၤ. ယကမၤတၢ်လၢပှၤအၢပှၤသီအခီၣ်ကဘၣ်တိၢ်ဒီးလီၤဃံၤအဂီၢ်လီၤ. ယကမၤဟးဂီၤကွံာ်ပှၤဟီၣ်ခိၣ်ဖိခဲလၢာ်ဒီးပှၤအမူတအိၣ်တ့ၢ်ဘၣ် နီတဂၤဘၣ်. ယၤ, ယွၤကတိၤလံတၢ်လံ.”

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 7:5

လၢတၢ်န့ၣ်အဃိ, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤကၢ်ကွံာ်အဝဲသ့ၣ်အလၢၢ်ထူၣ်စီဆှံတဖၣ်ဆူအက့အခီတဖၣ်ကျီ ကွံာ်အဝဲသ့ၣ်အကစၢ်မုၢ်အၡ့ရၤအပနီၣ်တဖၣ်ဒီးဒွဲၣ်အူထီၣ်ကွံာ် အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ်တက့ၢ်.